Kerala Today Breaking News Updates: പ്രിയദർശിനി പദ്ധതി കാരണം സ്വകാര്യ ബസ് മേഖലയ്ക്ക് ഒരു മാസത്തിനിടെ 65 കോടി രൂപയുടെ വരുമാന നഷ്‌ടമുണ്ടായെന്ന് ബസ് ഉടമകൾ. 500ലധികം ബസുകൾ ഓട്ടം നിർത്തിയെന്നും സ‌ർവീസ് നടത്തുന്നവയിൽ പകുതിയും മുഴുവൻ ട്രിപ്പും നടത്തുന്നില്ലെന്നും ഉടമകൾ അറിയിച്ചു.

കൊച്ചി: എറണാകുളം മഹാരാജസ് കോളജ് വിദ്യാർത്ഥിയും എസ്എഫ്ഐ നേതാവാമായിരുന്ന അഭിമന്യു കൊല്ലപ്പെട്ട കേസിൽ, വിചാരണ നിര്‍ത്തിവെക്കണമെന്ന പ്രതികളുടെ അപ്പീല്‍ ഹൈക്കോടതി തള്ളി. പ്രധാന പ്രതിയായ പോപ്പുലർ ഫ്രണ്ട് പ്രവർത്തകൻ മുഹമ്മദ് അടക്കം അഞ്ചു പ്രതികള്‍ സമര്‍പ്പിച്ച ഹര്‍ജിയാണ് കോടതി തള്ളിയത്. 

മുഴുവന്‍ പ്രതികള്‍ക്കെതിരെയും കുറ്റപത്രം നല്‍കിയിട്ടില്ലെന്നും 17 മുതല്‍ 26 വരെയുള്ള പ്രതികള്‍ക്കെതിരെ കുറ്റപത്രം നല്‍കാതെയാണ് വിചാരണ തുടങ്ങുന്നതെന്നും വിചാരണ നിര്‍ത്തിവെക്കണമെന്നുമായിരുന്നു ഹര്‍ജിക്കാരുടെ ആവശ്യം. ആദ്യ 16 പ്രതികള്‍ മാത്രമാണ് നേരിട്ട് കുറ്റകൃത്യത്തില്‍ പങ്കെടുത്തതെന്നും ഇവരുടെ വിചാരണ തുടങ്ങുന്നതിന് തടസ്സമില്ലെന്നും അനുബന്ധ കുറ്റപത്രം ഉടന്‍ നല്‍കുമെന്നും പ്രോസിക്യൂഷന്‍ അറിയിച്ചു. 

Also Read: കശുവണ്ടി വികസന കോര്‍പ്പറേഷന്‍ അഴിമതി; പുതുക്കിയ മാപ്പപേക്ഷ സമര്‍പ്പിച്ച് കെ. ബിജു ഐഎഎസ്

തെളിവ് നശിപ്പിക്കാനും പ്രതികളെ ഒളിവില്‍പോകാന്‍ സഹായിച്ചവരുമാണ് ഇനി പ്രതിപ്പട്ടികയില്‍ വരാനുള്ളതെന്നും വിചാരണയ്ക്ക് അത് തടസ്സമല്ലെന്നുമുള്ള പ്രോസിക്യൂഷന്‍ വാദം കോടതി അംഗീകരിച്ചു. ഈ മാസം 24ന് എറണാകുളം സെഷന്‍സ് കോടതി വിചാരണ തീയതി തീരുമാനിക്കാനിരിക്കെയാണ് വിചാരണ തടയാന്‍ പ്രതികള്‍ ഹൈക്കോടതിയെ സമീപിച്ചത്. 

Also Read: പൾസർ സുനിക്ക് തിരിച്ചടി; ശിക്ഷ മരവിപ്പിക്കണമെന്ന ആവശ്യം ഹൈക്കോടതി തള്ളി

2018 ജൂൺ 1 നാണ് അഭിമന്യുവിനെ ക്യാംപസ് ഫ്രണ്ട്, പോപ്പുലർ ഫ്രണ്ട് പ്രവർത്തകർ കുത്തി കൊലപ്പെടുത്തിയത്. നീണ്ട നാളത്തെ അന്വേഷണത്തിനൊടുവിൽ ഏറെ വൈകിയാണ് കേസിലെ മുഖ്യപ്രതിയെ പിടിക്കാനായത്. 

Read More: കേരള രാഷ്ട്രീയ ചരിത്രത്തിൽ ആദ്യം; ആർ. സു​ഗതന്റെ സത്യപ്രതിജ്ഞ വിയ്യൂർ ജയിലിൽ

ക്രിക്കറ്റ് മൈതാനത്തെ സമാനതകളില്ലാത്ത നേട്ടങ്ങൾക്കപ്പുറം, തന്റെ ലളിതമായ ജീവിതശൈലി കൊണ്ടും ആരാധകരുടെ ഹൃദയം കവർന്ന വ്യക്തിയാണ് മുൻ ഇന്ത്യൻ നായകൻ മഹേന്ദ്ര സിംഗ് ധോണി. സുരക്ഷാ ജീവനക്കാരില്ലാതെ റാഞ്ചിയിലെ തെരുവുകളിലൂടെ ബൈക്കോടിക്കുന്നതും, സ്വന്തം ഫാമിൽ ട്രാക്ടർ ഓടിക്കുന്നതുമായ ധോണിയുടെ ചിത്രങ്ങൾ പലപ്പോഴും വാർത്തകളിൽ ഇടംനേടാറുണ്ട്. 

ഇപ്പോഴിതാ, കരിയറിന്റെ തുടക്കകാലം മുതൽ താൻ സ്ഥിരമായി സന്ദർശിച്ചിരുന്ന ഒരു സാധാരണ ധാബയോടും അവിടുത്തെ ഉടമയോടും ധോണി കാണിക്കുന്ന അപൂർവ്വ സൗഹൃദത്തിന്റെ കഥയാണ് സോഷ്യൽ മീഡിയയിൽ വീണ്ടും വൈറലാകുന്നത്.

View this post on Instagram

A post shared by The Sarcastic Page 💀 (@thesarcasticpage)

ലോകകപ്പ് വിജയങ്ങളും ഹെലികോപ്റ്റർ ഷോട്ടുകളുമൊക്കെയായി ലോകം അറിയപ്പെടുന്ന താരമായി മാറുന്നതിനും മുൻപ്, ഒരു യുവ ക്രിക്കറ്ററായിരുന്ന കാലത്താണ് ധോണി സഞ്ജയ് മുഖർജി എന്നയാളുടെ ഉടമസ്ഥതയിലുള്ള ഈ ധാബയിൽ ആദ്യമായി എത്തിത്തുടങ്ങിയത്. അന്ന് ധോണിയുടെ പ്രിയപ്പെട്ട ഇടങ്ങളിലൊന്നായി മാറിയ ഈ ഭക്ഷണശാല, പ്രശസ്തിയുടെ കൊടുമുടിയിൽ എത്തിയിട്ടും അദ്ദേഹം കൈവിട്ടിട്ടില്ല.

നിലവിൽ ധോണി ഇവിടെയെത്തുമ്പോൾ, ധാബയുടെ പിന്നാമ്പുറത്ത് ശിവവിഗ്രഹത്തിന് സമീപമായി അദ്ദേഹത്തിന് മാത്രമായി പ്രത്യേക മേശ ഒരുക്കാറുണ്ടെന്ന് സോഷ്യൽ മീഡിയയിൽ വൈറലാകുന്ന പോസ്റ്റിൽ പറയുന്നു.  വളരെ കുറച്ച് ജീവനക്കാർ മാത്രമാണ് ഈ സമയത്ത് അദ്ദേഹത്തിന് ഭക്ഷണം വിളമ്പുക. ബോൺലെസ് ചിക്കൻ ചില്ലി, ബട്ടർ നാൻ, ഒരു മാംഗോ ഡ്രിങ്ക് എന്നിവയാണ് അദ്ദേഹത്തിന്റെ പ്രിയപ്പെട്ട വിഭവങ്ങൾവർഷങ്ങളായി ധോണിയുടെ മെനുവിനും മാറ്റമില്ല. ഒരിക്കൽ ഇവിടെയെത്തിയ ധോണി ജീവനക്കാർക്ക് 6,000 രൂപ ടിപ്പ് നൽകിയതായും കുറിപ്പിലുണ്ട്.

ഭക്ഷണത്തോടുള്ള താല്പര്യത്തിനപ്പുറം ആ കുടുംബവുമായി ധോണിക്ക് ആത്മബന്ധമുണ്ട്. 2007-ൽ ധാബ ഉടമയുടെ മകന്റെ വിവാഹച്ചടങ്ങിൽ പങ്കെടുക്കാനെത്തിയ ധോണി ഒരു മാരുതി സ്വിഫ്റ്റ് കാർ കുടുംബത്തിന് സമ്മാനമായി നൽകിയിരുന്നു.

Read More: 'സഞ്ജു ചേട്ടൻ'; വൈഭവിനും അഭിഷേകിനും ഒപ്പം വിംബിൾഡൺ കാണാനെത്തി സഞ്ജു സാംസൺ

2004-ൽ പുറത്തിറങ്ങിയ സൂപ്പർഹിറ്റ് ചിത്രം 'സ്വദേശി'ൽ  ഷാരൂഖ് ഖാനൊപ്പം ഗീത എന്ന കഥാപാത്രമായി തിളങ്ങിയത് ഗായത്രി ഒബ്‌റോയി ആയിരുന്നു. ഒരൊറ്റ സിനിമയിൽ മാത്രം അഭിനയിച്ച ഗായത്രി പിന്നെ അഭിനയരംഗത്തുനിന്നും പിന്മാറി. പിന്നീട് ശതകോടീശ്വരനും പ്രമുഖ റിയൽ എസ്റ്റേറ്റ് വ്യവസായിയുമായ വികാസ് ഒബ്‌റോയിയെ വിവാഹം കഴിച്ച ഗായത്രി, തന്റെ വ്യക്തിജീവിതത്തിലാണ് കൂടുതൽ ശ്രദ്ധ കേന്ദ്രീകരിച്ചത്. 

മുംബൈയിലെ ജുഹുവിലുള്ള, കടലിനോട് ചേർന്നുള്ള തങ്ങളുടെ പുതിയ വസതിയിലേക്ക് ഈ ദമ്പതികൾ അടുത്തിടെയാണ് താമസം മാറിയത്. ഇറ്റാലിയൻ ആർക്കിടെക്റ്റ് പിയറോ ലിസ്സോണി രൂപകൽപ്പന ചെയ്ത ഈ ആഡംബര വീട് 'ആർക്കിടെക്ചറൽ ഡൈജസ്റ്റ്' മാഗസിന്റെ ഫെബ്രുവരി പതിപ്പിൽ ഫീച്ചർ ചെയ്തിരുന്നു.

Also Read: ഞാനല്ല അവന്റെ അമ്മ എന്നറിഞ്ഞപ്പോൾ ഒരു ദിവസം മുഴുവൻ നിർത്താതെ കരഞ്ഞു: കമൽഹാസനെ കുറിച്ച് 'മന്നി'

75,000 ചതുരശ്ര അടി വിസ്തീർണ്ണത്തിൽ ഒമ്പത് നിലകളിലായി വ്യാപിച്ചുകിടക്കുന്ന ഈ സ്വപ്നഭവനം ഒരു കൊട്ടാരത്തിന് സമാനമാണ്. രണ്ട് പ്രവേശന കവാടങ്ങളും, ഒരു വൃത്താകൃതിയിലുള്ള ഡ്രൈവ്‌വേയും, രണ്ട് ഗോവണികളും  ഈ വീടിനുണ്ട്. 

"ഇതൊരു വലിയ വീടാണ്, എന്നാൽ ഇതിന്റെ ഓരോ കോണും പ്രത്യേക ലക്ഷ്യത്തോടെയാണ് രൂപകൽപ്പന ചെയ്തിരിക്കുന്നത്. എനിക്ക് ഗോവണികളോട് ഒരു പ്രത്യേക ഇഷ്ടമുണ്ട്—അതുകൊണ്ട് തന്നെ ഇതിൽ ഒന്ന് പൊതുവായ ആവശ്യങ്ങൾക്കും മറ്റൊന്ന് സ്വകാര്യ ആവശ്യങ്ങൾക്കുമായി നിർമ്മിച്ചതാണ്. ഇവ രണ്ടിനും തനതായ ആർക്കിടെക്ചറൽ ഭംഗിയുണ്ട്," വീടിനെക്കുറിച്ച് ലിസ്സോണി പറയുന്നതിങ്ങനെ. 

View this post on Instagram

A post shared by Architectural Digest India (@archdigestindia)

Also Read: 40 വർഷമായി സിനിമയിൽ, എനിക്കിതുവരെ ഒരു പഞ്ചായത്ത് അവാർഡ് പോലും ലഭിച്ചിട്ടില്ല: ബാബു ആന്റണി

തങ്ങളുടെ സ്വപ്നഭവനത്തെക്കുറിച്ച് 2005 മുതൽ ഒബ്‌റോയി ദമ്പതികൾക്ക് കൃത്യമായ കാഴ്ചപ്പാടുണ്ടായിരുന്നു. വെളിച്ചത്തിനും സ്ഥലസൗകര്യത്തിനും മുൻഗണന നൽകുന്നതിനൊപ്പം ആധുനിക ശൈലിയിലുള്ളതുമായിരിക്കണം വീടെന്ന് അവർ ആഗ്രഹിച്ചു. രണ്ട് ബേസ്‌മെന്റ് ലെവലുകൾ പാർക്കിംഗിനായും ഫിറ്റ്‌നസ് ആവശ്യങ്ങൾക്കായും മാറ്റിവെച്ചിരിക്കുന്നു (ഇതിൽ ഒരു ഫ്ലോർ സ്വകാര്യ ജിം, സ്പാ, 12 സീറ്റുകളുള്ള തിയേറ്റർ എന്നിവയ്ക്കായി നീക്കിവെച്ചിട്ടുള്ളതാണ്). ഗ്രൗണ്ട് ഫ്ലോർ മുതൽ മൂന്നാം നില വരെ അതിഥികളെ സൽക്കരിക്കാനും വിനോദങ്ങൾക്കുമായുള്ളതാണ്. തങ്ങൾ പാർട്ടികൾ നടത്തുന്നതിനെക്കുറിച്ച് ഗായത്രി പറഞ്ഞതിങ്ങനെ: "എപിക് ഫൗണ്ടേഷനായി 2025-ന്റെ തുടക്കത്തിൽ 65 പേർക്കായി ഞങ്ങൾ ഇവിടെ ഒരു ഡിന്നർ പാർട്ടി നടത്തിയിരുന്നു. എല്ലാ കാര്യങ്ങളും വളരെ മനോഹരമായി നടന്ന ഒരു രാത്രിയായിരുന്നു അത്."

ഭർത്താവിന്റെ കമ്പനിയായ ഒബ്‌റോയി റിയൽറ്റിയുടെ ഡിസൈൻ ക്യൂറേറ്റർ കൂടിയാണ് ഗായത്രി ഒബ്‌റോയി. "വീട് ഒരു ബോട്ടീക് ഹോട്ടൽ പോലെ പ്രവർത്തിക്കണമെന്നാണ് വികാസ് എപ്പോഴും പറഞ്ഞിരുന്നത്—ആദ്യമൊക്കെ എനിക്ക് ആ താരതമ്യം ഒട്ടും ഇഷ്ടപ്പെട്ടിരുന്നില്ല. 'ഇതൊരു വീടാണ്, ഹോട്ടലല്ല!' എന്നായിരുന്നു എന്റെ നിലപാട്. എന്നാൽ പ്രവർത്തനക്ഷമതയുടെ കാര്യത്തിൽ ഇത് ശരിക്കും ഒരു ഹോട്ടൽ പോലെ തന്നെയാണ്," ഗായത്രി തന്റെ അനുഭവം പങ്കുവെച്ചു. വീടിന്റെ ഇന്റീരിയറിൽ ഗായത്രി ശ്രദ്ധ കേന്ദ്രീകരിച്ചപ്പോൾ, അതിന്റെ ലേഔട്ടിന്റെ കാര്യങ്ങൾ നോക്കിയത് വികാസ് ആയിരുന്നു.

Also Read: മോളെ എന്നെ അച്ഛനെപ്പോലെ കരുതിക്കോളൂ എന്ന് പറഞ്ഞു, പിന്നീട് കാമുകനാകാൻ മനസ്സ് വന്നില്ല; വിജയ് സേതുപതി

ഈ ആഡംബര വീട്ടിലെ മറ്റൊരു പ്രത്യേകതയെക്കുറിച്ച് വികാസ് ഒബ്‌റോയിക്ക് കൃത്യമായ നിർബന്ധമുണ്ടായിരുന്നു – അത് ഒരു 'മോൾട്ടേനി കിച്ചൻ' വേണമെന്നതായിരുന്നു. "അന്താരാഷ്ട്ര ഷെഫുമാരെ ഇങ്ങോട്ട് ക്ഷണിക്കണം, ചാരിറ്റി ഡിന്നറുകൾ സംഘടിപ്പിക്കണം, നല്ല വൈനുകൾ ആസ്വദിക്കണം എന്ന കാര്യങ്ങളൊക്കെ ആദ്യ ദിവസം മുതൽ തന്നെ വികാസ് കൃത്യമായി ആർക്കിടെക്റ്റിനോട് പറഞ്ഞിരുന്നു," ഗായത്രി പറഞ്ഞു.

ആദ്യത്തെ മൂന്ന് നിലകൾ അതിഥികളെ സൽക്കരിക്കുന്നതിനും വലിയ സലൂണിനുമായി നീക്കിവെച്ചിരിക്കുമ്പോൾ, അതിന് മുകളിലുള്ള നിലകൾ കൂടുതൽ സ്വകാര്യതയുള്ളവയാണ്. ഈ നിലകളിൽ കുടുംബാംഗങ്ങൾക്ക് വിശ്രമിക്കാനുള്ള ലോഞ്ചുകളും, അറബിക്കടലിലേക്ക് നേരിട്ട് അഭിമുഖമായി നിൽക്കുന്ന റൂഫ്‌ടോപ്പ് ഇൻഫിനിറ്റി പൂളും സജ്ജീകരിച്ചിരിക്കുന്നു.

ഇരുവരുടെയും ഒരുമിച്ചുള്ള താല്പര്യങ്ങൾ പ്രതിഫലിപ്പിക്കുന്ന തരത്തിൽ, വളരെ ശാന്തവും ലളിതവുമായ നിറങ്ങളാണ് ഇന്റീരിയറിനായി ഉപയോഗിച്ചിരിക്കുന്നത്. ഫർണിച്ചറുകൾ, വുഡ് വർക്കുകൾ, മാർബിളുകൾ എന്നിവയെല്ലാം പ്രകൃതിദത്തമായ നിറങ്ങളിലുള്ളതാണ്, എന്നാൽ ചിലയിടങ്ങളിൽ ചെറിയ രീതിയിൽ തിളക്കമുള്ള നിറങ്ങളും നൽകിയിട്ടുണ്ട്. "ഞങ്ങൾ ഇരുവർക്കും പ്രകൃതിദത്തമായ മെറ്റീരിയലുകളോടാണ് താല്പര്യം—ചിലയിടങ്ങളിൽ മാത്രം ചെറിയൊരു മാറ്റം നൽകി," ഗായത്രി പറഞ്ഞു. 

രവീന്ദർ റെഡ്ഡി, എം.എഫ്. ഹുസൈൻ, മൻജിത് ബാവ തുടങ്ങിയ പ്രശസ്ത കലാകാരന്മാരുടെ പെയിന്റിംഗുകളുടെയും ശില്പങ്ങളുടെയും മികച്ച ശേഖരം ദമ്പതികൾക്കുണ്ടെങ്കിലും, പല ചുവരുകളും അവർ ബോധപൂർവ്വം ഒഴിച്ചിട്ടിരിക്കുകയാണ്. "എല്ലാ ചുവരുകളും ചിത്രങ്ങൾ കൊണ്ട് നിറയ്ക്കണമെന്ന യാതൊരു നിർബന്ധവും എനിക്കുണ്ടായിരുന്നില്ല. വീടിന്റെ പണി പൂർത്തിയായതിന് ശേഷമുള്ള ഞങ്ങളുടെ യാത്രകളിൽ, ഞങ്ങൾക്ക് ഇഷ്ടപ്പെട്ട ചിത്രങ്ങൾ ഞങ്ങൾ ശേഖരിക്കാൻ തുടങ്ങി. കഴിഞ്ഞ അഞ്ച് മുതൽ ഏഴ് വർഷത്തിനിടയിലെ യാത്രകളിലൂടെയും ലേലങ്ങളിലൂടെയുമാണ് ഇവയെല്ലാം ഞങ്ങൾ സ്വന്തമാക്കിയത്," ഗായത്രി ഒബ്‌റോയി വെളിപ്പെടുത്തി.

Also Read: വേണ്ടെന്ന് പറഞ്ഞിട്ടും വിടാതെ ഷാരൂഖ്, അസ്വസ്ഥതയോടെ ലേഡി ഗാഗ; കിങ് ഖാൻ ഇത്ര ക്രിഞ്ചോ? സോഷ്യൽ മീഡിയ ചോദിക്കുന്നു

തെന്നിന്ത്യൻ സിനിമാലോകത്തെ ഏറ്റവും സ്വാധീനമുള്ളതും പ്രശസ്തവുമായ കുടുംബങ്ങളിലൊന്നാണ് ഹാസൻ കുടുംബം. ഉലകനായകൻ കമൽഹാസൻ, മുതിർന്ന നടൻ ചാരുഹാസൻ, ദേശീയ അവാർഡ് ജേതാവ് സുഹാസിനി, അനു ഹാസൻ, ശ്രുതി ഹാസൻ, അക്ഷര ഹാസൻ എന്നിങ്ങനെ തലമുറകളായി സിനിമയിൽ തങ്ങളുടേതായ മുദ്രപതിപ്പിച്ച പ്രതിഭകളുടെ ഒരു വലിയ നിര തന്നെ ഈ കുടുംബത്തിൽ നിന്നുണ്ട്. 

Also Read: 40 വർഷമായി സിനിമയിൽ, എനിക്കിതുവരെ ഒരു പഞ്ചായത്ത് അവാർഡ് പോലും ലഭിച്ചിട്ടില്ല: ബാബു ആന്റണി

വളരെ ചെറിയ പ്രായത്തിൽ തന്നെ ബാലതാരമായി സിനിമാരംഗത്തേക്ക് കടന്നുവന്ന കമൽഹാസന് കരിയറിലും വ്യക്തിജീവിതത്തിലും താങ്ങും തണലുമായി നിന്നത് ജ്യേഷ്ഠനായ ചാരുഹാസനായിരുന്നു. കമലിനേക്കാൾ ഏതാണ്ട് 24 വയസ്സ് പ്രായവ്യത്യാസമുള്ള ചാരുഹാസൻ ഷൂട്ടിങ് ലൊക്കേഷനുകളിൽ അനിയന്റെ കാവലായും വഴികാട്ടിയായും എപ്പോഴും കൂടെയുണ്ടായിരുന്നു. സഹോദരൻ എന്നതിലുപരി ഒരു പിതാവിന്റെ സ്ഥാനത്താണ് കമൽഹാസൻ എപ്പോഴും ചാരുഹാസനെ കാണുന്നത്.

Also Read: അനു ആനന്ദ് അന്ന് മോഹൻലാലിന്റെ മകനായി; മകളാവട്ടെ ഇന്ന് വിസ്മയയ്ക്ക് ഒപ്പം സിനിമയിലേക്ക്

ചാരുഹാസൻ മാത്രമല്ല, അദ്ദേഹത്തിന്റെ ഭാര്യ കോമളവും കമൽഹാസന്റെ ജീവിതത്തിൽ ഏറെ നിർണായകമായ പങ്കുവഹിച്ച വ്യക്തിയാണ്. കമൽഹാസൻ സ്നേഹത്തോടെ 'മന്നി' (തമിഴിൽ ജ്യേഷ്ഠത്തിയമ്മ) എന്ന് വിളിക്കുന്ന കോമളം തമിഴ് സിനിമാലോകത്തിന് മുഴുവൻ സുപരിചിതയാണ്. ജ്യേഷ്ഠത്തിയമ്മ എന്നതിനപ്പുറം അമ്മയുടെ സ്ഥാനത്താണ് കമൽഹാസൻ കോമളത്തെ പ്രതിഷ്ഠിച്ചിരിക്കുന്നത്. 

കമൽ ജനിച്ച് അധികം വൈകാതെ തന്നെ അമ്മയുടെ ആരോഗ്യം മോശമായതിനെ തുടർന്ന് കുഞ്ഞു കമലിനെ എടുത്തു വളർത്തിയതും പരിപാലിച്ചതുമെല്ലാം മന്നിയായിരുന്നു. വർഷങ്ങളോളം സ്വന്തം അമ്മയെപ്പോലെ സ്നേഹിച്ച മന്നിയെക്കുറിച്ചുള്ള ഹൃദയസ്പർശിയായ ചില ഓർമ്മകൾ കമൽഹാസൻ മുൻപ് ഒരു അഭിമുഖത്തിൽ പങ്കുവെച്ചിട്ടുണ്ട്.

Also Read: വേണ്ടെന്ന് പറഞ്ഞിട്ടും വിടാതെ ഷാരൂഖ്, അസ്വസ്ഥതയോടെ ലേഡി ഗാഗ; കിങ് ഖാൻ ഇത്ര ക്രിഞ്ചോ? സോഷ്യൽ മീഡിയ ചോദിക്കുന്നു

താൻ സ്വന്തം അമ്മയല്ല എന്ന സത്യം തിരിച്ചറിഞ്ഞപ്പോൾ ബാലനായ കമൽഹാസന് ഉണ്ടായ മാനസിക വിഷമത്തെക്കുറിച്ച് അടുത്തിടെ മന്നി പറഞ്ഞ വാക്കുകളും ശ്രദ്ധേയമാണ്: "നാലഞ്ചു വയസ്സുവരെ അവൻ വിചാരിച്ചിരുന്നത് ഞാൻ അവന്റെ അമ്മയാണെന്നാണ്. അവന്റെ മനസ്സിലെ ആ ധാരണ തിരുത്തേണ്ടതില്ലെന്ന് വീട്ടിലുള്ളവരും കരുതി. എന്നാൽ ഒരിക്കൽ വീട്ടിലെ ജോലിക്കാർ അവൻ അറിയാതെ ഈ സത്യം അവനോട് പറഞ്ഞു. താൻ വിശ്വസിച്ചിരുന്ന അമ്മ സ്വന്തം അമ്മയല്ല എന്നറിഞ്ഞപ്പോൾ അവന് അത് താങ്ങാൻ കഴിഞ്ഞില്ല. ഒരു ദിവസം മുഴുവൻ അവൻ കരഞ്ഞു. 'നിങ്ങൾ എന്റെ അമ്മയല്ലേ' എന്ന് ചോദിച്ച് കരഞ്ഞുകൊണ്ടേയിരുന്നു." 

View this post on Instagram

A post shared by Aval Vikatan (@avalvikatan)

താരകുടുംബത്തിലെ എല്ലാവരുടെയും പ്രിയപ്പെട്ട അമ്മയായ കോമളം അടുത്തിടെ ക്യാമറയ്ക്ക് മുന്നിലും തന്റെ സാന്നിധ്യമറിയിച്ചിരുന്നു. ആമസോൺ പ്രൈമിൽ റിലീസ് ചെയ്ത 'പുത്തം പുതു കാലൈ' എന്ന തമിഴ് ആന്തോളജി ചിത്രത്തിലെ, സുഹാസിനി സംവിധാനം ചെയ്ത 'കോഫി, എനിവൺ?' എന്ന ഹ്രസ്വചിത്രത്തിലൂടെയാണ് അവർ അഭിനയരംഗത്തേക്ക് കടന്നുവന്നത്. ചിത്രത്തിൽ സുഹാസിനിയുടെ കഥാപാത്രത്തിന്റെ കിടപ്പിലായ അമ്മയുടെ വേഷം തന്നെയാണ് കോമളം അഭിനയിച്ചത്. 

Also Read: ഞങ്ങൾ നിങ്ങളെ എപ്പോഴും ആഘോഷിക്കും ഇത്താത്ത; സമയ്ക്ക് ആശംസകളുമായി​​ അഷ്കർ അലി

ജമ്മു: പഹൽഗാം ഭീകരാക്രമണക്കേസിൽ ലഷ്‌കർ-ഇ-ത്വയ്ബ തലവൻ ഹാഫിസ് സയീദിനെതിരെ ജമ്മുവിലെ പ്രത്യേക എൻഐഎ കോടതി ജാമ്യമില്ലാ വാറണ്ട് പുറപ്പെടുവിച്ചു. പാക്കിസ്താനിലെ പഞ്ചാബ് പ്രവിശ്യയിലുള്ള സർഗോദ സ്വദേശിയായ സയീദിനെതിരെ കാലാവധി നിശ്ചയിക്കാത്ത ജാമ്യമില്ലാ വാറണ്ട് പുറപ്പെടുവിക്കണമെന്ന് ദേശീയ അന്വേഷണ ഏജൻസി (എൻഐഎ) കോടതിയോട് ആവശ്യപ്പെട്ടിരുന്നു.

സയീദിനെതിരെ എൻഐഎ അനുബന്ധ കുറ്റപത്രം സമർപ്പിച്ച് രണ്ട് ദിവസത്തിന് ശേഷം, ജൂലൈ 8 നാണ് പ്രത്യേക എൻഐഎ കോടതി ജഡ്ജി വാറണ്ട് പുറപ്പെടുവിച്ചത്. കേസിൽ നിഷ്പക്ഷവും ഫലപ്രദവുമായ അന്വേഷണത്തിന് പ്രതിയെ കസ്റ്റഡിയിലെടുത്ത് ചോദ്യം ചെയ്യേണ്ടത് അനിവാര്യമാണെന്നും അതിനാൽ, ജാമ്യമില്ലാ അറസ്റ്റ് വാറണ്ട് പുറപ്പെടുവിക്കുകയും അത് നടപ്പാക്കുന്നതിനായി ജമ്മു എൻഐഎ ഡിഐജിത്ത് കൈമാറുകയും ചെയ്യുന്നതായി കോടതി ഉത്തരവിൽ വ്യക്തമാക്കി.

Also Read: കേസ് ജയിക്കാൻ ആഭിചാരക്രിയ; കോടതിയിൽ കയറി ജഡ്ജിയുടെ കസേരയിൽ കടുക് വിതിറിയ സ്ത്രീ അറസ്റ്റിൽ

ഇതോടെ, ഹാഫിസ് സയീദിന്റെ അസാന്നിധ്യത്തിൽത്തന്നെ പ്രതിക്കെതിരായ വിചാരണ നടപടികൾ ആരംഭിക്കുന്നതിനുള്ള വഴിതുറന്നിരിക്കുകയാണ്. എൻഐഎ കോടതിയിൽ സമർപ്പിച്ച അനുബന്ധ കുറ്റപത്രത്തിൽ, 76 കാരനായ സയീദിനെ വ്യക്തിപരമായും നിരോധിത സംഘടനയായ ലഷ്‌കർ-ഇ-ത്വയ്ബ, നിഴൽ സംഘടനയായ ടിആർഎഫ് എന്നിവയുടെ തലവൻ എന്ന നിലയിലുമാണ് പ്രതിചേർത്തിരിക്കുന്നത്.

ഭാരതീയ ന്യായ സംഹിതയിലെ, 2023, നിയമവിരുദ്ധ പ്രവർത്തനങ്ങൾ തടയൽ നിയമം (യുഎപിഎ), 1967 എന്നിവയിലെ വിവിധ വകുപ്പുകൾ എന്നിവ പ്രകാരമാണ് പ്രതിക്കെതിരെ കേസ് രജിസ്റ്റർ ചെയ്തിരിക്കുന്നത്. ഭീകരാക്രമണം ആസൂത്രണം ചെയ്യുന്നതിലും നിരീക്ഷിക്കുന്നതിലും സയീദിനുള്ള പങ്കിനെക്കുറിച്ചും, ആക്രമണ സ്ഥലത്തുനിന്ന് ശേഖരിച്ച ഫോറൻസിക് തെളിവുകളെക്കുറിച്ചും എൻഐഎ കുറ്റപത്രത്തിൽ വ്യക്തമാക്കിയിട്ടുണ്ട്.

Also Read: പഴകിയ വേ പ്രോട്ടീൻ മുതൽ കേടായ മുട്ട വരെ; ഭക്ഷ്യസുരക്ഷയിൽ വൻ വീഴ്ച, ഇൻസ്റ്റാമാർട്ടിന് 9 നോട്ടീസുകൾ അയച്ച് എഫ്.എസ്.എസ്.എ.ഐ

ഇന്ത്യയും അമേരിക്കയും ആഗോള ഭീകരനായി പ്രഖ്യാപിച്ച സയീദ്, 2008-ലെ മുംബൈ ഭീകരാക്രമണത്തിന്റെ മുഖ്യസൂത്രധാരൻ കൂടിയാണ്. കഴിഞ്ഞ വർഷം ഏപ്രിൽ 22 നായിരുന്നു പഹൽഗാമിലെ ബൈസരൻ താഴ്‌വരയിൽ ഭീകരർ 25 വിനോദസഞ്ചാരികളെയും ഒരു പ്രദേശവാസിയെയും വെടിവെച്ചുകൊന്നത്. ആക്രമണത്തിൽ നേരിട്ട് പങ്കെടുത്ത മൂന്നു ഭീകരരുടെ പേരുകൾ കഴിഞ്ഞ വർഷം ഡിസംബറിൽ സമർപ്പിച്ച ആദ്യ കുറ്റപത്രത്തിൽ ഉണ്ടായിരുന്നു. കഴിഞ്ഞ വർഷം ജൂലൈയിൽ സൈന്യവും ജമ്മു കശ്മീർ പൊലീസും സിആർപിഎഫും സംയുക്തമായി നടത്തിയ ഓപ്പറേഷനിൽ ഈ മൂന്നു ഭീകരരും കൊല്ലപ്പെട്ടിരുന്നു.

Read More: ഇന്ത്യൻ റെയിൽവേയിൽ വൻ മോഷണം; യാത്രക്കാർ കടത്തിയത് 1.27 കോടി ബെഡ്ഷീറ്റുകളും തലയിണകളും; നഷ്ടം 100 കോടിയിലധികം

തിരുവനന്തപുരം: കശുവണ്ടി കോര്‍പ്പറേഷന്‍ അഴിമതി കേസില്‍ വ്യവസായ വകുപ്പ് പ്രിന്‍സിപ്പല്‍ സെക്രട്ടറി ഹൈക്കോടതിയില്‍ പുതുക്കിയ മാപ്പപേക്ഷ സമര്‍പ്പിച്ചു. പിഴവുകള്‍ തിരുത്തി വീണ്ടും സത്യവാങ്മൂലം സമര്‍പ്പിക്കാന്‍ കോടതി നിര്‍ദേശിച്ചതിനെ തുടര്‍ന്നാണ് കെ. ബിജു ഐഎഎസ് മാപ്പപേക്ഷ പുതുക്കി നല്‍കിയത്. 

പ്രതികള്‍ക്കെതിരെ പ്രോസിക്യൂഷന്‍ അനുമതി നല്‍കിയ ആദ്യ ഉത്തരവില്‍ കോടതി വിരുദ്ധമായ പരാമര്‍ശങ്ങള്‍ ഉണ്ടെന്ന് കണ്ടെത്തി രൂക്ഷ വിമര്‍ശനമാണ് കോടതി ഉദ്യോഗസ്ഥനെതിരെ നടത്തിയത്. പുതിയ മാപ്പപേക്ഷ നല്‍കാനും നിര്‍ദേശിച്ചു. നിയമപരമായി കാര്യങ്ങള്‍ പരിശോധിച്ച ശേഷമാണ് പുതിയ ഉത്തരവ് പുറപ്പെടുവിച്ചതെന്നും പ്രഥമദൃഷ്ട്യാ കേസുണ്ടെന്ന് ബോധ്യപ്പെട്ടതിന്റെ അടിസ്ഥാനത്തിലാണ് നടപടിയെന്നും പുതിയ സത്യവാങ്മൂലത്തില്‍ വ്യക്തമാക്കി. 

Also Read: പൾസർ സുനിക്ക് തിരിച്ചടി; ശിക്ഷ മരവിപ്പിക്കണമെന്ന ആവശ്യം ഹൈക്കോടതി തള്ളി

കോടതി നിര്‍ബന്ധം മൂലം പ്രതികളെ പ്രോസിക്യൂട്ട് ചെയ്യാന്‍ അനുമതി നല്‍കേണ്ടി വന്നെന്ന നിലയിലായിരുന്നു ആദ്യ സത്യവാങ്മൂലം. കോടതിക്കെതിരെ പരാമര്‍ശം നടത്തിയാല്‍ ഉദ്യോഗസ്ഥരെ സംരക്ഷിക്കാന്‍ ഒരു സര്‍ക്കാരിനും ആകില്ലെന്ന മുന്നറിയിപ്പും ജഡ്ജി നല്‍കിയിരുന്നു.

ഉദ്യോഗസ്ഥര്‍ സര്‍ക്കാരിന്റെ ആയുധമാകരുതെന്ന മുന്നറിയിപ്പും കോടതി നല്‍കിയിരുന്നു. കോടതിയലക്ഷ്യക്കേസിൽ കെ. ബിജു ഹൈക്കോടതിയിൽ നേരിട്ട് ഹാജരായാണ് നിരുപാധികം മാപ്പപേക്ഷിച്ചത്. ഉത്തരവ് പുതുക്കി ഹാജരാക്കിയെന്ന ബിജുവിൻ്റെ വിശദീകരണം കോടതിക്ക് സ്വീകാര്യമായിരുന്നില്ല. സാങ്കേതികത്വം ചൂണ്ടിക്കാട്ടിയായിരുന്നു സത്യവാങ്ങ്മൂലം കോടതി തള്ളിയത്. 

Read More: കേരള രാഷ്ട്രീയ ചരിത്രത്തിൽ ആദ്യം; ആർ. സു​ഗതന്റെ സത്യപ്രതിജ്ഞ വിയ്യൂർ ജയിലിൽ

ടെലിവിഷൻ താരം ആകാൻഷ ചമോല തന്റെ വ്യക്തിജീവിതത്തെക്കുറിച്ചുള്ള തുറന്നുപറച്ചിലുകൾ 'ലോക്ക് അപ്പ് 2' റിയാലിറ്റി ഷോയിലൂടെ തുടരുകയാണ്. ഏകദേശം പത്ത് വർഷത്തെ ദാമ്പത്യത്തിന് ശേഷം ഭർത്താവ് ഗൗരവ് ഖന്നയുമായി വിവാഹമോചനത്തിലേക്ക് നീങ്ങുകയാണെന്ന വാർത്തയ്ക്ക് പിന്നാലെ, വിവാഹത്തിന് മുൻപ് താൻ ഒരു 'ബൈസെക്ഷ്വൽ' (സ്ത്രീകളോടും പുരുഷന്മാരോടും ആകർഷണം തോന്നുന്ന  അവസ്ഥ) ആയിരുന്നുവെന്ന് ആകാൻഷ വെളിപ്പെടുത്തിയിരുന്നു. 

എന്നാൽ, ഇപ്പോൾ താൻ ഒരു 'അസെക്ഷ്വൽ' (ലൈംഗിക താല്പര്യമില്ലാത്ത അവസ്ഥ) ആണെന്നാണ് ആകാൻഷ പറയുന്നത്. നിലവിലെ വിവാഹമോചന നടപടികൾ ശാരീരിക ബന്ധങ്ങളെക്കുറിച്ചുള്ള തന്റെ കാഴ്ചപ്പാടുകളെ എങ്ങനെ മാറ്റിയെന്ന് വിശദീകരിച്ച ആകാൻഷ, ജീവിതത്തിന്റെ ഈ ഘട്ടത്തിൽ സ്ത്രീകളോടോ പുരുഷന്മാരോടോ തനിക്ക് ശാരീരികമായ യാതൊരു താല്പര്യവുമില്ലെന്ന് വ്യക്തമാക്കി.

ഷോയുടെ ഏറ്റവും പുതിയ എപ്പിസോഡിൽ, സഹമത്സരാർത്ഥിയായ വരുൺ യാദവുമായി സംസാരിക്കുമ്പോഴാണ് പ്രണയത്തെക്കുറിച്ചും വിവാഹത്തെക്കുറിച്ചും ജീവിതാനുഭവങ്ങളെക്കുറിച്ചും ആകാൻഷ മനസ്സ് തുറന്നത്. 

