Bakso

Bakso^[1] ialah hidangan atawa masakan nang babantuk bal daging nang rancak ditamui di Indunisia.^[2] Bakso umumnya diulah matan campuran daging sapi giling wan galapung tapiuka, tagal ada jua bakso nang taulah matan daging hayam, babi, iwak, udang, kambing, daging karbau atawa hadangan jua. Dalam panyurungannya, bakso umumnya disurungi panas lawan bakuah kaldu sapi baning, dicampur lawan mi, bihun, tuge, tahu, takadang hintalu lalu ditabur lawan bawang basanga wan saladri.^[3]^[4]

Bakso ialah makanan nang papulir wan kawa ditamui di sabarataan Indunisia, matan garubak padagang batis lima sampai risturan ganal. Barbagai macam bakso wayahini banyak ditawarakan dalam bantuk makanan baku nang dijual di pasar sawalayan atawa jua mal-mal. Irisan bakso kawa jua dijadii palangkap macam makanan lain, kaya mi basanga, nasi basanga, sop, atawa capcai.

Jujuhutan

↑ "Bakso Daging Sapi (Meatball) Calories, Carbs & Nutrition Facts | MyFitnessPal". www.myfitnesspal.com (dalam bahasa Inggris). Diakses tanggal 2026-03-17. ^{[permanent dead link]}
↑ "Tasty Indonesian Food - Bakso Daging Sapi". Tasty Indonesian Food (dalam bahasa Inggris). Diakses tanggal 2026-03-17.
↑ "Mengenal Sekilas Sejarah tentang Bakso". kimbo.id (dalam bahasa Inggris). Diakses tanggal 2026-03-17.
↑ Dania, Rachma. "Sejarah Bakso Berawal dari Kasih Anak kepada Ibu". tirto.id (dalam bahasa Indonesia). Diakses tanggal 2026-03-17.