Relapse é o sexto álbum de estudio do rapeiroestadounidenseEminem. Gravado por Interscope Records, xunto coas subsidiarias Aftermath Entertainment e Shady Records saíu á venda 15 de maio de 2009. É o primeiro álbum de estudio de Eminen desde Encore que data de 2004, finalizando así o hiato musical do artista que duraba cinco anos. Dr. Dre, produciu a maioría dos tracks do álbum e participou tamén no primeiro sinxelo "Crack a Bottle", con 50 Cent. "We Made You" foi o segundo sinxelo e tamén chegou ós primeiros postos das listas de vendas. Outros sinxelos foron "3 a.m.", "Old Time's Sake" e "Beautiful".
Relapse debutou número un nas listas de álbums nos Estados Unidos, vendendo 608.000 discos na primeira semana no país e máis dun millón en todo o mundo, chegando a primeiro das listas en países como Francia, Alemaña, Reino Unido ou Australia.