ഇനിയൊരു വിവാഹത്തെക്കുറിച്ച് ചിന്തിക്കുമോ എന്ന വരുണിന്റെ ചോദ്യത്തിന്, ആ ചിന്ത താൻ പൂർണ്ണമായും ഉപേക്ഷിച്ചുവെന്നായിരുന്നു ആകാൻഷയുടെ മറുപടി. "എന്റെ ഉള്ളിൽ ഇപ്പോൾ ഒരു ഭയം വന്നിട്ടുണ്ട്."

Also Read: 40 വർഷമായി സിനിമയിൽ, എനിക്കിതുവരെ ഒരു പഞ്ചായത്ത് അവാർഡ് പോലും ലഭിച്ചിട്ടില്ല: ബാബു ആന്റണി

ലൈംഗികതയെക്കുറിച്ചുള്ള ചോദ്യത്തിന്, ഒരാളുടെ മാനസികവും വൈകാരികവുമായ സാഹചര്യങ്ങൾക്കനുസരിച്ച് ലൈംഗിക താല്പര്യങ്ങളിൽ മാറ്റം വരാമെന്ന് ആകാൻഷ വിശദീകരിച്ചു. "ലൈംഗികത എപ്പോഴും മാറിക്കൊണ്ടിരിക്കാം. അത് നിങ്ങളുടെ ജീവിതത്തിലെ ഓരോ ഘട്ടങ്ങളെ ആശ്രയിച്ചിരിക്കുന്നു. എനിക്കിപ്പോൾ വിവാഹമോചനം നടക്കുകയാണ്, ഇപ്പോൾ ആരോടും എനിക്ക് ശാരീരിക ബന്ധം ആവശ്യമില്ല. സ്ത്രീകളോടും വേണ്ട, പുരുഷന്മാരോടും വേണ്ട. എന്റെ ജീവിതത്തിൽ ഇപ്പോൾ കടന്നുപോകുന്നത് വേറൊരു ഘട്ടമാണ്, ഇതിനെയാണ് 'അസെക്ഷ്വാലിറ്റി' എന്ന് വിളിക്കുന്നത്," ആകാൻഷ പറഞ്ഞു.

'ഇനിയൊരു വിവാഹത്തിന് താല്പര്യമില്ല'

നേരത്തെ മറ്റൊരു സഹമത്സരാർത്ഥിയായ പമേലയോട് സംസാരിക്കുമ്പോഴും ഇനിയൊരു വിവാഹജീവിതത്തിലേക്ക് താൻ കടക്കില്ലെന്ന് ആകാൻഷ ആവർത്തിച്ചിരുന്നു. 

"ഞാൻ വളരെ ചെറിയ പ്രായത്തിലാണ് വിവാഹിതയായത്; അന്ന് എനിക്ക് 24 വയസ്സായിരുന്നു പ്രായം."

Also Read: മോളെ എന്നെ അച്ഛനെപ്പോലെ കരുതിക്കോളൂ എന്ന് പറഞ്ഞു, പിന്നീട് കാമുകനാകാൻ മനസ്സ് വന്നില്ല; വിജയ് സേതുപതി

ആകാൻഷയ്ക്ക് ഇപ്പോഴും പ്രായമുണ്ടെന്നും പുതിയൊരു പങ്കാളിയെ കണ്ടെത്താമെന്നും പമേല പറഞ്ഞപ്പോൾ താരം പ്രതികരിച്ചത് ഇങ്ങനെയായിരുന്നു: "ഇനിയൊരു വിവാഹം എനിക്ക് വേണ്ട. അത് അവിടെക്കൊണ്ട് കഴിഞ്ഞു എന്ന് ഞാൻ കരുതുന്നു. എന്നാൽ എന്റെ ജീവിതത്തിൽ ആദ്യമായി ഞാൻ തനിച്ച് ജീവിക്കാൻ പോവുകയാണ്. അതായത് മാതാപിതാക്കളുടെയോ ഭർത്താവിന്റെയോ തണലിലല്ലാതെ സ്വന്തം വീട്ടിൽ. ഇനി ജീവിതകാലം മുഴുവൻ ഒറ്റയ്ക്ക് മുന്നോട്ട് പോകാനാണ് എന്റെ തീരുമാനം."

Also Read: അനു ആനന്ദ് അന്ന് മോഹൻലാലിന്റെ മകനായി; മകളാവട്ടെ ഇന്ന് വിസ്മയയ്ക്ക് ഒപ്പം സിനിമയിലേക്ക്

വിവാഹബന്ധം തകരാൻ ഇടയാക്കിയ സാഹചര്യങ്ങളെക്കുറിച്ച് മുൻ എപ്പിസോഡുകളിൽ ആകാൻഷ സംസാരിച്ചിരുന്നു. തനിക്ക് ഒരിക്കലും ഒരു അമ്മയാകാനുള്ള സഹജമായ താല്പര്യം ഉണ്ടായിരുന്നില്ലെന്നും മാതൃത്വം താൻ ആഗ്രഹിക്കുന്ന ഒന്നല്ലെന്ന് തിരിച്ചറിഞ്ഞതായും ആകാൻഷ വെളിപ്പെടുത്തി. 

"ഞങ്ങൾ വിവാഹജീവിതത്തിൽ ആയിരുന്നപ്പോൾ എന്നിൽ മാതൃത്വത്തിന്റെ ഭാവങ്ങൾ ഉണ്ടായിരുന്നില്ല. പിന്നീട് ഞാൻ അത് തിരിച്ചറിയാൻ ശ്രമിച്ചെങ്കിലും എനിക്ക് അതിന് സാധിക്കില്ലെന്ന് ഉറപ്പായി. ഗൗരവിനും അതിൽ പ്രശ്നമില്ലായിരുന്നു. പക്ഷേ, പിന്നീട് ആ ചിന്തകളിൽ മാറ്റം വന്നു."

Also Read: ടോം ക്രൂയിസ് ചിത്രം വേണ്ടെന്ന് വച്ച് ഫഹദ് ഫാസിൽ; കാരണമിതാണ്

വിവാഹത്തിന് മുൻപ് താൻ ബൈസെക്ഷ്വൽ ആയിരുന്നു എന്ന വ്യക്തിപരമായ കാര്യവും ആകാൻഷ മുൻപ് വെളിപ്പെടുത്തിയിരുന്നു.

"എനിക്ക് സ്ത്രീകളെ ഇഷ്ടമാണ്. എനിക്ക് അവരോട് ബഹുമാനവും ആകർഷണവും തോന്നാറുണ്ട്. സ്ത്രീകൾ എനിക്ക് സുരക്ഷിതത്വം തരുന്ന ഇടമാണ്. പുരുഷാധിപത്യമുള്ള ഈ ലോകത്ത് വളർന്നു വരുമ്പോൾ സ്വാഭാവികമായും നമ്മൾ അമ്മയിലേക്കും സഹോദരിമാരിലേക്കും അടുക്കും. അവരിൽ നിന്ന് ലഭിക്കുന്ന ആശ്വാസം എപ്പോഴും കൂടെയുണ്ടാകും. സ്ത്രീകൾ തമ്മിൽ എപ്പോഴും അസൂയയും മത്സരവുമാണെന്നാണ് സമൂഹം പറയുന്നത്. എന്നാൽ എനിക്ക് അങ്ങനെ തോന്നിയിട്ടില്ല. എന്നെ സംബന്ധിച്ച് എല്ലാ സ്ത്രീകളും മനോഹരമാണ്. സമൂഹം നൽകുന്ന ലേബലുകൾക്ക് അപ്പുറം എനിക്കത് ശുദ്ധമായ പ്രണയമാണ്."

'സന്തോഷി മാ', 'യേ ഹേ ആശിഖി', 'ക്രൈം പെട്രോൾ' തുടങ്ങിയ ജനപ്രിയ ടെലിവിഷൻ പരമ്പരകളിലൂടെ ശ്രദ്ധേയയായ നടിയാണ് ആകാൻഷ ചമോല. 2016 നവംബർ 24-നായിരുന്നു നടൻ ഗൗരവ് ഖന്നയുമായുള്ള ആകാൻഷയുടെ വിവാഹം. ഒരു ഓഡിഷനിടയിൽ വെച്ച് പരിചയപ്പെട്ട ഇരുവരും പ്രണയത്തിലാവുകയും പിന്നീട് ഗൗരവിന്റെ ജന്മനാടായ കാൺപൂരിൽ വെച്ച് മൂന്ന് ദിവസം നീണ്ടുനിന്ന ആഡംബര ചടങ്ങുകളോടെ വിവാഹിതരാവുകയുമായിരുന്നു.

തങ്ങൾ വിവാഹമോചനത്തിലേക്ക് നീങ്ങുകയാണെന്ന വാർത്ത 'ലോക്ക് അപ്പ് 2' പ്രീമിയർ വേദിയിലാണ് ആകാൻഷ ആദ്യമായി വെളിപ്പെടുത്തിയത്. ഷോയിൽ എത്തിയതുമുതൽ വിവാഹം, മാതൃത്വം, ലൈംഗികത എന്നിവയെക്കുറിച്ചുള്ള തന്റെ മാറിക്കൊണ്ടിരിക്കുന്ന കാഴ്ചപ്പാടുകളെക്കുറിച്ച് ആകാൻഷ തുറന്നു സംസാരിക്കുന്നുണ്ട്.

Also Read: വേണ്ടെന്ന് പറഞ്ഞിട്ടും വിടാതെ ഷാരൂഖ്, അസ്വസ്ഥതയോടെ ലേഡി ഗാഗ; കിങ് ഖാൻ ഇത്ര ക്രിഞ്ചോ? സോഷ്യൽ മീഡിയ ചോദിക്കുന്നു

ന്യൂഡൽഹി: 2027-28 അധ്യയന വർഷം മുതൽ പത്താം ക്ലാസിലേക്ക് പ്രവേശിക്കുന്ന വിദ്യാർത്ഥികൾക്ക് മൂന്നാം ഭാഷാ പരീക്ഷ ബോർഡ് പരീക്ഷയുടെ ഭാഗമായിരിക്കില്ലെങ്കിലും, വിജയിച്ച സർട്ടിഫിക്കറ്റ് ലഭിക്കുന്നതിന് സ്കൂൾതല മൂല്യനിർണ്ണയം പാസാകുന്നത് നിർബന്ധമായിരിക്കുമെന്ന് സെൻട്രൽ ബോർഡ് ഓഫ് സെക്കൻഡറി എജ്യുക്കേഷൻ (സിബിഎസ്ഇ) വ്യക്തമാക്കി.

ജൂലൈ 10-ന് പുറത്തിറക്കിയ സർക്കുലറിലാണ് പത്താം ക്ലാസിലെ 'സ്കൂൾതല മൂന്നാം ഭാഷാ മൂല്യനിർണയം വിദ്യാർത്ഥികൾ നിർബന്ധമായും പാസാകണം' എന്ന് ബോർഡ് നിർദേശിച്ചത്. ഇന്റേണൽ അസസ്‌മെന്റിൽ പരാജയപ്പെടുന്നവർക്ക്, ബോർഡ് അന്തിമ ഫലം പ്രഖ്യാപിക്കുന്നതിന് മുൻപായി സ്കൂളുകൾ നടത്തുന്ന പുനർമൂല്യനിർണയത്തിന് (റീ-അസസ്‌മെന്റ്) വിധേയരാകേണ്ടി വരും.

Also Read: ഇന്ത്യയിൽ വിദേശ വിദ്യാർത്ഥികളുടെ പ്രവേശനം കൂടുന്നു; നേപ്പാൾ തന്നെ മുന്നിൽ

ഒമ്പതാം ക്ലാസിലെ സ്കൂൾതല മൂന്നാം ഭാഷാ പരീക്ഷയിൽ പരാജയപ്പെടുന്ന വിദ്യാർത്ഥികളെ ക്ലാസ് കയറ്റം നൽകാതെ തടഞ്ഞുവെക്കില്ലെന്നും സിബിഎസ്ഇ ആവർത്തിച്ചു. അവർക്ക് 2027-28 അക്കാദമിക് വർഷത്തിൽ പത്താം ക്ലാസിലേക്ക് പ്രൊമോഷൻ ലഭിക്കും, എന്നാൽ പത്താം ക്ലാസിൽ പഠിക്കുമ്പോൾ തന്നെ ഒമ്പതാം ക്ലാസിലെ പൂർത്തിയാക്കാനുള്ള മൂന്നാം ഭാഷാ പരീക്ഷ അവർ പാസാകേണ്ടതുണ്ട്.

ദേശീയ വിദ്യാഭ്യാസ നയത്തിന് കീഴിൽ ത്രിഭാഷാ പദ്ധതി നടപ്പിലാക്കിക്കൊണ്ട് ജൂൺ 29-ന് സിബിഎസ്ഇ പുറപ്പെടുവിച്ച സർക്കുലറിന് പിന്നാലെയാണ് ഈ വ്യക്തത വരുത്തൽ. പരിഷ്കരിച്ച പദ്ധതി പ്രകാരം, ആറാം ക്ലാസ് മുതൽ വിദ്യാർത്ഥികൾ മൂന്ന് ഭാഷകൾ പഠിക്കേണ്ടതുണ്ട്, ഇതിൽ രണ്ടെണ്ണം ഇന്ത്യൻ ഭാഷകളായിരിക്കണം. നിലവിൽ 7, 8, 9 ക്ലാസുകളിൽ പഠിക്കുന്നവരും ഇംഗ്ലീഷിനൊപ്പം അധിക വിദേശ ഭാഷ തിരഞ്ഞെടുത്തവരുമായ വിദ്യാർത്ഥികൾക്ക് അത് തുടരാൻ അനുവാദമുണ്ട്, എന്നാൽ അതോടൊപ്പം ഒരു ഇന്ത്യൻ ഭാഷയും മൂന്നാം ഭാഷയായി പഠിക്കേണ്ടതുണ്ട്.

Also Read: സർക്കാർ സർവ്വകലാശാലകളേക്കാൾ മൂന്നിരട്ടി വേഗത്തിൽ വളർന്ന് സ്വകാര്യ സർവ്വകലാശാലകൾ

ഇതുവരെ എട്ടാം ക്ലാസിന് ശേഷം വിദ്യാർത്ഥികൾ മൂന്നാം ഭാഷാ പഠനം അവസാനിപ്പിക്കുകയായിരുന്നു പതിവ്. എന്നാൽ ജൂൺ 29, ജൂലൈ 10 തീയതികളിലെ പുതിയ സർക്കുലറുകൾ പ്രകാരം 2026-27 അധ്യയന വർഷം മുതൽ ഒമ്പതാം ക്ലാസിലും, 2027-28 മുതൽ പത്താം ക്ലാസിലും മൂന്നാം ഭാഷ നിർബന്ധമാക്കും. ഈ പരിഷ്കരിച്ച നിയമങ്ങൾ 2026-27 വർഷത്തെ നിലവിലെ പത്താം ക്ലാസ് ബാച്ചിന് ബാധകമായിരിക്കില്ല.

Also Read: രാജ്യത്ത് കമ്പ്യൂട്ടർ എൻജിനീയറിങ്ങിന് പ്രിയമേറുന്നു; ഏറ്റവും കൂടുതൽ വിദ്യാർത്ഥികൾ തിരഞ്ഞെടുക്കുന്ന ബ്രാഞ്ചെന്ന് റിപ്പോർട്ട്

അതേസമയം, തിങ്കളാഴ്ച സുപ്രീം കോടതിയിൽ ഈ നയത്തെ ന്യായീകരിച്ചുകൊണ്ട് സിബിഎസ്ഇ പ്രസ്താവന നടത്തി. തങ്ങളുടെ കീഴിലുള്ള 28,848 അഫിലിയേറ്റഡ് സ്കൂളുകളിൽ 47.3% വിദ്യാലയങ്ങളും നിലവിൽ ഒമ്പതാം ക്ലാസ് വിദ്യാർത്ഥികൾക്കായി രണ്ടോ അതിലധികമോ ഇന്ത്യൻ ഭാഷകൾ നൽകുന്നുണ്ടെന്നും, അതിനാൽ 'അധിക അധ്യാപകരില്ലാതെ' തന്നെ അവർ ത്രിഭാഷാ പദ്ധതി പൂർണമായും പാലിക്കുന്നുണ്ടെന്നും ബോർഡ് അറിയിച്ചു. അഫിലിയേറ്റഡ് സ്കൂളുകളിൽ 99.19 ശതമാനത്തിലും കുറഞ്ഞത് ഒരു ഇന്ത്യൻ ഭാഷാ അധ്യാപകനെങ്കിലും ഉണ്ടെന്നും സിബിഎസ്ഇ വ്യക്തമാക്കി.

Read More: ബിഎസ്‌സി നഴ്‌സിങ് അല്ലൈഡ് ഹെൽത്ത് സയൻസ് കോഴ്‌സ്: അപേക്ഷാ തീയതി നീട്ടി

ബെംഗളൂരു: കേസിന്റെ വിധി അനുകൂലമാക്കാൻ ജഡ്ജിയുടെ കസേരയിലും ഡയസിലും ആഭിചാരക്രിയ നടത്തിയ 65 കാരി അറസ്റ്റിൽ. കർണാടകയിലെ ചിക്കബല്ലാപുര കോടതിയിലാണ് സംഭവം. ചിക്കബല്ലാപുര ഫസ്റ്റ് അഡീഷണൽ സീനിയർ സിവിൽ ജഡ്ജ് ആൻഡ് ജുഡീഷ്യൽ മജിസ്‌ട്രേറ്റ് ഫസ്റ്റ് ക്ലാസ് കോടതിമുറിയിലാണ് കഴിഞ്ഞയാഴ്ച സംഭവം നടന്നതെന്ന് പൊലീസ് അറിയിച്ചു. 

ചിക്കബല്ലാപുര വലസന്ന സ്വദേശിനിയായ മഞ്ജുളയാണ് അറസ്റ്റിലായത്. കോടതി അധികൃതർ നൽകിയ പരാതിയുടെയും സിസിടിവി ദൃശ്യങ്ങളുടെയും അടിസ്ഥാനത്തിൽ നടത്തിയ അന്വേഷണത്തിനു പിന്നാലെ ജൂലൈ 11 നാണ് ഇവരെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കിയതായും 14 ദിവസത്തേക്ക് ജുഡീഷ്യൽ കസ്റ്റഡിയിൽ റിമാൻഡ് ചെയ്തതായും പൊലീസ് ഉദ്യോഗസ്ഥൻ വ്യക്തമാക്കി.

Also Read: പഴകിയ വേ പ്രോട്ടീൻ മുതൽ കേടായ മുട്ട വരെ; ഭക്ഷ്യസുരക്ഷയിൽ വൻ വീഴ്ച, ഇൻസ്റ്റാമാർട്ടിന് 9 നോട്ടീസുകൾ അയച്ച് എഫ്.എസ്.എസ്.എ.ഐ

കോടതി ഭരണവിഭാഗം നൽകിയ പരാതി പ്രകാരം, തുറന്നുകിടന്ന കോടതിമുറിയിലേക്ക് അതിക്രമിച്ചു കയറിയ മഞ്ജുള, ജഡ്ജിയുടെ കസേരയിലും ഡയസിലും ആഭിചാരക്രിയയുടെ ഭാഗമായി വെളുത്ത കടുക് വിതറുകയായിരുന്നു. പിന്നീട് കോടതി ജീവനക്കാരാണ് കസേരയിലും പരിസരത്തും കടുക് വിതറിയ നിലയിൽ കണ്ടെത്തിയത്.

Also Read: ഇന്ത്യൻ റെയിൽവേയിൽ വൻ മോഷണം; യാത്രക്കാർ കടത്തിയത് 1.27 കോടി ബെഡ്ഷീറ്റുകളും തലയിണകളും; നഷ്ടം 100 കോടിയിലധികം

കോടതി അധികൃതർ സിസിടിവി ദൃശ്യങ്ങൾ പരിശോധിച്ചപ്പോഴാണ് മഞ്ജുള കോടതിമുറിയിൽ പ്രവേശിച്ച് കടുക് വിതറുന്ന ദൃശ്യങ്ങൾ ശ്രദ്ധയിൽപ്പെട്ടത്. തുടർന്ന് ചീഫ് അഡ്മിനിസ്ട്രേറ്റീവ് ഓഫീസർ ചിക്കബല്ലാപുര ടൗൺ പൊലീസിൽ പരാതി നൽകുകയായിരുന്നു. മഞ്ജുളയുടെ കുടുംബവുമായി ബന്ധപ്പെട്ട ഒരു സിവിൽ കേസ് നിലവിൽ ഇതേ കോടതിയുടെ പരിഗണനയിലുണ്ട്. ഈ കേസിന്റെ വിധി തങ്ങളുടെ കുടുംബത്തിന് അനുകൂലമായി മാറ്റാൻ സഹായിക്കുമെന്ന വിശ്വാസത്തിലാണ് ഇവർ ഇത്തരമൊരു ആഭിചാരക്രിയ നടത്തിയതെന്ന് പൊലീസ് ഉദ്യോഗസ്ഥൻ പറഞ്ഞു. 

Read More: E20 പെട്രോൾ ഉപയോ​ഗിച്ച ശേഷം വാഹനങ്ങൾക്ക് പണി കിട്ടിയോ? ഡൽഹിയിലെ മെക്കാനിക്കുകൾ പറയുന്നു

മുപ്പത്തൊൻപതുകാരനായ കേരളത്തിലെ ഫിസിഷ്യൻ ഡോ.സുബൈർ നബിൻ കെ* കുട്ടിക്കാലത്ത് അൽപം തടിച്ച പ്രകൃതക്കാരനായിരുന്നു, വളർന്നപ്പോൾ അദ്ദേഹം അമിതവണ്ണമുള്ള ഒരാളായി മാറി. അദ്ദേഹത്തിന് സന്തോഷം എന്നാൽ ഒരു ബിരിയാണി മുഴുവൻ കഴിക്കുന്നതോ അതിനുശേഷം ഒരു പേസ്ട്രി കഴിക്കുന്നതോ ആയിരുന്നു. ഭക്ഷണം കഴിക്കുന്നത് ഒരിക്കലും ശരീരത്തിന് പോഷണം നൽകാനായിരുന്നില്ല, മറിച്ച് ഒരു മോശം ദിവസത്തെ മാറ്റിമറിക്കാനായിരുന്നു.

ഡയറ്റിങ്ങിന്റെയും അമിതമായി ഭക്ഷണം കഴിക്കുന്നതിന്റെയും ചക്രത്തിൽ കുടുങ്ങി അദ്ദേഹത്തിന്റെ ഭാരം 120 കിലോഗ്രാം വരെ ഉയർന്നു. ഒരു ഡോക്ടർ ആയതുകൊണ്ട് തന്നെ, അമിതവണ്ണം ആരോഗ്യത്തിന് വരുത്തിവെക്കുന്ന ദോഷങ്ങളെക്കുറിച്ച് അദ്ദേഹത്തിന് കൃത്യമായി അറിയാമായിരുന്നു. എല്ലാ ദിവസവും രോഗികൾക്ക് ജീവിതശൈലി രോഗങ്ങളെക്കുറിച്ച് അദ്ദേഹം കൗൺസിലിങ് നൽകിയിരുന്നു, എങ്കിലും ഭക്ഷണവുമായുള്ള സ്വന്തം വൈകാരിക ബന്ധത്തിൽ നിന്ന് മുക്തി നേടാൻ അദ്ദേഹത്തിന് കഴിഞ്ഞിരുന്നില്ല. ''എനിക്ക് എന്നെത്തന്നെ മാറ്റണമായിരുന്നു, മറ്റൊരു മാർഗവുമില്ലായിരുന്നു,'' അദ്ദേഹം പറയുന്നു.

ഡയറ്റിങ്ങിലൂടെയും വ്യായാമത്തിലൂടെയും 10 കിലോ കുറയ്ക്കാൻ കഴിഞ്ഞെങ്കിലും, കുടുംബത്തിലെ അമിതവണ്ണത്തിന്റെ ചരിത്രം കണക്കിലെടുക്കുമ്പോൾ, ഉയരത്തിന് അനുയോജ്യമായ ഭാരത്തിലേക്ക് എത്തുവാൻ അദ്ദേഹത്തിന് കൂടുതൽ എന്തെങ്കിലും ആവശ്യമായിരുന്നു. രണ്ട് വർഷം മുമ്പ് റെറ്റാട്രൂട്ടൈഡ് എന്ന പുതിയ ജിഎൽപി-1 മരുന്നിന്റെ പരീക്ഷണത്തിൽ പങ്കാളിയാകാൻ അദ്ദേഹം തീരുമാനിച്ചു. ഈ മരുന്നിന് രോഗികളിൽ ഉപയോഗിക്കുന്നതിനുള്ള അനുമതി ഇതുവരെ ലഭിച്ചിട്ടില്ല.

Also Read: പ്രമേഹ രോഗികളില്‍ ഹൃദയ-വൃക്ക രോഗസാധ്യത മുൻകൂട്ടി അറിയാം; വെബ് ആപ്പ് വികസിപ്പിച്ച് ഡോക്ടര്‍മാര്‍

''ഭാരം കുറഞ്ഞത് അത്ഭുതകരമായിരുന്നു. ഏകദേശം 70 കിലോ എന്ന അനുയോജ്യമായ ഭാരത്തിൽ എത്തിയില്ലെങ്കിലും, ഒരു പതിറ്റാണ്ടിലേറെക്കാലത്തിന് ശേഷമാണ് ഞാൻ വെയ്റ്റിങ് സ്കെയിലിൽ രണ്ടക്ക സംഖ്യ കാണുന്നത്,'' ഡോ. നബിൻ പറയുന്നു. അദ്ദേഹത്തിന്റെ ഭാരം 89 കിലോയായി കുറഞ്ഞിരുന്നു. മരുന്ന് കഴിക്കുന്നതിന് മുമ്പ്, അദ്ദേഹത്തിന്റെ പ്രായത്തിലുള്ള ഒരു സാധാരണക്കാരൻ കഴിക്കുന്നതിന്റെ ഇരട്ടി ഭക്ഷണം അദ്ദേഹം കഴിക്കുമായിരുന്നു, കാരണം അദ്ദേഹത്തിന് വിശപ്പ് കൂടുതലായിരുന്നു കൂടാതെ ശരീരം ഭാരം കുറയുന്നതിനെ പ്രതിരോധിക്കുകയും ചെയ്തിരുന്നു. 

അതിനുശേഷം, അദ്ദേഹത്തിന് ഭക്ഷണം കുറച്ച് കഴിക്കാൻ മാത്രമേ കഴിഞ്ഞുള്ളൂ. വറുത്ത പലഹാരങ്ങൾക്ക് പകരം അദ്ദേഹം ആരോഗ്യകരമായ ഭക്ഷണങ്ങൾ തിരഞ്ഞെടുക്കാൻ തുടങ്ങി. ''ബിരിയാണി ഉപേക്ഷിക്കുന്നത് ബുദ്ധിമുട്ടായി തോന്നിയില്ല,'' അദ്ദേഹം പറയുന്നു. എല്ലാ വസ്ത്രങ്ങളും നന്നായി പാകമാകാൻ തുടങ്ങി, അരക്കെട്ടിന്റെ അളവ് 44 ഇഞ്ചിൽ നിന്ന് 36 ഇഞ്ചായി കുറഞ്ഞു തുടങ്ങി അദ്ദേഹത്തിന്റെ ശരീരത്തിൽ മാറ്റങ്ങൾ ഉണ്ടായി. ഇത് അദ്ദേഹത്തിന്റെ വ്യക്തിത്വത്തിലും മാറ്റം വരുത്തി. ''കുട്ടിക്കാലത്ത് ഞാൻ ഒരുപാട് പരിഹസിക്കപ്പെട്ടിരുന്നു, എന്നാൽ പരീക്ഷണത്തിന് ശേഷം എനിക്ക് ആത്മവിശ്വാസം തോന്നി. ഞാൻ അനാവശ്യമായി ചിന്തിച്ചുകൂട്ടിയിരുന്നില്ല.''

എന്താണ് റെറ്റാട്രൂട്ടൈഡ്?

റെറ്റാട്രൂട്ടൈഡ് എന്നത് പരീക്ഷണാടിസ്ഥാനത്തിലുള്ള ഭാരം കുറയ്ക്കാനുള്ളതും പ്രമേഹത്തിനുള്ളതുമായ ഒരു മരുന്നാണ്. ഇത് ഒരേ സമയം മൂന്ന് വ്യത്യസ്ത ഹോർമോൺ റിസപ്റ്ററുകളെ ലക്ഷ്യം വയ്ക്കുന്ന പുതിയ തലമുറയിലെ മരുന്നുകളിൽ പെട്ടതാണ്. എല്ലാ അമിതവണ്ണ മരുന്നുകളും ഇൻക്രെറ്റിൻ മിമെറ്റിക്സ് ആണ്. അവ ഒരേ റിസപ്റ്ററുകളെ സജീവമാക്കിക്കൊണ്ട് ചില കുടൽ ഹോർമോണുകളുടെ പ്രവർത്തനം അനുകരിക്കുന്നു, ഇത് രക്തത്തിലെ പഞ്ചസാരയുടെ അളവ് നിയന്ത്രിക്കാനും വിശപ്പ് കുറയ്ക്കാനും സഹായിക്കുന്നു. അവ ഇൻസുലിൻ ഉത്പാദനം മെച്ചപ്പെടുത്തുന്നു, കരൾ ഗ്ലൂക്കോസ് ഉത്പാദിപ്പിക്കുന്നതിനെ ഉത്തേജിപ്പിക്കുന്ന ഗ്ലൂക്കോൺ ഹോർമോണിന്റെ സ്രവണം തടയുന്നു, കൂടാതെ ദഹനം പതുക്കെയാക്കിക്കൊണ്ട് വിശപ്പ് കുറയ്ക്കുന്നു. സെമാഗ്ലൂട്ടൈഡ് ജിഎൽപി-1 റിസപ്റ്ററുകളെ ലക്ഷ്യം വയ്ക്കുമ്പോൾ, ടിർസെപാറ്റൈഡ് ജിഎൽപി-1-നൊപ്പം ജിഐപി-നെയും ലക്ഷ്യമിടുന്നു. എന്നാൽ റെറ്റാട്രൂട്ടൈഡിന് മൂന്ന് ലക്ഷ്യങ്ങളുണ്ട്- ജിഎൽപി-1, ജിഐപി, ഗ്ലൂക്കോൺ.

Also Read: കാൽപ്പാദം വിണ്ടുകീറുന്നത് സിങ്ക് കുറവുകൊണ്ടല്ല! യഥാർത്ഥ കാരണങ്ങൾ ഇവയാണ്...

ഈ മരുന്നിന്റെ മൂന്നാം ഘട്ട ക്ലിനിക്കൽ പരീക്ഷണത്തിൽ, ഏറ്റവും കുറഞ്ഞ 4 മില്ലിഗ്രാം ഡോസ് കഴിച്ച പങ്കാളികൾക്ക് 80-ാം ആഴ്ചയിൽ അവരുടെ ശരീരഭാരത്തിന്റെ 19% കുറഞ്ഞു. 9 മില്ലിഗ്രാം കഴിച്ചവർക്ക് 25.9 ശതമാനവും, ഏറ്റവും ഉയർന്ന 12 മില്ലിഗ്രാം ഡോസ് കഴിച്ചവർക്ക് ശരീരഭാരത്തിന്റെ 28.3 ശതമാനവും കുറഞ്ഞതായി പരീക്ഷണം കാണിച്ചു. വികസനത്തിന്റെ ഈ ഘട്ടത്തിൽ ഒരു അമിതവണ്ണ മരുന്നിൽ കാണുന്ന ഏറ്റവും വലിയ ഭാരം കുറയ്ക്കലുകളിൽ ഒന്നാണിത്. പഠനം അവസാനിച്ചതിന് ശേഷവും ചില പങ്കാളികൾ ഭാരം കുറയ്ക്കുന്നത് തുടർന്നു, ഇത് ദീർഘകാല ചികിൽസയിലൂടെ ഇതിലും വലിയ കുറവുണ്ടാകാമെന്ന് സൂചിപ്പിക്കുന്നു. താരതമ്യപ്പെടുത്തുമ്പോൾ, സെമാഗ്ലൂട്ടൈഡ് ഏകദേശം 68 ആഴ്ചകളിൽ ശരാശരി 15% ഭാരം കുറയ്ക്കുമ്പോൾ, ടിർസെപാറ്റൈഡ് 72 ആഴ്ചകളിൽ 20-21% ഭാരം കുറയ്ക്കുന്നു.

ബോഡി ഇമേജുമായി പൊരുത്തപ്പെടൽ

എന്നിരുന്നാലും, പെട്ടെന്നുള്ളതും വലിയ രീതിയിലുമുള്ളതുമായ ഈ ഭാരം കുറയ്ക്കൽ ചില അനാവശ്യ സാമൂഹിക പ്രത്യാഘാതങ്ങൾക്കും കാരണമായിട്ടുണ്ട്. ഭാരം കുറഞ്ഞത് ഡോക്ടറുടെ ആത്മവിശ്വാസം വർധിപ്പിച്ചെങ്കിലും, കണ്ണാടിയിൽ നോക്കുന്നത് ഇപ്പോഴും ഒരു വെല്ലുവിളിയായിരുന്നു. ''എനിക്ക് പേശികൾ നഷ്ടപ്പെട്ടതായി കാണാമായിരുന്നു. എന്റെ തോളുകളും കൈകളും ചെറുതായി തോന്നി. എനിക്ക് ശക്തി കുറയുന്നതായി തോന്നി,'' കൊച്ചിയിലെ ഡോ.ജ്യോതിദേവ് കേശവദേവിന്റെ ഡയബറ്റിസ് ആൻഡ് റിസർച്ച് സെന്ററിൽ റെറ്റാട്രൂട്ടൈഡ് പരീക്ഷണത്തിന്റെ ഭാഗമായിരുന്ന ഡോ.നബിൻ പറയുന്നു.

തുടക്കകാലത്ത് പെട്ടെന്നുള്ള ഭാരം കുറയ്ക്കൽ തന്റെ പരീക്ഷണത്തിൽ പങ്കെടുത്ത രോഗികളുടെയെല്ലാം ബോഡി ഇമേജിനെ ബാധിച്ചതായി ഡോ.കേശവദേവ് കണ്ടെത്തി. അടുത്തിടെ നടന്ന അമേരിക്കൻ ഡയബറ്റിസ് അസോസിയേഷനിൽ അദ്ദേഹം ഒരു പഠനം അവതരിപ്പിക്കുകയുണ്ടായി, അതിൽ ആളുകൾ ജിഎൽപി-1 മരുന്നുകൾ നിർത്തുന്നത് പാർശ്വഫലങ്ങൾ കാരണം മാത്രമല്ല, അവരുടെ ശരീരത്തെക്കുറിച്ചുള്ള നെഗറ്റീവ് കമന്റുകൾ കാരണവുമാണെന്ന് കാണിച്ചു. 167 പങ്കാളികൾ മാത്രം പങ്കെടുത്ത ചെറിയ പഠനമാണെങ്കിലും, 'നിങ്ങൾ ഒരുപാട് മെലിഞ്ഞുപോയി, ഇത് ആരോഗ്യകരമായി തോന്നുന്നില്ല'; 'നിങ്ങൾ കൃത്യമായി ഭക്ഷണം കഴിക്കുന്നില്ലേ'; 'നിങ്ങൾക്ക് പ്രായം തോന്നിക്കുന്നു'; അല്ലെങ്കിൽ 'നിങ്ങൾക്ക് മുമ്പായിരുന്നു കൂടുതൽ ഭംഗി' തുടങ്ങിയ കമന്റുകൾ അവർക്ക് ലഭിച്ചതായി റിപ്പോർട്ട് ചെയ്തു. ആളുകൾ മറ്റുള്ളവരുടെ കാഴ്ചപ്പാടുകളേക്കാൾ യഥാർത്ഥ ആരോഗ്യ പാരാമീറ്ററുകളിലാണ് ശ്രദ്ധിക്കേണ്ടതെന്ന് പഠനം ശുപാർശ ചെയ്തു. അവർ തങ്ങളുടെ രക്തത്തിലെ ഗ്ലൂക്കോസിന്റെ അളവ്, രക്തസമ്മർദം, കൊളസ്ട്രോളിന്റെ അളവ്, വീക്കം എന്നിവ ട്രാക്ക് ചെയ്യണം.

''ആളുകൾ തങ്ങളോട് സുഖമാണോ എന്ന് ചോദിച്ചുകൊണ്ടിരുന്നതിനാൽ എന്റെ പരീക്ഷണത്തിൽ പങ്കെടുത്ത പലരും സാമൂഹിക പരിപാടികൾ ഒഴിവാക്കാൻ തുടങ്ങിയതായി എനിക്കറിയാം. ആളുകൾ തങ്ങൾക്ക് കാൻസർ ഉണ്ടോ എന്നാണ് ചോദിക്കുന്നതെന്ന് അവർക്ക് മനസ്സിലായി. പരീക്ഷണത്തിന്റെ തുടക്കത്തിൽ അവരിൽ ഭൂരിഭാഗവും അമിതവണ്ണമുള്ളവരായിരുന്നു, അതിനാൽ ഭാരം കുറഞ്ഞത് വളരെ വ്യക്തമായി കാണാമായിരുന്നു,'' ഡോ.നബിൻ പറയുന്നു.

Also Read: വൈറ്റമിൻ ബി12 ഗുളിക തിരഞ്ഞെടുക്കുമ്പോൾ പലരും വരുത്തുന്ന തെറ്റുകൾ

മരുന്ന് കഴിക്കാൻ തുടങ്ങുന്നതിന് മുമ്പ് അദ്ദേഹം സ്ട്രെങ്ത് ട്രെയിനിങ് ഒന്നും ചെയ്തിരുന്നില്ലെങ്കിലും, നഷ്ടപ്പെട്ട പേശി പിണ്ഡം വീണ്ടെടുക്കാൻ അദ്ദേഹം ജിമ്മിൽ പോകാൻ തുടങ്ങി. വ്യാപകമായി ലഭ്യമായ ജിഎ.പി-1 മരുന്നായ ടിർസെപാറ്റൈഡ് ഉപയോഗിച്ച് മറ്റൊരു രോഗിക്ക് 25 കിലോഗ്രാമിലധികം ഭാരം കുറഞ്ഞു. 160 കിലോഗ്രാം ഭാരമുണ്ടായിരുന്ന അദ്ദേഹം ഏതാണ്ട് കിടപ്പിലായ അവസ്ഥയിലായിരുന്നു. ഭാരം കുറഞ്ഞത് അദ്ദേഹത്തിന് നടന്നുതുടങ്ങാൻ സഹായിച്ചു. ഇപ്പോൾ, അദ്ദേഹത്തിന്റെ വയറ്റിലെ തൂങ്ങിക്കിടക്കുന്ന അധിക ചർമ്മമാണ് വെല്ലുവിളി, ഇത് ശസ്ത്രക്രിയയിലൂടെ പരിഹരിക്കേണ്ടതുണ്ട്.

റെറ്റാട്രൂട്ടൈഡ് പോലുള്ള ശക്തമായ മരുന്നുകൾ വരുന്നതോടെ ബാരിയാട്രിക് ശസ്ത്രക്രിയകൾ ചരിത്രത്തിന്റെ ഭാഗമാകുമെന്ന് ഡോ.കേശവദേവ് വിശ്വസിക്കുന്നു. ''ഈ വിഭാഗത്തിൽപ്പെട്ട മറ്റ് ഭാരം കുറയ്ക്കൽ മരുന്നുകൾക്ക് നിലവിൽ തന്നെ 70% ബാരിയാട്രിക് നടപടിക്രമങ്ങളെ മാറ്റിസ്ഥാപിക്കാൻ കഴിയും. ഈ മരുന്ന് വരുന്നതോടെ ഈ അനുപാതം 95% ആയി ഉയർന്നേക്കാം. മരുന്ന് സഹിക്കാൻ കഴിയാത്തവർക്കോ മറ്റ് ആരോഗ്യപ്രശ്നങ്ങൾ കാരണം കഴിക്കാൻ പറ്റാത്തവർക്കോ മാത്രമേ ശസ്ത്രക്രിയകൾ ആവശ്യമായി വരൂ,'' അദ്ദേഹം പറയുന്നു.

പാർശ്വഫലങ്ങളുമായുള്ള പോരാട്ടം

ഡോ.നബിന്റെ രണ്ട് വർഷത്തെ ഭാരം കുറയ്ക്കൽ യാത്രയിലുടനീളം, മരുന്നിന്റെ ഓരോ ഡോസിന് ശേഷവും വയറിളക്കം ഉണ്ടായിരുന്നു. ''ഓരോ ആഴ്ചയും, ഇൻജക്ഷൻ എടുത്തതിനുശേഷം എനിക്ക് എന്താണ് സംഭവിക്കാൻ പോകുന്നതെന്ന് അറിയാമായിരുന്നു. വായയിലെ മോശം രുചിയായിരുന്നു ഇതിന്റെ സൂചന. നിർജലീകരണം തടയാൻ ചില രോഗികളെ ആശുപത്രിയിൽ പ്രവേശിപ്പിക്കേണ്ടി വരാറുണ്ടെങ്കിലും, എനിക്ക് ആശുപത്രിയിൽ കിടക്കേണ്ടി വന്നിട്ടില്ല. എങ്കിലും ഇത് എന്റെ ജോലിയെ ബാധിച്ചു, മാസം ഒന്നോ രണ്ടോ തവണ ലീവ് എടുക്കാൻ എന്നെ നിർബന്ധിതനാക്കി,'' അദ്ദേഹം പറയുന്നു.

