Guru er ein rettleiar og lærar i indiske religionar. Ein guru blir rekna for å vite mykje om tema som livet, døden og verda. Guruen gjev kunnskap og rettleiing om dette til elevane (disiplane) sine.
I hinduismen og buddhismen er guruen ein heilag person. Hen får mykje respekt og er høgt æra. Nokre guruar har mange tilhengjarar. I buddhismen er Dalai Lama den mest kjende guruen. Dalai Lama betyr «store guru».
Tidlegare var det berre menn som kunne bli guruar. I hinduismen kan også kvinner bli det no.
I sikhisme er det ti historiske guruar. Dei formidla Guds sanning. Guru Granth Sahib er den heilage skrifta i sikhismen. Sikhane ser på boka som den siste og evige guruen, og den blir behandla med stor respekt.
