O MetLife Stadium é un recinto deportivo estadounidense situado en East Rutherford, Nova Jersey (Estados Unidos), moi preto da cidade de Nova York. É parte do Complexo Deportivo de Meadowlands e serve como estadio local para dúas franquías da National Football League (NFL): os New York Giants e os New York Jets. O estadio é propiedade da MetLife Stadium Company, unha empresa conxunta entre os Giants e os Jets, os cales construíron en conxunto o recinto utilizando fondos privados nun terreo propiedade da New Jersey Sports and Exposition Authority. O estadio foi inaugurado en 2010 co nome de New Meadowlands Stadium, mudando o seu nome ao ano seguinte por mor do patrocinio da aseguradora MetLife. Cun custo de construción de 1.600 millóns de dólares, no seu momento de construción foi o estadio máis caro do mundo.[1] A súa capacidade é de 82.500 espectadores, a segunda máis grande da NFL.