ഡോ.നബിൻ സഹിക്കാൻ പഠിച്ച മറ്റൊരു പാർശ്വഫലമാണ് ഡിസെസ്തേഷ്യ-അതായത് അസാധാരണമായ സ്പർശന സംവേദനം. ''എന്റെ അരയ്ക്ക് ചുറ്റും മുണ്ട് മുറുക്കി ഉടുക്കുമ്പോഴൊക്കെ എനിക്ക് ഒരു തരിപ്പ് അനുഭവപ്പെടാറുണ്ട്. എന്റെ തുടകളുടെ ഭാഗത്തും അമിതമായ സ്പർശനക്ഷമതയുണ്ട്,'' അദ്ദേഹം പറയുന്നു.

റെറ്റാട്രൂട്ടൈഡിന്റെ ഭൂരിഭാഗം പാർശ്വഫലങ്ങളും മറ്റ് ജിഎൽപി-1 മരുന്നുകൾക്ക് സമാനമാണെങ്കിലും (വയറിളക്കം ഉൾപ്പെടെ), ഈ മരുന്നിന്റെ മൂന്നാം ഘട്ട പരീക്ഷണത്തിൽ 5.1% മുതൽ 12.5% വരെ പങ്കാളികളിൽ ഡിസെസ്തേഷ്യ ഉണ്ടായതായി കാണിച്ചു.

ചർമ്മത്തിൽ എന്തെങ്കിലും സമ്മർദം ഉണ്ടാകുമ്പോൾ പരീക്ഷണത്തിൽ പങ്കെടുത്ത പലരും ഈ അസുഖകരമായ അനുഭവം റിപ്പോർട്ട് ചെയ്തതായി ഡോ.കേശവദേവ് പറയുന്നു. നാഡികളുടെ അറ്റത്തുള്ള കൊഴുപ്പ് കുറയുന്നതിന്റെ ഫലമായാണ് ഈ സംവേദനം ഉണ്ടാകുന്നത് എന്നാണ് സിദ്ധാന്തം. ''ഇത് സാധാരണയായി ഉയർന്ന ഡോസുകൾ കഴിക്കുന്നവരിലാണ് സംഭവിക്കുന്നത്, എന്നാൽ കുറഞ്ഞ ഡോസ് കഴിക്കുന്നവരിലും ഞങ്ങൾ ഇത് കണ്ടിട്ടുണ്ട്. ഛർദി, വയറിളക്കം, ഓക്കാനം തുടങ്ങിയ ദഹനസംബന്ധമായ പാർശ്വഫലങ്ങൾ തുടക്കത്തിൽ തന്നെ സംഭവിക്കുന്നു, എന്നാൽ ഡിസെസ്തേഷ്യ എപ്പോൾ വേണമെങ്കിലും സംഭവിക്കാം, അദ്ദേഹം വ്യക്തമാക്കി.

ഇപ്പോൾ പരീക്ഷണം കഴിഞ്ഞതിനാൽ ഡോ.നബിൻ മറ്റ് ജിഎൽപി-1 മരുന്നുകളാണ് കഴിക്കുന്നത്. ''എനിക്ക് വീണ്ടും ഭാരം കൂടാൻ തുടങ്ങിയിട്ടുണ്ട്. എന്റെ കുടുംബ ചരിത്രം കണക്കിലെടുക്കുമ്പോൾ, എനിക്ക് കൂടുതൽ കാലം മരുന്ന് ആവശ്യമായി വന്നേക്കാം,'' അദ്ദേഹം പറയുന്നു. ''ടിർസെപാറ്റൈഡ് പോലുള്ള പുതിയ മരുന്നുകളും റെറ്റാട്രൂട്ടൈഡ് പോലുള്ള പരീക്ഷണാത്മക മരുന്നുകളും ലഭ്യമാകുന്നതോടെ, ദീർഘകാല ചികിൽസാ ഓപ്ഷനുകൾ വിപുലീകരിക്കപ്പെടാൻ സാധ്യതയുണ്ട്. 'എന്നാൽ ഡയറ്റ്, വ്യായാമം, ഉറക്കം, ജീവിതശൈലി പരിഷ്കരണം എന്നീ തൂണുകളുടെ പിന്തുണയില്ലാതെ ഇവയൊന്നും ഫലപ്രദമാകില്ല. പുതിയ മരുന്നുകൾ വരും, പക്ഷേ അവ ഫലപ്രദമാകാൻ നിങ്ങളുടെ ഭാഗത്തുനിന്നുള്ള ശ്രമം ആവശ്യമാണ്,'' ഡോ.കേശവദേവ് അഭിപ്രായപ്പെട്ടു.

(*സ്വകാര്യത സംരക്ഷിക്കുന്നതിനായി പേര് മാറ്റിയിട്ടുണ്ട്)

Read : ആഴ്ചതോറുമുള്ള ഇൻസുലിനോ അതോ ദിവസേനയുള്ളതോ: പ്രമേഹ രോഗികൾക്ക് ഏത് ഓപ്ഷനാണ് നല്ലത്?

2025-ൽ ഉത്തർപ്രദേശിൽ നടന്ന മഹാകുംഭമേളയിലൂടെ ശ്രദ്ധ നേടിയ യുവതിയും ഭർത്താവും കഴിഞ്ഞ മൂന്ന് മാസമായി കേരളത്തിലെ വിവിധ ന​ഗരങ്ങളിൽ ഭയത്തോടെ കഴിയുകയാണ്. പെൺകുട്ടിയുടെ വിവാഹവുമായി ബന്ധപ്പെട്ട ആരോപണങ്ങൾ ഇരുവരെയും വിടാതെ പിന്തുടരുകയാണ്.

ഈ മാസം ആദ്യം മധ്യപ്രദേശിലെ പോക്സോ കേസിൽ പെൺകുട്ടിയുടെ ഭർത്താവിന് കേരള ഹൈക്കോടതി അനുവദിച്ച ഇടക്കാല ജാമ്യം അവസാനിച്ചിരുന്നു. ഭർത്താവിനെ തിരികെ കൊണ്ടുപോകാനായി മധ്യപ്രദേശ് പോലീസ് കേരളത്തിൽ ക്യാമ്പ് ചെയ്തിരുന്നു. കഴിഞ്ഞ ആഴ്ച, ദമ്പതികൾക്ക് പോലീസ് സംരക്ഷണം അനുവദിച്ചിരുന്ന മുൻ ഉത്തരവ് കേരള ഹൈക്കോടതി പിൻവലിക്കുകയും ചെയ്തു. ദമ്പതികളെ കണ്ടെത്താൻ കഴിയുന്നില്ലെന്ന് പോലീസ് കോടതിയെ അറിയിച്ചതിനെ തുടർന്നായിരുന്നു ഇത്. 

Also Read: നടപടി 'ചില്ലറ'യല്ല; കർണാടക ഗതാഗത മന്ത്രിയെ ബസിൽ നിന്ന് ഇറക്കിവിട്ട കണ്ടക്ടർക്ക് സസ്പെൻഷൻ

"ദമ്പതികൾ കോടതിയിൽ എന്റെ വിലാസമാണ് നൽകിയിരുന്നത്. പക്ഷേ, മധ്യപ്രദേശ് പോലീസിനെ ഭയന്ന് അവർ അവിടെ താമസിക്കാൻ തയ്യാറല്ല. അവർ എവിടേക്കാണ് പോയതെന്ന് ഞങ്ങൾക്കും അറിയില്ല. അതിനാലാണ് കോടതി പോലീസ് സംരക്ഷണ ഉത്തരവ് പിൻവലിച്ചത്." ദമ്പതികളെ സഹായിച്ചുവരുന്ന സിനിമാ പ്രവർത്തകനായ ധനം കണ്ണൻ ദി ഇന്ത്യൻ എക്സ്പ്രസിനോട് പറഞ്ഞു.

ഭർത്താവിനെതിരെ കേസ്

26-കാരനായ ഭർത്താവിനെതിരെ യുവതിയുടെ പിതാവാണ് കേസ് നൽകിയത്. തന്റെ മകൾ പ്രായപൂർത്തിയാകാത്ത ആളാണെന്നും അവളെ തട്ടിക്കൊണ്ടുപോയെന്നുമാണ് പരാതിയിൽ പറയുന്നത്. എന്നാൽ തനിക്ക് 18 വയസ്സ് കഴിഞ്ഞതായി തെളിയിക്കുന്ന രേഖകൾ യുവതി ഹാജരാക്കിയിട്ടുണ്ട്. യുവതി ഒരു പട്ടികവർഗ സമൂഹത്തിൽപ്പെട്ടയാളായതിനാൽ ദേശീയ പട്ടികവർഗ കമ്മീഷനും വിഷയത്തിൽ അന്വേഷണം നടത്തുന്നുണ്ട്.

'പാകിസ്ഥാനിയെ വിവാഹം കഴിച്ചു' എന്ന ഭീഷണി

പോലീസ് സംരക്ഷണം ആവശ്യപ്പെട്ട് ഹൈക്കോടതിയിൽ നൽകിയ ഹർജിയിൽ, മഹാകുംഭമേളയ്ക്കിടെ താൻ "ഒരു താരമായി" മാറിയെങ്കിലും "ഒരു പാകിസ്ഥാനിയെ വിവാഹം കഴിച്ചു" എന്നാരോപിച്ച് ഫോൺ വിളിയിലൂടെ ഭീഷണി ലഭിച്ചതായി യുവതി പറഞ്ഞു.

"ഫോൺ ചെയ്തയാൾ തന്നെ വെടിവെച്ച് കൊല്ലുമെന്ന് ഭീഷണിപ്പെടുത്തി."

"മധ്യപ്രദേശ് പോലീസ് ഭർത്താവിനെ പിന്തുടരുന്നതിന് പുറമെ കേരളത്തിലെ തീവ്ര ഹിന്ദുത്വ സംഘടനകളും അദ്ദേഹത്തിനെതിരെ രംഗത്തെത്തിയിട്ടുണ്ട്." ധനം കണ്ണൻ പറഞ്ഞു. തന്നെ കൂടാതെ മറ്റ് സഹപ്രവർത്തകരും ഇരുവരെയും സഹായിക്കുന്നുണ്ടെന്നും അദ്ദേഹം കൂട്ടിച്ചേർത്തു.

"അവർ ഒരിടത്തും സ്ഥിരമായി താമസിക്കുന്നില്ല. മൊബൈൽ ഫോണുകളും ഉപയോഗിക്കുന്നില്ല. കേരളത്തിലെ ഹിന്ദുത്വ സംഘടനകൾ ഇവരെ മധ്യപ്രദേശിലെ സമാന സംഘടനകൾക്ക് കൈമാറുമോ എന്ന ഭയമാണ് അവർക്കുള്ളത്." ധനം കണ്ണൻ പറഞ്ഞു.

മഹാകുംഭമേളയിൽ യുവതി ശ്രദ്ധിക്കപ്പെട്ടതിനെ തുടർന്ന് ചില മാധ്യമങ്ങളിൽ നിന്ന് അവസരങ്ങൾ ലഭിച്ചു. അതിനായിട്ടാണ് അവർ മാർച്ചിൽ കേരളത്തിലെത്തിയത്. അവിടെയാണ് 26-കാരനെ പരിചയപ്പെടുന്നത്.

ഇരുവരും വിവാഹിതരാകാൻ ആഗ്രഹം പ്രകടിപ്പിച്ചതോടെ യുവതിയുടെ പിതാവ് കേസ് നൽകുകയും മകൾ തനിക്കൊപ്പം മധ്യപ്രദേശിലേക്ക് മടങ്ങണമെന്നാവശ്യപ്പെടുകയും ചെയ്തു. തുടർന്ന് ദമ്പതികൾ തിരുവനന്തപുരത്തെ ഒരു പോലീസ് സ്റ്റേഷനിൽ അഭയം തേടി. പിതാവിനൊപ്പം പോകാൻ യുവതി വിസമ്മതിച്ചതിനെ തുടർന്ന് സിനിമാ പ്രവർത്തകർ ഇടപെട്ട് ഇരുവരുടെയും വിവാഹം നടത്താൻ സഹായിച്ചു.

"അന്വേഷണം തുടരുകയാണ്. വ്യാജരേഖ ചമച്ചതുമായി ബന്ധപ്പെട്ട അധിക വകുപ്പുകളും കേസിൽ ഉൾപ്പെടുത്താൻ സാധ്യതയുണ്ട്. വിവാഹ സർട്ടിഫിക്കറ്റ് നേടാൻ വ്യാജരേഖകൾ ഉപയോഗിച്ചതായി അന്വേഷണത്തിൽ കണ്ടെത്തിയിട്ടുണ്ട്." മധ്യപ്രദേശ് പോലീസിലെ ഒരു മുതിർന്ന ഉദ്യോഗസ്ഥൻ പറഞ്ഞു.

Also Read: കേരളത്തിന് അഭിമാന നിമിഷം; ബഹിരാകാശത്തേയ്ക്ക് ആദ്യമായി ഒരു മലയാളി, ഡോ. അനിൽ മേനോന്റെ യാത്ര ഇന്ന്

ജനന സർട്ടിഫിക്കറ്റ് വീണ്ടും നൽകണമെന്ന് പിതാവിന്റെ ആവശ്യം

2008 ജനുവരി 1 എന്ന ജനനത്തീയതി രേഖപ്പെടുത്തിയ, യുവതിക്ക് 18 വയസ്സ് കഴിഞ്ഞതായി കാണിക്കുന്ന ജനന സർട്ടിഫിക്കറ്റ് അവർ സമർപ്പിച്ചിരുന്നത് ഉദ്യോഗസ്ഥരുടെ പിഴവ് മൂലമാണെന്നാണ് മാതാപിതാക്കളുടെ വാദം. ആശുപത്രി രേഖകളിൽ ലഭ്യമായ യഥാർത്ഥ ജനനത്തീയതി ഉൾപ്പെടുത്തി പുതുക്കിയ ജനന സർട്ടിഫിക്കറ്റ് നൽകാൻ ഉത്തരവിടണമെന്ന് ആവശ്യപ്പെട്ട് തഹസിൽദാർക്ക് അപേക്ഷ നൽകിയതായി പിതാവ് പറഞ്ഞു.
  
വിവിധ സ്രോതസുകളിൽ നിന്ന് ലഭിക്കുന്ന വിവരമനുസരിച്ച്, യുവതി പ്രായപൂർത്തിയാകാത്ത ആളാണെന്നാണ് ദേശീയ പട്ടികവർഗ കമ്മീഷനും കണ്ടെത്തിയത്. പെൺകുട്ടി ജനിച്ച ആശുപത്രിയിൽ ജനനത്തീയതി 2009 ഡിസംബർ 30 എന്നാണ് രേഖപ്പെടുത്തിയിരിക്കുന്നത്. അതിനാൽ മാർച്ച് 11-ന് വിവാഹം നടന്ന സമയത്ത് യുവതിക്ക് 16 വയസ്സ്, 2 മാസം, 12 ദിവസം മാത്രമാണ് പ്രായമുണ്ടായിരുന്നതെന്ന് കമ്മീഷൻ കണ്ടെത്തിയതായി റിപ്പോർട്ടുണ്ട്.

ദമ്പതികൾ സമർപ്പിച്ച ആധാർ കാർഡുകൾ, ഇരുവരും പ്രായപൂർത്തിയായവരാണെന്നും സ്വന്തം ഇഷ്ടപ്രകാരമാണ് വിവാഹിതരാകുന്നതെന്നുമുള്ള സത്യവാങ്മൂലം എന്നിവ പരിശോധിക്കുന്നതിനായി വിവാഹം നടന്ന ക്ഷേത്രവും ദേശീയ പട്ടികവർഗ കമ്മീഷൻ സന്ദർശിച്ചതായും സ്രോതസുകൾ അറിയിച്ചു.

Also Read: പഴകിയ ഭക്ഷണത്തിന് പുതിയ തീയതി; 'എക്സ്പയറി ഡേറ്റ് മാഫിയ' പിടിയിൽ; ഓൺലൈൻ ആപ്പുകൾക്കും വിതരണം

ഭർത്താവിനെതിരെ വിവാഹത്തിന് നിർബന്ധിക്കുന്നതിനായി സ്ത്രീയെ തട്ടിക്കൊണ്ടുപോകൽ, വഞ്ചനാപരമായ വിവാഹം, ബലാത്സംഗം, വ്യാജവാഗ്ദാനത്തിന്റെ അടിസ്ഥാനത്തിൽ സഹവാസം, പോക്സോ നിയമത്തിലെ വിവിധ വകുപ്പുകൾ, പട്ടികജാതി/പട്ടികവർഗ (അതിക്രമങ്ങൾ തടയൽ) നിയമം, മധ്യപ്രദേശ് മതസ്വാതന്ത്ര്യ നിയമം എന്നിവ പ്രകാരം എഫ്.ഐ.ആർ രജിസ്റ്റർ ചെയ്യണമെന്ന് ദേശീയ പട്ടികവർഗ കമ്മീഷൻ ശുപാർശ ചെയ്തിട്ടുണ്ടെന്നാണ് റിപ്പോർട്ടുകൾ.

Read More: വോട്ടർമാരുടെ ശ്രദ്ധയ്ക്ക്: നിയമഭേദഗതിയില്ലാതെ വോട്ടർ രജിസ്ട്രേഷൻ ഫോമിൽ മാറ്റം വരുത്തി ഇലക്ഷൻ കമ്മീഷൻ

ബോളിവുഡ് താരം ഷാരൂഖ് ഖാനും പ്രശസ്ത പോപ്പ് താരം ലേഡി ഗാഗയും ഒന്നിച്ചുള്ള ഒരു പഴയ അഭിമുഖത്തിന്റെ വീഡിയോ റെഡ്ഡിറ്റിൽ വീണ്ടും പ്രത്യക്ഷപ്പെട്ടതോടെ സോഷ്യൽ മീഡിയയിൽ വലിയ ചർച്ചകളാണ് നടക്കുന്നത്. ഈ അഭിമുഖത്തിനിടയിൽ ഗാഗ തികച്ചും അസ്വസ്ഥയായി കാണപ്പെട്ടു എന്നാണ് സോഷ്യൽ മീഡിയയുടെ നിരീക്ഷണം. 

2011-ൽ ലേഡി ഗാഗ ഇന്ത്യ സന്ദർശിച്ച സമയത്ത് എടുത്ത വീഡിയോ ആണ് ഇപ്പോൾ വീണ്ടും വൈറലാകുന്നത്. ലേഡി ഗാഗ നിരവധി തവണ നിരസിച്ചിട്ടും ഷാരൂഖ് തന്റെ കൈയിലുണ്ടായിരുന്ന വാച്ച് സമ്മാനമായി സ്വീകരിക്കാൻ അവരെ നിർബന്ധിക്കുന്നതാണ് വീഡിയോയിലുള്ളത്.

Also Read: 40 വർഷമായി സിനിമയിൽ, എനിക്കിതുവരെ ഒരു പഞ്ചായത്ത് അവാർഡ് പോലും ലഭിച്ചിട്ടില്ല: ബാബു ആന്റണി

"ഷാരൂഖ് ഖാൻ ലേഡി ഗാഗയെ ശരിക്കും അസ്വസ്ഥയാക്കി" എന്ന അടിക്കുറിപ്പോടെയാണ് ഈ വീഡിയോ റെഡ്ഡിറ്റിൽ പങ്കുവെച്ചിരിക്കുന്നത്. അഭിമുഖത്തിനിടയിൽ കാണികളിൽ ഒരാൾ ലേഡി ഗാഗയോട് 'ഷാരൂഖ് ഖാനുമായി ഡേറ്റ് ചെയ്യാൻ താല്പര്യമുണ്ടോ' എന്ന് ചോദിക്കുന്നുണ്ട്.

ലഘുവായ ഈ ചോദ്യത്തിന് ഗാഗ നൽകിയ മറുപടി ഇങ്ങനെയായിരുന്നു: "നിങ്ങളുമായി ഡേറ്റ് ചെയ്യാൻ എനിക്ക് താല്പര്യമുണ്ടോ? ഉണ്ട്. പക്ഷേ നിങ്ങൾ വിവാഹിതനാണോ? എങ്കിൽ തീർച്ചയായും ഇല്ല."

തമാശരൂപേണ ഇതിനോട് പ്രതികരിച്ച ഷാരൂഖ് പറഞ്ഞതിങ്ങനെ:  "എന്റെ കല്യാണം കഴിഞ്ഞ കാര്യം ആരാണ് ഇവരോട് ഇവിടെ വന്നു പറഞ്ഞത്?"

Also Read: മോളെ എന്നെ അച്ഛനെപ്പോലെ കരുതിക്കോളൂ എന്ന് പറഞ്ഞു, പിന്നീട് കാമുകനാകാൻ മനസ്സ് വന്നില്ല; വിജയ് സേതുപതി

 "ഞാൻ നല്ലൊരു പെൺകുട്ടിയാണ്... ഒരു പങ്കാളിയിൽ മാത്രം വിശ്വസിക്കുന്ന ആളാണ് ഞാൻ. ആ കാര്യത്തിൽ ഞാൻ വളരെ പഴയ ചിന്താഗതിക്കാരിയാണ്. അതുകൊണ്ട് ഡേറ്റിംഗിന് ഒട്ടും സാധ്യതയില്ല," എന്നായിരുന്നു ലേഡി ഗാഗയുടെ മറുപടി. 
 
 ഇതിന് മറുപടിയായി, "നിങ്ങൾ എന്റെ പ്രതീക്ഷകളെല്ലാം തല്ലിക്കെടുത്തി" എന്ന് ഷാരൂഖ് പറയുന്നുണ്ട്. ഇതിനുശേഷമാണ് വാച്ച് സമ്മാനമായി നൽകുന്നതിലേക്ക് സംഭാഷണം മാറുന്നത്.

അഭിമുഖത്തിനിടയിൽ, "ഞാൻ എന്റെ വാച്ച് നിങ്ങൾക്ക് തരാൻ പോവുകയാണ്" എന്ന് ഷാരൂഖ് പറയുന്നു.

എന്നാൽ ഗാഗ ഉടൻ തന്നെ അത് നിരസിച്ചുകൊണ്ട് "അയ്യോ വേണ്ട, എനിക്ക് നിങ്ങളുടെ വാച്ച് വേണ്ട. ദയവായി തരാതിരിക്കൂ," എന്ന് പറഞ്ഞു. 

എന്നാൽ ഗാഗ പലകുറി വിസമ്മതിച്ചിട്ടും ഷാരൂഖ് വഴങ്ങാൻ തയ്യാറായില്ല. സോഫയിൽ ഗാഗയുടെ അടുത്തേക്ക് നീങ്ങിയിരുന്ന് വാച്ച് വാങ്ങാൻ അദ്ദേഹം നിർബന്ധിക്കുകയായിരുന്നു. തികച്ചും അസ്വസ്ഥത പ്രകടിപ്പിച്ചുകൊണ്ട് ഗാഗ "വേണ്ട... എനിക്ക് വേണ്ട" എന്ന് തന്നെ പറഞ്ഞുകൊണ്ടിരുന്നു. ഒടുവിൽ "ഇതൊരു ആരാധകന് നൽകൂ" എന്ന് ഗാഗ നിർദ്ദേശിച്ചു.

അതിന് മറുപടിയായി, "ഞാൻ ഇത് നിങ്ങൾക്ക് തരുന്നു, നിങ്ങൾ ഇതൊരു ആരാധകന് നൽകൂ" എന്നായിരുന്നു ഷാരൂഖിന്റെ മറുപടി.

സംഭാഷണത്തിന്റെ തുടക്കത്തിൽ ഗാഗ മറ്റൊരു കാര്യം കൂടി പങ്കുവെച്ചിരുന്നു, "ബാക്ക്സ്റ്റേജിൽ വെച്ച് അദ്ദേഹം എന്റെ കോഫി കപ്പ് പിടിക്കാൻ ശ്രമിക്കുകയായിരുന്നു. വളരെ മര്യാദയോടുകൂടിയാണ് അദ്ദേഹം പെരുമാറിയത്. അദ്ദേഹം ഇത്രയും വലിയൊരു സ്റ്റാറാണ്, എനിക്ക് ശരിക്കും അസ്വസ്ഥത തോന്നി."

വീണ്ടും വൈറലായ ഈ വീഡിയോയ്ക്ക് താഴെ ആയിരക്കണക്കിന് ആളുകളാണ് കമന്റുകളുമായി എത്തിയിരിക്കുന്നത്. ഇത് കാണുമ്പോൾ 'ക്രിഞ്ച്' തോന്നുന്നുവെന്നാണ് പലരും കമന്റ് ചെയ്യുന്നത്. 

Also Read: വെള്ളച്ചാട്ടത്തിന്റെ മുകളിൽ നിന്നും 150 അടി താഴേക്ക് ചാടി; ഐശ്വര്യ റായിക്ക് പകരം അന്ന് ജീവൻ പണയം വെച്ചത് ഈ സ്റ്റണ്ട് വുമൺ

"ദൈവമേ, ആ വീഡിയോയുടെ അവസാനത്തെ 20 സെക്കൻറുകൾ! ഇത് മുൻകൂട്ടി പ്ലാൻ ചെയ്തതാണെങ്കിൽ പോലും കാണാൻ വലിയ അസ്വസ്ഥതയുണ്ടാക്കുന്നു," എന്നായിരുന്നു ഒരു ഉപയോക്താവിന്റെ കമന്റ്. "എനിക്ക് ഇത് മുഴുവനായി കാണാൻ പറ്റുമെന്ന് തോന്നുന്നില്ല, അത്രയും നാണക്കേട് തോന്നുന്നു," എന്നാണ് മറ്റൊരു കമന്റ്. 

മകൾ സുഹാന ഖാനും ദീപിക പദുകോണിനുമൊപ്പം സിദ്ധാർത്ഥ് ആനന്ദ് സംവിധാനം ചെയ്യുന്ന ആക്ഷൻ ത്രില്ലർ ചിത്രം 'കിങ്'  എന്ന സിനിമയുടെ തിരക്കുകളിലാണ് ഷാരൂഖ് ഖാൻ. ചിത്രം 2026 ഡിസംബറോടെ തിയേറ്ററുകളിൽ എത്തുമെന്നാണ് പ്രതീക്ഷിക്കുന്നത്.

അതേസമയം, ലേഡി ഗാഗ തങ്ങളുടെ റെക്കോർഡ് തകർത്ത 'ദ മെയ്ഹം ബോൾ'  ലോക പര്യടനം വിജയകരമായി പൂർത്തിയാക്കി. 86 ഷോകൾക്ക് ശേഷം 2026 ഏപ്രിൽ 13-ന് ന്യൂയോർക്ക് സിറ്റിയിലെ മാഡിസൺ സ്ക്വയർ ഗാർഡനിലായിരുന്നു ഈ ഗംഭീര സംഗീത പരിപാടിയുടെ സമാപനം.

Also Read: ടോം ക്രൂയിസ് ചിത്രം വേണ്ടെന്ന് വച്ച് ഫഹദ് ഫാസിൽ; കാരണമിതാണ്

അർജന്റീനയുടെ ഇതിഹാസ താരം ലയണൽ മെസിക്കെതിരെ രൂക്ഷവിമർശനവുമായി ഈജിപ്ത് ദേശീയ ടീമിന്റെ മുഖ്യ പരിശീലകൻ ഹൊസാം ഹസ്സൻ വീണ്ടും രംഗത്ത്. കളിക്കളത്തിലെ മെസിയുടെ പെരുമാറ്റം അങ്ങേയറ്റം പ്രകോപനപരമായിരുന്നുവെന്നും റഫറിയുടെ മോശം തീരുമാനങ്ങളാണ് മത്സരത്തിന്റെ ഗതി മാറ്റിയതെന്നും ഹൊസാം ഹസ്സൻ ആരോപിച്ചു.

ഈജിപ്ത്യൻ മാധ്യമമായ കോറ പ്ലസിനോട് സംസാരിക്കുമ്പോഴാണ് മെസിയേയും അർജന്റീനയേയും ഹൊസാം ഹസ്സൻ വീണ്ടും ലക്ഷ്യം വെച്ചത്. 

"ഞങ്ങളെ പ്രകോപിപ്പിക്കുകയായിരുന്നു അവന്റെ ലക്ഷ്യം"

"മെസി വളരെ പ്രകോപനപരമായാണ് പെരുമാറിയത്. എല്ലാം തകർത്തുതരിപ്പണമാക്കണം എന്ന രീതിയിലാണ് മെസി വന്നത്. ഞങ്ങളെ പ്രകോപിപ്പിക്കുകയായിരുന്നു ലക്ഷ്യം. മെസി ഞങ്ങളുടെ നേർക്ക് വന്നു. അവിടെ ഒരു റെഡ് കാർഡ് ഞങ്ങൾക്ക് ലഭിച്ചിരുന്നു. ഞങ്ങളെ പ്രകോപിപ്പിക്കുക എന്ന കൃത്യമായ ഉദ്ദേശ്യത്തോടെ തന്നെയാണ് അവൻ വന്നത്," ഈജിപ്ത് ദേശിയ ഫുട്ബോൾ ടീമിന്റെ പരിശീലകൻ പറഞ്ഞു.

Also Read: ഇനി ഞാൻ നോക്കിക്കോളം; ക്രിസ്റ്റ്യാനോയ്ക്കുവേണ്ടി കണക്കു ചോദിക്കാൻ എംബാപ്പെ; വീഡിയോ

"നമ്മുടെ നിയന്ത്രണത്തിലല്ലാത്ത ചില കാര്യങ്ങളുണ്ട്. റഫറി ഈ മത്സരത്തെ പൂർണ്ണമായും മാറ്റിമറിച്ചു. കാര്യങ്ങളെല്ലാം കൈവിട്ടുപോവുകയും കടുത്ത ആശയക്കുഴപ്പത്തിലാവുകയും ചെയ്തു. കളിക്കാർ തമ്മിൽ നിരന്തരം തർക്കങ്ങളുണ്ടായി. മഞ്ഞക്കാർഡുകൾ പുറത്തെടുത്തു. ഒപ്പം നമുക്കെതിരായ തീരുമാനങ്ങളുമുണ്ടായി," ഹൊസാം ഹസ്സൻ ആരോപിച്ചു.

Also Read: " എന്നോട് മര്യാദയ്ക്ക് സംസാരിക്കണം!": പോർച്ചുഗീസ് റഫറിയോട് ക്ഷുഭിതനായി ലയണൽ മെസി; കാരണം

അർജന്റീനയും ഈജിപ്തും തമ്മിലുള്ള മത്സരത്തിനിടയിലും അതിനുശേഷവും ഇരുപക്ഷത്തെയും കളിക്കാരും കോച്ചിങ് സ്റ്റാഫും തമ്മിൽ വലിയ തർക്കങ്ങൾ നടന്നിരുന്നു. മത്സരത്തിൽ റഫറി സ്വീകരിച്ച പല തീരുമാനങ്ങളും തങ്ങൾക്ക് പ്രതികൂലമായിരുന്നുവെന്നും മെസ്സിയുടെ നേതൃത്വത്തിൽ അർജന്റീനൻ താരങ്ങൾ തങ്ങളെ മനഃപൂർവ്വം പ്രകോപിപ്പിക്കാൻ ശ്രമിച്ചെന്നുമാണ് ഈജിപ്ഷ്യൻ ക്യാമ്പിന്റെ പ്രധാന ആരോപണം.

Also Read: മെസിയുടെ നിഴലല്ല, വഴിവിളക്ക്! 2,500 പേരുള്ള കൊച്ചുഗ്രാമത്തിലെ 'ചിലന്തി'; അർജന്റീനയെ വീണ്ടും രക്ഷിച്ച അൽവാരസിന്റെ കഥ

നാട്ടിൽ തിരിച്ചെത്തിയതിന് ശേഷവും വിവാദ പ്രസ്താവനകൾ തുടരുകയാണ് ഈജിപ്ത് പരിശീലകൻ. അർജന്റീന - ഈജിപ്ത് മത്സരത്തിനിടെ ഈജിപ്തിന് അനുകൂലമായി ലഭിക്കേണ്ടിയിരുന്ന ചില നിർണായക തീരുമാനങ്ങൾ റഫറി നിഷേധിച്ചുവെന്നാണ് ആരാധകരുടെ ആരോപണം. ഇത് കളിയിലെ ഫലത്തെ നേരിട്ട് ബാധിച്ചുവെന്നും അർഹിച്ച വിജയം അല്ലെങ്കിൽ സമനിലയാണ് ഈജിപ്തിന് നഷ്ടമായതെന്നും കായിക ലോകത്ത് പരക്കെ വിമർശനമുയർന്നിരുന്നു.

Read More: ഫിഫ ലോകകപ്പ് 2026: ഫൈനൽ ടിക്കറ്റിനായുള്ള പോരാട്ടം; സെമി ഫൈനൽ ഷെഡ്യൂളും ഇന്ത്യൻ സമയവും

പൊലീസ് ഉദ്യോഗസ്ഥരുടെയും ഒരു കൊച്ചു പെൺകുട്ടിയുടെയും രസകരമായൊരു വീഡിയോയാണ് സോഷ്യൽ മീഡിയയിൽ ഇപ്പോൾ വൈറലാകുന്നത്. ഒരു പരിപാടിക്കിടെ യൂണിഫോമിലിരുന്ന പൊലീസ് ഉദ്യോഗസ്ഥർക്ക് നേരെ പെൺകുട്ടി കളിത്തോക്ക് ചൂണ്ടുന്നതും പൊലീസുകാർ കൗതുകത്തോടെ അത് നോക്കി നിൽക്കുന്നതുമാണ് വൈറലായ വീഡിയോയിൽ കാണാനാവുക.

കേരള പൊലീസിന്റെ ഔദ്യോഗിക സോഷ്യൽ മീഡിയ പേജുകളിലൂടെ പങ്കുവെക്കപ്പെട്ട ദൃശ്യങ്ങളാണ് ഇൻറർനെറ്റിൽ ശ്രദ്ധനേടിയത്. ഒരു വേദിക്ക് സമീപം കസേരയിൽ ഇരിക്കുകയായിരുന്ന പൊലീസ് ഉദ്യോഗസ്ഥരുടെ അടുത്തേക്കാണ് കളിത്തോക്കുമായി കുട്ടി എത്തിയത്. യാതൊരു ഭയവുമില്ലാതെ ഉദ്യോഗസ്ഥർക്ക് നേരെ കുട്ടി തോക്ക് ചൂണ്ടിയപ്പോൾ, ഒട്ടും മടിക്കാതെ ഉദ്യോഗസ്ഥരും ആ കുട്ടിത്തത്തിനൊപ്പം ചർന്നു. 

Also Read: "അതുകണ്ട് ചിരിക്കാനും കുറേപ്പേർ, അയാളുടെ അന്നം ആണ് ആ പറന്നു പോകുന്നത്... ബസ് ഡ്രൈവർക്ക് ബിഗ് സല്യൂട്ട്"

View this post on Instagram

A post shared by Kerala Police (@kerala_police)

പൊലീസുകാർ ചോദിച്ചപ്പോൾ കൊച്ചുമിടുക്കി, തന്റെ കയ്യിലിരുന്ന കളിത്തോക്ക് പൊലീസുകാർക്ക് കൊടുക്കുന്നതും വീഡിയോയിൽ കാണാം. "പള്ളിപ്പെരുന്നാളിന് വിൽക്കണ കളിത്തോക്കല്ലിത്. ഡ്യൂട്ടിക്കിടെ തോക്കുമായെത്തിയ കുട്ടിക്കുറുമ്പി" എന്ന ക്യാപ്ഷനോടെയാണ് കേരള പൊലീസ് വീഡിയോ ഇൻസ്റ്റഗ്രാമിൽ പങ്കുവച്ചിരിക്കുന്നത്. രസകരമായ നിരവധി കമന്റുകളും വീഡിയോയ്ക്ക് ലഭിക്കുന്നുണ്ട്.

Read More: "മന്ത്രവാദം നിർത്തി ഇപ്പോൾ ഇതാ ഇവരുടെ പരിപാടി"; വൈറൽ റീലുമായി ഡാകിനിയും കുട്ടൂസനും; വീഡിയോ

അടുത്തിടെ നടന്ന ഒരു അഭിമുഖത്തിൽ തമിഴ് നടൻ ജയ് തന്റെ ശരീരഭാരം പരിശോധിക്കുന്ന ശീലത്തെക്കുറിച്ചും ദിവസത്തിൽ ഒരു നേരം മാത്രം ഭക്ഷണം കഴിക്കുന്ന രീതിയെക്കുറിച്ചും മനസ് തുറന്നു. 'എന്റെ നിക്ഷേപം എന്റെ ശരീരമാണ്, അതിനാൽ ഞാൻ അത് കൃത്യമായി നിലനിർത്താൻ ശ്രമിക്കാറുണ്ട്. കൂടാതെ, എല്ലാ ദിവസവും രാവിലെ എഴുന്നേറ്റയുടൻ ഞാൻ ശരീരഭാരം പരിശോധിക്കും. ഭാരത്തിൽ 1-2 കിലോയുടെ വ്യത്യാസമുണ്ടെങ്കിൽ, അടുത്ത 2-3 ദിവസത്തേക്ക് അതിനനുസരിച്ച് ഭക്ഷണക്രമത്തിൽ മാറ്റം വരുത്തും. ദിവസത്തിൽ ഒരു നേരം മാത്രമേ ഭക്ഷണം കഴിക്കൂ. അത് വൈകുന്നേരം 7-8 മണിയോടെ ആയിരിക്കും. ആ സമയമാണ് എനിക്ക് സൗകര്യപ്രദമായി തോന്നുന്നത്,' ഗലാട്ട പ്ലസിന് നൽകിയ അഭിമുഖത്തിൽ നടൻ പറഞ്ഞു.

Also Read: പ്രോട്ടീൻ പൗഡർ വാങ്ങി പണം കളയുന്നതിന് മുൻപ് ഈ 5 കാര്യങ്ങൾ നിർബന്ധമായും അറിഞ്ഞിരിക്കുക!

''ദിവസത്തിൽ ഒരു നേരം  മാത്രമാണ് ഭക്ഷണം കഴിക്കുന്നത് എങ്കിലും, ഞാൻ പട്ടിണി കിടക്കാറില്ല. പകൽ സമയങ്ങളിൽ ജ്യൂസോ, കരിക്കിൻ വെള്ളമോ, പഴങ്ങളോ കഴിക്കും. എന്നാൽ, ദിവസത്തിൽ വൈകുന്നേരം ഒരു നേരം മാത്രമേ പ്രധാന ഭക്ഷണം കഴിക്കൂ, അത് വൈകുന്നേരമാണ്,'' ജയ് പറഞ്ഞു.

ഈ രണ്ട് രീതികളും ചില വ്യക്തികൾക്ക് ഫലപ്രദമാകുമെങ്കിലും, അവ കൃത്യമായ പശ്ചാത്തലത്തിൽ വേണം മനസിലാക്കേണ്ടതെന്ന് കൺസൾട്ടന്റ് ഡയറ്റീഷ്യൻ ഗരിമ ഗോയൽ അഭിപ്രായപ്പെട്ടു.

''ക്ലിനിക്കൽ വീക്ഷണകോണിൽ, രാവിലെ ശുചിമുറി ഉപയോഗിച്ചതിന് ശേഷവും ഭക്ഷണമോ പാനീയങ്ങളോ കഴിക്കുന്നതിന് മുൻപും ശരീരഭാരം പരിശോധിക്കുന്നതാണ് ഏറ്റവും കൃത്യമായ അളവ് നൽകുന്നത്. ജലാംശം, സോഡിയത്തിന്റെ അളവ്, ഗ്ലൈക്കോജൻ ശേഖരം, മലവിസർജനം എന്നിവ കാരണം ദിവസേനയുള്ള ശരീരഭാരം 1-2 കിലോ വരെ വ്യത്യാസപ്പെടാം. അതിനാൽ, ദിവസേനയുള്ള മാറ്റങ്ങളോട് പെട്ടെന്ന് പ്രതികരിക്കുന്നതിനേക്കാൾ ആഴ്ചകളിലെ മാറ്റങ്ങൾ നിരീക്ഷിക്കാൻ പ്രഭാതത്തിലെ ഭാരം ഉപയോഗപ്രദമാണ്,'' ഗോയൽ പറഞ്ഞു.

