No Reply
| No Reply | ||||
|---|---|---|---|---|
| Выканаўца | The Beatles | |||
| Альбом | Beatles For Sale | |||
| Дата выпуску |
4 снежня 1964 (Вялікабрытанія) 15 снежня (ЗША) |
|||
| Дата запісу | 30 верасня 1964 | |||
| Жанр | рок | |||
| Мова песні | англійская | |||
| Працягласць | 2:15 | |||
| Лэйбл | Parlophone, Capitol | |||
| Аўтар | Ленан — Мак-Картні | |||
| Кампазітар | ||||
| Прадзюсар | Джордж Марцін | |||
| Трэк-ліст альбома «Beatles For Sale» | ||||
|
||||
«No Reply» (з англ. — «Няма адказу») — песня гурта «The Beatles», якая ўвайшла ў чацвёрты брытанскі альбом гурта Beatles For Sale і ў амерыканскі альбом Beatles ’65. Песня была напісана збольшага Джонам Ленанам, аўтарства прыпісана Ленану і Мак-Картні.
Песня
[правіць | правіць зыходнік]Песня апавядае пра маладога чалавека, які не можа дазваніцца сваёй дзяўчыне (якая, верагодна, здрадзіла яму), нягледзячы на тое, што яна, як упэўнены герой, знаходзіцца дома.
У сваім апошнім вялікім інтэрв'ю Ленан сказаў, што тэкст песні быў навеяны яму песняй «Silhouettes», запісанай у 1957 годзе гуртом The Rays[2].
У сваёй кнізе «Revolution in the Head» вядомы даследчык творчасці «The Beatles» Іэн Макдональд адзначыў, што тэкст сярэдняй секцыі («If I were you, I’d realize that I love you more than any other guy; and I’d forgive the lies that I heard before, when you gave me no reply»[3]) быў найбольш «моцным» фрагментам з усіх песень «The Beatles» на той час[4].
Песня напісана ў танальнасці до мажор і мае звычайную для мноства папулярных песень структуру AABA (куплет — куплет — сярэдняя секцыя — куплет) без прыпеваў.
Запіс песні
[правіць | правіць зыходнік]Першапачаткова Ленан планаваў аддаць гэтую песню Томі Куіклі[5] (падапечнаму Браяна Эпстайна), таму спачатку гурт запісаў толькі дэмаверсію песні. Гэты запіс адбыўся 3 чэрвеня 1964 года, прычым за ўдарнай устаноўкай замест Рынга Стара (у якога была ангіна) сядзеў Джымі Нікал. Томі Куіклі, аднак, не стаў запісваць гэтую песню; у далейшым згаданы дэмазапіс увайшоў у падборку Anthology 1[6].
Уласна песня (ужо з удзелам Стара) была запісана 30 верасня на студыі «Эбі-Роўд»; усяго было запісана восем дубляў. Запісваючы пяты дубль, гурт паспрабаваў выканаць сярэднюю секцыю двойчы (што падоўжыла б песню на хвіліну), аднак потым ад гэтай ідэі адмовіліся[6].
Першапачаткова Ленан намерваўся выканаць вышэйшую партыю ў гарманічна багатых фрагментах песні, аднак пры запісе аказалася, што яго голас не ў парадку, таму верхнія ноты выконваў Мак-Картні[7].
- У запісе ўдзельнічалі[8]:
- Джон Ленан — двойчы запісаны і зведзены вакал, рытм-гітара, воплескі
- Пол Мак-Картні — падгалоскі, бас-гітара, воплескі
- Джордж Харысан — рытм-гітара, воплескі
- Рынга Стар — ударныя, воплескі
- Джордж Марцін — фартэпіяна
Цікавы факт
[правіць | правіць зыходнік]Крыніцы
[правіць | правіць зыходнік]- 1 2 ISWC Network Праверана 13 жніўня 2024.
- ↑ Sheff, David. Усё, што мы кажам: Апошняе вялікае інтэрв'ю з Джонам Ленанам і Ёка Она = All We Are Saying: The Last Major Interview with John Lennon and Yoko Ono. — New York: St. Martin’s Press, 2000. — P. 174. — ISBN 0-312-25464-4.
- ↑ Пераклад: «Калі б я быў табой, я б усвядоміў, што я кахаю цябе больш, чым любы іншы хлопец; і я б забыў тую хлусню, што я чуў раней, калі ты не адказала мне».
- ↑ The Beatles —- No Reply (англ.)(недаступная спасылка). Nme.Com (16 кастрычніка 2008). Архівавана з першакрыніцы 6 верасня 2012. Праверана 20 снежня 2011.
- ↑ 100 Greatest Beatles Songs (англ.)(недаступная спасылка). Rollingstone.com. Архівавана з першакрыніцы 6 верасня 2012. Праверана 20 снежня 2011.
- 1 2 3 Біблія The Beatles: «No Reply» (англ.)(недаступная спасылка). The Beatles Bible. Архівавана з першакрыніцы 17 мая 2012. Праверана 20 снежня 2011.
- ↑ Lewisohn, Mark. The Beatles Recording Sessions. — 2nd ed. — New York: Harmony Books, 1988. — ISBN 0-517-57066-1.
- ↑ MacDonald, Ian. Пераварот у мазгах: запісы The Beatles і шасцідзясятыя = Revolution in the Head: The Beatles’ Records and the Sixties. — 2nd ed. — London: Pimlico, 2005. — ISBN 1-844-13828-3.
- ↑ Robert Fontenot.. [oldies.about.com/od/thebeatlessongs/a/noreply.htm No Reply — The history of this classic Beatles song] (англ.)(недаступная спасылка). About.com. Архівавана з першакрыніцы 17 мая 2012. Праверана 20 снежня 2011.
Спасылкі
[правіць | правіць зыходнік]- Біблія The Beatles: «No Reply» (англ.)(недаступная спасылка). The Beatles Bible. Архівавана з першакрыніцы 17 мая 2012. Праверана 20 снежня 2011.
- Тэкст песні «No Reply» (англ.)(недаступная спасылка). Архівавана з першакрыніцы 17 мая 2012. Праверана 16 кастрычніка 2014.
- Alan W. Pollack. Нататкі пра песню «No Reply» (англ.)(недаступная спасылка). Архівавана з першакрыніцы 17 мая 2012. Праверана 20 лютага 2011.
- Dave Rybaczewski. «No Reply» History (англ.)(недаступная спасылка). beatlesebooks.com. Архівавана з першакрыніцы 17 мая 2012. Праверана 20 снежня 2011.
- Відэа са студыйным запісам песні на YouTube
