Terry Winograd

Terry Winograd
	;
Biografía
Nacemento	24 de febreiro de 1946 (80 anos); Takoma Park
Educación	Instituto de Tecnoloxía de Massachusetts ; Colorado College
Director de tese	Seymour Papert
Actividade
Campo de traballo	Ciencias da computación, ciencias da información, intelixencia artificial, filosofía da mente e interacción persoa-computador
Lugar de traballo	Stanford
Ocupación	informático, profesor universitario, académico, investigador da intelixencia artificial, científico
Empregador	Universidade Stanford
Membro de	ACM (membro da ACM) (2009–)
Profesores	Seymour Papert
Obra
Doutorando	Alan H. Borning, Stuart M. Shieber, Larry Masinter, François Victor Guimbretiere, Frances H. James, Roland Martin Röscheisen, Michelle Q. Wang Baldonado, Steve B. Cousins, David Elliot Shaw, Meredith Ringel Morris e Bill Paxton
Premios
	(2009) membro da ACM; (1971) IJCAI Computers and Thought Award (en) ;
Sitio web	profiles.stanford.edu…

Terry Allen Winograd, nado en Takoma Park (Maryland) o 24 de febreiro de 1946, é un informático estadounidense, coñecido polas súas investigacións en intelixencia artificial. Foi profesor de Ciencias da Computación na Universidade Stanford.

Fixo importantes contribucións á filosofía da mente e da intelixencia artificial polo seu traballo pioneiro en linguaxe natural, coa creación en 1972 do programa SHRDLU; cunha contorna de software moi simplificada (o que dende entón se chamou o mundo dos bloques), podía realizar múltiples interaccións (coller un cono e poñelo entre o cubo e a pirámide) obedecendo mandatos lingüísticos ("SHRDLU, colle o cono e pono entre o cubo e a pirámide"). Podíaselle preguntar sobre o historial de accións e a xustificación da súa conduta.^[1]

Traxectoria

Terry Winograd está especializado no deseño da Interacción Home-Máquina (IHM) e no deseño de tecnoloxías para o desenvolvemento. Foi o fundador e director dos programas de ensino e da investigación en IHM do Grupo de Interacción Home-Máquina de Stanford. Foi un dos membros fundadores do corpo docente do Hasso Plattner Institute of Design de Stanford (a "d.school") e formou parte do corpo docente do Centro para a Democracia, o Desenvolvemento e o Estado de Dereito (CDDRL).

Winograd foi membro fundador e expresidente de Computer Professionals for Social Responsibility (Profesionais Informáticos pola Responsabilidade Social). Pertence a varios consellos editoriais de revistas, como Human Computer Interaction, ACM Transactions on Computer Human Interaction e Informatics. Escribiu ou colaborou en cinco libros dende 1972, sendo o máis recente Bringing Design to Software. Asesorou varias empresas creadas polos seus estudantes, incluíndo Google.

Winograd é un pensador citado en estudos modernos sobre lóxica e filosofía da información:

Para poder comprender o fenómeno que envolve a unha nova tecnoloxía, debemos abrir a pregunta do deseño- a interacción entre a comprensión e a creación. E falando de deseño, non estamos restrinxíndonos á metodoloxía do deseño consciente.^[2]

Recoñecementos

En 2011 recibiu o Premio á Trayectoria Investigadora de ACM SIGCHI.^[3]

Notas

↑ https://vonneumannmachine.wordpress.com/2011/02/21/el-limite-winograd/ El límite Winograd
↑ Floridi, Luciano (2019). Oxford, ed. The Logic of Information. p. 70. ISBN 978-0-19-883363-5.
↑ "Plenary: Marissa Mayer & Terry Winograd in Conversation" (en inglés). Consultado o 2025-10-30.

[1] ttps://vonneumannmachine.wordpress.com/2011/02/21/el-limite-winograd/ El límite Winograd

[2] Floridi, Luciano (2019). Oxford, ed. The Logic of Information. p. 70. ISBN 978-0-19-883363-5.

[3] "Plenary: Marissa Mayer & Terry Winograd in Conversation" (en inglés). Consultado o 2025-10-30.

[1]

[2]

[3]