ഒമാഡ് എന്നത് ഇന്റർമിറ്റന്റ് ഫാസ്റ്റിങ്ങിന്റെ (ഇടവിട്ടുള്ള ഉപവാസം) കഠിനമായ രൂപമാണെന്ന് ഗോയൽ വിശേഷിപ്പിച്ചു, ഇവിടെ ഒരു ദിവസത്തെ മുഴുവൻ കാലറിയും ഒരൊറ്റ ഭക്ഷണത്തിലൂടെയാണ് ശരീരത്തിലെത്തുന്നത്. ''ചില ആളുകൾക്ക് കാലറി ഉപഭോഗം കുറയ്ക്കുന്നതിനും ഭക്ഷണരീതിയിൽ അച്ചടക്കം കൊണ്ടുവരുന്നതിനും ഇത് സഹായകരമായി തോന്നാം. എന്നിരുന്നാലും, പോഷകാഹാര രംഗത്ത് നിന്ന് നോക്കുമ്പോൾ, ഒമാഡ് എല്ലാവർക്കും അനുയോജ്യമല്ല,'' ഗോയൽ വ്യക്തമാക്കി.

View this post on Instagram

A post shared by Galatta Media (@galattadotcom)

Also Read: ദിവസവും മാമ്പഴം കഴിച്ചാൽ ശരീരഭാരം കൂടുമോ?

''എല്ലാ പോഷകങ്ങളും ഒരൊറ്റ ഭക്ഷണത്തിൽ നിന്ന് ലഭിക്കുന്നത് ശരീരത്തിന് ആവശ്യമായ പ്രോട്ടീൻ, ഫൈബർ, വൈറ്റമിനുകൾ, ധാതുക്കൾ എന്നിവ ഉറപ്പാക്കാൻ ബുദ്ധിമുട്ടുണ്ടാക്കും. ഇത് അമിതമായ വിശപ്പ്, ഭക്ഷണ സമയത്ത് കൂടുതൽ കഴിക്കാനുള്ള പ്രവണത, വ്യായാമത്തിലെ പ്രകടനക്കുറവ്, പേശികളുടെ അളവ് നിലനിർത്തുന്നതിലെ വെല്ലുവിളികൾ എന്നിവയിലേക്ക് നയിച്ചേക്കാം. കായികമായി സജീവമായവർ, പ്രായമായവർ, പ്രമേഹബാധിതർ, ഗർഭിണികൾ അല്ലെങ്കിൽ ചില ആരോഗ്യപ്രശ്നങ്ങളുള്ളവർ വിദഗ്ധോപദേശത്തോടെ മാത്രമേ ഒമാഡ് പിന്തുടരാവൂ,'' ഗോയൽ ഓർമ്മിപ്പിച്ചു.

Also Read: ഒരു മാസം രാത്രി മുഴുവൻ കുതിർത്ത ഓട്സ് പ്രഭാതഭക്ഷണമായി കഴിച്ചാൽ എന്ത് സംഭവിക്കും?

പേശികളുടെ ആരോഗ്യമാണ് മറ്റൊരു പ്രധാന കാര്യം. ''പേശികളുടെ ആരോഗ്യം സംരക്ഷിക്കുന്നതിനും വളർച്ചയ്ക്കും പ്രോട്ടീൻ ഒരൊറ്റ തവണയായി കഴിക്കുന്നതിനേക്കാൾ ദിവസത്തിൽ രണ്ടോ നാലോ തവണകളായി വിഭജിച്ചു കഴിക്കുന്നതാണ് കൂടുതൽ ഫലപ്രദം,'' ഗോയൽ പറഞ്ഞു.

എല്ലാവർക്കും ഒരുപോലെ അനുയോജ്യമായ ഒരൊറ്റ ഭക്ഷണക്രമം ഇല്ലെന്നാണ് ജയ്‌യുടെ ദിനചര്യ വ്യക്തമാക്കുന്നത്. ''ആരോഗ്യത്തെ ബാധിക്കാതെ, ശരീരത്തിന് ആവശ്യമായ പോഷകങ്ങൾ നൽകുന്നതും വ്യക്തിയുടെ ജീവിതശൈലിക്ക് ഇണങ്ങുന്നതുമായ ഭക്ഷണക്രമമാണ് ഏറ്റവും നല്ലത്,'' ഗോയൽ വ്യക്തമാക്കി.

DISCLAIMER: മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: കൃത്യമായി ഭക്ഷണം നിയന്ത്രിച്ചിട്ടും വ്യായാമം ചെയ്തിട്ടും വണ്ണം കൂടുന്നോ? കാരണം ഈ ഒരു ശീലക്കുറവാകാം!

ടൈപ്പ് 2 പ്രമേഹ രോഗികളില്‍ ഹൃദയ-വൃക്ക സംബന്ധമായ രോഗസാധ്യത വിലയിരുത്താനും പ്രവചിക്കാനും കഴിയുന്ന വെബ് ആപ്പ് അധിഷ്ഠിത ഉപകരണം വികസിപ്പിച്ച് ഒരു സംഘം മെഡിക്കല്‍ വിദഗ്ധര്‍. ഇന്‍റര്‍നാഷണല്‍ കാര്‍ഡിയോ-റീനല്‍ റിസ്ക് അസസ്മെന്‍റ് ആന്‍ഡ് സ്ട്രാറ്റിഫിക്കേഷന്‍ (ഐസിആര്‍എഎസ്) എന്ന ഈ ഉപകരണം തിരുവനന്തപുരത്ത് നടന്ന ആഗോള ഡയബറ്റീസ് കണ്‍വെന്‍ഷന്‍റെ പതിനാലാം പതിപ്പിലാണ് അവതരിപ്പിച്ചത്.

ക്ലിനിക്കുകളില്‍ എളുപ്പത്തില്‍ ലഭ്യമാകുന്ന രോഗവിവരങ്ങള്‍ ഉപയോഗിച്ച് പ്രമേഹ വൃക്കരോഗം, കൊറോണറി ഹൃദ്രോഗം, ഗുരുതര ഹൃദയാഘാത സാധ്യത എന്നിവ ഉയര്‍ന്നിരിക്കുന്ന ടൈപ്പ് 2 പ്രമേഹ രോഗികളെ വേഗത്തില്‍ തിരിച്ചറിയാന്‍ സാധിക്കുമെന്ന് ഐസിആര്‍എഎസ് എന്ന ഈ ഉപകരണം അവതരിപ്പിച്ച് കൊണ്ട് ഡോ.ജ്യോതിദേവ് കേശവദേവ് പറഞ്ഞു. നിലവിലുള്ള മിക്ക മോഡലുകളും പ്രമേഹ രോഗികളിലെ ഹൃദയ-വൃക്ക രോഗങ്ങളുടെ പരസ്പര ബന്ധം സമഗ്രമായി വിലയിരുത്തുന്നില്ലെന്നും അദ്ദേഹം പറഞ്ഞു.

Also Read: കാൽപ്പാദം വിണ്ടുകീറുന്നത് സിങ്ക് കുറവുകൊണ്ടല്ല! യഥാർത്ഥ കാരണങ്ങൾ ഇവയാണ്...

പ്രധാന ക്ലിനിക്കല്‍ ബയോമാര്‍ക്കറുകളും ജീവിതശൈലിയുമായി ബന്ധപ്പെട്ട അപകട ഘടകങ്ങളും സംയോജിപ്പിക്കുന്ന ഈ ഉപകരണം ഇന്ത്യന്‍ ടൈപ്പ് 2 പ്രമേഹരോഗികള്‍ക്ക് അനുയോജ്യമായ രീതിയില്‍ അപകടസാധ്യത വിലയിരുത്താന്‍ സഹായിക്കുമെന്ന് അദ്ദേഹം പറഞ്ഞു. വെബ് ആപ്പ് സ്വയമേവ നല്‍കുന്ന വിവരങ്ങളിലൂടെ ചികിത്സാ തീരുമാനങ്ങള്‍ കൂടുതല്‍ കൃത്യതയോടെ എടുക്കുന്നതിനും രോഗസാധ്യത നേരത്തേ കണ്ടെത്തി പ്രതിരോധ നടപടികള്‍ സ്വീകരിക്കുന്നതിനും സാധിക്കുമെന്നും അദ്ദേഹം വ്യക്തമാക്കി.

5000 രോഗികളുടെ യഥാര്‍ത്ഥ ഡാറ്റ ഉപയോഗിച്ചാണ് ഈ മോഡല്‍ ആദ്യം വിലയിരുത്തിയത്. തുടര്‍ന്ന് ഒരു ലക്ഷത്തിലധികം പേരെ ഉള്‍പ്പെടുത്തി തയ്യാറാക്കിയ വെര്‍ച്ച്വല്‍ കൂട്ടായ്മയിലും പരീക്ഷിച്ചു. ഇന്ത്യന്‍ ജനസംഖ്യയുടെ പ്രായ-ലിംഗ ഘടനയും പ്രമേഹവ്യാപനവും അടിസ്ഥാനമാക്കിയാണ് ഈ വെര്‍ച്വല്‍ കൂട്ടായ്മ രൂപകല്‍പ്പന ചെയ്തിരിക്കുന്നത്.

വ്യത്യസ്ത വിഭാഗങ്ങളിലുള്ള രോഗികളിലും വിവിധ റിസ്ക് വിഭാഗങ്ങളിലും ഈ ഉപകരണം കൃത്യമായി പ്രവര്‍ത്തിക്കുന്നുവെന്ന് വിപുലമായ പഠനം തെളിയിച്ചതായി ഡോ.ജ്യോതിദേവ് കേശവദേവ് പറഞ്ഞു. ടൈപ്പ് 2 പ്രമേഹ രോഗികളിലെ ഹൃദയ-വൃക്ക രോഗസാധ്യത കൂടുതല്‍ സമഗ്രമായി വിലയിരുത്താന്‍ പുതിയ സമീപനം ആവശ്യമായിരുന്നെന്നും നിലവിലെ മോഡലുകള്‍ക്ക് ചില പരിമിതികള്‍ നിലനില്‍ക്കുന്നതായും അദ്ദേഹം അഭിപ്രായപ്പെട്ടു.

Also Read: വൈറ്റമിൻ ബി12 ഗുളിക തിരഞ്ഞെടുക്കുമ്പോൾ പലരും വരുത്തുന്ന തെറ്റുകൾ

ടൈപ്പ് 2 പ്രമേഹരോഗികളിലെ ഹൃദയ-വൃക്ക ആരോഗ്യത്തെ ബാധിക്കുന്ന ഘടകങ്ങള്‍ ഉള്‍പ്പെടുത്തിയ ചോദ്യാവലിയെ അടിസ്ഥാനമാക്കിയാണ് ഈ ഉപകരണത്തിന്‍റെ പ്രവര്‍ത്തനം. ജനസംഖ്യാപരമായ വിവരങ്ങള്‍, കുടുംബചരിത്രം, മെഡിക്കല്‍-ലബോറട്ടറി പരിശോധനാ വിവരങ്ങള്‍ തുടങ്ങിയ പ്രധാന മേഖലകളില്‍ നിന്നുള്ള വിവരങ്ങള്‍ ശേഖരിച്ച് അല്‍ഗോരിതം അവ വിശകലനം ചെയ്ത് റിസ്ക് സ്കോര്‍ നിര്‍ണയിക്കുന്നു. എച്ച്ബിഎ1സി, എസ്ബിപി, എല്‍ഡിഎല്‍ കൊളസ്ട്രോള്‍, ട്രൈഗ്ലിസറൈഡ്സ്, പുകവലി, മദ്യപാനം, ലബോറട്ടറി പരിശോധനകള്‍ എന്നിങ്ങനെയുള്ള എല്ലാ ബയോമാര്‍ക്കറുകളും ഉള്‍പ്പെടുത്തിയാണ് ഈ ഉപകരണം വിലയിരുത്തല്‍ നടത്തുന്നത്.

Also Read: ആഴ്ചതോറുമുള്ള ഇൻസുലിനോ അതോ ദിവസേനയുള്ളതോ: പ്രമേഹ രോഗികൾക്ക് ഏത് ഓപ്ഷനാണ് നല്ലത്?

ഈ വിവരങ്ങളുടെ അടിസ്ഥാനത്തില്‍ ഹൃദയ-വൃക്ക സങ്കീര്‍ണതകള്‍ ഉണ്ടാകാനുള്ള സാധ്യത കണക്കാക്കി രോഗികളെ വിവിധ റിസ്ക് വിഭാഗങ്ങളായി തരംതിരിക്കുന്ന കോമ്പോസിറ്റ് സ്കോര്‍ അല്‍ഗോരിതം സൃഷ്ടിക്കും. പൂജ്യം മുതല്‍ 100 വരെയുള്ള ഈ സ്കോറില്‍ ഉയര്‍ന്ന സ്കോര്‍ ലഭിക്കുന്നവര്‍ക്ക് ഭാവിയില്‍ ഹൃദയ-വൃക്ക സങ്കീര്‍ണതകള്‍ ഉണ്ടാകാനുള്ള സാധ്യത കൂടുതലാണെന്ന് വിലയിരുത്തും.

ഡോ.ജ്യോതിദേവ് കേശവദേവിനൊപ്പം ഡോ. സഞ്ജയ് കല്‍റ, ഡോ.വിശ്വനാഥന്‍ മോഹന്‍, ഡോ. അതുല്‍ ധിംഗ്ര, ഡോ. ദിനേശ് ഖുള്ളര്‍, ഡോ. കീര്‍ത്തികുമാര്‍ ഡി. മോദി, ഡോ. മനാഷ് പി ബറുവ, ഡോ. പ്രമീള കല്‍റ, ഡോ. ഷെഹിയ ഷെയ്ഫ്, ഡോ. ടൈനി നായര്‍, ഡോ. ദീപ് ദത്ത, ഡോ. നിതിന്‍ കപൂര്‍ എന്നിവരാണ് ഈ ഉപകരണത്തിന്‍റെ വികസനത്തിന് പിന്നില്‍ പ്രവര്‍ത്തിച്ചത്.

Read More: വൈകിട്ട് ഒരു നേരം മാത്രം ഭക്ഷണം; പകലിൽ പഴങ്ങളും കരിക്കിൻ വെള്ളവും; 41 കാരനായ ജയ്‌യുടെ ഭക്ഷണ ശീലം

മുഖസൗന്ദര്യത്തെക്കുറിച്ചോർത്ത് ആശങ്കപ്പെടുന്നവരാണോ നിങ്ങൾ? മുഖത്തെ കറുത്ത പാടുകളും പിഗ്മെന്റേഷനും പലരെയും അലട്ടുന്ന വലിയൊരു പ്രശ്നമാണ്. തിരക്കുപിടിച്ച ജീവിതശൈലിയും മലിനീകരണവും പലപ്പോഴും ചർമ്മത്തിന്റെ സ്വാഭാവികമായ തിളക്കം കുറയ്ക്കാറുണ്ട്. എന്നാൽ, പ്രകൃതിദത്തമായ മാർഗ്ഗങ്ങളിലൂടെ ചർമ്മത്തിലെ ഈ പ്രശ്നങ്ങൾക്ക് പരിഹാരം കാണാൻ സാധിക്കും. വീട്ടിൽ തന്നെ വളരെ എളുപ്പത്തിൽ തയ്യാറാക്കാവുന്ന ഫെയ്സ് പാക്ക് ഉപയോഗിച്ച് മുഖത്തെ കറുത്ത പാടുകളും മുഖക്കുരുവിന്റെ പാടുകളും മാറ്റിയെടുക്കാവുന്നതാണ്. 

Also Read: വിറ്റാമിൻ സി സെറം ഉപയോഗിക്കുന്നുണ്ടോ? മികച്ച ഫലം ലഭിക്കാൻ ഈ കാര്യങ്ങൾ അറിഞ്ഞിരിക്കുക

കൃത്യമായ ഇടവേളകളിൽ വെള്ളം കുടിക്കുന്നതും മുഖക്കുരു പൊട്ടിക്കാതിരിക്കുന്നതും ചർമ്മത്തിന്റെ ആരോഗ്യത്തിന് വളരെ അത്യാവശ്യമാണ്. എന്നാൽ മുഖക്കുരു മൂലം പാടുകൾ വീണുകഴിഞ്ഞാൽ വിഷമിക്കേണ്ടതില്ല. ചർമ്മത്തിന് ഇണങ്ങുന്നതും വളരെ സൗമ്യവുമായ ഒരു ഫെയ്സ് പാക്ക് നിത്യവും ഉപയോഗിക്കുന്നത് വഴി മുഖത്തിന് തിളക്കം ലഭിക്കും. 

രാസവസ്തുക്കൾ അടങ്ങിയ ക്രീമുകൾക്ക് പകരമായി പ്രകൃതിദത്തമായ ഈ കൂട്ട് പരീക്ഷിക്കുന്നത് ചർമ്മത്തിന് ഒരുപാട് ഗുണങ്ങൾ നൽകുന്നു. 
പാടുകൾ മാറ്റാൻ ഈ ഫെയ്സ് പാക്ക് തയ്യാറാക്കാം

മുഖക്കുരുവിന്റെ പാടുകളും കറുത്ത പാടുകളും മാറാൻ സഹായിക്കുന്ന അത്ഭുതകരമായ ഒരു ഫെയ്സ് പാക്കാണ് ഇത്. അരിപ്പൊടിയും ഇൻസ്റ്റന്റ് കോഫി പൊടിയും ഉപയോഗിച്ചാണ് ഈ മാസ്ക് തയ്യാറാക്കുന്നത്. ഇത് മുഖത്തെ പാടുകൾ നീക്കം ചെയ്യാനും ചർമ്മത്തിന് തിളക്കം നൽകാനും സഹായിക്കുന്നു.

Also Read: 30കളിലും തിളക്കമുള്ള ചർമ്മം, മുഖകാന്തി വർധിപ്പിക്കാൻ ഇതാ ഒരു മാന്ത്രികക്കൂട്ട്

ചേരുവകൾ

• അരിപ്പൊടി – 1 ടേബിൾ സ്പൂൺ
• ഇൻസ്റ്റന്റ് കോഫി പൊടി – 1 ടേബിൾ സ്പൂൺ
• ഇളം ചൂടുവെള്ളം – 3 ടേബിൾ സ്പൂൺ

തയ്യാറാക്കുന്ന വിധം

ആദ്യം ഒരു പാത്രത്തിൽ ഒരു ടേബിൾ സ്പൂൺ അരിപ്പൊടിയും ഒരു ടേബിൾ സ്പൂൺ ഇൻസ്റ്റന്റ് കോഫി പൊടിയും എടുത്ത് നന്നായി മിക്സ് ചെയ്യുക. ഇതിലേക്ക് മൂന്ന് ടേബിൾ സ്പൂൺ ഇളം ചൂടുവെള്ളം ഒഴിച്ച് നല്ലൊരു പേസ്റ്റ് രൂപത്തിലാക്കി മാറ്റുക. ഈ മിശ്രിതം മുഖത്ത് പുരട്ടി 15 മിനിറ്റ് വെക്കുക. ശേഷം തണുത്ത വെള്ളത്തിൽ മുഖം കഴുകി വൃത്തിയാക്കുക.

Also Read: മുഖക്കുരു അലട്ടുന്നുണ്ടോ? ഇതിലൊന്ന് സ്ഥിരമായി പുരട്ടൂ

ഗുണങ്ങൾ

അരിപ്പൊടിക്ക് ചർമ്മത്തിന് നിറം നൽകാനും പാടുകൾ കുറയ്ക്കാനുമുള്ള കഴിവുണ്ട്. കോഫി ഒരു മികച്ച എക്സ്ഫോളിയേറ്ററായി പ്രവർത്തിക്കുകയും രക്തയോട്ടം വർദ്ധിപ്പിക്കുകയും ചെയ്യുന്നു. കൂടാതെ, ചർമ്മത്തിലെ അഴുക്ക് നീക്കം ചെയ്ത് മുഖത്തിന് നല്ല തിളക്കം നൽകാൻ ഇത് സഹായിക്കുന്നു. ദിവസവും ഈ ഫെയ്സ് പാക്ക് ഉപയോഗിക്കുന്നത് മുഖത്തെ പാടുകൾ വേഗത്തിൽ മാറാൻ സഹായിക്കും.

DISCLAIMER: മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ചർമ്മത്തെക്കുറിച്ചോ ചർമ്മാരോഗ്യത്തെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ക്രീമിനേക്കാൾ ഫലപ്രദം! വിറ്റാമിൻ സി സെറം വീട്ടിൽ തന്നെ തയ്യാറാക്കാം

കാൽപ്പാദങ്ങളിലെ വിണ്ടുകീറൽ ശരീരത്തിലെ പോഷകക്കുറവുകൾ മൂലമാണെന്ന തരത്തിലുള്ള പ്രചാരണങ്ങൾ സോഷ്യൽ മീഡിയയിൽ സജീവമാണ്. വിണ്ടുകീറിയതും കട്ടിയുള്ളതുമായ കാൽപ്പാദങ്ങൾ ശരീരത്തിൽ സിങ്കിന്റെയും ആരോഗ്യകരമായ കൊഴുപ്പിന്റെയും കുറവാണ് കാണിക്കുന്നതെന്ന് കൈറോപ്രാക്ടർ ഡോ. ജബൻ മൂർ അവകാശപ്പെടുന്നു. എന്നാൽ, ഇതിന് പിന്നിൽ ശാസ്ത്രീയമായ തെളിവുകളൊന്നുമില്ലെന്ന് വിദഗ്ധർ ചൂണ്ടിക്കാണിക്കുന്നു.

പിഎസ്ആർഐ ഹോസ്പിറ്റലിലെ എൻഡോക്രൈനോളജി വിഭാഗം സീനിയർ കൺസൾട്ടന്റ് ഡോ.ഹിമിക ചൗള വ്യക്തമാക്കുന്നത് അനുസരിച്ച്, വിണ്ടുകീറിയ കാൽപ്പാദങ്ങൾ സിങ്കിന്റെ കുറവ് മൂലമാണെന്നതിന് ശക്തമായ ശാസ്ത്രീയ തെളിവുകളില്ല.

Also Read: വൈറ്റമിൻ ബി12 ഗുളിക തിരഞ്ഞെടുക്കുമ്പോൾ പലരും വരുത്തുന്ന തെറ്റുകൾ

തീവ്രമായ സിങ്ക് കുറവോ ഫാറ്റി ആസിഡിന്റെ കുറവോ ചർമ്മം വരണ്ടുപോകുന്നതിനും മുറിവുകൾ ഉണങ്ങാതിരിക്കുന്നതിനും കാരണമാകുമെന്നത് ശരിയാണ്. എന്നാൽ മറ്റ് രോഗലക്ഷണങ്ങളൊന്നുമില്ലാതെ, പൂർണ ആരോഗ്യവാനായ ഒരാളിൽ കാൽപ്പാദങ്ങൾ മാത്രം വിണ്ടുകീറുന്നത് ഇതുകൊണ്ട് മാത്രമാകാൻ സാധ്യതയില്ല. ഇത്തരം പോഷകക്കുറവുകൾ ഉണ്ടാകുമ്പോൾ ശരീരത്തിൽ മറ്റ് പല അസ്വസ്ഥതകളും ഒപ്പം പ്രകടമാകും.

ഡോ.ചൗളയുടെ അഭിപ്രായത്തിൽ, കാൽപ്പാദങ്ങൾ വിണ്ടുകീറുന്നതിന് പിന്നിൽ സാധാരണയായി മറ്റ് ചില ദൈനംദിന കാരണങ്ങളാണുള്ളത്.

Also Read: ആഴ്ചതോറുമുള്ള ഇൻസുലിനോ അതോ ദിവസേനയുള്ളതോ: പ്രമേഹ രോഗികൾക്ക് ഏത് ഓപ്ഷനാണ് നല്ലത്?

• കൂടുതൽ സമയം നിൽക്കുന്നത്
• അമിതവണ്ണം
• നഗ്നപാദരായി നടക്കുന്നത്
• വാർധക്യ സഹജമായ ചർമ്മ മാറ്റങ്ങൾ
• അന്തരീക്ഷത്തിലെ കുറഞ്ഞ ഈർപ്പം
• കഠിനമായ സോപ്പുകളുടെയോ ചൂടുവെള്ളത്തിന്റെയോ നിരന്തരമായ ഉപയോഗം
• എക്സിമ, സോറിയാസിസ് അല്ലെങ്കിൽ ഫംഗസ് ബാധ പോലുള്ള ചർമ്മ രോഗങ്ങൾ

ഇതുകൂടാതെ പ്രമേഹം, തൈറോയ്ഡ് പ്രശ്നങ്ങൾ തുടങ്ങിയ ആരോഗ്യപ്രശ്നങ്ങളും ഇതിനുള്ള സാധ്യത വർധിപ്പിക്കുന്നു. കാൽപ്പാദങ്ങൾ മാത്രം നോക്കി ശരീരത്തിലെ പോഷകക്കുറവുകൾ കണ്ടെത്താനാകില്ലെന്ന് ഡോ.ചൗള വ്യക്തമാക്കി. കൃത്യമായ രോഗനിർണയത്തിന് സമഗ്രമായ മെഡിക്കൽ ഹിസ്റ്ററിയും രോഗിയുടെ ഭക്ഷണരീതി വിലയിരുത്തലും ആവശ്യമാണ്.

Also Read: വൈകിട്ട് ഒരു നേരം മാത്രം ഭക്ഷണം; പകലിൽ പഴങ്ങളും കരിക്കിൻ വെള്ളവും; 41 കാരനായ ജയ്‌യുടെ ഭക്ഷണ ശീലം

എപ്പോഴാണ് ഡോക്ടറെ കാണേണ്ടത്?

സാധാരണ മോയ്സ്ച്യുറൈസറുകൾ ഉപയോഗിച്ചിട്ടും വിണ്ടുകീറൽ കുറയുന്നില്ലെങ്കിലോ, വിള്ളലുകൾ ആഴത്തിലുള്ളതും വേദനയോടുകൂടിയതോ രക്തം വരുന്നതോ ആണെങ്കിലോ ഉടൻ വൈദ്യസഹായം തേടണം. ചുവപ്പ് നിറം, വീക്കം, പഴുപ്പ് എന്നിവയുണ്ടായാൽ അത് അണുബാധയുടെ ലക്ഷണമാകാം. പ്രമേഹം, രക്തചംക്രമണ പ്രശ്നങ്ങൾ, കുറഞ്ഞ പ്രതിരോധശേഷി എന്നിവയുള്ളവർ ചെറിയ വിള്ളലുകൾ പോലും നിസാരമായി കാണരുത്.

DISCLAIMER: മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: പ്രോട്ടീൻ പൗഡർ വാങ്ങി പണം കളയുന്നതിന് മുൻപ് ഈ 5 കാര്യങ്ങൾ നിർബന്ധമായും അറിഞ്ഞിരിക്കുക!

ടോം ക്രൂയിസ് പ്രധാന വേഷത്തിലെത്തുന്ന, ഏറെ പ്രതീക്ഷയോടെ കാത്തിരിക്കുന്ന ഡാർക്ക് കോമഡി ചിത്രം ‘ഡിഗ്ഗർ’ സിനിമയുടെ ട്രെയിലർ പുറത്തുവന്നതിന് പിന്നാലെ സോഷ്യൽ മീഡിയയിൽ വലിയ ചർച്ചകളാണ് നടക്കുന്നത്. ചിത്രത്തിൽ ഹോളിവുഡ് താരം ടോം ക്രൂയിസിന്റെ മേക്കോവറും ചിത്രത്തിലെ മറ്റ് അഭിനേതാക്കളും വലിയ തോതിൽ ശ്രദ്ധ നേടുന്നുണ്ട്. മേക്കപ്പും പ്രോസ്തെറ്റിക്സും ഉപയോഗിച്ച് തിരിച്ചറിയാൻ കഴിയാത്ത രൂപത്തിലാണ് ടോം ക്രൂയിസ് ചിത്രത്തിലെത്തുന്നത്.

ട്രെയിലറിൽ ഹോളിവുഡ് നടൻ റിസ് അഹമ്മദിന്റെ സാന്നിധ്യവും വലിയ രീതിയിൽ ചർച്ചയായിട്ടുണ്ട്. എന്നാൽ ഈ കഥാപാത്രത്തിലേക്ക് അണിയറപ്രവർത്തകർ ആദ്യം പരിഗണിച്ചിരുന്നത് മലയാളത്തിന്റെ പ്രിയ നടൻ ഫഹദ് ഫാസിലിനെയായിരുന്നു. കഥാപാത്രത്തിന് ആവശ്യമായ ഇംഗ്ലീഷ് ആക്സെന്റ് കൃത്യമായി വഴങ്ങാത്തതിനെ തുടർന്നാണ് ഫഹദ് ചിത്രത്തിൽ നിന്നൊഴിഞ്ഞത്. 

Also Read: 40 വർഷമായി സിനിമയിൽ, എനിക്കിതുവരെ ഒരു പഞ്ചായത്ത് അവാർഡ് പോലും ലഭിച്ചിട്ടില്ല: ബാബു ആന്റണി

കഴിഞ്ഞ വർഷം നൽകിയ ഒരു അഭിമുഖത്തിൽ ഈ വലിയ അവസരം നഷ്ടമായതിനെക്കുറിച്ച് ഫഹദ് തുറന്നുപറഞ്ഞിരുന്നു. ഓഡിഷൻ സമയത്ത് തന്റെ ഇംഗ്ലീഷ് ഉച്ചാരണത്തിൽ സംവിധായകൻ അലക്സാണ്ടർ ജി. ഇനാറിറ്റുവിന് പൂർണ്ണ തൃപ്തിയുണ്ടായിരുന്നില്ല എന്ന് ഫഹദ് വ്യക്തമാക്കി. 

"ആക്സെന്റ് കൃത്യമാക്കാൻ എന്നോട് യുഎസിൽ പോയി മൂന്നോ നാലോ മാസം താമസിക്കാൻ അവർ ആവശ്യപ്പെട്ടു. എന്നാൽ ഇതിനുള്ള ചിലവുകൾ വഹിക്കാൻ അവർ തയ്യാറായിരുന്നില്ല. അതുകൊണ്ടാണ് ഞാൻ ആ പ്രൊജക്റ്റ് വേണ്ടെന്ന് വെച്ചത്. സാമ്പത്തികമായി അത് എനിക്ക് ലാഭകരമായിരുന്നില്ല. ഇല്ലായിരുന്നെങ്കിൽ ഞാൻ ഓടിയെത്തുമായിരുന്നു. കൂടാതെ ഒരു ആക്സെന്റിന് വേണ്ടി ഇത്രയധികം കഷ്ടപ്പെടാൻ മാത്രം വലിയൊരു താല്പര്യം എനിക്ക് തോന്നിയില്ല," ക്യൂ സ്റ്റുഡിയോയ്ക്ക് നൽകിയ അഭിമുഖത്തിൽ ഫഹദ് പറഞ്ഞു.

Also Read: അനു ആനന്ദ് അന്ന് മോഹൻലാലിന്റെ മകനായി; മകളാവട്ടെ ഇന്ന് വിസ്മയയ്ക്ക് ഒപ്പം സിനിമയിലേക്ക്

ഒരുപക്ഷേ ഓഡിഷൻ ഇല്ലായിരുന്നെങ്കിൽ കാര്യങ്ങൾ മറ്റൊന്നായേനെ എന്നും ഫഹദ് കൂട്ടിച്ചേർത്തു. "ഞാൻ സംവിധായകനുമായി വീഡിയോ കോളിൽ സംസാരിച്ചിരുന്നു. ആ സംഭാഷണത്തിനിടയിലാകാം താൻ തിരയുന്ന ആൾ ഞാനല്ല എന്ന് അദ്ദേഹത്തിന് മനസ്സിലായത്. അങ്ങനെയുള്ള കാര്യങ്ങൾ സംഭവിക്കാറുണ്ട്. ഒരുപാട് നല്ല സിനിമകൾ എനിക്ക് ഇതുപോലെയുള്ള മീറ്റിംഗുകളിൽ നഷ്ടപ്പെട്ടിട്ടുണ്ട്. എന്റെ ജീവിതത്തിലെ എല്ലാ മാന്ത്രികതകളും സംഭവിച്ചത് മലയാളത്തിലാണ്. ഭാവിയിൽ എന്നെ മാറ്റാൻ കെൽപ്പുള്ള വലിയ മാറ്റങ്ങൾ എന്തെങ്കിലും സംഭവിക്കുകയാണെങ്കിൽ അത് മലയാളത്തിൽ നിന്നാകണമെന്നാണ് എന്റെ ആഗ്രഹം. അതിനായി ഞാൻ കേരളം വിട്ടുപോകില്ല," ഫഹദ് വ്യക്തമാക്കി.

Also Read: മോളെ എന്നെ അച്ഛനെപ്പോലെ കരുതിക്കോളൂ എന്ന് പറഞ്ഞു, പിന്നീട് കാമുകനാകാൻ മനസ്സ് വന്നില്ല; വിജയ് സേതുപതി

അതേസമയം പ്രശസ്ത സ്റ്റാൻഡ്-അപ്പ് കൊമേഡിയനും നടനുമായ വീർ ദാസും ഈ റോളിനായി താൻ രണ്ട് തവണ ഓഡിഷൻ നൽകിയിരുന്നതായി വെളിപ്പെടുത്തി. റിസ് അഹമ്മദിന്റെ പ്രകടനം കണ്ടതിന് ശേഷം, തനിക്ക് അവസരം ലഭിക്കാത്തതിൽ വിഷമം തോന്നിയിരുന്നുവെന്നും എന്നാൽ ഇതാണ് ജീവിതമെന്നും വീർ ദാസ് തന്റെ എക്സ് അക്കൗണ്ടിൽ കുറിച്ചു. പിന്നീട് ഈ പോസ്റ്റ് വീർ ദാസ് നീക്കം ചെയ്യുകയുണ്ടായി. 

ലോകത്തിലെ ഏറ്റവും വലിയ കമ്പനിയുടെ സിഇഒ ആയ ഡിഗ്ഗർ റോക്ക്‌വെൽ (ടോം ക്രൂയിസ്) തന്റെ പ്രവൃത്തികൾ കാരണം ലോകത്തിന് സംഭവിക്കുന്ന വൻ ദുരന്തത്തിൽ നിന്നും ജനങ്ങളെ രക്ഷിക്കാൻ ശ്രമിക്കുന്നതാണ് ചിത്രത്തിന്റെ പ്രമേയം. ചിത്രം ഒക്ടോബർ 2-ന് തീയേറ്ററുകളിലും ഐമാക്സിലും റിലീസ് ചെയ്യും.

Also Read: നാഷണൽ അവാർഡ് വാങ്ങിയ ഈ കൊച്ചു മിടുക്കനെ ഓർമ്മയില്ലേ? പുതിയ ചിത്രങ്ങൾ വൈറൽ

തെന്നിന്ത്യൻ സിനിമ പ്രേമികൾക്ക് ഏറ്റവും പ്രിയങ്കരനായി മാറിയ താരമാണ് മക്കൾ സെൽവൻ വിജയ് സേതുപതി. കഥാപാത്രങ്ങളുടെ തിരഞ്ഞെടുപ്പിൽ മാത്രമല്ല, വ്യക്തിപരമായ നിലപാടുകളിലും വേറിട്ട മാതൃക കാട്ടുന്ന താരത്തിന്റെ ഒരു പഴയ തുറന്നുപറച്ചിലാണ് ഇപ്പോൾ വീണ്ടും സോഷ്യൽ മീഡിയയിൽ ചർച്ചയാകുന്നത്. നടി കൃതി ഷെട്ടിക്കൊപ്പം പ്രണയജോഡിയായി അഭിനയിക്കാനുള്ള ഓഫർ താൻ നിരസിച്ചതിന്റെ കാരണമാണ് വിജയ് സേതുപതി വെളിപ്പെടുത്തിയത്.

'മഹാരാജ'യുടെ പ്രമോഷൻ വേളയിൽ ബിഹൈൻഡ്‌വുഡ്സ് ടിവിക്ക് നൽകിയ അഭിമുഖത്തിലായിരുന്നു താരത്തിന്റെ പ്രതികരണം.
"'ഡിഎസ്‌പി' എന്ന സിനിമയിൽ കൃതി ഷെട്ടിയുടെ നായകനാകാൻ എന്നെ സമീപിച്ചിരുന്നു. പക്ഷേ ഞാൻ ആ ഓഫർ നിരസിച്ചു. കാരണം അതിന് മുമ്പ് 'ഉപ്പെണ്ണ' എന്ന തെലുങ്ക് ചിത്രത്തിൽ ഞാൻ കൃതിയുടെ അച്ഛനായാണ് അഭിനയിച്ചത്. ആ സിനിമയുടെ ചിത്രീകരണ സമയത്ത് ഒരു രംഗം ചെയ്യാൻ അവൾക്ക് വലിയ പരിഭ്രമമുണ്ടായിരുന്നു. അന്ന് ഞാൻ അവളോട് പറഞ്ഞത്, എന്നെ സ്വന്തം അച്ഛനെപ്പോലെ കരുതി അഭിനയിച്ചോളൂ എന്നാണ്," വിജയ് സേതുപതി പറഞ്ഞു.

Also Read: ഹാപ്പി ബർത്ത്ഡേ ബ്രോസ്കിയോ; വിസ്മയയ്ക്ക് പ്രണവിന്റെ ആശംസ

കൃതി ഷെട്ടി തന്റെ മകനേക്കാൾ അല്പം മാത്രം പ്രായക്കൂടുതലുള്ള പെൺകുട്ടിയാണെന്നും, അതുകൊണ്ടുതന്നെ പിന്നീട് മറ്റൊരു സിനിമയിൽ അവളുടെ കാമുകനായി അഭിനയിക്കാൻ തന്റെ മനസ്സ് അനുവദിച്ചില്ലെന്നും താരം വ്യക്തമാക്കി.

"എന്റെ മകനേക്കാൾ ചെറിയ പ്രായവ്യത്യാസമേ അവൾക്കുള്ളൂ. അച്ഛനെപ്പോലെ കാണാൻ പറഞ്ഞ ഒരു കുട്ടിയുടെ കാമുകനായി പിന്നീട് അഭിനയിക്കാൻ എനിക്ക് സാധിക്കില്ല. അതുകൊണ്ടാണ് ആ സിനിമ ഞാൻ വേണ്ടെന്ന് വെച്ചത്," വിജയ് സേതുപതി പറഞ്ഞു.

വിജയ് സേതുപതിയുടെ ഈ തുറന്നുപറച്ചിൽ ഇപ്പോൾ സോഷ്യൽ മീഡിയയിൽ വ്യാപകമായി ചർച്ചയാകുകയാണ്. സിനിമാ മേഖലയിലെ പ്രായവ്യത്യാസങ്ങളെക്കുറിച്ചും, ജൂനിയർ സഹപ്രവർത്തകരോടുള്ള സമീപനത്തെക്കുറിച്ചും, തൊഴിൽരംഗത്തെ  വ്യക്തിപരമായ അതിരുകളെക്കുറിച്ചുമുള്ള ചർച്ചകൾക്കും ഇത് വഴിവെച്ചിട്ടുണ്ട്.

Also Read: അച്ഛൻ, അമ്മ, ആഷി, എന്റെ ചോര; പ്രിയപ്പെട്ടവർക്കൊപ്പമുള്ള ചിത്രം പങ്കുവെച്ച് റിമ കല്ലിങ്കൽ

ഈ വിഷയത്തിൽ മാനസികാരോഗ്യ വിദഗ്ധരും പ്രതികരിച്ചിട്ടുണ്ട്. ആദിത്യ ബിർള എഡ്യൂക്കേഷൻ ട്രസ്റ്റിന് കീഴിലുള്ള 'എംപവർ' സ്ഥാപനത്തിലെ സൈക്കോളജിസ്റ്റ് കൃതി ഷായുടെ അഭിപ്രായത്തിൽ, ജോലിസ്ഥലങ്ങളിൽ പ്രായം, അനുഭവപരിചയം, അധികാരം എന്നിവയിലെ വ്യത്യാസങ്ങൾ കൈകാര്യം ചെയ്യുമ്പോൾ ആരോഗ്യകരമായ അതിരുകൾ പാലിക്കുന്നത് വളരെ പ്രധാനമാണ്.

"ഓഫീസായാലും ആശുപത്രിയായാലും ക്ലാസ് മുറിയായാലും സിനിമാ സെറ്റായാലും, മുതിർന്ന പ്രൊഫഷണലുകളുടെ തീരുമാനങ്ങൾക്ക് വലിയ സ്വാധീനമുണ്ട്. സ്വന്തം കംഫർട്ട് ലെവൽ തിരിച്ചറിയുകയും പ്രൊഫഷണൽ ബന്ധത്തിന്റെ അന്തസ്സ് കാത്തുസൂക്ഷിക്കുകയും ചെയ്യുന്നത് പക്വതയുടെ അടയാളമാണ്. ആരോഗ്യകരമായ അതിരുകൾ നിശ്ചയിക്കുന്നത് സഹകരിക്കാത്തതിന്റെ ലക്ഷണമല്ല, മറിച്ച് മികച്ച സ്വയംബോധത്തിന്റെ പ്രകടനമാണ്" കൃതി ഷാ വിലയിരുത്തി.

