मुंबई: येत्या १२ फेब्रुवारी रोजी 'बिग बॉस १६'चा महाअंतिम सोहळा पार पडणार आहे. अमरावतीचा शिव ठाकरे या पर्वाचा विजेता होणार का, याकडे सर्वांचं लक्ष लागून राहिलं आहे. या खेळामध्ये शिवने बिग बॉसमधील स्पर्धकांसह चाहत्यांचे मनही जिंकले. मराठी बिग बॉस जिंकल्यानंतर जो त्याचा चाहतावर्ग निर्माण झाला होता, त्यापेक्षा कित्येक पटींनी मोठा चाहतावर्ग त्याने हिंदी बिग बॉसनंतर कमावला. ट्विटरवर 'विजयी भव शिव ठाकरे' असं ट्रेंडही होत आहे. शिवला ज्याप्रमाणे चाहते आणि सेलिब्रिटींकडून पाठिंबा मिळतो आहे, त्याप्रमाणे आता महाराष्ट्राच्या राजकारणातील एका बड्या नेत्याने त्याला पाठिंबा दर्शवला आहे.
बच्चू कडूंचा शिव ठाकरेला फुल्ल सपोर्ट!
मराठमोळ्या शिव ठाकरेचे नाव 'बिग बॉस १६'च्या ट्रॉफीवर कोरले जावे, अशी इच्छा त्याचे चाहते व्यक्त करतायंत. सोशल मीडियावर प्रत्येक दिवसाला शिव ट्रेंड होत असतो, शिवाय काही दिवसांपूर्वी त्यांच्या समर्थनार्थ रॅलीही काढण्यात आली होती. आता शिवला आमदार बच्चू कडूंनही पाठिंबा दर्शवला. त्यांनी केलेली फेसबुक पोस्ट अनेकांचे लक्ष वेधून घेणारी ठरली.
हे वाचा-'सिनेमा पहिलं प्रेम पण राहाला प्राधान्य', चित्रपटातील कामाविषयी आलियाचा निर्णय!
काय म्हणाले बच्चू कडू?
बच्चू कडू यांनी फेसबुकवर पोस्ट करत शिवविषयी असे लिहिले की, 'अतिशय सामान्य कुटुंबातुन अमरावती येथील शिव ठाकरे बिग बॉस हिंदीच्या फायनलपर्यंत पोहचला आहे.' त्यांनी या फेसबुक पोस्टमध्ये शिवला वोट करण्याचेही आवाहन केले. कडू यांनी ही पोस्ट शेअर करताना शिवचा पान टपरीवरील एक फोटो शेअर केला आहे. शिवच्या वडिलांची ही पान टपरी असून शिव लोकप्रियतेच्या शिखरावर पोहचण्याआधी वडिलांना याठिकाणी मदतही करायचा. त्याच्या या साधेपणामुळे शिवने अनेकांचे मन जिंकले असून, बच्चू कडूंनीही त्याला पाठिंबा दिला.
हे वाचा-राज्य सरकारच्या निर्णयावर केदार शिंदेची पोस्ट; शाहीरांचा फोटो शेअर करत म्हणाले...
काही दिवसांपूर्वी एका मुलाखतीमध्ये राज्याचे उपमुख्यमंत्री देवेंद्र फडणवीस यांच्या पत्नी गायिका अमृता फडणवीस यांनीही शिवला पाठिंबा दर्शवला होता. शिवला मिळणारा मजबूत पाठिंबा पाहता तो बिग बॉसची ट्रॉफी जिंकण्याकडे यशस्वी वाटचाल करतो आहे, असे म्हटले तरी वावगे ठरणार नाही.
बिग बॉस १६ मधील लेटेस्ट अपडेटनुसार निम्रित कौर अहलुवालिया पहिली फायनलिस्ट असून इतर स्पर्धक फिनालेमध्ये जागा मिळवण्यासाठी धडपडत आहेत. ०९ मिनिटं कोणत्याही घड्याळ्याशिवाय मोजण्याच्या 'टिकिट टू फिनाले' टास्कमध्ये 'शिव की मंडली' मागे पडल्याने शिव, एमसी स्टॅन आणि सुंबुल तौकिर खान या आठवड्यात घराबाहेर जाण्यासाठी नॉमिनेट झाले आहेत. या तिघांपैकी एकाचा प्रवास याच आठवड्यात संपेल.
