Harwich

Harwich
by
Land	England
Region	Essex
Distrikt	Tendring
Folketal	17 684 (2011)
Grunnlagd	1100-talet
Postnummer	CO12
Retningsnummer	0 1255
Harwich 51.944444444444°N 1.2883333333333°E / 51.944444444444; 1.2883333333333
Wikimedia Commons: Harwich

Harwich er ein hamneby i Essex i England. Han ligg på Nordsjøkysten, med havet mot aust, i distriktet Tendring. Dei næraste byane er Felixstowe i nordaust, Ipswich i nordvest og Colchester i sørvest. Ein meiner at byen vart grunnlagt på midten av 1100-talet.

Posisjonen ved utløpa av elvane Stour og Orwell og det at Harwich er den einaste sikre hamna mellom Themsen og Humber tyder at han lenge har vore ein viktig stad for sjøfarande, både sivile og militære. Byen vart sterkt befesta, med fort og batteri. Royal Navy har ikkje lenger nokon base i Harwich.

Blant kjende personar med tilknyting til Harwich finn ein Samuel Pepys som var parlamentsmedlem for byen, og Christopher Jones som åtte ein fjerdedel av skipet «Mayflower»; Harwich var heimehamna til det kjende skipet.

Det er regelmessige ferjer frå Parkeston, som eigenleg er ein landsby rett utanfor Harwich, til Hoek van Holland i Nederland og til Esbjerg i Danmark.

I tillegg til at Parkeston hengjer saman med Harwich har byen òg vakse saman med Dovercourt, og ein refererer ofte kollektivt til dei som Harwich.

Electric Palace Cinema er ein av dei eldste kinoane som er bygd spesielt for formålet. Det originale prosjektorrommet og den ornamentale fasaden er verna.

Kjelder

• Denne artikkelen bygger på «Harwich» frå Wikipedia på bokmål, den 16. juli 2011.

Bakgrunnsstoff

Commons har multimedium som gjeld: Harwich

• Offisiell nettstad