Also Read: സിനിമയല്ല, ജീവിതമാണ് അദ്ദേഹം പഠിപ്പിച്ചത്; കമൽ ഹാസനെക്കുറിച്ച് വികാരാധീനനായി മാധവൻ

പല തൊഴിൽമേഖലകളിലും ജൂനിയർമാർക്ക് അസ്വസ്ഥതകൾ തുറന്നുപറയാൻ മടിയുണ്ടാകാറുണ്ടെന്നും, അതിനാൽ അധികാരസ്ഥാനത്തുള്ളവർ എടുക്കുന്ന തീരുമാനങ്ങൾ മറ്റുള്ളവരെ എങ്ങനെ ബാധിക്കുമെന്ന് എപ്പോഴും പരിഗണിക്കേണ്ടതുണ്ടെന്നും അവർ ചൂണ്ടിക്കാട്ടി.

സിനിമയിലെ പ്രകടനങ്ങൾക്കപ്പുറം സമൂഹത്തിന് നൽകുന്ന സന്ദേശങ്ങളും ഇന്ന് പ്രേക്ഷകർ വിലയിരുത്തുന്ന കാലഘട്ടത്തിലാണ് വിജയ് സേതുപതിയുടെ ഈ നിലപാട് വീണ്ടും ശ്രദ്ധ നേടുന്നത്. പരസ്പര ബഹുമാനത്തിനും ആരോഗ്യകരമായ പ്രൊഫഷണൽ അതിരുകൾക്കും പ്രാധാന്യം നൽകുന്ന ഈ സമീപനം സിനിമാ ലോകത്തിന് പുറത്തും നിരവധി തൊഴിൽമേഖലകളിൽ മാതൃകയാകുന്നുവെന്നാണ് സോഷ്യൽ മീഡിയയിലെ പ്രതികരണങ്ങൾ.

Also Read: ഓസ്കാർ വേദിയിൽ ഇന്ത്യയുടെ അഭിമാനമായി; ഒടുവിൽ ജീവിക്കാൻ ഓട്ടോറിക്ഷ ഓടിക്കേണ്ടി വന്ന നായകന്റെ കഥ

'സൂര്യഗായത്രി' എന്ന ചിത്രത്തിൽ മോഹൻലാലിന്റെ മകനായി അഭിനയിച്ച് പ്രേക്ഷകമനം കവർന്ന ബാലതാരം അനു ആനന്ദിനെ തേടി വർഷങ്ങൾക്കിപ്പുറം എത്തിയിരിക്കുന്നത് ഒരപൂർവ്വ ഭാഗ്യമാണ്. അനു ആനന്ദിന്റെ മകൾ ആദിത്യലക്ഷ്മി വെള്ളിത്തിരയിൽ അരങ്ങേറ്റം കുറിക്കുമ്പോൾ ഒപ്പമുള്ളത് മോഹൻലാലിന്റെ മകൾ വിസ്മയ മോഹൻലാലാണ്.

Also Read: വെള്ളച്ചാട്ടത്തിന്റെ മുകളിൽ നിന്നും 150 അടി താഴേക്ക് ചാടി; ഐശ്വര്യ റായിക്ക് പകരം അന്ന് ജീവൻ പണയം വെച്ചത് ഈ സ്റ്റണ്ട് വുമൺ

ജൂഡ് ആന്റണി ജോസഫ് സംവിധാനം ചെയ്യുന്ന 'തുടക്കം' എന്ന ചിത്രത്തിലൂടെ വിസ്മയയും ആദിത്യലക്ഷ്മിയും ക്യാമറയ്ക്ക് മുന്നിലെത്തുമ്പോൾ അതൊരു മനോഹരമായ തലമുറ സംഗമമായി മാറുന്നു. അന്ന് താൻ ആരുടെ മകനായി അഭിനയിച്ചോ, അദ്ദേഹത്തിന്റെ മകൾക്കൊപ്പം ഇന്ന് സ്വന്തം മകൾ ആദ്യമായി ക്യാമറയ്ക്ക് മുന്നിലെത്തുന്ന ആ അത്ഭുത നിമിഷത്തിന്റെ കൗതുകത്തിലാണ് അനു ആനന്ദ് ഇപ്പോൾ.

Also Read: എന്റെ പ്രിയപ്പെട്ട അപ്പുവിന്...; വാക്കുകളിൽ സ്നേഹം നിറച്ച് ലാലേട്ടന്റെ ജന്മദിനാശംസ

"അച്ഛൻ/അമ്മ എന്ന നിലയിൽ അഭിമാനം തോന്നുന്ന നിമിഷം! മായ മോഹൻലാലിനും ആ മഹാപ്രതിഭയ്ക്കുമൊപ്പം 'തുടക്കം' സിനിമയുടെ പൂജ ചടങ്ങിൽ എന്റെ മകൾ തിളങ്ങിനിൽക്കുന്നു. മനോഹരമായ മലയാള സിനിമാലോകത്തേക്കുള്ള അവളുടെ യാത്ര ആരംഭിക്കുന്നത് കാണുന്നതിൽ എനിക്ക് ഏറെ സന്തോഷമുണ്ട്. സിനിമയിലെ എല്ലാ അഭിനേതാക്കൾക്കും അണിയറപ്രവർത്തകർക്കും എല്ലാവിധ വിജയങ്ങളും നേരുന്നു. വെള്ളിത്തിരയിലെ ആ മായാജാലം കാണാൻ ആകാംഷയോടെ കാത്തിരിക്കുന്നു.’’– അനു ആനന്ദ് മുൻപ് കുറച്ചതിങ്ങനെ. .

View this post on Instagram

A post shared by Anu Anand (@anumon2222)

പ്രിയദർശൻ സംവിധാനം ചെയ്ത ‘രാക്കുയിലിൻ രാഗസദസ്സിൽ’ എന്ന ചിത്രത്തിലൂടെയാണ് അനു ആനന്ദ് അഭിനയരംഗത്തേക്ക് വരുന്നത്. പിന്നീട് കമൽ സംവിധാനം ചെയ്ത ‘സർവകലാശാല’ എന്ന ചിത്രത്തിൽ മോഹൻലാലിന്റെ ചെറുപ്പകാലം അവതരിപ്പിച്ച് ശ്രദ്ധേയനായി. പിന്നീട് 'ചതുരംഗം', 'സാഗർ അലിയാസ് ജാക്കി' തുടങ്ങിയ ചിത്രങ്ങളിലൂടെ മോഹൻലാലിനൊപ്പം അഭിനയിച്ചു. 

Also Read:  150 മുറികളുള്ള പട്ടൗഡി കൊട്ടാരത്തിന്റെ അവകാശി സെയ്ഫ്; സോഹയ്ക്ക് സ്വന്തമായുള്ളത്  'ജനറേറ്റർ റൂം'

View this post on Instagram

A post shared by Kalamandalam AdithyaLakshmi (@adithyalakshmi_98)

വെറുമൊരു സിനിമാ പ്രവേശനം എന്നതിലുപരി, മലയാള സിനിമയിലെ പ്രമുഖ വ്യക്തികളുടെ അടുത്ത തലമുറയുടെ ഒത്തുചേരൽ കൂടിയാണ് ജൂഡ് ആന്റണിയുടെ തുടക്കം. മോഹൻലാലിന്റെ മകൾ വിസ്മയ മോഹൻലാൽ നായികയായി അരങ്ങേറ്റം കുറിക്കുന്നു. നിർമ്മാതാവ് ആന്റണി പെരുമ്പാവൂരിന്റെ മകൻ ആശിഷ് ജോ ആന്റണി നായകനായി എത്തുന്നു, മോഹൻലാൽ ചിത്രത്തിൽ ഒരു പ്രധാന അതിഥി വേഷത്തിൽ പ്രത്യക്ഷപ്പെടുന്നു എന്നിങ്ങനെ നിരവധി പ്രത്യേകതകൾ ഉണ്ട് ചിത്രത്തിന്. 

ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ആണ് ചിത്രം നിർമ്മിക്കുന്നത്. സായ് കുമാർ, ചിപ്പി, കെ. ബി. ഗണേഷ് കുമാർ, ജാഫർ ഇടുക്കി തുടങ്ങിയ വലിയൊരു താരനിര തന്നെ ചിത്രത്തിൽ അണിനിരക്കുന്നുണ്ട്. 

Also Read: എന്നെ കെട്ടുന്നവന് മാസം 50,000 അങ്ങോട്ട് കൊടുക്കും, പകരം എന്നെ സ്നേഹിക്കണം, കൊഞ്ചിക്കണം: ആർ ജെ ബിൻസി

ഇന്ത്യൻ ക്രിക്കറ്റ് ടീം മുഖ്യ പരിശീലകൻ ഗൗതം ഗംഭീറും ചീഫ് സെലക്ടർ അജിത് അഗാർക്കറും തമ്മിൽ ഭിന്നത നിലനിൽക്കുന്നുണ്ടെന്ന സൂചനയുമായി മുൻ ഇന്ത്യൻ താരം ദിനേഷ് കാർത്തിക്. അയർലൻഡ്, ഇംഗ്ലണ്ട് പര്യടനങ്ങളിലെ ഇന്ത്യയുടെ തുടർച്ചയായ ട്വന്റി20 പരമ്പര തോൽവികൾക്ക് പിന്നാലെ സ്കൈ സ്പോർട്സിനോട് സംസാരിക്കുകയായിരുന്നു കാർത്തിക്.

ടീം സെലക്ഷൻ സംബന്ധിച്ച് ഇരുവരും രണ്ട് തട്ടിലാണ്. ഗംഭീറും അഗാർക്കറും നിലവിൽ ഒരേ ചിന്താഗതിയിലല്ല മുന്നോട്ട് പോകുന്നത്. ഇരുവരും തമ്മിലുള്ള ഈ അസ്വാരസ്യം ടീമിന്റെ പ്രകടനത്തെ ബാധിക്കുന്നുണ്ട്. ഈ ആശയക്കുഴപ്പം വളരെ വേഗത്തിൽ പരിഹരിക്കണം. ഇല്ലെങ്കിൽ വരാനിരിക്കുന്ന ഏകദിന പരമ്പരയിലും ഇന്ത്യയ്ക്ക് ഇത് വലിയ തിരിച്ചടിയാകും എന്നും കാർത്തിക് മുന്നറിയിപ്പ് നൽകുന്നു.

Also Read: ഇനി ഞാൻ നോക്കിക്കോളം; ക്രിസ്റ്റ്യാനോയ്ക്കുവേണ്ടി കണക്കു ചോദിക്കാൻ എംബാപ്പെ; വീഡിയോ

ദിനേശ് കാർത്തിക്കിന്റെ വാക്കുകൾ ഇങ്ങനെ, "ദീർഘകാല പദ്ധതികളുമായി മുന്നോട്ട് പോകുന്ന ചീഫ് സെലക്ടറും 'കളിക്കുന്ന ഓരോ മത്സരത്തിലും എനിക്ക് വിജയം വേണം' എന്ന് ചിന്തിക്കുന്ന നിലവിലെ കോച്ചും തമ്മിൽ ചില അസ്വാരസ്യങ്ങൾ നിലനിൽക്കുന്നുണ്ടെന്നാണ് എനിക്ക് തോന്നുന്നത്. അതിന്റെ ഫലമായി ഉണ്ടായ ആശയക്കുഴപ്പമാണ് ഇപ്പോൾ നമ്മുടെ മുന്നിൽ തുറന്നുകാട്ടപ്പെടുന്നത്."

Also Read: " എന്നോട് മര്യാദയ്ക്ക് സംസാരിക്കണം!": പോർച്ചുഗീസ് റഫറിയോട് ക്ഷുഭിതനായി ലയണൽ മെസി; കാരണം

"ഇത് കളിക്കാരെ സംബന്ധിച്ച് അനുയോജ്യമായൊരു സാഹചര്യമാണോ? തീർച്ചയായുമല്ല. ഇന്ത്യയെപ്പോലൊരു രാജ്യത്തെ കളിക്കാരുടെ കാര്യം ആലോചിച്ചുനോക്കൂ. അവിടെ എത്ര വലിയ ബെഞ്ച് കരുത്താണ് ഇന്ത്യക്ക് ഉള്ളത്! അതുകൊണ്ടുതന്നെ, 'ഓ ദൈവമേ, ഒന്നോ രണ്ടോ മത്സരങ്ങളിൽ ഞാൻ മോശം പ്രകടനം നടത്തിയാൽ എന്നെ മാറ്റാൻ ഇവിടെ ആളുണ്ട്' എന്ന ആശങ്കയിലാകും ഓരോ കളിക്കാരനും. ഇന്ത്യ എത്രയും വേഗം തിരിച്ചറിഞ്ഞ് പരിഹരിക്കേണ്ട ഒരു സാഹചര്യം തന്നെയാണ് ഇത്," ദിനേശ് കാർത്തിക് അഭിപ്രായപ്പെട്ടു. 

Also Read: മെസിയുടെ നിഴലല്ല, വഴിവിളക്ക്! 2,500 പേരുള്ള കൊച്ചുഗ്രാമത്തിലെ 'ചിലന്തി'; അർജന്റീനയെ വീണ്ടും രക്ഷിച്ച അൽവാരസിന്റെ കഥ

അയർലൻഡിന് എതിരായ ടി20 പരമ്പര ഇന്ത്യക്ക് 2-0നും ഇംഗ്ലണ്ടിനെതിരായ ടി20 പരമ്പര ടീമിന് 4-0നും നഷ്ടമായിരുന്നു. ശ്രേയസ് അയ്യർ ക്യാപ്റ്റനായതിന് ശേഷം ഒരു മത്സരം പോലും ഇന്ത്യക്ക് ജയിക്കാനായിട്ടില്ല. ഇന്ത്യയുടെ ലോകകപ്പ് ഹീറോയായ താരത്തെ ഇംഗ്ലണ്ടിനെതിരെ പ്ലേയിങ് ഇലവനിൽ നിന്ന് ഒഴിവാക്കിയത് വലിയ വിമർശനത്തിന് ഇടയാക്കിയിരുന്നു. സിംബാബ് വെ പരമ്പരക്കുള്ള സ്ക്വാഡിലും സഞ്ജുവിന് ഇടം നൽകിയില്ല. 

Read More: ഫിഫ ലോകകപ്പ് 2026: ഫൈനൽ ടിക്കറ്റിനായുള്ള പോരാട്ടം; സെമി ഫൈനൽ ഷെഡ്യൂളും ഇന്ത്യൻ സമയവും

കൊച്ചി: നടിയെ ആക്രമിച്ച കേസില്‍ ഒന്നാം പ്രതി പൾസർ സുനിക്ക് തിരിച്ചടി. വിചാരണ കോടതിയുടെ ശിക്ഷാ വിധി മരവിപ്പിക്കണമെന്ന സുനിയുടെ ആവശ്യം ഡിവിഷൻ ബെഞ്ച് തള്ളി. നടിയുടെയും പ്രോസിക്യൂഷന്റെയും വാദം കണക്കിലെടുത്താണ് ജസ്റ്റിസ് രാജാ വിജയ രാഘവൻ അധ്യക്ഷനായ ബെഞ്ചിൻ്റെ ഉത്തരവ്. 

ഹീനമായ കുറ്റകൃത്യമാണ് നടന്നതെന്നും ഒന്നാം പ്രതി കുറ്റക്കാരനാണെന്ന് വിചാരണ കോടതി കണ്ടെത്തിയിട്ടുണ്ടെന്നും നടി കോടതിയില്‍ ചൂണ്ടിക്കാട്ടി. പ്രതികളുടെ ശിക്ഷ മരവിപ്പിക്കരുതെന്ന് പ്രോസിക്യൂഷനും കോടതിയില്‍ ആവശ്യപ്പെട്ടു. ശിക്ഷ വര്‍ധിപ്പിക്കണമെന്ന അപ്പീല്‍ കോടതിയുടെ പരിഗണനയിലാണെന്നും പള്‍സര്‍ സുനി കൊടും ക്രിമിനലാണെന്നും പ്രോസിക്യൂഷന്‍ ചൂണ്ടിക്കാട്ടി. 

സുപ്രീം കോടതി ജാമ്യം അനുവദിച്ച് ഒരു മാസം തികയും മുമ്പ് പള്‍സര്‍ സുനി വീണ്ടും കേസില്‍ പ്രതിയായെന്നും സുനി സ്ഥിരം കുറ്റവാളിയാണെന്നും പ്രോസിക്യൂഷന്‍ കോടതിയെ അറിയിച്ചു. ശിക്ഷ മരവിപ്പിക്കാന്‍ മതിയായ കാരണങ്ങൾ ഹർജിക്കാരന് ചൂണ്ടിക്കാട്ടാനായിട്ടില്ലെന്ന് കോടതി നിരീക്ഷിച്ചു. 

കുറ്റകൃത്യം സമൂഹ മനസാക്ഷിയെ ഞെട്ടിക്കുന്നതാണ്. ശിക്ഷ മരവിപ്പിക്കുന്നത് സ്ത്രീയുടെ അന്തസ്സിനെയും സുരക്ഷിതത്വത്തെയും ബാധിക്കുമെന്നും കോടതി വിലയിരുത്തി. അതിജീവിതയുടെയും മെഡിക്കൽ ഓഫീസറുടെയും നടൻ ലാലിൻ്റെയും മൊഴികൾ പരിശോധിച്ച ശേഷമാണ് ഹർജി കോടതി തള്ളിയത്.

വിറ്റാമിൻ സി ഒരു ആന്റിഓക്സിഡന്റ് ആണെന്നും, അത് ചർമ്മത്തിൽ ഫ്രീ റാഡിക്കലുകളുടെ സ്വാധീനം തടയുന്നതിലൂടെ വാർദ്ധക്യ പ്രക്രിയയെ വൈകിപ്പിക്കാൻ സഹായിക്കുന്നുവെന്ന് മിക്കവർക്കും അറിയാം. അതുകൊണ്ടാണ് ചർമ്മസംരക്ഷണത്തിൽ വിറ്റാമിൻ സി സെറം മികച്ചതായി കണക്കാക്കപ്പെടുന്നത്. എന്നിരുന്നാലും, കടകളിൽ നിന്ന് വാങ്ങുന്ന സെറം ചിലപ്പോൾ ചിലവേറിയതാകാം, അല്ലെങ്കിൽ അവയിൽ ഉപയോഗിച്ചിരിക്കുന്ന രാസവസ്തുക്കളെക്കുറിച്ച് ഉറപ്പുണ്ടായിരിക്കില്ല. എളുപ്പത്തിൽ ലഭ്യമായ ഉൽപ്പന്നങ്ങൾ ഉപയോഗിച്ച് വീട്ടിൽ തന്നെ ചെലവ് കുറഞ്ഞ രീതിയിൽ ഒരു വിറ്റാമിൻ സി സെറം നിർമ്മിക്കാൻ കഴിയുമെന്ന് അറിയാമോ? 

Also Read: വിറ്റാമിൻ സി സെറം ഉപയോഗിക്കുന്നുണ്ടോ? മികച്ച ഫലം ലഭിക്കാൻ ഈ കാര്യങ്ങൾ അറിഞ്ഞിരിക്കുക

റെയ്ക്കി ഗ്രാൻഡ് മാസ്റ്ററും അക്യുപ്രഷർ തെറാപ്പിസ്റ്റുമായ റീമ ഗുപ്ത ഇത്തരത്തിൽ വിറ്റാമിൻ സി സെറം എങ്ങനെ വീട്ടിൽ തയ്യാറാക്കാം എന്ന് പരിചയപ്പെടുത്തുന്നുണ്ട്.

“വിറ്റാമിൻ സി സെറത്തിലെ സജീവ ഘടകങ്ങൾ ചർമ്മത്തെ ആഴത്തിൽ പോഷിപ്പിക്കുന്നു. ക്രീമിനേക്കാൾ എത്രയോ ഫലപ്രദമാണ് സെറം,” റീമ പറഞ്ഞു.

വിറ്റാമിൻ സി സെറം ചർമ്മത്തിന് ഗുണകരമാകുന്നത് എങ്ങനെ?

• വാർദ്ധക്യ പ്രക്രിയയെ വൈകിപ്പിക്കുന്നു
• പാടുകൾ നീക്കം ചെയ്യുന്നു
• ചർമ്മത്തിന് തിളക്കം നൽകുന്നു
• കൊളാജൻ ഉത്പാദനം വർദ്ധിപ്പിക്കുന്നു
• നിറവ്യത്യാസം കുറയ്ക്കുന്നു
• വീക്കം കുറയ്ക്കുന്നു
• സൂര്യതാപത്തിൽ നിന്ന് സംരക്ഷിക്കുന്നു

Also Read: 30കളിലും തിളക്കമുള്ള ചർമ്മം, മുഖകാന്തി വർധിപ്പിക്കാൻ ഇതാ ഒരു മാന്ത്രികക്കൂട്ട്

വീട്ടിൽ എങ്ങനെ നിർമ്മിക്കാം?

ചേരുവകൾ

• വിറ്റാമിൻ സി പൗഡർ- 1 സ്പൂൺ 
• റോസ് വാട്ടർ- 8 സ്പൂൺ 
• ഗ്ലിസറിൻ- 1 സ്പൂൺ 
• വിറ്റാമിൻ ഇ ക്യാപ്സ്യൂളുകൾ- 2 

തയ്യാറാക്കുന്ന വിധം

ഒരു ഗ്ലാസ് കുപ്പിയിൽ വിറ്റാമിൻ സി പൗഡറും റോസ് വാട്ടറും ചേർത്ത് നന്നായി ഇളക്കാം. ശേഷം ഗ്ലിസറിനും വിറ്റാമിൻ ഇ ഓയിലും ചേർക്കുക. നന്നായി യോജിപ്പിക്കാം.

Also Read: ദിവസം മുഴുവൻ ഫ്രഷായിരിക്കാൻ ഇനി പെർഫ്യൂം വേണ്ട; ഇതാ പൊടിക്കൈകൾ

എങ്ങനെ സൂക്ഷിക്കാം?
നേരിട്ടുള്ള സൂര്യപ്രകാശം ഏൽക്കാത്ത തണുത്ത, ഇരുണ്ട സ്ഥലത്ത് സെറം സൂക്ഷിക്കുക. ഇത് 15-20 ദിവസം വരെ ഫ്രിഡ്ജിൽ സൂക്ഷിക്കാം.

സെറം എങ്ങനെ ഉപയോഗിക്കാം?

• രാത്രിയിൽ മുഖം വൃത്തിയാക്കിയ ശേഷം, കോട്ടൺ ഉപയോഗിച്ച് ടോണറോ റോസ് വാട്ടറോ പുരട്ടുക. ശേഷം കുറച്ചു തുള്ളി സെറം എടുത്ത് മുഖത്ത് പുരട്ടുക. മൃദുവായി മസാജ് ചെയ്യാം.
• തുടർച്ചയായി ഉപയോഗിച്ചാൽ ചർമ്മം തിളങ്ങുകയും, പിഗ്മെന്റേഷനും കറുത്ത പാടുകളും നേർത്ത വരകളും ചുളിവുകളും കുറയുകയും ചെയ്യുമെന്ന് ഗുപ്ത പറഞ്ഞു.

മുന്നറിയിപ്പ്: ആദ്യമായി സെറം മുഖത്ത് പുരട്ടുമ്പോൾ ചിലർക്ക് നേരിയ അസ്വസ്ഥത അനുഭവപ്പെടാം. സാധാരണയായി ഇത് മാറുന്നതാണ്. എന്നിരുന്നാലും, അസ്വസ്ഥത തുടരുകയാണെങ്കിൽ ഉടൻ തന്നെ ഉപയോഗം നിർത്തുക.

DISCLAIMER: മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ചർമ്മത്തെക്കുറിച്ചോ ചർമ്മാരോഗ്യത്തെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More:  മുഖക്കുരു അലട്ടുന്നുണ്ടോ? ഇതിലൊന്ന് സ്ഥിരമായി പുരട്ടൂ

Argentina vs England World Cup 2026: ലോകകപ്പ് സെമിഫൈനലിൽ ഇംഗ്ലണ്ടും അർജന്റീനയും നേർക്കുനേർ വരാനിരിക്കെ ഫുട്ബോൾ ലോകത്ത് വാക്പോരിന് വഴിതുറന്ന് മുൻ ഇംഗ്ലണ്ട് വിങ്ങർ ജോ കോൾ. ലയണൽ മെസിയേയും സംഘത്തെയും തോൽപ്പിച്ച് ഇംഗ്ലണ്ട് ഫൈനലിൽ കടക്കുമെന്നും മെസിയുടെ സ്വാധീനം മൈതാനത്ത് ഇല്ലാതാക്കാൻ ഇംഗ്ലണ്ടിന് സാധിക്കുമെന്നുമാണ് കോളിന്റെ അവകാശവാദം.  

'ദി റെസ്റ്റ് ഈസ് ഫുട്ബോൾ' എന്ന പോഡ്കാസ്റ്റിലാണ് താരം ഇംഗ്ലീഷ് ടീമിന് പൂർണ്ണ പിന്തുണ പ്രഖ്യാപിച്ച് രംഗത്തെത്തിയത്.  "ഞങ്ങൾക്ക് ലയണൽ മെസിയെ തളയ്ക്കേണ്ടതുണ്ട്, ഞങ്ങൾ അത് ചെയ്യും (We will have to put Lionel Messi to bed). നൂറ് ശതമാനം ഉറപ്പോടെയാണ് ഞാൻ ഇത് പറയുന്നത്. ഇംഗ്ലണ്ട് ലോകകപ്പ് ഫൈനലിലേക്ക് യോഗ്യത നേടും. അർജന്റീനയേക്കാൾ മികച്ച വേഗതയുള്ള താരങ്ങൾ ഇംഗ്ലണ്ടിനുണ്ട്. ഞങ്ങൾ അവരെ പരാജയപ്പെടുത്തും, എന്റെ മനസ്സ് അത് ഉറപ്പിച്ചു പറയുന്നു." 

Also Read: ഇനി ഞാൻ നോക്കിക്കോളം; ക്രിസ്റ്റ്യാനോയ്ക്കുവേണ്ടി കണക്കു ചോദിക്കാൻ എംബാപ്പെ; വീഡിയോ

സഹ അവതാരകനായ മൈക്കൽ റിച്ചാർഡ്സ് ഈ പ്രസ്താവന പിന്നീട് തിരിച്ചടിയായേക്കാം എന്ന് മുന്നറിയിപ്പ് നൽകിയെങ്കിലും കോൾ തന്റെ വാക്കുകളിൽ ഉറച്ചുനിൽക്കുകയായിരുന്നു. തോമസ് ടുഹലിന് കീഴിൽ ഇറങ്ങുന്ന ഇംഗ്ലണ്ടിന് ഹാരി കെയ്ൻ, ജൂഡ് ബെല്ലിങ്ഹാം, ആന്റണി ഗോർഡൻ തുടങ്ങിയവരുടെ സാന്നിധ്യം കരുത്താകുമെന്നും അദ്ദേഹം കൂട്ടിച്ചേർത്തു.  

സെമിയിലേക്കുള്ള വഴി

നിലവിലെ ലോക ചാമ്പ്യന്മാരായ അർജന്റീനയും ഇംഗ്ലണ്ടും കടുത്ത പോരാട്ടങ്ങൾക്കൊടുവിലാണ് സെമിഫൈനലിലേക്ക് യോഗ്യത നേടിയത്.  ക്വാർട്ടർ ഫൈനലിൽ നോർവേയെ ഒന്നിനെതിരെ രണ്ട് ഗോളുകൾക്ക് തകർത്താണ് ഇംഗ്ലണ്ട് വരുന്നത്. ജൂഡ് ബെല്ലിങ്ഹാമിന്റെ ഇരട്ട ഗോളുകളാണ് ഇംഗ്ലണ്ടിന് തുണയായത്.  

Also Read: " എന്നോട് മര്യാദയ്ക്ക് സംസാരിക്കണം!": പോർച്ചുഗീസ് റഫറിയോട് ക്ഷുഭിതനായി ലയണൽ മെസി; കാരണം

സ്വിറ്റ്സർലൻഡുമായുള്ള ക്വാർട്ടർ പോരാട്ടത്തിൽ എക്സ്ട്രാ ടൈം വരെ നീണ്ട മത്സരത്തിനൊടുവിലാണ് (3-1) അർജന്റീന സെമി ടിക്കറ്റെടുത്തത്. ജൂലിയൻ അൽവാരസ്, ലൗട്ടാരോ മാർട്ടിനസ് എന്നിവരാണ് ടീമിനായി സ്കോർ ചെയ്തത്.  

Also Read: മെസിയുടെ നിഴലല്ല, വഴിവിളക്ക്! 2,500 പേരുള്ള കൊച്ചുഗ്രാമത്തിലെ 'ചിലന്തി'; അർജന്റീനയെ വീണ്ടും രക്ഷിച്ച അൽവാരസിന്റെ കഥ

മെസിയുടെ ഫോമും പ്രതിരോധത്തിലെ ആശങ്കയും 

ഈ ലോകകപ്പിൽ എട്ട് ഗോളുകളുമായി കിലിയൻ എംബാപ്പെയ്ക്കൊപ്പം ടോപ്പ് സ്കോറർ പദവിയിലാണ് ലയണൽ മെസി. ക്വാർട്ടറിൽ ഗോൾ നേടിയില്ലെങ്കിലും അലക്സിസ് മാക് അലിസ്റ്ററുടെ ഗോളിന് വഴിയൊരുക്കിയത് മെസിയായിരുന്നു.

എന്നാൽ കേപ് വെർഡെ, ഈജിപ്ത്, സ്വിറ്റ്സർലൻഡ് തുടങ്ങിയ ടീമുകൾക്കെതിരെ അർജന്റീനയുടെ പ്രതിരോധ നിര വരുത്തിയ പിഴവുകൾ ഇംഗ്ലണ്ടിന് അനുകൂലമാകുമെന്നാണ് മുൻ സ്കോട്ട്‌ലൻഡ് താരം ആലി മക്കോയിസ്റ്റും നിരീക്ഷിക്കുന്നത്.  

Read More: ഫിഫ ലോകകപ്പ് 2026: ഫൈനൽ ടിക്കറ്റിനായുള്ള പോരാട്ടം; സെമി ഫൈനൽ ഷെഡ്യൂളും ഇന്ത്യൻ സമയവും

Virat Kohli India vs England ODI: വിരാട് കോഹ്ലിക്ക് മേൽ ഇന്ത്യൻ പരിശീലകൻ ഗൗതം ഗംഭീർ സമ്മർദം ചെലുത്തുകയാണോ? ഇംഗ്ലണ്ടിനെതിരായ ഏകദിന മത്സരത്തിന് മുൻപായി നെറ്റ്സിൽ ബാറ്റ് ചെയ്യുമ്പോൾ ക്ലീൻ ബൗൾഡായ കോഹ്ലിയുടെ ദൃശ്യങ്ങൾ വൈറലായതോടെയാണ് ആരാധകർ ഈ ചോദ്യം ഉന്നയിക്കുന്നത്. 

കഴിഞ്ഞ മാസം അഫ്ഗാനിസ്ഥാനെതിരെയുള്ള പരമ്പര ഹാംസ്ട്രിങ് പരിക്കിനെ തുടർന്ന് കോഹ്ലിക്ക് നഷ്ടമായിരുന്നു. പരിക്കിൽ നിന്ന് മുക്തനായ ശേഷം ഏകദിന പരമ്പരയ്ക്കായി കോഹ്ലി ഒരുങ്ങിക്കഴിഞ്ഞു. ഐപിഎൽ 2026 ഫൈനലിൽ റോയൽ ചലഞ്ചേഴ്സ് ബംഗ്ലൂരിന് വേണ്ടി മാച്ച് വിന്നിംഗ് പ്രകടനമായി പുറത്താകാതെ 75 റൺസ് നേടിയതിന് ശേഷം മുൻ ഇന്ത്യൻ ക്യാപ്റ്റൻ ആദ്യമായാണ് വീണ്ടും കളത്തിലിറങ്ങുന്നത്.

Also Read: ഇനി ഞാൻ നോക്കിക്കോളം; ക്രിസ്റ്റ്യാനോയ്ക്കുവേണ്ടി കണക്കു ചോദിക്കാൻ എംബാപ്പെ; വീഡിയോ

ഫിറ്റ്‌നസ് തെളിയിക്കുന്നതിന് വിധേയമായി അഫ്ഗാനിസ്ഥാൻ ഏകദിന പരമ്പരയ്ക്കുള്ള ടീമിൽ കോഹ്‌ലിയെ ആദ്യം ഉൾപ്പെടുത്തിയിരുന്നെങ്കിലും പിന്നീട് കോഹ്ലിയെ ഒഴിവാക്കുകയും പകരം യശസ്വി ജയ്‌സ്വാളിനെ ടീമിലെടുക്കുകയുമായിരുന്നു. 37കാരനായ കോഹ്‌ലി ഇന്ന് ആരംഭിക്കുന്ന ഇംഗ്ലണ്ടിനെതിരെയുള്ള മൂന്ന് മത്സരങ്ങളുടെ ഏകദിന പരമ്പരയിലെ ആദ്യ മത്സരത്തിലൂടെ തിരിച്ചുവരവ് നടത്തും. നെറ്റ്സ് സെഷനിൽ കോഹ്‌ലി സ്പിന്നർമാരെ നേരിടുന്ന ഒരു വീഡിയോ ഇപ്പോൾ സോഷ്യൽ മീഡിയയിൽ പ്രചരിക്കുന്നുണ്ട്.

ഇന്ത്യയുടെ മുഖ്യ പരിശീലകൻ ഗൗതം ഗംഭീർ സൂക്ഷ്മമായി നിരീക്ഷിച്ചുകൊണ്ടിരിക്കെ കോഹ്‌ലിക്ക് രണ്ട് പന്തുകൾ കളിക്കാനാവാതെ വരുന്നത് വീഡിയോയിൽ കാണാം. ആദ്യത്തേത് കോഹ്ലി റിവേഴ്സ് സ്വീപ്പിന് ശ്രമിച്ചപ്പോഴായിരുന്നു. അടുത്ത പന്ത് കോഹ്ലിയെ കബളിപ്പിച്ച് സ്റ്റംപ് ഇളക്കി. ഗംഭീറിന്റെ സാന്നിധ്യം ആണോ ഈ പന്തുകൾ നേരിടുമ്പോൾ കോഹ്ലിയെ സമ്മർദത്തിലാക്കിയത് എന്നാണ് ആരാധകരുടെ ചോദ്യം. 

“Is Gautam Gambhir putting Virat Kohli under pressure? During yesterday’s practice session, Gambhir was standing right beside Virat Kohli’s net, closely watching him. Virat and Gambhir haven’t spoken for a long time. Virat played a couple of awkward shots and then got clean… pic.twitter.com/An7tZBFTMK

— 𝐑𝐮𝐬𝐡𝐢𝐢𝐢⁴⁵ (@rushiii_12) July 14, 2026

Also Read: " എന്നോട് മര്യാദയ്ക്ക് സംസാരിക്കണം!": പോർച്ചുഗീസ് റഫറിയോട് ക്ഷുഭിതനായി ലയണൽ മെസി; കാരണം

ഇന്ത്യയുടെ റൺ മെഷീൻ 2027ലെ ഏകദിന ലോകകപ്പിൽ കളിക്കുക എന്ന ലക്ഷ്യത്തിലാണ്. എന്നാൽ പ്രായമേറിക്കൊണ്ടിരിക്കുന്ന ഈ സൂപ്പർ താരത്തിന് ദക്ഷിണാഫ്രിക്കയും സിംബാബ്‌വെയും സംയുക്തമായി ആതിഥേയത്വം വഹിക്കുന്ന ഏകദിന ലോകകപ്പിനുള്ള ടീമിന്റെ ഭാഗമാകാനാകുമോ എന്ന ആശങ്ക ശക്തമാണ്. മോശം പ്രകടനം വന്നാൽ ടീമിൽ നിന്ന് ഒഴിവാക്കുമെന്ന് രോഹിത്തിനോടും കോഹ്ലിയോടും സെലക്ടർമാർ വ്യക്തമാക്കിയിട്ടുണ്ട്. 

എന്നാൽ ഇന്ത്യൻ ഏകദിന ക്യാപ്റ്റൻ ശുഭ്‌മൻ ഗിൽ കോഹ്ലി തന്റെ പദ്ധതികളുടെ ഭാഗമായി തുടരുന്നു എന്ന സൂചനയാണ് കഴിഞ്ഞ ദിവസം സംസാരിച്ചപ്പോൾ നൽകിയത്. ടീം കോമ്പിനേഷനുകളെക്കുറിച്ചും പ്രധാന കളിക്കാരെക്കുറിച്ചും തങ്ങൾ ചർച്ചകൾ നടത്തിയതായി ഗിൽ വെളിപ്പെടുത്തി.

Also Read: മെസിയുടെ നിഴലല്ല, വഴിവിളക്ക്! 2,500 പേരുള്ള കൊച്ചുഗ്രാമത്തിലെ 'ചിലന്തി'; അർജന്റീനയെ വീണ്ടും രക്ഷിച്ച അൽവാരസിന്റെ കഥ

മാധ്യമങ്ങളോട് ഗിൽ പ്രതികരിച്ചത് ഇങ്ങനെ, "യഥാർത്ഥത്തിൽ കഴിഞ്ഞ ദിവസം മാത്രമാണ് ഞാൻ കോഹ്ലിയുമായി 2027 ഏകദിന ലോകകപ്പിനായുള്ള ഞങ്ങളുടെ പദ്ധതികളെക്കുറിച്ച് ചർച്ച ചെയ്തത്. ടീം കോമ്പിനേഷനുകൾ, ഏതൊക്കെ കളിക്കാർ ടീമിന്റെ ഭാഗമാകാം, നിലവിൽ ടീമിന്റെ ഭാഗമല്ലെങ്കിൽ പോലും ഏതൊക്കെ കളിക്കാർ നമുക്ക് നിർണായകമാകും കൂടാതെ ഓരോ കളിക്കാരനും ടീം സെറ്റപ്പിൽ എവിടെയാണ് ഏറ്റവും അനുയോജ്യം എന്നതിനെക്കുറിച്ചെല്ലാം ഞങ്ങൾ സംസാരിച്ചു."

Read More: ഫിഫ ലോകകപ്പ് 2026: ഫൈനൽ ടിക്കറ്റിനായുള്ള പോരാട്ടം; സെമി ഫൈനൽ ഷെഡ്യൂളും ഇന്ത്യൻ സമയവും

ഉപഭോക്താക്കളിൽ നിന്ന് നിരവധി പരാതികൾ ലഭിച്ചതിനെത്തുടർന്ന് ക്വിക്ക് കൊമേഴ്‌സ് ആപ്ലിക്കേഷനായ സ്വിഗ്ഗി ഇൻസ്റ്റാമാർട്ടിനെതിരെ  രാജ്യത്തെ പരമോന്നത ഭക്ഷ്യ സുരക്ഷാ ഗുണനിലവാര നിർണ്ണയ അതോറിറ്റിയായ 'എഫ്.എസ്.എസ്.എ.ഐ' ഒമ്പത് നോട്ടീസുകൾ അയച്ചിരുന്നു. കാലാവധി കഴിഞ്ഞതോ കേടായതോ അല്ലെങ്കിൽ മലിനമായതോ ആയ ഭക്ഷ്യ ഉത്പ്പന്നങ്ങൾ വിതരണം ചെയ്തതുമായി ബന്ധപ്പെട്ടായിരുന്നു ഉപഭോക്താക്കളുടെ പരാതികൾ. 

Also Read: പഴകിയ ഭക്ഷണത്തിന് പുതിയ തീയതി; 'എക്സ്പയറി ഡേറ്റ് മാഫിയ' പിടിയിൽ; ഓൺലൈൻ ആപ്പുകൾക്കും വിതരണം

ഉപഭോക്താക്കൾ അവരുടെ പരാതികൾ കൂടുതൽ ഉന്നത ഉദ്യോഗസ്ഥരിലേക്ക് എത്തിച്ചിട്ടും കമ്പനിയുടെ ഭാഗത്തു നിന്ന് യാതൊരു നടപടിയും ഉണ്ടായില്ല. എഫ്.എസ്.എസ്.എ.ഐ ലൈസൻസിൽ പരാമർശിച്ചിട്ടുള്ളതിൽ നിന്നും വ്യത്യസ്തമായ പേരുകളുള്ള ഉത്പ്പന്നങ്ങൾ കമ്പനി തങ്ങളുടെ പ്ലാറ്റ്‌ഫോമിൽ ലിസ്റ്റ് ചെയ്തതായും കണ്ടെത്തിയിട്ടുണ്ട്.

