Michael Phelps
 |
Un u más biquipedistas son treballando actualment enamplando iste articlo. Puede estar que, por ixo, bi haiga lagunas de conteniu u deficiencias de formato. Por favor, antis de realizar correccions mayors u reescrituras, contacte con éls en a suya pachina d'usuario u a pachina de discusión de l'articlo ta poder coordinar-ne la redacción. |
Michael Phelps  | ||
|---|---|---|
 Phelps en os Chuegos Olimpicos de Pekín. | ||
| Información personal | ||
| Naixencia | 30 de chunio de 1985 Baltimore, Maryland | |
| Altaria | 1.93 m | |
| Esporte | natación | |
| Chuegos olimpicos | ||
| Oro | Atenas de 2004 | 100 m estilos |
| Oro | Atenas 2004 | 200 m estilos |
| Oro | Atenas 2004 | 100 m paixarela |
| Oro | Atenas 2004 | 200 m paixarela |
| Oro | Atenas 2004 | 4x100 estilos |
| Oro | Atenas 2004 | 4x200 libres |
| Oro | Pequín 2008 | 200 m libres |
| Oro | Pequín 2008 | 100 m paixarela |
| Oro | Pequín 2008 | 200 m paixarela |
| Oro | Pequín 2008 | 200 m estilos |
| Oro | Pequín 2008 | 400 estilos |
| Oro | Pequín 2008 | 4x100 libres |
| Oro | Pequín 2008 | 4x200 libres |
| Oro | Pequín 2008 | 4x100 estilos |
| Oro | Londres 2012 | 100 m paixarela |
| Oro | Londres 2012 | 200 m estilos |
| Oro | Londres 2012 | 4x100 estilos |
| Oro | Londres 2012 | 4x200 libres |
| Archent | Londres 2012 | 200 m paixarela |
| Archent | Londres 2012 | 4x100 libres |
| Bronce | Atenas 2004 | 100 m libres |
| Bronce | Atenas 2004 | 4x200 libres |
| Títols | ||
| 28 vegadas campión olimpico y 33 vegadas campión d'o mundo en en diferents distancias y estilos. | ||
Michael Fred Phelps naixiu de Baltimore, Maryland, Estaus Unius o 30 de chunio de 1985), ye un nadador estausunidense ya retirau d'o esporte d'alto livel y considerau con un d'os millors nadadors d'a historia. Ha ganau 33 medallas (26 d'oro, 6 d'archent y 1 de bronce) en os Campionatos d'o Mundo de natación y 28 medallas (23 d'oro, 3 d'archent y 2 de bronce) en os Chuegos Olimpicos mientres a suya vida esportiva como nadador, estando lo esportista que más medallas ha ganau en total os os Chuegos y tamién si nomás tenemos en cuenta las d'oro.
Tamién ha aconseguiu multitut de récors mundials y Olimpicos que chunto a las multiples medallas aconseguidas en grans competicions internacionals le han permitiu estar reconoixiu como Nadador de l'anyo en seis ocasions y Nadador Americán de l'anyo en ueito ocasions y ye considerau como lo millor nadador de toz los tiempos.
Chuegos Olimpicos
[editar | modificar o codigo]Phelps participó per primera vegada en uns Chuegos en os Chuegos Olimpicos de Sydney 2000, estando lo nadador mas choven de toz los participants con 15 anyos d'edat. En esta edición d'os chuegos no obtenió medallas pero ya deixó una buena imachen que presachiaba exitos futuros.
En os siguients Chuegos, Atenas 2004, estioron la confirmación d'as buenas sensacions que heba deixau cuatro anyos dinantes y la suya explosión de dominador de muitas prebas en o Mundials de 2003 celebraus en Barcelona. En Atenas, Phelps ganó seis medallas d'oro y dos de bronce, aconseguindo medalla en as ueito prebas en as cualas participaba: 200 metros libres, 100 y 200 metros paixarela, 200 y 400 metros estilos, 4 x 100 metros libres, 4 x 100 metros estilos y 4 × 200 metros estilos.
Phelps encaró los Chuegos de 2008, celebraus en Pequín, con l'obchectivo d'aconseguir medalla d'oro en totas las prebas de natación en as cualas participaba. Reto que aconsiguió superando a Mark Spitz en ganar ueito medallas d'oro contra las siet que heba ganau Spitz. Esto, chunto a los exitos aconseguius en Campionatos d'o Mundo, le suposó la reconoixencia definitiva como millor nadador de toz los tiempos.
En os Chuegos Olimpicos de 2012, celebraus en Londres, partecipó en siet prebas de natación ganando seis medallas, 4 d'oro en 100 m paixarela, 200 m estilos, 4 × 200 m libre y 4 x 100 m estilos y dos d'archent en 200 m paixarela y 4 x 100 m libres.
Dimpués de Londres 2012 anunció la suya retirada d'a competición esportiva d'alto libel pero tornó a competir en os Chuegos de 2016, celebraus en Rio de Janeiro, estando l'abanderau d'o suyo país y an aconsiguió seis medallas, cinco d'oro en 200 metros, 200 m estilos, 4 × 200 metros libres y 4x 100 metros libres y una d'archent en 100 paixarela.
La zaguera medalla d'a suya vida esportiva la aconsiguió en a suya zaguera cursa como profesional, en o relevo combinau 4 × 100 metros, Phelps remató la suya vida esportiva con unatra medalla d'oro, la suya 23ª en os Chuegos Olimpicos y la suya 28ª medalla olimpica en total, de conchunta con Ryan Murphy, Cody Miller y Nathan Adrian, nadando como la posta de paixarela d'o combinau, superoron lo récord olimpico y ganoron la medalla d'oro numero 1001 d'Estaus Unius en a historia d'os Chuegos Olimpicos de Verano, seguntes lo COI y lo USOC. Phelps se retiró d'a natación competitiva definitivament dimpués d'os Chuegos Olimpicos de Río.
Bibliografía
[editar | modificar o codigo]- Phelps, Michael. Beneath the Surface. Estaus Unius: Sports Publishing LLC, 2004. ISBN 978-1-59670-352-0.
- Phelps, Michael. No Limits: The Will to Succeed. Estaus Unius: Free Press, 2008. ISBN 1-4391-3072-8.
- Schaller, Bob. Michael Phelps: The Untold Story of a Champion. Estaus Unius: St. Martin's Griffin, 2008. ISBN 0-312-35737-0.
Vinclos externos
[editar | modificar o codigo]
Se veigan as imáchens de Commons sobre Michael Phelps.- (en) Biografía de Michael Phelps.
- (en) Pachina web d'a fundación Michael Phelps.
- Facebook oficial de Michael Phelps.
| Control d'autoridaz |
|
|---|
Datos: Q39562- Multimedia: Michael Phelps / Q39562
- Articlos en desarrollo
- Medallistas olimpicos d'Estaus Unius
- Medalla d'oro en os Chuegos Olimpicos
- Medalla d'archent en os Chuegos Olimpicos
- Medalla de bronce en os Chuegos Olimpicos
- Nadadors d'Estaus Unius en os Chuegos Olimpicos de 2000
- Nadadors d'Estaus Unius en os Chuegos Olimpicos de 2004
- Nadadors d'Estaus Unius en os Chuegos Olimpicos de 2008
- Nadadors d'Estaus Unius en os Chuegos Olimpicos de 2012
- Nadadors d'Estaus Unius en os Chuegos Olimpicos de 2016
- Naixius de Baltimore
- 1985 (naixencias)
