Fakerten er eit dialektalt banneord. Det er i bruk på Vestlandet, hovudsakleg i Hordaland, men også dokumentert i Rogaland, Sogn og Fjordane og Møre og Romsdal. Ordet er ein variant av fanden, og brukast for å uttrykke harme, for å forsterke eller for å vise sjokk. Det er vanleg å setje fy framfor ordet: fy fakerten. Fakerten blir som regel oppfatta som svak banning.
Variantar av fakerten er fakeren, fakelen og faken.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må vere logga inn for å kommentere.