"ഇൻസ്റ്റാമാർട്ട് വഴി ചീത്തയായ മുട്ടകളും പാലും കേടുപാടുകൾ സംഭവിച്ച പായ്ക്ക് ചെയ്ത ഭക്ഷ്യവസ്തുക്കളും വിതരണം ചെയ്തതായാണ് പരാതിക്കാർ ആരോപിച്ചിരിക്കുന്നത്. പരാതികൾ കൈമാറുകയും ഉയർന്ന തലത്തിലേക്ക് എത്തിക്കുകയും ചെയ്തിട്ടും തൃപ്തികരമായ പ്രതികരണമോ പരാതി പരിഹാരമോ തിരുത്തൽ നടപടികളോ ഉണ്ടായില്ലെന്ന് ചില പരാതിക്കാർ ആരോപിച്ചിട്ടുണ്ട്. റിപ്പോർട്ട് ചെയ്യപ്പെട്ട ഭക്ഷ്യസുരക്ഷാ ആശങ്കകൾ പരിഹരിക്കാതെ പണം തിരികെ നൽകാൻ (റീഫണ്ട്) മാത്രമാണ് തയ്യാറായതെന്ന് ഒരു പരാതിയിൽ വ്യക്തമാക്കിയിട്ടുണ്ട്." ഭക്ഷ്യ സുരക്ഷാ അതോറിറ്റി അറിയിച്ചു.  

എഫ്.എസ്.എസ്.എ.ഐ നൽകിയ വിവരങ്ങൾ അനുസരിച്ച്, വിവിധ ഭക്ഷ്യവസ്തുക്കളെക്കുറിച്ചാണ് ഉപഭോക്താക്കൾ പരാതി നൽകിയത്. 'ഹെൽത്തിഫൈ 100% വേ പ്രോട്ടീൻ 1 കിലോഗ്രാം', 'നോയ്‌സ് ഹോംസ്‌റ്റൈൽ മദ്രാസ് മിക്സ്ച‌ർ വിത്ത് പീനട്ട്സ്' എന്നിവ കാലാവധി കഴിഞ്ഞതിന് ശേഷമാണ് വിതരണം ചെയ്തതെന്ന് ഉപഭോക്താക്കൾ പരാതിപ്പെട്ടു.

'അക്ഷയകൽപ ഓർഗാനിക് എഗ്സ്' കാലാവധി കഴിഞ്ഞവയായിരുന്നു എന്ന് മാത്രമല്ല, അവയിൽ നിന്ന് ദുർഗന്ധം വമിക്കുകയും മലിനമാവുകയും ചെയ്തതിനാൽ കഴിക്കാൻ യോഗ്യമല്ലെന്നും ഉപഭോക്താക്കൾ പറഞ്ഞു. ഈ സംഭവത്തിൽ ഉപഭോക്താക്കൾ പരാതി നൽകിയിട്ടും സ്വിഗ്ഗി ഇൻസ്റ്റാമാർട്ടിന്റെ ഭാഗത്തുനിന്ന് യാതൊരു തിരുത്തൽ നടപടിയും ഉണ്ടായില്ല.

Also Read: ഇന്ത്യൻ റെയിൽവേയിൽ വൻ മോഷണം; യാത്രക്കാർ കടത്തിയത് 1.27 കോടി ബെഡ്ഷീറ്റുകളും തലയിണകളും; നഷ്ടം 100 കോടിയിലധികം

മറ്റൊരു ഉൽപന്നമായ 'കക്കേ ദാ പറാത്ത' കേടായതായും അതിൽ നിന്ന് ദുർഗന്ധം വമിക്കുന്നതായും കണ്ടെത്തി. എന്നാൽ പരാതി നൽകിയിട്ടും കമ്പനി യാതൊരു നടപടിയും സ്വീകരിച്ചില്ല. തങ്ങൾക്ക് ലഭിച്ച ശിശു ഭക്ഷ്യ ഉൽപ്പന്നങ്ങൾ (ഇൻഫന്റ് ഫുഡ് ഫോർമുല) വളരെ മോശമായതും സുരക്ഷിതമല്ലാത്തതുമായ അവസ്ഥയിലായിരുന്നുവെന്നും അശാസ്ത്രീയമായ സംഭരണത്തിന്റെയും കൈകാര്യം ചെയ്യലിന്റെയും ലക്ഷണങ്ങൾ അതിലുണ്ടായിരുന്നുവെന്നും ഉപഭോക്താക്കൾ പരാതിപ്പെട്ടു. തങ്ങൾ മടക്കി നൽകിയ കേടായ ഉൽപ്പന്നം തന്നെ കമ്പനി വീണ്ടും വിതരണം ചെയ്തതായും ഉപഭോക്താവ് ആരോപിച്ചു.

നിലവിലുള്ള എഫ്.എസ്.എസ്.എ.ഐ ലൈസൻസിൽ ഉൾപ്പെടാത്ത ബ്രാൻഡ് നാമത്തിലാണ് പ്ലാറ്റ്‌ഫോം 'നോയ്‌സ് എഗ്ഗ്‌സ്' വിപണനം ചെയ്തതെന്നും ഭക്ഷ്യ സുരക്ഷാ അതോറിറ്റി കണ്ടെത്തി. സാധുവായ ലൈസൻസ് ഇല്ലാത്ത പക്ഷം ഉത്പ്പന്നങ്ങൾ വിപണനം ചെയ്യരുതെന്ന് അതോറിറ്റി കമ്പനിയോട് ആവശ്യപ്പെട്ടിട്ടുണ്ട്.

വിൽപ്പനക്കാരെ പ്ലാറ്റ്‌ഫോമിൽ ഉൾപ്പെടുത്തുന്നത്, ചട്ടങ്ങൾ പാലിക്കുന്നത് പരിശോധിക്കൽ, ഉത്പ്പന്നത്തിന്റെ ഉറവിടം കണ്ടെത്തൽ, ഭക്ഷണത്തിന്റെ ഗുണനിലവാരം നിരീക്ഷിക്കൽ, ഉപഭോക്തൃ പരാതി പരിഹാരം, ഭക്ഷ്യ വ്യവസായ പ്രവർത്തനങ്ങളുടെ മേൽനോട്ടം, ഭക്ഷ്യസുരക്ഷാ നിയമങ്ങൾ പാലിക്കുന്നതിനുള്ള സംവിധാനങ്ങളുടെ പര്യാപ്തത എന്നിവയെക്കുറിച്ചുള്ള ആശങ്കകൾ ഭക്ഷ്യ സുരക്ഷാ അതോറിറ്റി തങ്ങളുടെ നോട്ടീസുകളിലൂടെ ഉന്നയിച്ചിട്ടുണ്ട്.

നിയമലംഘനങ്ങൾ പരിഹരിക്കുന്നതിനെക്കുറിച്ചും ഇത്തരം സംഭവങ്ങളിലേക്ക് നയിച്ച സാഹചര്യങ്ങളെക്കുറിച്ചും രേഖാമൂലമുള്ള തെളിവുകൾ സഹിതം വിശദമായ വിശദീകരണം നൽകാൻ എഫ്.എസ്.എസ്.എ.ഐ കമ്പനിയോട് ആവശ്യപ്പെട്ടിട്ടുണ്ട്. കമ്പനി നടത്തുന്ന ഗുണനിലവാരം ഉറപ്പാക്കൽ പ്രക്രിയകളുടെ വിശദാംശങ്ങളും, ഇത്തരം സംഭവങ്ങൾ ആവർത്തിക്കാതിരിക്കാൻ സ്വീകരിച്ച യഥാർത്ഥ കാരണങ്ങളുടെ വിശകലനവും തിരുത്തൽ നടപടികളും അതോറിറ്റി ആവശ്യപ്പെട്ടിട്ടുണ്ട്. ഇതുമായി ബന്ധപ്പെട്ട് കമ്പനി ഒരു കംപ്ലയൻസ് റിപ്പോർട്ട് സമർപ്പിക്കേണ്ടതുണ്ട്.

ഉപഭോക്താക്കൾ നൽകിയ പരാതികളുടെ അടിസ്ഥാനത്തിലാണ് ഇത്തരം നടപടികൾ ആരംഭിച്ചതെന്ന് ഒരു ഉദ്യോഗസ്ഥൻ പറഞ്ഞു. "ഭൂരിഭാഗം പരാതികളും ഫോട്ടോ തെളിവുകൾ സഹിതമാണ് ലഭിക്കുന്നത്, ഇതിന്റെ അടിസ്ഥാനത്തിലാണ് കമ്പനികൾക്ക് നോട്ടീസ് അയക്കുന്നത്. എന്നിരുന്നാലും, ഇത്തരം പരാതികളുടെ മാത്രം അടിസ്ഥാനത്തിൽ നിയമനടപടികൾ ആരംഭിക്കാൻ കഴിയില്ല. അതിനായി ഏജൻസികൾ നിയമപരമായ സാമ്പിളുകൾ ശേഖരിക്കേണ്ടതുണ്ട്" എന്ന് പറഞ്ഞ ഉദ്യോഗസ്ഥൻ, ആവശ്യമുള്ളിടത്തെല്ലാം അതത് സംസ്ഥാന ഏജൻസികൾ ഇത്തരം സാമ്പിളുകൾ ശേഖരിക്കുന്നുണ്ടെന്നും കൂട്ടിച്ചേർത്തു.

Also Read: E20 പെട്രോൾ ഉപയോ​ഗിച്ച ശേഷം വാഹനങ്ങൾക്ക് പണി കിട്ടിയോ? ഡൽഹിയിലെ മെക്കാനിക്കുകൾ പറയുന്നു

ഭക്ഷണവുമായി ബന്ധപ്പെട്ട ഇത്തരം പ്രശ്നങ്ങളെക്കുറിച്ച് ഉപഭോക്താക്കൾക്ക് നേരിട്ട് പരാതിപ്പെടാൻ സഹായിക്കുന്ന ഒരു ആപ്പ് കഴിഞ്ഞ വർഷം ഭക്ഷ്യ സുരക്ഷാ അതോറിറ്റി ആരംഭിച്ചിരുന്നു. ഇതിനുപുറമെ, ആളുകൾ ഓൺലൈനിൽ പങ്കുവെക്കുന്ന പരാതികളും അതോറിറ്റി പരിഗണിക്കുന്നുണ്ട്. "പല കേസുകളിലും ആളുകൾ പോർട്ടലിൽ നേരിട്ട് പരാതി നൽകിയെന്ന് വരില്ല. എങ്കിലും അവർ തങ്ങളുടെ പരാതികൾ ഓൺലൈനിൽ പങ്കുവെക്കാറുണ്ട്. ആവശ്യമായ വിവരങ്ങൾ ലഭ്യമായിടത്തെല്ലാം എഫ്.എസ്.എസ്.എ.ഐ ഉചിതമായ നടപടി സ്വീകരിക്കുന്നുണ്ട്."

കൂടാതെ, ഇത്തരം നടപടികളുടെ വിവരങ്ങൾ ഭക്ഷ്യ സുരക്ഷാ അതോറിറ്റി തങ്ങളുടെ സോഷ്യൽ മീഡിയ അക്കൗണ്ടുകളിലും അപ്‌ലോഡ് ചെയ്യുന്നുണ്ട്. "നോട്ടീസുകൾ കമ്പനികൾക്ക് തിരുത്തൽ നടപടികൾ സ്വീകരിക്കാനുള്ള മുന്നറിയിപ്പായി പ്രവർത്തിക്കുമ്പോൾ, ബ്രാൻഡുകളുടെ പേരുകൾ ഓൺലൈനിൽ വെളിപ്പെടുത്തുന്നത് അവരുടെ പ്രശസ്തിയെ ബാധിക്കുന്നു. അതിനാൽ ഇത്തരം പ്രശ്നങ്ങൾ ഉണ്ടാകുന്നതിന് മുമ്പ് തന്നെ നടപടിയെടുക്കാൻ കമ്പനികൾ കൂടുതൽ താല്പര്യം കാണിക്കുന്നു" ഉദ്യോഗസ്ഥൻ പറഞ്ഞു.

Read More: വോട്ടർമാരുടെ ശ്രദ്ധയ്ക്ക്: നിയമഭേദഗതിയില്ലാതെ വോട്ടർ രജിസ്ട്രേഷൻ ഫോമിൽ മാറ്റം വരുത്തി ഇലക്ഷൻ കമ്മീഷൻ

മൃദുവായതും നല്ല പഞ്ഞിപോലെ ഇരിക്കുന്നതുമായ ചപ്പാത്തി തയ്യാറാക്കുക എന്നത് പലർക്കും ഒരു വലിയ കടമ്പയാണ്. മിക്കപ്പോഴും വീട്ടിൽ ഉണ്ടാക്കുന്ന ചപ്പാത്തിക്ക് ഹോട്ടലിലെ ചപ്പാത്തിയുടെ അത്ര മയവും മൃദുത്വവും കിട്ടാറില്ല. എന്നാൽ ചെറിയ ചില കാര്യങ്ങൾ ശ്രദ്ധിച്ചാൽ, വളരെ ലളിതമായി തന്നെ വീട്ടിൽ നല്ല സോഫ്റ്റ് ചപ്പാത്തി ഉണ്ടാക്കാവുന്നതാണ്. 

ചപ്പാത്തി മാവ് കുഴയ്ക്കുന്ന രീതി മുതൽ അത് ചുട്ടെടുക്കുന്ന രീതി വരെ ഇതിൽ പ്രധാന പങ്കുവഹിക്കുന്നു. പലപ്പോഴും മാവ് കുഴയ്ക്കുന്നതിലെ പിശകുകളാണ് ചപ്പാത്തി കട്ടിയാകാൻ കാരണം. നല്ല ചപ്പാത്തിക്ക് മാവ് കുഴയ്ക്കുമ്പോൾ തന്നെ കൃത്യമായ ശ്രദ്ധ ആവശ്യമാണ്. മാവ് എത്ര നന്നായി കുഴയ്ക്കുന്നുവോ അത്രയും സോഫ്റ്റ് ആയിരിക്കും ചപ്പാത്തി. 

Also Read: അരിപ്പൊടി മാത്രം പോരാ! പഞ്ഞിപോലെയുള്ള ഇടിയപ്പം കിട്ടാൻ ഇത് കൂടി ചേർക്കാം

നല്ല മാവ് തിരഞ്ഞെടുക്കുക 

ചപ്പാത്തിക്ക് വേണ്ടി എപ്പോഴും നല്ല ഗുണനിലവാരമുള്ള ഗോതമ്പ് പൊടി തന്നെ തിരഞ്ഞെടുക്കാൻ ശ്രദ്ധിക്കുക.

ചൂടുവെള്ളം ഉപയോഗിക്കുക 

തണുത്ത വെള്ളത്തിന് പകരം അല്പം ചൂടുള്ള വെള്ളം ഉപയോഗിച്ച് മാവ് കുഴച്ചാൽ ചപ്പാത്തിക്ക് കൂടുതൽ മൃദുത്വം ലഭിക്കും.

മാവ് നന്നായി കുഴയ്ക്കുക 

കുറഞ്ഞത് 5-10 മിനിറ്റെങ്കിലും മാവ് നന്നായി അമർത്തി കുഴയ്ക്കുക. ഇതിലാണ് ചപ്പാത്തിയുടെ മയത്തിന്റെ രഹസ്യം ഇരിക്കുന്നത്.

Also Read: ചൂടുവെള്ളം മതി, ഇനി സവാള അരിയുമ്പോൾ കണ്ണ് നിറയില്ല

വിശ്രമം നൽകുക 

മാവ് കുഴച്ച ശേഷം കുറഞ്ഞത് 20 മുതൽ 30 മിനിറ്റ് വരെ അടച്ചുവെച്ച് വിശ്രമിക്കാൻ അനുവദിക്കുക. ഇത് ഗ്ലൂട്ടൻ വികസിക്കാൻ സഹായിക്കുകയും ചപ്പാത്തി കൂടുതൽ സോഫ്റ്റ് ആക്കുകയും ചെയ്യും.

ചൂട് പാൻ 

ചപ്പാത്തി ചുടുമ്പോൾ പാൻ നന്നായി ചൂടായിരിക്കണം. മിതമായ തീയിൽ ചുട്ടെടുക്കുന്നത് ചപ്പാത്തി ഉണങ്ങിപ്പോകാതിരിക്കാൻ സഹായിക്കും.

Also Read:ഇഡ്ഡലി കല്ലുപോലെ കട്ടിയാകുന്നുണ്ടോ? മാവ് അരയ്ക്കുമ്പോൾ ഇതു കൂടി ചേർക്കാം

നെയ്യ്

ഗോതമ്പ് പൊടി കുഴയ്ക്കുമ്പോൾ അൽപം നെയ്യ് ചേർക്കുന്നത് മാവ് സോഫ്റ്റാകാൻ സഹായിക്കും.

Read More: സലാഡുകളും ഓട്സും മാത്രമല്ല, ഈ നാടൻ ദോശ മതി പ്രോട്ടീൻ സമ്പന്നമായ ഡയറ്റിന്

മലയാളത്തിന്റെ സ്വന്തം ആക്ഷൻ ഹീറോയാണ് ബാബു ആന്റണി. താരത്തിന്റെ ആക്ഷൻ ഹീറോ പരിവേഷം കയ്യേറാൻ മലയാളസിനിമയിലെ മറ്റൊരു നടനും ഇതുവരെ സാധിച്ചിട്ടില്ല എന്നതാണ് വാസ്തവം.  ആറടിയിലേറെ പൊക്കവും മെലിഞ്ഞ ശരീരവും നീട്ടി വളർത്തിയ മുടിയുമായി സ്ക്രീനിൽ ബാബു ആന്റണി തീർത്ത ഓളം ചെറുതല്ല.

Also Read: അനു ആനന്ദ് അന്ന് മോഹൻലാലിന്റെ മകനായി; മകളാവട്ടെ ഇന്ന് വിസ്മയയ്ക്ക് ഒപ്പം സിനിമയിലേക്ക്

മലയാളസിനിമയുടെ ഓരം ചേർന്ന് ബാബു ആന്റണി നടക്കാൻ തുടങ്ങിയിട്ട് 40 വർഷമായി. എന്നാൽ ഇത്രയും നീണ്ട അഭിനയജീവിതത്തിനിടയിൽ തന്നെ തേടി ഇന്നുവരെ ഒരു പുരസ്കാരം പോലും എത്തിയിട്ടില്ല എന്ന് തുറന്നുപറയുകയാണ് ബാബു ആന്റണി.

"നമ്മുടെ ജീവിതത്തിൽ എന്നും ഓർമ്മിക്കപ്പെടാൻ 'വൈശാലി' പോലൊരു ഒരൊറ്റ സിനിമ മാത്രം മതി. അല്ലാതെ, എനിക്ക് എന്റെ കരിയറിൽ ഇതുവരെ ഒരു പഞ്ചായത്ത് അവാർഡ് പോലും ലഭിച്ചിട്ടില്ല. എന്റെ അഭിനയം കണ്ട് കൊള്ളാമെന്ന് പറഞ്ഞ് ഒരാൾ പോലും എനിക്ക് ഒരു മിഠായി പോലും തന്നിട്ടില്ല. ഞാൻ അത് പ്രതീക്ഷിക്കുന്നുമില്ല. സിനിമകൾ ചെയ്യുമ്പോൾ പുരസ്കാരങ്ങൾ നേടുക എന്നതല്ല എന്റെ ലക്ഷ്യം, മറിച്ച് പ്രേക്ഷകരെ പരമാവധി എന്റർടെയിൻ ചെയ്യുക എന്നത് മാത്രമാണ്. പണവും അവാർഡുകളുമൊക്കെ അതിന്റെ കൂടെ വരേണ്ട വെറും നേട്ടങ്ങൾ മാത്രമാണ്," കൗമുദി ടിവിയ്ക്ക് നൽകിയ അഭിമുഖത്തിൽ ബാബു ആന്റണി പറഞ്ഞു. 

Also Read: മോളെ എന്നെ അച്ഛനെപ്പോലെ കരുതിക്കോളൂ എന്ന് പറഞ്ഞു, പിന്നീട് കാമുകനാകാൻ മനസ്സ് വന്നില്ല; വിജയ് സേതുപതി

നായകനായും പ്രതിനായകനായും സഹനടനായും മലയാളം, തമിഴ്, കന്നട, തെലുങ്ക്, ഹിന്ദി, സിംഹള തുടങ്ങിയ ഭാഷകളിലെല്ലാം നിരവധി കഥാപാത്രങ്ങളെ അവതരിപ്പിച്ച നടനാണ് ബാബു ആന്റണി. സമീപകാലത്ത്, ഹോളിവുഡിലും ബാബു ആന്റണി തന്റെ സാന്നിധ്യം അറിയിച്ചിരുന്നു. വാരൻ ഫോസ്റ്റർ സംവിധാനം ചെയ്യുന്ന 'ബുള്ളറ്റ്സ്, ബ്ലേഡ്സ്, ബ്ലഡ്' എന്ന അമേരിക്കൻ ചിത്രത്തിലാണ് താരം അഭിനയിച്ചത്.

Also Read: നാഷണൽ അവാർഡ് വാങ്ങിയ ഈ കൊച്ചു മിടുക്കനെ ഓർമ്മയില്ലേ? പുതിയ ചിത്രങ്ങൾ വൈറൽ

എൺപതുകളുടെ പകുതിയോടെയാണ് ബാബു ആന്റണി സിനിമകളിൽ സജീവമാകുന്നത്. ഭരതൻ സംവിധാനം ചെയ്ത 'ചിലമ്പ്', 'മിഴിനീർപ്പൂവുകൾ' തുടങ്ങിയ ചിത്രങ്ങളിലൂടെയാണ് അദ്ദേഹം കരിയർ ആരംഭിച്ചത്. ഫാസിൽ സംവിധാനം ചെയ്ത 'പൂവിനു പുതിയ പൂന്തെന്നൽ' (1986) എന്ന ത്രില്ലർ ചിത്രത്തിലെ വില്ലൻ വേഷം ബാബു ആന്റണിയുടെ കരിയറിൽ വലിയൊരു വഴിത്തിരിവായി മാറി. ഈ ചിത്രം തമിഴ്, തെലുങ്ക്, കന്നഡ, ഹിന്ദി ഭാഷകളിലേക്ക് റീമേക്ക് ചെയ്യപ്പെട്ടപ്പോൾ അഞ്ച് പതിപ്പുകളിലും അദ്ദേഹം തന്നെയായിരുന്നു ആ വില്ലൻ വേഷം കൈകാര്യം ചെയ്തത്. തുടക്കകാലത്ത് പ്രതിനായക (വില്ലൻ) വേഷങ്ങളിലൂടെ ശ്രദ്ധേയനായ അദ്ദേഹം പിന്നീട് ക്ഷുഭിത യുവത്വത്തിന്റെ പ്രതീകമായി മലയാള സിനിമയിൽ നായക നിരയിലേക്ക് ഉയർന്നു. 'ഉപ്പുകണ്ടം ബ്രദേഴ്സ്' (1993) എന്ന ചിത്രത്തിലെ പ്രകടനം നായകനെന്ന നിലയിൽ ബാബു ആന്റണിയ്ക്ക് വലിയൊരു ബ്രേക്ക് നൽകി.

Also Read: 150 മുറികളുള്ള പട്ടൗഡി കൊട്ടാരത്തിന്റെ അവകാശി സെയ്ഫ്; സോഹയ്ക്ക് സ്വന്തമായുള്ളത്  'ജനറേറ്റർ റൂം'

മലയാളത്തിന് പുറമെ ഇന്ത്യൻ സിനിമയിലെ മറ്റു പ്രമുഖ ഭാഷകളിലും ബാബു ആന്റണി തന്റെ സാന്നിധ്യം അറിയിച്ചു. കമൽ ഹാസൻ, സത്യരാജ്, ചിരഞ്ജീവി തുടങ്ങിയ പ്രമുഖ താരങ്ങൾക്കൊപ്പം അഭിനയിച്ച അദ്ദേഹം 'ഹത്യ' (1988) എന്ന ചിത്രത്തിലൂടെ ഹിന്ദിയിലും, 'ശാന്തി ക്രാന്തി' (1991) എന്ന ചിത്രത്തിലൂടെ കന്നഡയിലും അരങ്ങേറ്റം കുറിച്ചു.

വൈശാലിയുലെ രാജാവ്, അപരാഹ്നത്തിലെ തീവ്രവാദി, സായാഹ്നത്തിലെ ദരിദ്രനായ മനുഷ്യൻ എന്നിങ്ങനെ വെല്ലുവിളി നിറഞ്ഞ വ്യത്യസ്തമായ കഥാപാത്രങ്ങളെയും ബാബു ആന്റണി മനോഹരമായി അവതരിപ്പിച്ചു. 'മെയ്ഡ് ഇൻ യു.എസ്.എ' എന്ന ഇംഗ്ലീഷ് ചിത്രത്തിലും 'ലീഡർ' എന്ന സിംഹള ചിത്രത്തിലും അഭിനയിച്ച ബാബു ആന്റണി, സമീപകാലത്ത് ഇറങ്ങിയ തമിഴ് സൂപ്പർഹിറ്റുകളായ പൊന്നിയിൻ സെൽവൻ, ലിയോ തുടങ്ങിയ ചിത്രങ്ങളിലും ശ്രദ്ധ നേടി. 

Also Read: വെള്ളച്ചാട്ടത്തിന്റെ മുകളിൽ നിന്നും 150 അടി താഴേക്ക് ചാടി; ഐശ്വര്യ റായിക്ക് പകരം അന്ന് ജീവൻ പണയം വെച്ചത് ഈ സ്റ്റണ്ട് വുമൺ

ബാബു ആന്റണിയുടെ മകൻ ആർതർ ആന്റണിയും സിനിമ അഭിനയത്തിലേക്ക് കടന്നിരിക്കുകയാണ്. 'ദ ഗ്രേറ്റ് എസ്കേപ്പ്' എന്ന ചിത്രത്തിലാണ് ആർതർ ആന്റണി ഒരു പ്രധാന കഥാപാത്രത്തെ അവതരിപ്പിച്ചിരിക്കുന്നത്. മിക്സഡ് മാർഷ്യൽ ആർട്സിൽ ഫസ്റ്റ് ഡാൻ ബ്ളാക് ബെൽറ്റ് കരസ്ഥമാക്കിയ ആർതർ ഓഡിഷനിലൂ‌ടെയാണ് 'ദ ഗ്രേറ്റ് എസ്കേപ്പ്' എന്ന ചിത്രത്തിലേക്ക് തിരഞ്ഞെടുക്കപ്പെട്ടത്. മുൻപ് ഇടുക്കി ഗോൾഡിലും ആർതർ ചെറിയൊരു വേഷം ചെയ്തിരുന്നു. 

Also Read: ഞങ്ങൾ നിങ്ങളെ എപ്പോഴും ആഘോഷിക്കും ഇത്താത്ത; സമയ്ക്ക് ആശംസകളുമായി​​ അഷ്കർ അലി

Lamine Yamal Spain World Cup: 2026 ഫിഫ ലോകകപ്പിന്റെ ആവേശം അതിന്റെ പരകോടിയിൽ നിൽക്കെ സ്പാനിഷ് കൗമാര വിസ്മയം ലമീൻ യമാലിന് ലഭിച്ച ഒരു പ്രത്യേക ജന്മദിനാശംസയാണ് ഇപ്പോൾ സോഷ്യൽ മീഡിയയിൽ കായിക, സംഗീത ലോകത്ത് ചർച്ചയാവുന്നത്. ബുധനാഴ്ച ഡാളസിൽ ഫ്രാൻസിനെതിരായ നിർണ്ണായക സെമിഫൈനൽ പോരാട്ടത്തിന് തൊട്ടുമുൻപാണ് യമാലിന്റെ കാമുകി ഇൻസ്റ്റാഗ്രാമിൽ പങ്കുവെച്ച ഈ ജന്മദിന സന്ദേശം ആരാധകരുടെ ശ്രദ്ധ പിടിച്ചുപറ്റിയത്.

ലോകകപ്പ് സെമിഫൈനലിലേക്കുള്ള സ്പെയിനിന്റെ മുന്നേറ്റം രാജ്യത്തുടനീളം വലിയ ആവേശം സൃഷ്ടിച്ചിട്ടുണ്ടെങ്കിലും,അവർ ഫൈനൽ വരെ എത്തണമെന്ന് ആഗ്രഹിക്കാൻ ലമീൻ യമാലിന്റെ കാമുകിക്ക് മറ്റൊരു പ്രത്യേക കാരണം കൂടിയുണ്ട്.

Also Read: ഇനി ഞാൻ നോക്കിക്കോളം; ക്രിസ്റ്റ്യാനോയ്ക്കുവേണ്ടി കണക്കു ചോദിക്കാൻ എംബാപ്പെ; വീഡിയോ

ലോകകപ്പ് ഫൈനലിൽ എത്തുക എന്ന ഏതൊരു ഫുട്ബോൾ കളിക്കാരന്റെയും സ്വപ്നത്തിലേക്ക് ഒരു ജസ്റ്റിൻ ബീബർ കണക്ഷൻ കൂടി കൊണ്ടുവന്നിരിക്കുകയാണ് യമാലിന്റെ ഗേൾഫ്രണ്ട്. 19-ാം ജന്മദിനം ആഘോഷിക്കുന്ന സ്പാനിഷ് ഫോർവേഡിന് ആശംസകൾ നേർന്നുകൊണ്ട്, ആഗോള പോപ്പ് ഐക്കൺ ജസ്റ്റിൻ ബീബർക്ക് വേണ്ടിയെങ്കിലും സ്പെയിൻ ലോകകപ്പ് ഫൈനലിൽ എത്തണമെന്ന് ഇനെസ് ഗാർസിയ പോസ്റ്റിലൂടെ ആവശ്യപ്പെടുന്നു.

"21-ാം ജന്മദിനാശംസകൾ. ഐ ലവ് യു. എന്റെ പ്രിയപ്പെട്ടവനേ, ഫൈനലിൽ എത്താൻ എന്തൊക്കെ ചെയ്യണമോ അതൊക്കെ ചെയ്യുക. കേൾക്കുന്നുണ്ടോ?? എന്ത് വിലകൊടുത്തും!" ഇങ്ങനെയായിരുന്നു ലാമിൻ യമാലിന് ജന്മദിനാശംസ നേർന്ന് ഗേൾഫ്രണ്ട് കുറിച്ചത്. 

Also Read: " എന്നോട് മര്യാദയ്ക്ക് സംസാരിക്കണം!": പോർച്ചുഗീസ് റഫറിയോട് ക്ഷുഭിതനായി ലയണൽ മെസി; കാരണം

ജൂലൈ 19ന് മെറ്റ്‌ലൈഫ് സ്റ്റേഡിയത്തിൽ നടക്കുന്ന ലോകകപ്പ് ഫൈനലിൽ പോപ്പ് താരം ജസ്റ്റിൻ ബീബർ സംഗീതപരിപാടി അവതരിപ്പിക്കുമെന്ന് ഫിഫ സ്ഥിരീകരിച്ചിരുന്നു. ഇതിന് പിന്നാലെയാണ് ബീബറുടെ കടുത്ത ആരാധിക കൂടിയായ ഈ സ്പാനിഷ് ഇൻഫ്ലുവൻസർ തന്റെ ആഗ്രഹം വ്യക്തമാക്കിയത്. ഫ്രാൻസിന്റെ കരുത്തിനേയും വേഗതയേയും അതിജീവിക്കാൻ യമാലിന് സാധിക്കുമോയെന്ന് ഈ രാത്രിയോടെ അറിയാം.

"എന്റെ പ്രിയപ്പെട്ടവന് ജന്മദിനാശംസകൾ! ഈ ലോകകപ്പ് നീയൊരു ഫൈനൽ കളിക്കുന്നത് കാണാൻ ഞങ്ങൾക്കെല്ലാം ആഗ്രഹമുണ്ട്. പ്രത്യേകിച്ച് ജസ്റ്റിൻ ബീബർക്ക് വേണ്ടി നീയത് നേടണം!" എന്ന രീതിയിലാണ് കൗതുകമുണർത്തുന്ന ഈ പോസ്റ്റ് പങ്കുവെക്കപ്പെട്ടിരിക്കുന്നത്. യമാലിന്റെ കാമുകി ഒരു കടുത്ത ജസ്റ്റിൻ ബീബർ ആരാധകിയാണെന്നതാണ് ഈ ആവശ്യത്തിന് പിന്നിലെന്നാണ് റിപ്പോർട്ടുകൾ സൂചിപ്പിക്കുന്നത്.

കളിക്കളത്തിലെ മാന്ത്രികനും ഓഫ്ഫീ ൽഡിലെ ചർച്ചകളും

ലാ ലിഗയിൽ ബാഴ്‌സലോണക്കായി തിളങ്ങുന്ന യമാൽ, ഈ ലോകകപ്പിൽ സ്പെയിന്റെ കുതിപ്പിൽ നിർണ്ണായക പങ്കാണ് വഹിക്കുന്നത്. ഹാംസ്ട്രിങ് പരിക്കിന്റെ നിഴലിലായിരുന്നിട്ടും ടൂർണമെന്റിൽ സ്പാനിഷ് നിരയിൽ ലൂയിസ് ഡി ലാ ഫുവെന്റെയുടെ വിശ്വസ്തനായി മാറാൻ ഈ 19കാരന് സാധിച്ചിട്ടുണ്ട്.

Also Read: മെസിയുടെ നിഴലല്ല, വഴിവിളക്ക്! 2,500 പേരുള്ള കൊച്ചുഗ്രാമത്തിലെ 'ചിലന്തി'; അർജന്റീനയെ വീണ്ടും രക്ഷിച്ച അൽവാരസിന്റെ കഥ

ലാ ലിഗയിലെ 'എൽ ക്ലാസിക്കോ' പോരാട്ടങ്ങളിൽ റയൽ മാഡ്രിഡിന്റെ കിലിയൻ എംബാപ്പെയുമായി നേർക്കുനേർ വന്നിട്ടുള്ള യമാലിന്, അതിലും വലിയൊരു വേദിയിലാണ് ഇനി ഫ്രാൻസിനെതിരെ മാറ്റുരയ്ക്കാനുള്ളത്. ഫുട്ബോൾ ലോകം ഏറെ ആകാംഷയോടെ കാത്തിരിക്കുന്ന ഈ മത്സരത്തിന് മുന്നോടിയായി പുറത്തുവന്ന ഈ ഇൻസ്റ്റാഗ്രാം പോസ്റ്റ് ആരാധകർക്കിടയിൽ വലിയ രീതിയിൽ വൈറലായിക്കഴിഞ്ഞു.

നിശ്ചിത സമയത്തിനുള്ളിൽ ഫ്രാൻസിന് 42.1 ശതമാനവും സ്പെയിനിന് 31.8 ശതമാനവും വിജയസാധ്യതയാണ് ഒപ്റ്റാ സൂപ്പർകമ്പ്യൂട്ടർ പ്രവചിക്കുന്നത്. എന്നാൽ കാമുകിയുടെയും ഒപ്പം ലക്ഷക്കണക്കിന് വരുന്ന സ്പാനിഷ് ആരാധകരുടെയും (കൂടാതെ ജസ്റ്റിൻ ബീബർ ഫാൻസിന്റെയും!) പ്രാർത്ഥനകളുടെ കരുത്തിൽ യമാലിനും കൂട്ടർക്കും ന്യൂജേഴ്‌സിയിൽ നടക്കുന്ന ഫൈനലിലേക്ക് യോഗ്യത നേടാനാകുമോ എന്ന് കണ്ടറിയാം.

Read More: ഫിഫ ലോകകപ്പ് 2026: ഫൈനൽ ടിക്കറ്റിനായുള്ള പോരാട്ടം; സെമി ഫൈനൽ ഷെഡ്യൂളും ഇന്ത്യൻ സമയവും

ബെംഗളൂരു: ചില്ലറ നൽകാൻ കഴിയാത്തതിനെ തുടർന്ന് കർണാടക ഗതാഗത വകുപ്പ് മന്ത്രിയോട് ബസിൽ നിന്ന് ഇറങ്ങാൻ ആവശ്യപ്പെട്ട ബസ് ഡ്രൈവർ കം കണ്ടക്ടറെ ബെംഗളൂരു മെട്രോപൊളിറ്റൻ ട്രാൻസ്പോർട്ട് കോർപ്പറേഷൻ (ബിഎംടിസി) സസ്പെൻഡ് ചെയ്തു. കഴിഞ്ഞ ശനിയാഴ്ച നടന്ന സംഭവത്തിൽ അന്വേഷണം നടത്തിയ ശേഷമാണ് രാമകൃഷ്ണ ടി.ജി എന്ന ജീവനക്കാരനെതിരെ ബിഎംടിസി നടപടിയെടുത്തത്. 

2024-ൽ യുപിഐ അധിഷ്ഠിത ടിക്കറ്റ് പേയ്‌മെന്റ് സംവിധാനം നടപ്പിലാക്കിയിട്ടുണ്ടെന്നും നിലവിൽ കോർപ്പറേഷന്റെ മൊത്തം ടിക്കറ്റ് വരുമാനത്തിന്റെ ഏകദേശം 53 ശതമാനവും യുപിഐ ഇടപാടുകളിലൂടെയാണ് ലഭിക്കുന്നതെന്നും ബിഎംടിസി അറിയിച്ചു. യാത്രക്കാരോട്, പ്രത്യേകിച്ച് മന്ത്രിയോട്, യുപിഐ സൗകര്യമുണ്ടെന്ന വിവരം അറിയിക്കുന്നതിൽ ഡ്രൈവർ കം കണ്ടക്ടർ പരാജയപ്പെട്ടു. ഈ വിഷയത്തെ അതീവ ഗൗരവത്തോടെയാണ് കാണുന്നതെന്ന് ബിഎംടിസി പ്രസ്താവനയിൽ പറഞ്ഞു.

സാധാരണക്കാരായ യാത്രക്കാർ ദിവസേന അനുഭവിക്കുന്ന ദുരിതങ്ങൾ നേരിട്ടറിയാനെത്തിയ കർണാടകയിലെ പുതിയ ഗതാഗത മന്ത്രി ബൈരതി സുരേഷിന്റെ വീഡിയോ സാമൂഹ്യമാധ്യമങ്ങളിൽ വൈറലായിരുന്നു. മാസ്ക് ധരിച്ച് സാധാരണ യാത്രക്കാരനെപോലെ ബസിൽ കയറിയ മന്ത്രിയോട്, ചില്ലറയില്ലെന്ന കാരണത്താൽ ബസിൽ നിന്ന് ഇറങ്ങിപ്പോകാൻ ബിഎംടിസി കണ്ടക്ടർ ആവശ്യപ്പെട്ടതോടെയാണ് സംഭവങ്ങളുടെ തുടക്കം. 

സംസാരിക്കുന്നത് സംസ്ഥാനത്തെ ഗതാഗത മന്ത്രിയോടാണെന്ന് അറിയാതെയായിരുന്നു കണ്ടക്ടറുടെ പെരുമാറ്റം. യാത്രക്കാരുടെ യഥാർത്ഥ പരാതികൾ നേരിട്ടറിയുന്നതിനായി ശനിയാഴ്ച രാത്രിയാണ് ഗതാഗത മന്ത്രി മാസ്ക് ധരിച്ച് ഹെബ്ബാളിൽ നിന്നും നാഗഷെട്ടിഹള്ളിയിലേക്ക് സർവീസ് നടത്തുന്ന ബിഎംടിസി ബസിൽ കയറിയത്. രണ്ട് ടിക്കറ്റുകൾ ആവശ്യപ്പെട്ട മന്ത്രി കണ്ടക്ടർക്ക് 100 രൂപയുടെ നോട്ട് നൽകി.

Conducted a surprise field inspection by travelling on BMTC buses across Bengaluru to assess commuter experience firsthand. Ensuring safe, reliable and accountable public transport remains our highest priority.@BMTC_BENGALURU#BMTC #Bengaluru #PublicTransport #Karnataka pic.twitter.com/uyFOqsuwmd

— Byrathi Suresh (@byrathi_suresh) July 12, 2026

എന്നാൽ, കൃത്യം 12 രൂപ ചില്ലറ നൽകണമെന്ന് കണ്ടക്ടർ വാശിപിടിച്ചു. ബാക്കി നൽകാൻ ചില്ലറയില്ലെന്ന് കാണിക്കാൻ ക്യാഷ് പൗച്ച് തുറന്നു കാണിക്കുകയും ചെയ്തു. കൃത്യമായ തുക നൽകാൻ കഴിയില്ലെങ്കിൽ അടുത്ത ജംഗ്ഷനിൽ ഇറങ്ങിക്കൊള്ളാൻ മന്ത്രിയോട് കണ്ടക്ടർ ആവശ്യപ്പെടുകയായിരുന്നു. മന്ത്രിയാണെന്ന കാര്യം വെളിപ്പെടുത്തതെ തന്നെ അദ്ദേഹം ബസിൽ നിന്നും ഇറങ്ങി. സംഭവം പുറത്തറിഞ്ഞതിന് പിന്നാലെ ബിഎംടിസി മാനേജ്‌മെന്റ് കണ്ടക്ടർക്കെതിരെ അന്വേഷണത്തിന് ഉത്തരവിട്ടു.

