Unha stupa (en sánscrito: m. स्तूप, stūpa, tibetano:མཆོད་རྟེན་, chörten, pali: थुप, thupa), tamén escrito estupa;[1][2][3] é unha construción monumental budista ou típica do xainismo, que se pode atopar no subcontinente indio, onde é orixinaria, pero tamén noutros lugares da Asia onde o budismo se expandiu, como o Nepal, o Tíbet e Indochina. Destinado a gardar as reliquias de Buda (Śarīra), é un lugar de meditación para lembrar os seus feitos memorables, e pode ser unha representación do Buda e un monumento en conmemoración da súa morte ou parinirvana.[4][5]
Cada unha das partes da stupa representa un elemento cósmico do budismo. A base cadrada representa a terra. A bóveda semiesférica describe a parte celeste. A terraza simboliza a residencia dos deuses. A lúa crecente é a unión do ceo e da terra. E por último, os chakras ou discos que coroan o mastro, representan os sucesivos ceos, e a medida que van gañando altura perden superficie.
↑Encyclopedia.com. Credited to James Stevens Curl, A Dictionary of Architecture and Landscape Architecture, 2000, orixinalmente publicado en Oxford University Press 2000.
↑Digalego (ed.). "stupa". Arquivado dende o orixinal o 12 de maio de 2017. Consultado o 10 de maio de 2017.
