Werreldgezóndjheidsorganisaasje

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

De Werreldgezóndjheidsorganisaasje (Ingels: World Health Organization) of WHO is 'n gespecialiseerdje organisaasje vanne Vereinigdje Naasjes die is gevestig in Genf mit es dool weltwiej aspèkte vanne gezóndjheidszörg in kaart te bringe, aktiviteite op 't gebied vanne gezóndjheidszörg te coördineren enne gezóndjheid vanne werreldbevölking te bevördere. De Werreldgezóndjheidsprganisaasje is op 7 april 1948 opgerich gewaore dore Vereinigdje Naasjes. Jäörliks wuuertj dezen daag es Werreldgezóndjheidsdaag mit e thema in 't nuuds gebrach.

In 't logo vanne organisaasje is de esculaap verwirk gewaore.

De Werreldgezóndjheidsorganisaasje besjeftig zich ouch mitte klassifikaasje van aandeuningen en genaesmiddele.

Anno 2026 is d'n Ethiopiër Tedros Adhanom Ghebreyesus d'n direktuuer vanne WHO.

De WHO haet in zie bestaon versjeie aanspraekendje successe behaoldj, worónger de oetroejjing vanne pókke, 't minimalizere vanne polio enne óntwikkeling van 't ebolavaccin. Allewiel kónzentreert de organisaaske zich op gevieërlike krenkdjes wie ebola, aids, malaria enne taering, mer ouch op neet-besmèttelike krenkdjes wie kanker, euvergewich, krenkdjes door werk en verslavinge.