മിന്നൽ പരിശോധനയുടെ ഭാഗമായിരുന്നു മന്ത്രിയുടെ ബസ് യാത്ര. ശനിയാഴ്ച രാത്രി ബെംഗളൂരുവിലെ പ്രധാന സ്ഥലങ്ങളിലെല്ലാം മന്ത്രി രഹസ്യമായി യാത്ര ചെയ്ത് ജീവനക്കാരുടെ പെരുമാറ്റവും ബസ് സർവീസുകളും വിലയിരുത്തി. ബസ് സ്റ്റോപ്പിൽ കൈകാണിച്ച യാത്രക്കാരനെ ഡ്രൈവർ കയറ്റാതെ മുന്നോട്ടു പോയ മറ്റൊരു സംഭവവും മന്ത്രിയുടെ ശ്രദ്ധയിൽപ്പെട്ടിരുന്നു. ഡ്രൈവറെ സസ്പെൻഡ് ചെയ്യാൻ മന്ത്രി പിന്നീട് നിർദേശം നൽകി.

ചൂടിന്റെ കാഠിന്യം കുറയ്ക്കാൻ സ്വാദിഷ്ടവും തണുപ്പേറിയതുമായ ഒരു വിഭവം തേടുകയാണോ? എങ്കിൽ കടയിൽ നിന്ന് വാങ്ങുന്ന കൃത്രിമ രുചികളുള്ള ഐസ്ക്രീമുകൾക്ക് വിട നൽകി, വീട്ടിൽ തന്നെ തയ്യാറാക്കാവുന്ന നാടൻ കരിക്കിൻ ഐസ്ക്രീം പരീക്ഷിച്ചു നോക്കൂ. കരിക്കിന്റെ തനത് സ്വാദും അതിമനോഹരമായ ക്രീമി ടെക്സ്ചറും ഒത്തുചേരുമ്പോൾ ലഭിക്കുന്ന ഈ ഐസ്ക്രീം ഏതൊരാൾക്കും പ്രിയങ്കരമായിരിക്കും. തികച്ചും പ്രകൃതിദത്തമായ ചേരുവകൾ കൊണ്ട് തയ്യാറാക്കുന്നതിനാൽ കുട്ടികൾക്കും മുതിർന്നവർക്കും ഒരുപോലെ ധൈര്യമായി ഇത് നൽകാം.

Also Read: ഊർജ്ജവും ഉന്മേഷവും വീണ്ടെടുക്കാം പ്രതിരോധശേഷി വർധിപ്പിക്കാം; ദിവസവും രാവിലെ ഇത് കുടിക്കൂ

കരിക്കിന്റെ മാംസളമായ ഭാഗവും ഹെവി ക്രീമും കണ്ടൻസ്ട് മിൽക്കും ചേർത്ത് തയ്യാറാക്കുന്ന ഈ ഐസ്ക്രീമിൽ ചേർക്കുന്ന ചെറിയ തേങ്ങ കഷ്ണങ്ങൾ ഓരോ സ്പൂണിലും ഒരു പ്രത്യേക രുചി നൽകുന്നു. കൃത്രിമ മധുരങ്ങളോ ഫ്ലേവറുകളോ ഇല്ലാതെ വളരെ ലളിതമായി വീട്ടിലെ അടുക്കളയിൽ തന്നെ ഇത് തയ്യാറാക്കാം. ഫ്രീസറിൽ വെച്ച് തണുപ്പിച്ചെടുക്കുന്ന ഈ കരിക്കിൻ ഐസ്ക്രീം വിരുന്നുകൾക്കും കുടുംബാംഗങ്ങൾക്കും ഒരുപോലെ നൽകാവുന്ന മികച്ചൊരു ഡെസേർട്ടാണ്. നികിത വർമ തന്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.

ചേരുവകൾ

• കരിക്ക്- 1
• ഹെവി ക്രീം- 50 ഗ്രാം
• കണ്ടൻസ്ട് മിൽക്ക്- 5 ടേബിൾസ്പൂൺ
• വിപ്പിങ് ക്രീം- 70മില്ലി
• തേങ്ങ കഷ്ണങ്ങൾ

Also Read: പഞ്ചസാരയും പാലും മതി; നാവിൽ വെള്ളമൂറുന്ന കുൽഫി വീട്ടിൽ തയ്യാറാക്കാം

View this post on Instagram

A post shared by Nikita Varma Chef/Foodblogger (@iamdatingfood)

Also Read: ദിവസവും ഇത് ഒരു ഗ്ലാസ് കുടിക്കൂ, പ്രതിരോധശേഷിയും ദഹനാരോഗ്യവും വർധിപ്പിക്കാം

തയ്യാറാക്കുന്ന വിധം

• കരിക്കിന്റെ മാംസള ഭാഗം പ്രത്യേകമെടുത്ത് അതിലേയ്ക്ക് ഹെവി ക്രീം, കണ്ടൻസ്ട് മിൽക്ക് എന്നിവ ചേർത്ത് നന്നായി അരച്ചെടുക്കാം.
• ശേഷം വിപ്പിങ് ക്രീം നന്നായി അടിച്ചെടുക്കാം. ഒരു പരന്ന പാത്രമെടുത്ത് വിപ്പിങ് ക്രീം ഒഴിക്കാം.
• അതിനു മുകളിലേയ്ക്ക് തേങ്ങ അരച്ചതു ചേർക്കാം. മുകളിൽ തേങ്ങ കഷ്ണങ്ങളാക്കിയതു ചേർക്കാം. ശേഷം ഇത് ഫ്രീസറിലേയ്ക്കു മാറ്റി 6 മുതൽ 8 മണിക്കൂർ വരെ തണുപ്പിക്കാം. ഇനി തണുപ്പോടെ തന്നെ കഴിച്ചു നോക്കൂ. 

Read More: വെറുതെ കഴിക്കുകയല്ല, ഇതൊന്ന് പരീക്ഷിക്കൂ! ലോകം മുഴുവൻ തരംഗമായ 6 മാമ്പഴ വിഭവങ്ങൾ ഇതാ

ഒരു ഫാർമസിയിൽ കയറിയാലോ അല്ലെങ്കിൽ ഓൺലൈനിൽ തിരഞ്ഞാലോ വൈറ്റമിൻ ബി12 സപ്ലിമെന്റുകളിൽ ഏറ്റവും സാധാരണയായി കാണുന്ന രണ്ട് ഓപ്ഷനുകൾ നിങ്ങളുടെ ശ്രദ്ധയിൽപ്പെടും: മെഥിൽകോബാലമിൻ, സയാനോകോബാലമിൻ. മാർക്കറ്റിങ് പരസ്യങ്ങൾ പലപ്പോഴും മെഥിൽകോബാലമിൻ ആണ് വൈറ്റമിൻ ബി12-ന്റെ ഏറ്റവും മികച്ച രൂപമെന്ന് അവകാശപ്പെടാറുണ്ട്. അതുകൊണ്ടുതന്നെ ഇതിനായി കൂടുതൽ പണം മുടക്കേണ്ടതുണ്ടോ എന്ന് പലരും ചിന്തിക്കാറുണ്ട്.

മുംബൈ പരേലിലെ ഗ്ലെനെഗിൾസ് ഹോസ്പിറ്റലിലെ സീനിയർ കൺസൾട്ടന്റ് - ഓർത്തോപീഡിക്സ് ആയ ഡോ.അനൂപ് ഖത്രിയുടെ അഭിപ്രായത്തിൽ, ഇതിനുള്ള ഉത്തരം അത്ര ലളിതമല്ല. ''സ്വയം ചികിത്സിക്കുന്നതിനേക്കാൾ, കൃത്യമായ വൈദ്യോപദേശപ്രകാരം വേണം ശരിയായ സപ്ലിമെന്റ് തിരഞ്ഞെടുക്കാൻ,'' അദ്ദേഹം ഇന്ത്യൻ എക്സ്പ്രസിനോട് പറഞ്ഞു.

എന്താണ് മെഥിൽകോബാലമിനും സയാനോകോബാലമിനും തമ്മിലുള്ള വ്യത്യാസം?

വൈറ്റമിൻ ബി12-ന്റെ കുറവ് പരിഹരിക്കാൻ ഉപയോഗിക്കുന്ന രണ്ട് രൂപങ്ങളാണ് ഇവ രണ്ടും. ''ശരീരത്തിന് നേരിട്ട് ഉപയോഗിക്കാൻ കഴിയുന്ന സജീവ രൂപമാണ് മെഥിൽകോബാലമിൻ. ഇത് പലപ്പോഴും ഞരമ്പുകളുമായി ബന്ധപ്പെട്ട രോഗങ്ങൾക്ക് മുൻഗണന നൽകി നിർദേശിക്കാറുണ്ട്. എന്നാൽ വൈറ്റമിൻ ബി12 കുറവുള്ള ഭൂരിഭാഗം കേസുകളിലും സയാനോകോബാലമിൻ ആണ് ഉപയോഗിക്കുന്നത്,'' ഡോ.ഖത്രി വിശദീകരിച്ചു. വൈറ്റമിൻ ബി12-ന്റെ കുറവ് പരിഹരിക്കുന്നതിനായി പതിറ്റാണ്ടുകളായി ഇവ രണ്ടും സുരക്ഷിതമായും ഫലപ്രദമായും ഉപയോഗിച്ചുവരുന്നുണ്ട്.

Also Read: ആഴ്ചതോറുമുള്ള ഇൻസുലിനോ അതോ ദിവസേനയുള്ളതോ: പ്രമേഹ രോഗികൾക്ക് ഏത് ഓപ്ഷനാണ് നല്ലത്?

മെഥിൽകോബാലമിൻ ആണോ ശരിക്കും മികച്ചത്?

വേണമെന്നില്ല. ഡോ.ഖത്രിയുടെ അഭിപ്രായത്തിൽ, മെഥിൽകോബാലമിൻ ആണ് എപ്പോഴും മികച്ചതെന്ന ധാരണ മെഡിക്കൽ തെളിവുകളേക്കാൾ കൂടുതൽ മാർക്കറ്റിങ് തന്ത്രങ്ങളുടെ ഭാഗമായി ഉണ്ടായതാണ്. ''വൈറ്റമിൻ ബി12 കുറവ് പരിഹരിക്കാൻ ഈ രണ്ട് രൂപങ്ങളും ഒരുപോലെ ഫലപ്രദമാണ്. രോഗിയുടെ അവസ്ഥ, മറ്റ് ആരോഗ്യ പ്രശ്നങ്ങൾ, ഡോക്ടറുടെ നിർദേശം എന്നിവയെ അടിസ്ഥാനമാക്കിയാണ് ഏത് വേണമെന്ന് തീരുമാനിക്കേണ്ടത്.'' ചുരുക്കത്തിൽ, എല്ലാവർക്കും ഒരേപോലെ അനുയോജ്യമായ ഒരു മികച്ച രൂപം ഇതിലില്ല.

ബി12 കുറവ് പരിഹരിക്കാനും ഊർജം വർധിപ്പിക്കാനും ഏതാണ് നല്ലത്?

വൈറ്റമിൻ ബി12 കുറഞ്ഞതുമൂലമാണ് നിങ്ങൾക്ക് ക്ഷീണം അനുഭവപ്പെടുന്നതെങ്കിൽ, ശരിയായ അളവിൽ മെഥിൽകോബാലമിൻ അല്ലെങ്കിൽ സയാനോകോബാലമിൻ കഴിക്കുന്നത് ബി12 നില വീണ്ടെടുക്കാനും ക്രമേണ ഊർജം വർധിപ്പിക്കാനും സഹായിക്കും. എന്നിരുന്നാലും, ഇതിനകം സാധാരണ തോതിൽ വൈറ്റമിൻ ബി12 ഉള്ളവരിൽ ഇവയൊന്നും കൂടുതൽ ഊർജം നൽകില്ലെന്ന് ഡോ.ഖത്രി ചൂണ്ടിക്കാട്ടി. അതിനാൽ ശരീരത്തിൽ ബി12-ന്റെ കുറവില്ലെങ്കിൽ, ഈ സപ്ലിമെന്റുകൾ കഴിക്കുന്നത് കൊണ്ട് പ്രത്യേകിച്ച് ഊർജം വർധിക്കില്ല.

Also Read: വൈകിട്ട് ഒരു നേരം മാത്രം ഭക്ഷണം; പകലിൽ പഴങ്ങളും കരിക്കിൻ വെള്ളവും; 41 കാരനായ ജയ്‌യുടെ ഭക്ഷണ ശീലം

സയാനോകോബാലമിനിലെ സയനൈഡിന്റെ സാന്നിധ്യം ഭയക്കേണ്ടതുണ്ടോ?

സയാനോകോബാലമിനിൽ ചെറിയ അളവിൽ സയനൈഡ് അടങ്ങിയിട്ടുണ്ടെന്നത് പലരെയും ആശങ്കപ്പെടുത്തുന്ന ഒന്നാണ്. എന്നാൽ ഇതിൽ പരിഭ്രാന്തരാകേണ്ടതില്ലെന്ന് ഡോ.ഖത്രി പറഞ്ഞു.

''സയാനോകോബാലമിനിലെ സയനൈഡിന്റെ അളവ് വളരെ കുറവാണ്, ഇത് ശരീരം സുരക്ഷിതമായി പുറന്തള്ളുകയും ചെയ്യും. അതിനാൽ ആരോഗ്യവാനായ ഒരാളിൽ ഇത് യാതൊരുവിധ ആശങ്കയ്ക്കും കാരണമാകുന്നില്ല,'' ഡോ. ഖത്രി വ്യക്തമാക്കി. ശരിയായ അളവിൽ നിർദേശിക്കപ്പെടുമ്പോൾ വൈറ്റമിൻ ബി12 കുറവ് പരിഹരിക്കാൻ പതിറ്റാണ്ടുകളായി സുരക്ഷിതമായി ഉപയോഗിച്ചുവരുന്ന ഒന്നാണ് സയാനോകോബാലമിൻ എന്നും അദ്ദേഹം പറഞ്ഞു.

Also Read: പ്രോട്ടീൻ പൗഡർ വാങ്ങി പണം കളയുന്നതിന് മുൻപ് ഈ 5 കാര്യങ്ങൾ നിർബന്ധമായും അറിഞ്ഞിരിക്കുക!

സാധാരണയായി ഡോക്ടർമാർ ഏതാണ് നിർദേശിക്കാറുള്ളത്?

ഭൂരിഭാഗം ആളുകളിലും വൈറ്റമിൻ ബി12 കുറവ് പരിഹരിക്കാൻ ശരിയായ അളവിൽ കഴിച്ചാൽ ഈ രണ്ട് രൂപങ്ങളും ഒരുപോലെ ഫലപ്രദമാണ്. ഏത് വേണമെന്നത് വ്യക്തിയുടെ ആരോഗ്യസ്ഥിതി, പോഷകാഹാര ആവശ്യങ്ങൾ, ബി12 കുറയാനുള്ള അടിസ്ഥാന കാരണം, വൃക്കകളുടെ പ്രവർത്തനം, ചികിത്സിക്കുന്ന ഡോക്ടറുടെ തീരുമാനം എന്നിവയെ ആശ്രയിച്ചിരിക്കുന്നു; അല്ലാതെ ഏതെങ്കിലും ഒരു രൂപം മറ്റൊന്നിനേക്കാൾ മികച്ചതായതുകൊണ്ടല്ല.

മെഥിൽകോബാലമിൻ ശരീരം നേരിട്ട് ഉപയോഗിക്കുന്ന സജീവ രൂപമായതിനാൽ ചില പ്രത്യേക ഞരമ്പ് രോഗങ്ങൾക്ക് ഇത് മുൻഗണന നൽകി നൽകാറുണ്ടെന്ന് ഡോ.ഖത്രി വ്യക്തമാക്കി. അതേസമയം, സാധാരണ കേസുകളിൽ സയാനോകോബാലമിൻ ഇപ്പോഴും ഫലപ്രദമായ ചികിത്സയായി തുടരുന്നു. പരസ്യങ്ങളെ മാത്രം വിശ്വസിക്കാതെ, നിങ്ങളുടെ വ്യക്തിപരമായ ആരോഗ്യ ആവശ്യങ്ങളും ഡോക്ടറുടെ നിർദേശങ്ങളും മുൻനിർത്തി വേണം വൈറ്റമിൻ ബി12 സപ്ലിമെന്റ് തിരഞ്ഞെടുക്കേണ്ടത്.

DISCLAIMER: മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ദിവസവും മാമ്പഴം കഴിച്ചാൽ ശരീരഭാരം കൂടുമോ?

മലയാളികളുടെ മനസ്സിൽ ഇന്നും മായാതെ നിൽക്കുന്ന മുഖമാണ് ആദിഷ് പ്രവീൺ എന്ന ആ കൊച്ചു മിടുക്കന്റേത്. വിപിൻ ആറ്റ്‌ലി സംവിധാനം ചെയ്ത 'ബെൻ' എന്ന ചിത്രത്തിലെ ചാമി എന്ന കഥാപാത്രത്തെ അവതരിപ്പിച്ചുകൊണ്ടായിരുന്നു ആദിഷിന്റെ സിനിമാ അരങ്ങേറ്റം.

Also Read: ഞങ്ങൾ നിങ്ങളെ എപ്പോഴും ആഘോഷിക്കും ഇത്താത്ത; സമയ്ക്ക് ആശംസകളുമായി​​ അഷ്കർ അലി

View this post on Instagram

A post shared by Jithin Raj (@nameisjithinraj)

പിന്നീട് തിയേറ്ററുകളിൽ ചിരിപൂരം തീർത്ത 'കട്ടപ്പനയിലെ ഋത്വിക് റോഷൻ' എന്ന ചിത്രത്തിലെ വിഷ്ണു ഉണ്ണികൃഷ്ണന്റെ കുട്ടിക്കാലം (കുട്ടി കിച്ചു) അവതരിപ്പിച്ചുകൊണ്ട് ആദിഷ് പ്രേക്ഷകരുടെ പ്രിയങ്കരനായി മാറി. തനതായ അഭിനയശൈലിയും നിഷ്കളങ്കമായ ഭാവങ്ങളും കൊണ്ട് വളരെ പെട്ടെന്നുതന്നെ മലയാള സിനിമയിൽ തന്റേതായ ഒരിടം കണ്ടെത്താൻ ഈ ബാലതാരത്തിന് കഴിഞ്ഞു.

Also Read: മോളെ എന്നെ അച്ഛനെപ്പോലെ കരുതിക്കോളൂ എന്ന് പറഞ്ഞു, പിന്നീട് കാമുകനാകാൻ മനസ്സ് വന്നില്ല; വിജയ് സേതുപതി

തുടർന്ന് അങ്ങോട്ട് ഒരുപിടി നല്ല സിനിമകളുടെ ഭാഗമാകാൻ ആദിഷിന് സാധിച്ചു. 2016-ൽ പുറത്തിറങ്ങിയ 'കോലുമിട്ടായി', 'ഒരു മുത്തശ്ശി ഗദ', 'പള്ളിക്കൂടം' എന്നീ ചിത്രങ്ങളിലെ പ്രകടനം ശ്രദ്ധിക്കപ്പെട്ടു. 2017-ൽ 'ഗോൾഡ് കോയിൻസ്', 'ചക്കരമാവിൻ കൊമ്പത്ത്', 'ലവകുശ' എന്നീ ചിത്രങ്ങളിലും, 2018-ൽ മമ്മൂട്ടി ചിത്രമായ 'സ്ട്രീറ്റ് ലൈറ്റ്സ്' എന്ന സിനിമയിലും ആദിഷ് വേഷമിട്ടു. 

Also Read: അനു ആനന്ദ് അന്ന് മോഹൻലാലിന്റെ മകനായി; മകളാവട്ടെ ഇന്ന് വിസ്മയയ്ക്ക് ഒപ്പം സിനിമയിലേക്ക്

എന്നാൽ ആദിഷിന്റെ അഭിനയജീവിതത്തിലെ ഏറ്റവും വലിയ നാഴികക്കല്ല് ജിയോ ബേബി സംവിധാനം ചെയ്ത 'കുഞ്ഞു ദൈവം' എന്ന ചിത്രമായിരുന്നു. ചിത്രത്തിലെ ഔസേപ്പച്ചൻ എന്ന കഥാപാത്രത്തെ അതിമനോഹരമായി അവതരിപ്പിച്ച ആദിഷിനെ തേടി 2017-ലെ മികച്ച ബാലതാരത്തിനുള്ള ദേശീയ ചലച്ചിത്ര പുരസ്കാരവുമെത്തി. 

മാസ്റ്റർ ആദിഷ് വളർന്ന് ഇന്നൊരു യുവാവായി മാറിയിരിക്കുന്നു. ആദിഷിന്റെ പുതിയ ചിത്രങ്ങളാണ് ഇപ്പോൾ സോഷ്യൽ മീഡിയയുടെ ശ്രദ്ധ കവരുന്നത്. "നമ്മൾ കണ്ട ആ കൊച്ചു കിച്ചു ഇത്രയും വലിയ ചെക്കനായോ?" എന്നാണ് ആരാധകരുടെ കമന്റ്. 

Also Read: വെള്ളച്ചാട്ടത്തിന്റെ മുകളിൽ നിന്നും 150 അടി താഴേക്ക് ചാടി; ഐശ്വര്യ റായിക്ക് പകരം അന്ന് ജീവൻ പണയം വെച്ചത് ഈ സ്റ്റണ്ട് വുമൺ

ആരോഗ്യകരമായ ജീവിതശൈലി ആഗ്രഹിക്കുന്നവരും, പ്രമേഹം പോലെയുള്ള ജീവിതശൈലീ രോഗങ്ങൾ ഉള്ളവരും ഭക്ഷണകാര്യത്തിൽ ഏറെ ശ്രദ്ധിക്കാറുണ്ട്. അത്തരക്കാർക്ക് തിരഞ്ഞെടുക്കാൻ പറ്റിയ ഏറ്റവും മികച്ചൊരു പ്രഭാതഭക്ഷണമാണ് പോഷകസമൃദ്ധമായ റാഗി-ചെറുപയർ ദോശ. സാധാരണ അരി ഉപയോഗിച്ചുള്ള ദോശയിൽ നിന്ന് വ്യത്യസ്തമായി, പ്രോട്ടീനും നാരുകളും ധാരാളമായി അടങ്ങിയിരിക്കുന്ന ഈ വിഭവം ശരീരത്തിന് ആവശ്യമായ ഊർജ്ജം നൽകുന്നു. രക്തത്തിലെ പഞ്ചസാരയുടെ അളവ് പെട്ടെന്ന് കൂടാതെ നിയന്ത്രിച്ചു നിർത്താൻ സഹായിക്കുന്നതിനാൽ പ്രമേഹരോഗികൾക്കും ഡയറ്റ് നോക്കുന്നവർക്കും ഇതൊരു മികച്ച ചോയിസാണ്.

Also Read: പ്രമേഹവും ദഹനപ്രശ്നങ്ങളും പടിക്ക് പുറത്ത്; ഉച്ചയൂണിന് ഇത് ശീലമാക്കാം

റാഗി, ചെറുപയർ, ഉഴുന്ന്, ഉലുവ എന്നിവയുടെ ഗുണങ്ങൾ ഒരുമിച്ച് ലഭിക്കുന്ന ഈ ദോശ രുചിയിലും ഒട്ടും പിന്നിലല്ല. ശരീരഭാരം കുറയ്ക്കാൻ ആഗ്രഹിക്കുന്നവർക്കും പേശികളുടെ ബലത്തിന് പ്രോട്ടീൻ ആവശ്യമുള്ളവർക്കും ഇത് ദിനചര്യയുടെ ഭാഗമാക്കാവുന്നതാണ്. വളരെ ലളിതമായ ചേരുവകൾ കൊണ്ട് വീട്ടിൽ തന്നെ തയ്യാറാക്കാവുന്ന ഈ വിഭവം കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടും. കൃത്രിമ ചേരുവകളൊന്നുമില്ലാതെ പ്രകൃതിദത്തമായ രീതിയിൽ തയ്യാറാക്കുന്ന ഈ ദോശ, ആരോഗ്യകരമായ ഒരു ദിവസത്തിന് തുടക്കമിടാൻ സഹായിക്കുന്നു.

കൊഴുപ്പ് കുറഞ്ഞ നെയ്യിൽ ചുട്ടെടുക്കുമ്പോൾ ലഭിക്കുന്ന ഇതിന്റെ മണവും സ്വാദും ഒരിക്കലും മറക്കില്ല. ചോറിന് പകരം ഹെൽത്തിയായി എന്തെങ്കിലും കഴിക്കാൻ ആഗ്രഹമുണ്ടെങ്കിൽ, ഈ പ്രോട്ടീൻ റിച്ച് ദോശ തന്നെ തിരഞ്ഞെടുക്കാം. ഷമീമ തന്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: മുറ്റത്തു നിൽക്കുന്ന ഈ ഇലയും അൽപം കഞ്ഞിവെള്ളവും മതി; 5 മിനിറ്റിൽ തയ്യാറാക്കാം പോഷകസമൃദ്ധമായ കറി റെഡി

ചേരുവകൾ

• റാഗി- 1 കപ്പ്
• ഉഴുന്ന് പരിപ്പ- 1 കപ്പ്
• ചെറുപയർ- 1 കപ്പ്
• ഉലുവ- 1 ടീസ്പൂൺ
• ഇഞ്ചി- ചെറിയ കഷ്ണം
• വെള്ളം
• നെയ്യ്

View this post on Instagram

A post shared by Shameema (@shameemas_curryworld)

Also Read: പോഷകങ്ങളെല്ലാം ഒരു ഗ്ലാസിൽ, ഇത് കഴിക്കുന്നത് ശീലമാക്കൂ

തയ്യാറാക്കുന്ന വിധം

• ഒരു കപ്പ് റാഗി, ഒരു കപ്പ് ഉഴുന്ന്, ഒരു കപ്പ് ചെറുപയർ, ഒരു ടീസ്പൂൺ ഉലുവ എന്നിവ പ്രത്യേകം വെള്ളത്തിൽ 2 മണിക്കൂർ കുതിർത്തു വയ്ക്കാം.
• ശേഷം ഇവ ദോശ മാവിന്റെ പരുവത്തിൽ നന്നായി അരച്ചെടുക്കാം.
• ചെറിയ കഷ്ണം ഇഞ്ചി ചേർത്ത് ഒരിക്കൽ കൂടി അരയ്ക്കാം. ആവശ്യത്തിന് വെള്ളവും ഒഴിക്കാം. ഇതിലേയ്ക്ക് ഉപ്പ് ചേർത്ത് നന്നായി ഇളക്കി യോജിപ്പിക്കാം.
• ഒരു പാൻ അടുപ്പിൽ വച്ചു ചൂടാക്കാം. അതിൽ നെയ്യ് പുരട്ടാം. പാൻ നന്നായി ചൂടായതിലേയ്ക്ക് തയ്യാറാക്കിയ മാവിൽ നിന്നും ഒരു തവി ഒഴിച്ച് ഇരുവശവും വേവിച്ചെടുക്കാം. ഇനി തേങ്ങ ചമ്മന്തിക്കൊപ്പം ചൂടോടെ കഴിച്ചു നോക്കൂ. 

Read More: ഊർജ്ജവും ഉന്മേഷവും വീണ്ടെടുക്കാം പ്രതിരോധശേഷി വർധിപ്പിക്കാം; ദിവസവും രാവിലെ ഇത് കുടിക്കൂ

മലയാള ചലച്ചിത്ര താരങ്ങളുടെ സംഘടനയായ 'അമ്മ'യുമായി (AMMA) ബന്ധപ്പെട്ട് നിലനിൽക്കുന്ന ആഭ്യന്തര പ്രശ്നങ്ങളിലും പ്രതിസന്ധികളിലും സൂപ്പർതാരങ്ങളുടെ നിസ്സംഗതയെ വിമർശിച്ച് നടനും സംവിധായകനുമായ ജോയ് മാത്യു. ഇന്ത്യൻ എക്സ്‌പ്രസ് മലയാളത്തിന്റെ 'സൊറ' പോഡ്കാസ്റ്റിൽ സംസാരിക്കുകയായിരുന്നു അദ്ദേഹം. 

Also Read: മോളെ എന്നെ അച്ഛനെപ്പോലെ കരുതിക്കോളൂ എന്ന് പറഞ്ഞു, പിന്നീട് കാമുകനാകാൻ മനസ്സ് വന്നില്ല; വിജയ് സേതുപതി

സംഘടന വലിയ തോതിൽ സൂപ്പർസ്റ്റാറുകളെ ആശ്രയിച്ചാണ് നിലനിൽക്കുന്നത് എന്ന യാഥാർത്ഥ്യം നിലനിൽക്കെ, പ്രശ്നങ്ങൾ പരിഹരിക്കാൻ അവർ മുന്നോട്ടുവരാത്തത് ചൂണ്ടിക്കാണിച്ചപ്പോഴായിരുന്നു ജോയ് മാത്യുവിന്റെ ഈ തുറന്നുപറച്ചിൽ. സൂപ്പർതാരങ്ങൾ വിചാരിച്ചാൽ ഒരു തിട്ടൂരത്തിലൂടെയോ ശക്തമായ ഇടപെടലിലൂടെയോ തീർക്കാവുന്ന പ്രശ്നങ്ങളല്ലേ സംഘടനയ്ക്കുള്ളിലുള്ളൂ എന്ന ചോദ്യത്തോട് പ്രതികരിക്കുകയായിരുന്നു ജോയ് മാത്യു. 

Also Read: വെള്ളച്ചാട്ടത്തിന്റെ മുകളിൽ നിന്നും 150 അടി താഴേക്ക് ചാടി; ഐശ്വര്യ റായിക്ക് പകരം അന്ന് ജീവൻ പണയം വെച്ചത് ഈ സ്റ്റണ്ട് വുമൺ

'അമ്മ' പോലുള്ള ഒരു സംഘടനയ്ക്ക് ഫണ്ട് കണ്ടെത്താനും പരിപാടികൾ നടത്താനും ഈ താരങ്ങളുടെ സാന്നിധ്യം അനിവാര്യമാണെന്നിരിക്കെ, സംഘടന കൃത്യമായി മുന്നോട്ടുപോയില്ലെങ്കിൽ സഹകരിക്കില്ല എന്നൊരു ശക്തമായ നിലപാട് എടുക്കാൻ എന്തുകൊണ്ടാണ് അവർ തയ്യാറാകാത്തത് എന്ന ചോദ്യത്തിന്, 'അവരെങ്ങനെ ഏതിലെങ്കിലും ഇടപെടാറുണ്ടോ?' എന്ന മറുചോദ്യമാണ് ജോയ് മാത്യു ഉന്നയിച്ചത്. തന്നെപ്പോലെയുള്ള ചുരുക്കം ചില ആളുകൾ മാത്രമാണ് സംഘടനയ്ക്കുള്ളിലെ ഇത്തരം കാര്യങ്ങളിൽ പരസ്യമായി ഇടപെടുന്നതെന്നും, തന്റേടത്തോടെ അഭിപ്രായം പറയുന്നത് വഴി സ്വന്തം നിലയിൽ ശത്രുക്കളെ സമ്പാദിക്കുന്നതെന്നും ജോയ് മാത്യു കൂട്ടിച്ചേർത്തു. 

"അവരെങ്ങനെ ഏതിലെങ്കിലും ഇടപെടാറുണ്ടോ? എന്നെ പോലെയുള്ള ചില പൊട്ടന്മാർ മാത്രമേ ഇതിലൊക്കെ ഇടപ്പെട്ട് ശത്രുക്കളെ സമ്പാദിക്കുന്നത്. അവരൊക്കെ സേഫ് ഗെയിം കളിക്കുന്ന ആൾക്കാരാണ്," ജോയ് മാത്യുവിന്റെ വാക്കുകളിങ്ങനെ. 

Also Read: അനു ആനന്ദ് അന്ന് മോഹൻലാലിന്റെ മകനായി; മകളാവട്ടെ ഇന്ന് വിസ്മയയ്ക്ക് ഒപ്പം സിനിമയിലേക്ക്

"സൂപ്പർസ്റ്റാറുകൾ ഒരു വാക്കു പറഞ്ഞാൽ ഈ പ്രശ്നം നാളെ നിൽക്കില്ലേ?," എന്ന ചോദ്യത്തിന് "അവർ ഇടപെടുമ്പോൾ പരിഹരിക്കാൻ പറ്റുമെന്ന് വിചാരിക്കുന്നു. അങ്ങനെയാണ് വേണ്ടത്. സൂപ്പർസ്റ്റാർ രണ്ടുപേർ അല്ലല്ലോ, മൂന്നുപേരില്ലേ.... സുരേഷ് ഗോപിയും," എന്നായിരുന്നു ജോയ് മാത്യുവിന്റെ മറുപടി. 

മലയാള ചലച്ചിത്ര താരങ്ങളുടെ സംഘടനയായ 'അമ്മ'യുടെ (AMMA) ഭരണസമിതിയിൽ നിന്നും രാജി വെച്ചതിന് തൊട്ടുപിന്നാലെ, എക്സിക്യൂട്ടീവ് കമ്മിറ്റിക്കെതിരെ കടുത്ത ഭാഷയിൽ ജോയ് മാത്യു പ്രതികരിച്ചിരുന്നു. കമ്മിറ്റിയിലെ അംഗങ്ങളുടെ പിടിപ്പുകേടും വിവരമില്ലായ്മയും, ഒരു പ്രതിസന്ധി വരുമ്പോൾ ഉത്തരവാദിത്തങ്ങളിൽ നിന്നും ഒളിച്ചോടി പരസ്പരം പഴിചാരുന്ന പ്രവണതയും സഹിക്കാവുന്നതിലും അപ്പുറമായപ്പോഴാണ് താൻ സംഘടനയിൽ നിന്നും പടിയിറങ്ങാൻ തീരുമാനിച്ചതെന്ന് ജോയ് മാത്യു പറഞ്ഞു.  അമ്മയില്‍ ഭൂരിപക്ഷവും മണ്ടന്മാരാണെന്നും തീരുമാനം എടുക്കാന്‍ കഴിവില്ലാത്ത സംഘത്തിനൊപ്പം പ്രവര്‍ത്തിക്കാന്‍ ബുദ്ധിമുട്ടുണ്ടെന്നുമാണ് രാജിയുടെ കാരണമായി ജോയ് മാത്യു പറഞ്ഞത്. 

Also Read: 150 മുറികളുള്ള പട്ടൗഡി കൊട്ടാരത്തിന്റെ അവകാശി സെയ്ഫ്; സോഹയ്ക്ക് സ്വന്തമായുള്ളത്  'ജനറേറ്റർ റൂം'

രാജ്യാന്തര ബഹിരാകാശ നിലയത്തിലെത്തുന്ന ആദ്യ മലയാളിയാകാൻ യുഎസ് സ്പേസ് ഫോഴ്സ് കേണൽ ഡോ. അനിൽ മേനോൻ ഇന്ത്യൻ സമയം ഇന്ന് രാത്രി 8.17ന് യാത്ര തിരിക്കും. വൈദ്യശാസ്ത്രം, സാങ്കേതികവിദ്യ, ബഹിരാകാശ യാത്ര എന്നിവയുമായി ബന്ധപ്പെട്ട ഗവേഷണങ്ങളിൽ ശ്രദ്ധ കേന്ദ്രീകരിക്കുന്ന 8 മാസം നീളുന്ന പര്യവേക്ഷണത്തിനാണ് അദ്ദേഹം തുടക്കം കുറിക്കുന്നത്.

കസാഖിസ്ഥാനിലെ ബൈക്കോനൂർ കോസ്മോഡ്രോമിൽ നിന്ന് റഷ്യൻ ബഹിരാകാശ യാത്രികരായ പ്യോട്ടർ ദുബ്രോവ്, അന്ന കികിന എന്നിവർക്കൊപ്പം റോസ്കോസ്മോസ് സോയൂസ് എംഎസ്-29 പേടകത്തിലാണ് അനിൽ മേനോൻ യാത്ര തിരിക്കുന്നത്. 2027 ഏപ്രിലിൽ ഭൂമിയിൽ തിരിച്ചെത്തുന്നതിന് മുൻപ്, ഇവർ മൂവരും ഐഎസ്എസിലെ എക്സ്പെഡിഷൻ 74/75 അംഗങ്ങളായി സേവനമനുഷ്ഠിക്കും.

Also Read: പഴകിയ വേ പ്രോട്ടീൻ മുതൽ കേടായ മുട്ട വരെ; ഭക്ഷ്യസുരക്ഷയിൽ വൻ വീഴ്ച, ഇൻസ്റ്റാമാർട്ടിന് 9 നോട്ടീസുകൾ അയച്ച് എഫ്.എസ്.എസ്.എ.ഐ

ആരാണ് അനിൽ മേനോൻ?

മിനിയാപൊളിസിൽ ഇന്ത്യൻ, യുക്രൈനിയൻ കുടിയേറ്റ ദമ്പതികളുടെ മകനായി ജനിച്ച അനിൽ മേനോൻ ഒരു എമർജൻസി മെഡിസിൻ ഫിസിഷ്യനും യുഎസ് സ്പേസ് ഫോഴ്സിലെ കേണലുമാണ്.

2014-ൽ ഫ്ലൈറ്റ് സർജനായി നാസയിൽ ചേർന്ന അനിൽ, ഐഎസ്എസിൽ താമസിച്ചു ജോലി ചെയ്യുന്ന ബഹിരാകാശ യാത്രികർക്ക് വൈദ്യസഹായം നൽകിയിരുന്നു. 2018-ൽ സ്പേസ് എക്സിലേക്ക് മാറിയ അദ്ദേഹം കമ്പനിയുടെ മെഡിക്കൽ പ്രോഗ്രാം സ്ഥാപിക്കുകയും, അവരുടെ ആദ്യത്തെ മനുഷ്യൻ്റെ ബഹിരാകാശ യാത്രാ ദൗത്യങ്ങൾ തയ്യാറാക്കാൻ സഹായിക്കുകയും ചെയ്തു. ചന്ദ്രനിലേക്കും ചൊവ്വയിലേക്കുമുള്ള ഭാവി ദൗത്യങ്ങൾക്കായി രൂപകൽപ്പന ചെയ്ത സ്റ്റാർഷിപ്പ് പേടകത്തിന്റെ വികസനത്തിലും അദ്ദേഹം പങ്കാളിയായിരുന്നു.

നാസയുടെ ബഹിരാകാശ യാത്രികരുടെ സംഘത്തിൽ ചേരുന്നതിന് മുമ്പ്, 'ഓപ്പറേഷൻ എൻഡ്യൂറിംഗ് ഫ്രീഡം' സമയത്ത് അഫ്ഗാനിസ്ഥാനിൽ യുഎസ് വ്യോമസേനയിലും അനിൽ മേനോൻ സേവനമനുഷ്ഠിച്ചിട്ടുണ്ട്. കൂടാതെ, ഹിമാലയൻ റെസ്ക്യൂ അസോസിയേഷനുമായി ചേർന്ന് എവറസ്റ്റ് കൊടുമുടി കയറുന്നവർക്ക് വൈദ്യസഹായവും അദ്ദേഹം നൽകിയിരുന്നു.

2021 ഡിസംബറിലാണ് നാസ അനിലിനെ ബഹിരാകാശ യാത്രികനായി തിരഞ്ഞെടുത്തത്. തുടർന്ന് അദ്ദേഹം ഏജൻസിയുടെ രണ്ട് വർഷത്തെ ബഹിരാകാശ പരിശീലന പരിപാടി വിജയകരമായി പൂർത്തിയാക്കി. റോട്ടറി അംബാസഡർ സ്കോളറായി അനിൽ മേനോൻ ഇന്ത്യയിൽ ഒരു വർഷം ചെലവഴിക്കുകയും പോളിയോ വാക്സിനേഷൻ പ്രവർത്തനങ്ങളിൽ പങ്കാളിയാകുകയും ചെയ്തിട്ടുണ്ട്.

Also Read: പഴകിയ ഭക്ഷണത്തിന് പുതിയ തീയതി; 'എക്സ്പയറി ഡേറ്റ് മാഫിയ' പിടിയിൽ; ഓൺലൈൻ ആപ്പുകൾക്കും വിതരണം

ഐഎസ്എസിൽ അനിൽ മേനോന്റെ ചുമതലകൾ എന്തെല്ലാം?

ഐഎസ്എസിലെ താമസത്തിനിടയിൽ, ദീർഘകാല ബഹിരാകാശ യാത്രകൾ മനുഷ്യശരീരത്തിൽ ഉണ്ടാക്കുന്ന മാറ്റങ്ങളെക്കുറിച്ച് അനിൽ മേനോൻ പരീക്ഷണങ്ങൾ നടത്തും. മൈക്രോ ഗ്രാവിറ്റി രക്തപ്രവാഹം, സിരകളുടെ ഘടന, രക്തത്തിന്റെ ഘടകങ്ങൾ എന്നിവയെ എങ്ങനെ ബാധിക്കുന്നു എന്നത് ഇതിൽ ഉൾപ്പെടുന്നു.

നിലയത്തിലെ കുടിവെള്ള സംവിധാനം ഉപയോഗിച്ച് ഇൻട്രാവീനസ് ഫ്ലൂയിഡുകൾ ഉത്പാദിപ്പിക്കുന്നതിനുള്ള സാങ്കേതികവിദ്യകൾ പരിശോധിക്കാനും അദ്ദേഹം സഹായിക്കും. മെഡിക്കൽ സാമഗ്രികൾ പരിമിതമായേക്കാവുന്ന ഭാവിയിലെ ആഴത്തിലുള്ള ബഹിരാകാശ ദൗത്യങ്ങളിൽ ഈ സാങ്കേതികവിദ്യ നിർണായകമായി കണക്കാക്കപ്പെടുന്നു.

Also Read: ഇന്ത്യൻ റെയിൽവേയിൽ വൻ മോഷണം; യാത്രക്കാർ കടത്തിയത് 1.27 കോടി ബെഡ്ഷീറ്റുകളും തലയിണകളും; നഷ്ടം 100 കോടിയിലധികം

ഉയർന്ന ശേഷിയുള്ള കമ്പ്യൂട്ടിംഗ്, ആർട്ടിഫിഷ്യൽ ഇന്റലിജൻസ്, അത്യാധുനിക മെഡിക്കൽ ഉപകരണങ്ങൾ എന്നിവയിൽ ഉപയോഗിക്കുന്ന ഘടകങ്ങളുടെ വൻതോതിലുള്ള ഉത്പാദനത്തെ പിന്തുണയ്ക്കാൻ കഴിയുന്ന സെമികണ്ടക്ടർ ക്രിസ്റ്റലുകൾ ബഹിരാകാശത്ത് നിർമ്മിക്കുന്ന പ്രക്രിയ മെച്ചപ്പെടുത്തുന്നതും അദ്ദേഹത്തിന്റെ ഗവേഷണത്തിന്റെ ഭാഗമാണ്.

ഓഗ്മെന്റഡ് റിയാലിറ്റിയും ആർട്ടിഫിഷ്യൽ ഇന്റലിജൻസും ഉപയോഗിച്ച് അൾട്രാസൗണ്ട് പരിശോധനകളും അനിൽ നടത്തും. ഭാവി ദൗത്യങ്ങളിൽ ഭൂമിയിൽ നിന്നുള്ള മെഡിക്കൽ സഹായത്തെ ആശ്രയിക്കുന്നത് കുറയ്ക്കാൻ ഈ പ്രവർത്തനം സഹായിക്കുമെന്നാണ് വിലയിരുത്തൽ.

Read More: വോട്ടർമാരുടെ ശ്രദ്ധയ്ക്ക്: നിയമഭേദഗതിയില്ലാതെ വോട്ടർ രജിസ്ട്രേഷൻ ഫോമിൽ മാറ്റം വരുത്തി ഇലക്ഷൻ കമ്മീഷൻ

ന്യൂഡൽഹി: ഇന്ത്യയിലെ ഉന്നതവിദ്യാഭ്യാസ മേഖല കൂടുതൽ രാജ്യങ്ങളിൽ നിന്നുള്ള വിദ്യാർത്ഥികളെ ആകർഷിക്കുകയും മൊത്തത്തിലുള്ള പ്രവേശനം വർധിക്കുകയും ചെയ്തിട്ടും, കഴിഞ്ഞ ദശകത്തിൽ ഇന്ത്യയിൽ പഠിക്കുന്ന വിദേശ വിദ്യാർത്ഥികളിൽ ഏറ്റവും കൂടുതൽ നേപ്പാൾ ആയി തുടരുന്നു.

വിദ്യാഭ്യാസ മന്ത്രാലയത്തിൽ നിന്നുള്ള വിവരങ്ങൾ പ്രകാരം, 2023-24 അധ്യയന വർഷത്തിൽ 173 രാജ്യങ്ങളിൽ നിന്നുള്ള 58,134 വിദേശ വിദ്യാർത്ഥികളാണ് ഇന്ത്യൻ സർവ്വകലാശാലകളിലും കോളേജുകളിലും പ്രവേശനം നേടിയത്. ഒരു ദശകം മുമ്പ്, 2013-14 ൽ, 158 രാജ്യങ്ങളിൽ നിന്നുള്ള 39,517 വിദേശ വിദ്യാർത്ഥികളാണ് ഇന്ത്യയിൽ എത്തിയത്. ഇത് 18,617 വിദ്യാർത്ഥികളുടെ (ഏകദേശം 47 ശതമാനം) വർധനവ് രേഖപ്പെടുത്തുന്നു; ഒപ്പം വിദ്യാർത്ഥികൾ എത്തിയ രാജ്യങ്ങളുടെ എണ്ണത്തിൽ 15 എണ്ണത്തിന്റെ വർധനവും ഉണ്ടായിട്ടുണ്ട്.

Also Read: സർക്കാർ സർവ്വകലാശാലകളേക്കാൾ മൂന്നിരട്ടി വേഗത്തിൽ വളർന്ന് സ്വകാര്യ സർവ്വകലാശാലകൾ

2023-24 ൽ മൊത്തം വിദേശ വിദ്യാർത്ഥി പ്രവേശനത്തിന്റെ 24.1 ശതമാനവും നേപ്പാളിൽ നിന്നായിരുന്നു. 2013-14 ൽ ഇത് 21 ശതമാനമായിരുന്നു. ഇരു കാലഘട്ടങ്ങളിലും ഇന്ത്യയിലെ ഏറ്റവും വലിയ സ്രോതസ് രാജ്യമായി നേപ്പാൾ മാറി. നേപ്പാൾ ഒന്നാം സ്ഥാനം നിലനിർത്തിയപ്പോൾ തന്നെ, മറ്റ് പ്രമുഖ രാജ്യങ്ങളുടെ വിഹിതത്തിൽ ഈ ദശകത്തിൽ വലിയ മാറ്റങ്ങളുണ്ടായി. 2013-14 ൽ അഫ്ഗാനിസ്ഥാൻ (8 ശതമാനം), ഭൂട്ടാൻ (7 ശതമാനം), മലേഷ്യ (6 ശതമാനം), സുഡാൻ (5 ശതമാനം), ഇറാഖ് (5 ശതമാനം) എന്നിവരായിരുന്നു നേപ്പാളിന് പിന്നിൽ ഏറ്റവും കൂടുതൽ വിദ്യാർത്ഥികളെ സംഭാവന ചെയ്ത രാജ്യങ്ങൾ.

Also Read: രാജ്യത്ത് കമ്പ്യൂട്ടർ എൻജിനീയറിങ്ങിന് പ്രിയമേറുന്നു; ഏറ്റവും കൂടുതൽ വിദ്യാർത്ഥികൾ തിരഞ്ഞെടുക്കുന്ന ബ്രാഞ്ചെന്ന് റിപ്പോർട്ട്

എന്നാൽ 2023-24 ആയപ്പോഴേക്കും ഈ പട്ടിക മാറി മറഞ്ഞു. യുണൈറ്റഡ് അറബ് എമിറേറ്റ്സ് (യു.എ.ഇ) മൊത്തം വിദേശ വിദ്യാർത്ഥികളിൽ 7 ശതമാനം പങ്കുവെച്ചപ്പോൾ, യുണൈറ്റഡ് സ്റ്റേറ്റ്സും ബംഗ്ലാദേശും 5.9 ശതമാനം വീതവും, നൈജീരിയ 5.5 ശതമാനവും, സിംബാബ്‌വെ 4 ശതമാനവും സംഭാവന ചെയ്തു. ലെബനൻ, ബുർക്കിന ഫാസോ, മംഗോളിയ, മെക്സിക്കോ, കസാക്കിസ്ഥാൻ, ബെലാറസ്, ചിലി തുടങ്ങിയ രാജ്യങ്ങളിൽ നിന്നുള്ള വിദ്യാർത്ഥികളും പുതിയ സർവേയിൽ ഉൾപ്പെട്ടിട്ടുണ്ട്. 

അണ്ടർ ഗ്രാജ്വേറ്റ് (ബിരുദ) പ്രോഗ്രാമുകളാണ് അന്താരാഷ്ട്ര വിദ്യാർത്ഥികൾക്കിടയിൽ ഇപ്പോഴും ഏറ്റവും പ്രിയങ്കരം; മൊത്തം വിദേശ പ്രവേശനത്തിന്റെ 73.6 ശതമാനവും ഇതിലാണ്. വിദേശ വിദ്യാർത്ഥികളുടെ പ്രധാന ലക്ഷ്യസ്ഥാനമായി 7,914 പ്രവേശനങ്ങളോടെ കർണാടക ഒന്നാമതെത്തി. തൊട്ടുപിന്നിൽ പഞ്ചാബ്, മഹാരാഷ്ട്ര, ഉത്തർപ്രദേശ്, തമിഴ്‌നാട് എന്നിവയാണുള്ളത്.

Also Read: ബിഎസ്‌സി നഴ്‌സിങ് അല്ലൈഡ് ഹെൽത്ത് സയൻസ് കോഴ്‌സ്: അപേക്ഷാ തീയതി നീട്ടി

ഇന്ത്യൻ ഉന്നതവിദ്യാഭ്യാസ സ്ഥാപനങ്ങളിലേക്ക് അന്താരാഷ്ട്ര വിദ്യാർത്ഥികളെ ആകർഷിക്കുന്നതിനായി 2018 ലാണ് വിദ്യാഭ്യാസ മന്ത്രാലയം 'സ്റ്റഡി ഇൻ ഇന്ത്യ' പദ്ധതി ആരംഭിച്ചത്. ഏറ്റവും പുതിയ എ.ഐ.എസ്.എച്ച്.ഇ (AISHE) റിപ്പോർട്ട് അനുസരിച്ച്, 2019-20 മുതൽ വിദേശ വിദ്യാർത്ഥികളുടെ പ്രവേശനം 48,898-ൽ നിന്ന് 58,134 ആയി വർധിച്ചു.

Read More: സർക്കാർ സ്കൂളുകളിൽ 2 വർഷത്തിനിടെ കുറഞ്ഞത് 86 ലക്ഷം കുട്ടികൾ, സ്വകാര്യ സ്കൂളുകളിലേക്ക് ഒഴുക്കെന്ന് റിപ്പോർട്ട്

മലയാളികളുടെ ഭക്ഷണരീതിയിൽ പണ്ടുമുതലേ ഇടംപിടിച്ച ഒരു പ്രധാന വിഭവമാണ് വാഴക്കൂമ്പ് തോരൻ. പറമ്പുകളിൽ സുലഭമായി ലഭിക്കുന്ന വാഴക്കൂമ്പ് പലപ്പോഴും വേണ്ടത്ര ശ്രദ്ധ ലഭിക്കാത്ത ഒന്നാണ്. എന്നാൽ പോഷകങ്ങളുടെ കാര്യത്തിൽ മറ്റേത് പച്ചക്കറിയെക്കാളും മുന്നിലാണ് വാഴക്കൂമ്പ് എന്നത് പലർക്കും അറിവില്ലാത്ത കാര്യമാണ്. അതീവ രുചികരമായ ഈ വിഭവം ചോറിനൊപ്പം കഴിക്കാൻ ഏറെ മികച്ചതാണ്. വാഴക്കൂമ്പ് വൻപയറോ മുതിരയോ ചേർത്ത് തയ്യാറാക്കുമ്പോൾ അതിന്റെ രുചി പലമടങ്ങ് വർദ്ധിക്കുന്നു.

Also Read: ചെറുപയറിനേക്കാൾ ഇരട്ടി പ്രോട്ടീൻ! ചോറിനൊപ്പം കഴിക്കാൻ ഇതാ പോഷകസമൃദ്ധമായ തോരൻ

വാഴക്കൂമ്പിൽ ഇരുമ്പിന്റെ അംശം ഉയർന്ന അളവിൽ അടങ്ങിയിട്ടുണ്ട്. ഇത് ശരീരത്തിൽ രക്തം വർദ്ധിപ്പിക്കാനും വിളർച്ച അഥവാ അനീമിയ പോലുള്ള പ്രശ്നങ്ങൾ തടയാനും സഹായിക്കുന്നു. ഇതിൽ അടങ്ങിയിരിക്കുന്ന നാരുകൾ ദഹനപ്രക്രിയ പതുക്കെയാക്കുകയും രക്തത്തിലെ പഞ്ചസാരയുടെ അളവ് പെട്ടെന്ന് ഉയരാതെ നിയന്ത്രിക്കാൻ സഹായിക്കുകയും ചെയ്യുന്നു. 

ആർത്തവ സമയത്തുണ്ടാകുന്ന അമിത രക്തസ്രാവം കുറയ്ക്കാനും, അതുമായി ബന്ധപ്പെട്ട ശാരീരിക ബുദ്ധിമുട്ടുകൾ ലഘൂകരിക്കാനും വാഴക്കൂമ്പ് ഭക്ഷണത്തിൽ ഉൾപ്പെടുത്തുന്നത് നല്ലതാണ്. ഫ്രീ റാഡിക്കലുകളെ ചെറുക്കാൻ സഹായിക്കുന്ന ആന്റിഓക്‌സിഡന്റുകൾ വാഴക്കൂമ്പിൽ ധാരാളമുണ്ട്. ഇത് കോശങ്ങളുടെ നാശം തടയുകയും പ്രായത്തെ പ്രതിരോധിക്കാൻ സഹായിക്കുകയും ചെയ്യുന്നു. ഇതിലെ ഉയർന്ന നാരുകൾ മലബന്ധം പോലുള്ള ദഹനപ്രശ്നങ്ങൾ പരിഹരിക്കാനും കുടലിന്റെ ആരോഗ്യം മെച്ചപ്പെടുത്താനും സഹായിക്കുന്നു.

Also Read: പോഷകങ്ങളെല്ലാം ഒരു ഗ്ലാസിൽ, ഇത് കഴിക്കുന്നത് ശീലമാക്കൂ

വാഴക്കൂമ്പ് ചുവന്നുള്ളിയും വെളുത്തുള്ളിയും ചേർത്ത് തേങ്ങയരച്ച് വെക്കുമ്പോൾ ലഭിക്കുന്ന ആ തനത് നാടൻ രുചി ഏതൊരു മലയാളിയും കൊതിക്കുന്ന ഒന്നാണ്. കുറച്ചു സമയം കൊണ്ട് വളരെ ലളിതമായി അടുക്കളയിൽ തയ്യാറാക്കാവുന്ന ഈ തോരൻ ആരോഗ്യത്തിന് ഏറെ ഗുണകരമാണ്. അപർണ ജീവൻ തന്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.

ചേരുവകൾ

• വാഴക്കൂമ്പ്
• മഞ്ഞൾപ്പൊടി
• ചുവന്നുള്ളി
• വെളുത്തുള്ളി
• വെളിച്ചെണ്ണ
• കറിവേപ്പില
• മഞ്ഞൾപ്പൊടി
• വറ്റൽമുളക്
• ഉപ്പ്
• തേങ്ങ ചിരകിയത്
• ചുവന്നുള്ളി
• വെളുത്തുള്ളി
• വൻപയർ

Also Read: ഊർജ്ജവും ഉന്മേഷവും വീണ്ടെടുക്കാം പ്രതിരോധശേഷി വർധിപ്പിക്കാം; ദിവസവും രാവിലെ ഇത് കുടിക്കൂ

View this post on Instagram

A post shared by Photographer & Visual Storyteller (@inji_pennu)

തയ്യാറാക്കുന്ന വിധം

• ഒരു വാഴക്കൂമ്പ് ഗ്രേറ്റ് ചെയ്തെടുക്കാം. ശേഷം കുറച്ച് വെള്ളത്തിൽ മഞ്ഞൾപ്പൊടി ചേർത്ത് വാഴക്കൂമ്പ് ചേർത്ത് മാറ്റി വയ്ക്കാം.
• ചുവന്നുള്ളിയും വെളുത്തുള്ളിയും നന്നായി ചതച്ചെടുക്കാം. അടി കട്ടിയുള്ള ഒരുപാൻ അടുപ്പിൽ വച്ച് വെളിച്ചെണ്ണ ഒഴിച്ചു ചൂടാക്കാം.
• അതിലേയ്ക്ക് ചുവന്നുള്ളിയും വെളുത്തുള്ളിയും ചതച്ചത് ചേർത്തു വഴറ്റാം. ഇതിലേയ്ക്ക് അൽപം മഞ്ഞൾപ്പൊടിയും ചേർക്കാം. ശേഷം വറ്റൽമുളക് ചതച്ചതും ചേർക്കാം.
• ഇത് വെന്തു വരുമ്പോൾ മാറ്റി വച്ചിരിക്കുന്ന വാഴക്കൂമ്പ് വെള്ളം കളഞ്ഞ് ചേർക്കാം.
• ആവശ്യത്തിന് ഉപ്പും ഒരു തണ്ട് കറിവേപ്പിലയും ചേർത്തിളക്കി യോജിപ്പിക്കാം. ഇതു വെന്തു വരുന്ന സമയത്ത് തേങ്ങ ചിരകിയതിലേയ്ക്ക് ചുവന്നുള്ളിയും വെളുത്തുള്ളിയും ചേർത്ത് അരച്ചെടുക്കാം.
• വാഴക്കൂമ്പ് വെന്തതിലേയ്ക്ക് തേങ്ങയുടെ അരപ്പും ആവിയിൽ വേവിച്ച വൻപയറും ചേർത്തിളക്കി യോജിപ്പിക്കാം. ഇത് അടച്ചു വച്ച് വേവിക്കാം.
• വൻപയറിനു പകരം മുതിര പുഴുങ്ങിയതും ഉപയോഗിക്കാം. ചൂട് ചോറിനൊപ്പം കഴിക്കാൻ ഇതിലും പോഷകഗുണമുള്ള മറ്റൊരു കറിയില്ല. 

Read More: ആരോഗ്യവും രുചിയും ഒരുപോലെ; ബ്രേക്ക്ഫാസ്റ്റിന് ഇനി ഇത് ശീലമാക്കാം

കാലാവധി പൂർത്തിയാകുന്നതിന് മുൻപ് ലൈഫ് ഇൻഷുറൻസ് പോളിസികൾ സർണ്ടർ ചെയ്യുന്നതും പണം പിൻവലിക്കുന്നതും കഴിഞ്ഞ അഞ്ച് വർഷമായി വർദ്ധിച്ചുവരികയാണ്. സാമ്പത്തിക പ്രതിസന്ധിയെയോ അതല്ലെങ്കിൽ ഇൻഷുറൻസ് കമ്പനികളുടെ തെറ്റായ വിൽപനയെയോ ഇതിന് കുറ്റപ്പെടുത്താം.  പോളിസി ഉടമകൾക്ക് നൽകിയ ആകെ ആനുകൂല്യങ്ങളിൽ സർണ്ടർ, പിൻവലിക്കൽ എന്നിവയ്ക്കായുള്ള പേഔട്ടുകൾ 2022 സാമ്പത്തിക വർഷത്തിലെ ഏകദേശം 30 ശതമാനത്തിൽ നിന്ന് 2026 സാമ്പത്തിക വർഷത്തിൽ 38.3 ശതമാനം ആയി ഉയർന്നു. ഇത് കാണിക്കുന്നത് വളരെയധികം പോളിസി ഉടമകൾ കാലാവധിക്ക് മുൻപ് തന്നെ തങ്ങളുടെ പോളിസികളിൽ നിന്ന് പുറത്തുകടക്കുന്നു എന്നാണ്. 

ഇൻഷുറൻസ് നിയന്ത്രണ അതോറിറ്റിയായ ഐആർഡിഎഐയുടെ കണക്കുകൾ പ്രകാരം പൂർണ്ണ പോളിസി കാലാവധി പൂർത്തിയാക്കിയ പോളിസി ഉടമകളുടെ എണ്ണം 2021-22ലെ ഏതാണ്ട് 48 ശതമാനത്തിൽ നിന്ന് 2025-26 ൽ 36.9 ശതമാനം ആയി കുറഞ്ഞു.

Also Read: തീയറ്ററിൽ തടഞ്ഞു; 'സത്‌ലജ്' ഒടിടിയിലും നിരോധിച്ചതിന് പിന്നിലെ കാരണം എന്ത്?

അതായത്, പോളിസി കാലാവധി പൂർത്തിയാക്കുന്നവരേക്കാൾ വേഗത്തിലാണ് കാലാവധിക്ക് മധ്യേ പുറത്തുപോകുന്ന പോളിസി ഉടമകളുടെ എണ്ണം വർദ്ധിക്കുന്നത്. "ഇൻഷുറൻസ് കമ്പനികളുടെ തെറ്റായ വിൽപനയോ അല്ലെങ്കിൽ പോളിസി ഉടമകളുടെ സാമ്പത്തിക ബുദ്ധിമുട്ടുകളോ പ്രതിസന്ധികളോ ആകാം ഇതിന് കാരണം. കാലാവധിക്ക് മുൻപ് പുറത്തുപോകുമ്പോൾ പോളിസി ഉടമകൾക്ക് പൂർണ്ണമായ ആനുകൂല്യം ലഭിക്കാത്തതിനാൽ ഇത് അനുകൂലമായ ഒരു സാഹചര്യമല്ല. അവർക്ക് നഷ്ടം വരെ സംഭവിക്കാം," ഒരു ഇൻഷുറൻസ് ഉദ്യോഗസ്ഥൻ പറഞ്ഞു. 

ഐആർഡിഎഐ ഡാറ്റ പ്രകാരം, 2025-26ൽ ലൈഫ് ഇൻഷുറൻസ് കമ്പനികൾ ആകെ 7.3 ലക്ഷം കോടി രൂപ പോളിസി ഉടമകൾക്ക് ആനുകൂല്യങ്ങളായി നൽകിയിട്ടുണ്ട്. ഇതിന്റെ 38.3 ശതമാനം സർണ്ടർ/പിൻവലിക്കൽ ആണ്. ഇത് ഈ സാമ്പത്തിക വർഷത്തിൽ 2.8 ലക്ഷം കോടി രൂപയുടെ അകാല പേഔട്ടിലേക്ക് നയിച്ചു. ഇതിനോട് താരതമ്യം ചെയ്യുമ്പോൾ പൂർണ്ണ കാലാവധി പൂർത്തിയാക്കിയ ശേഷം ഇൻഷുറൻസ് കമ്പനികൾ നൽകിയ മെച്യൂരിറ്റി ആനുകൂല്യം 2.69 ലക്ഷം കോടി രൂപയാണ്.

എന്താണ് ഈ പിന്മാറ്റങ്ങൾക്ക് കാരണം?

സമീപ വർഷങ്ങളിലെ പണപ്പെരുപ്പം, വർദ്ധിച്ചുവരുന്ന ജീവിതച്ചെലവ്, ഉയർന്ന വായ്പ തിരിച്ചടവുകൾ എന്നിവ കാരണം ഉടനടിയുള്ള പണത്തിന്റെ ആവശ്യങ്ങൾ നിറവേറ്റുന്നതിനായി പല കുടുംബങ്ങളും തങ്ങളുടെ പരമ്പരാഗത ലൈഫ് ഇൻഷുറൻസ് പോളിസികൾ സർണ്ടർ ചെയ്തിട്ടുണ്ട് എന്നാണ് ഇൻഷുറൻസ് വിദഗ്ധരുടെ അഭിപ്രായം. ചില ഉപഭോക്താക്കൾ ഹ്രസ്വകാല നിക്ഷേപമോ അല്ലെങ്കിൽ എഫ്ഡി പോലുള്ള വരുമാനമോ പ്രതീക്ഷിച്ച് പോളിസികൾ വാങ്ങുന്നു. എന്നാൽ പിന്നീട് ദീർഘകാല ലോക്ക് ഇൻ പിരീഡിനെക്കുറിച്ചും സർണ്ടർ പിഴകളെക്കുറിച്ചും മനസ്സിലാക്കുമ്പോൾ അവ അവസാനിപ്പിക്കുന്നു. 

Also Read: ഉരുൾപൊട്ടൽ മുൻകൂട്ടി അറിയാനുള്ള വഴി; സ്വിറ്റ്സർലൻഡ് മാതൃകയും ഇന്ത്യയിലെ പുതിയ ഗവേഷണങ്ങളും

കൂടാതെ, ബാങ്ക് എഫ്ഡികൾ, ഓഹരി വിപണി, മ്യൂച്വൽ ഫണ്ട് നിക്ഷേപങ്ങൾ എന്നിവയിലെ ഉയർന്ന പലിശനിരക്കുകൾ കൂടുതൽ ആകർഷകമായി മാറിയിരിക്കുന്നു. ഇത് താരതമ്യേന കുറഞ്ഞ വരുമാനം നൽകുന്ന ഇൻഷുറൻസ് പോളിസികളിൽ നിന്ന് മാറി ചിന്തിക്കാൻ പല ഉപഭോക്താക്കളെയും പ്രേരിപ്പിക്കുന്നുവെന്ന് അവർ പറയുന്നു.

"സർണ്ടറുകളും മെച്യൂരിറ്റി പേഔട്ടുകളും തമ്മിലുള്ള ഈ സാമീപ്യം സൂചിപ്പിക്കുന്നത് പോളിസി ഉടമകൾ കൂടുതലായി പോളിസികൾ കാലാവധിക്ക് മുൻപ് അവസാനിപ്പിക്കുന്നു എന്നാണ്. ഈ മാറ്റം അസറ്റ്-ലയബിലിറ്റി മാനേജ്‌മെന്റിനെ നേരിട്ട് ബാധിക്കുന്നു. കാരണം കാലാവധി തികയുന്നതിന് മുൻപേയുള്ള പിന്മാറ്റങ്ങൾ ലൈഫ് ഇൻഷുറൻസ് നിക്ഷേപ തന്ത്രങ്ങളുടെ ദീർഘകാല അനുമാനങ്ങളെ തകിടം മറിക്കുകയും നിശ്ചയിച്ച സമയത്തിന് മുൻപ് അസറ്റുകൾ ലിക്വിഡേറ്റ് ചെയ്യാൻ (പണമാക്കാൻ) നിർബന്ധിതരാക്കുകയും ചെയ്യും," ആർബിഐയുടെ ഫിനാൻഷ്യൽ സ്റ്റെബിലിറ്റി റിപ്പോർട്ട് പറയുന്നു. 

ഉയർന്ന നിലയിൽ തുടരുന്ന സർണ്ടർ നിരക്കുകൾ പോളിസി ഉടമകളുടെ അതൃപ്തി, ഉൽപ്പന്നങ്ങളുടെ തെറ്റായ വിൽപന അല്ലെങ്കിൽ മറ്റ് സാമ്പത്തിക നിക്ഷേപങ്ങളിൽ നിന്നുള്ള മത്സര സമ്മർദ്ദം എന്നിവയെയാണ് സൂചിപ്പിക്കുന്നത് എന്നും ആർബിഐയുടെ ഫിനാൻഷ്യൽ സ്റ്റെബിലിറ്റി റിപ്പോർട്ട് പറയുന്നു.

ബാങ്കുകളും എൻബിഎഫ്സികളും നടത്തുന്ന ഇത്തരം തെറ്റായ വിൽപനകൾക്കെതിരെ ആർബിഐയും ഐആർഡിഎഐയും ആവർത്തിച്ച് മുന്നറിയിപ്പ് നൽകിയിരുന്നു. ഇൻഷുറൻസ് മേഖല പൊതുവെ പ്രതിരോധശേഷിയുള്ളതാണെങ്കിലും സാമ്പത്തിക സ്ഥിരതയുടെ വീക്ഷണകോണിൽ ചില അടിസ്ഥാനപരമായ ഘടനാപരമായ സമ്മർദ്ദങ്ങൾ നിലനിൽക്കുന്നുണ്ട്. 

പ്രീമിയം തുകയിലുണ്ടായ തുടർച്ചയായ വർദ്ധനവ് പ്രതിസന്ധികളെ അതിജീവിക്കാനുള്ള ഈ മേഖലയുടെ ശേഷിയെ ശക്തിപ്പെടുത്തിയിട്ടുണ്ട്. എങ്കിലും ലൈഫ് ഇൻഷുറൻസിലെ ഉയർന്ന സർണ്ടർ പ്രവണത ദുർബലമായ പോളിസി തുടർച്ചയെയാണ് ചൂണ്ടിക്കാണിക്കുന്നത്. ഒപ്പം അസറ്റ്-ലയബിലിറ്റി മാനേജ്‌മെന്റിൽ അനിശ്ചിതത്വം വരുത്തിവെക്കുകയും ചെയ്യുന്നുവെന്ന് ആർബിഐയുടെ എഫ്എസ്ആർ വ്യക്തമാക്കുന്നു.

നെറ്റ് ഇൻകേർഡ് ക്ലെയിമുകളിലെ വർദ്ധനവ്

ഐആർഡിഎഐ ഡാറ്റ പ്രകാരം ജനറൽ ഇൻഷുറൻസ് മേഖലയിലെ നെറ്റ് ഇൻകേർഡ് ക്ലെയിമുകൾ 2021-22ലെ 1.4 ലക്ഷം കോടി രൂപയിൽ നിന്ന് 2025-26 ൽ 2.1 ലക്ഷം കോടി രൂപയായി ഉയർന്നു. ഇത് അഞ്ച് വർഷത്തിനിടെ ഏകദേശം 50 ശതമാനം വർദ്ധനവാണ് രേഖപ്പെടുത്തുന്നത്. റീഇൻഷുറൻസ് പോലുള്ള വീണ്ടെടുക്കലുകൾ കണക്കിലെടുത്ത ശേഷം പോളിസി ഉടമകൾക്ക് നൽകുന്ന തുകയാണ് നെറ്റ് ക്ലെയിംസ് പെയ്ഡ്. പ്രത്യേകിച്ച് ഹെൽത്ത്, മോട്ടോർ വിഭാഗങ്ങളിലുണ്ടായ നഷ്ടങ്ങളുടെ തീവ്രത വർദ്ധിക്കുന്നതാണ് ഇത് കാണിക്കുന്നത്.

ഇവ രണ്ടും ചേർന്നാണ് 2025-26ലെ നെറ്റ് ഇൻകേർഡ് ക്ലെയിമുകളുടെ 95.3 ശതമാനം വരുന്നത് എന്ന് ഐആർഡിഎഐ കണക്കുകൾ വ്യക്തമാക്കുന്നു. മെഡിക്കൽ പണപ്പെരുപ്പം, വർദ്ധിച്ചുവരുന്ന ഹോസ്പിറ്റലൈസേഷൻ നിരക്കുകൾ, വിപുലമാകുന്ന കവറേജ് എന്നിവ കാരണം ഹെൽത്ത് ഇൻഷുറൻസ് ക്ലെയിമുകൾ ആകെ നെറ്റ് ഇൻകേർഡ് ക്ലെയിമുകളുടെ 55 ശതമാനം ആയി വളർന്നിരിക്കുന്നു. മോട്ടോർ ക്ലെയിമുകൾ 40.3 ശതമാനമായി വരും. 

ഈ രണ്ട് മേഖലകളിൽ മാത്രമായി ക്ലെയിമുകൾ കേന്ദ്രീകരിക്കുന്നത് നിരന്തരം പുനഃക്രമീകരിച്ചില്ലെങ്കിൽ റിസർവ്വ് അപര്യാപ്തതയ്ക്കും അണ്ടർറൈറ്റിംഗ് മാർജിനുകൾക്കും ദോഷകരമായി ബാധിച്ചേക്കാവുന്ന വലിയ നഷ്ടസാധ്യതകൾ സൃഷ്ടിക്കുന്നു.

അണ്ടർറൈറ്റിംഗ് നഷ്ടങ്ങൾ ഉയർന്ന നിലയിൽ

കഴിഞ്ഞ അഞ്ച് വർഷത്തെ കാലയളവിലുടനീളം പൊതുമേഖലാ ജനറൽ ഇൻഷുറൻസ് കമ്പനികളാണ് ഏറ്റവും വലിയ അണ്ടർറൈറ്റിംഗ് നഷ്ടം രേഖപ്പെടുത്തിയത്. ഇത് 2025-26ൽ 31,000 കോടി രൂപയായി വർദ്ധിച്ചു. ഇതിന് വിപരീതമായി സ്വകാര്യ ഇൻഷുറൻസ് കമ്പനികളുടെ നഷ്ടം 10,000 കോടി രൂപയായിരുന്നുവെന്ന് ഐആർഡിഎഐ കണക്കുകൾ വ്യക്തമാക്കുന്നു. 

Also Read: പാസ്‌പോർട്ട് പൗരത്വത്തിന് തെളിവല്ലെങ്കിൽ പിന്നെന്താണ്? ഇന്ത്യൻ നിയമങ്ങൾ പറയുന്നത് ഇങ്ങനെ

സ്വകാര്യ ഇൻഷുറൻസ് കമ്പനികളും അണ്ടർറൈറ്റിംഗ് നഷ്ടത്തിൽ തന്നെയാണ് തുടരുന്നത് എങ്കിലും പ്രതിവർഷം 7,000-10,000 കോടി രൂപ എന്ന വളരെ കുറഞ്ഞ നിരക്കിലാണിത്. സ്‌പെഷ്യലൈസ്ഡ് ഇൻഷുറൻസ് കമ്പനികൾ 2022-23 നും 2024-25 നും ഇടയിൽ 3,000-5,000 കോടി രൂപയുടെ അണ്ടർറൈറ്റിംഗ് ലാഭം രേഖപ്പെടുത്തിയെങ്കിലും 2025-26 ൽ ലാഭനഷ്ടങ്ങളില്ലാത്ത അവസ്ഥയിലായി. അതേസമയം സ്റ്റാൻഡ്‌എലോൺ ഹെൽത്ത് ഇൻഷുറൻസ് കമ്പനികൾ ഈ അഞ്ച് വർഷത്തെ കാലയളവിൽ 2,000-3,000 കോടി രൂപയുടെ താരതമ്യേന കുറഞ്ഞ അണ്ടർറൈറ്റിംഗ് നഷ്ടമാണ് പോസ്റ്റ് ചെയ്തത്.

ഇൻഷുറൻസ് ഭാഷയിൽ പറഞ്ഞാൽ, ഒരു നിശ്ചിത കാലയളവിൽ പ്രീമിയങ്ങളിൽ നിന്ന് നേടുന്നതിനേക്കാൾ കൂടുതൽ തുക ക്ലെയിമുകൾക്കായും അണ്ടർറൈറ്റിംഗുമായി ബന്ധപ്പെട്ട ചെലവുകൾക്കായും ഒരു ഇൻഷുറൻസ് കമ്പനി നൽകുമ്പോഴാണ് അണ്ടർറൈറ്റിംഗ് നഷ്ടം സംഭവിക്കുന്നത്. മറ്റൊരു വിധത്തിൽ പറഞ്ഞാൽ, പോളിസി ഉടമകളുടെ ക്ലെയിമുകൾ തീർപ്പാക്കുന്നതിനും ഏജന്റുമാർക്ക് കമ്മീഷൻ നൽകുന്നതിനും അഡ്മിനിസ്ട്രേറ്റീവ്, പ്രവർത്തന ചെലവുകൾ വഹിക്കുന്നതിനുമുള്ള ആകെ ചെലവ് പോളിസി ഉടമകളിൽ നിന്ന് ശേഖരിക്കുന്ന പ്രീമിയം വരുമാനത്തേക്കാൾ കൂടുതലാകുമ്പോൾ ഇൻഷുറൻസ് കമ്പനിയുടെ പ്രധാന ഇൻഷുറൻസ് പ്രവർത്തനങ്ങൾ ലാഭകരമല്ലാതായി മാറുന്നു.

എങ്കിലും ഒരു അണ്ടർറൈറ്റിംഗ് നഷ്ടം ഉണ്ടാകുന്നു എന്നതിനർത്ഥം ഇൻഷുറൻസ് കമ്പനി മൊത്തത്തിൽ നഷ്ടത്തിലാണ് പ്രവർത്തിക്കുന്നത് എന്നല്ല, കാരണം സ്റ്റോക്കുകളിലോ ബോണ്ടുകളിലോ മറ്റ് അസറ്റുകളിലോ പ്രീമിയം തുക നിക്ഷേപിക്കുന്നതിലൂടെ ലഭിക്കുന്ന നിക്ഷേപ വരുമാനം ഈ അണ്ടർറൈറ്റിംഗ് കമ്മി നികത്തിയേക്കാം.

Read More: ബാങ്ക് അക്കൗണ്ട് പരിശോധിക്കാറില്ല, പക്കൽ എത്ര പണമുണ്ടെന്ന് ധാരണയുമില്ല: ദിൽജിത് ദോസഞ്ജ്

മേടക്കൂറിന് (അശ്വതി, ഭരണി, കാർത്തിക ഒന്നാം പാദം)

നാലാംഭാവമായ കർക്കിടകം രാശിയിലാണ് ഉച്ചവ്യാഴം സഞ്ചരിക്കുന്നത്. സാമാന്യം അനുകൂലമായ കാലമാണ്. ചില പരിമിതികളുണ്ടാവുമെങ്കിലും. വ്യാഴം മൗഢ്യത്തിൽ/Combustion ൽ എത്തുകയാൽ ജൂലൈ 15 മുതൽ ആഗസ്റ്റ് 11 വരെ വ്യാഴം പ്രതികൂലഗതിയിലാവും. ഗുണം കിട്ടിയ കാര്യങ്ങളിൽ ഇനി ഗുണരാഹിത്യം അനുഭവപ്പെടും. നേട്ടങ്ങൾ കടലാസിൽ മാത്രമാവുന്ന സ്ഥിതിയുണ്ടാവാം. അനുഭവത്തിൽ വരില്ല, പലതും. 

ദേഹത്തിനും മനസ്സിനും സുഖക്കുറവ് അനുഭവപ്പെടുന്നതാണ്. മാതാപിതാക്കളുടെ കാര്യത്തിൽ കൂടുതൽ ശ്രദ്ധ വേണം. അവർക്ക് അനിഷ്‌ടങ്ങളായ കാര്യങ്ങൾ ചെയ്യരുത്. സുഹൃത്തുക്കളോടോ ബന്ധുക്കളോടോ പിണങ്ങേണ്ടതായ സാഹചര്യം സംജാതമാവും. തെറ്റിദ്ധാരണകൾ നീക്കാനുള്ള അവസരം ലഭിക്കുകയുമില്ല. സകാരണമായും അകാരണമായും ആത്മസംഘർഷം അനുഭവത്തിൽ വരും. വാഹനം ഉപയോഗിക്കുന്നവർ ഏറ്റവും കരുതൽ കൈക്കൊള്ളേണ്ടതാണ്. 

Also Read: ജൂലൈ മാസത്തെ സമ്പൂർണ നക്ഷത്രഫലം, അശ്വതി മുതൽ രേവതിവരെ

ഇടവക്കൂറിന് (കാർത്തിക 2, 3, 4 പാദങ്ങൾ, രോഹിണി, മകീര്യം 1, 2 പാദങ്ങൾ)

ഇടവക്കൂറുകാർക്ക് വ്യാഴം ഇപ്പോൾ അനുകൂല ഭാവത്തിലല്ല. മൂന്നിലാണ് വ്യാഴം സഞ്ചരിക്കുന്നത്. മൂന്നിലെ വ്യാഴം മുറവിളികൂട്ടും എന്നിങ്ങനെ ചൊല്ലുമുണ്ട്. വ്യാഴത്തിന് മൗഢ്യാവസ്ഥയും കൂടിയാവുമ്പോൾ ക്ലേശങ്ങൾ ദ്വിഗുണീഭവിക്കാം. ആവശ്യങ്ങൾ അനന്തമാവും. പോംവഴി തെളിയുകയുമില്ല. കടുംപിടിത്തങ്ങൾ ശത്രുക്കളെ സൃഷ്‌ടിക്കുന്നതാണ്. സഹോദരർക്കിടയിൽ ഒറ്റപ്പെടുന്നതായി തോന്നും. 

ക്രിയാത്മകത പരുങ്ങലിലാവുന്ന അനുഭവമുണ്ടാവും. കലാസാഹിത്യരംഗത്തുള്ളവർ അവസരങ്ങൾ ലഭിക്കാതെ വിഷമിച്ചേക്കാം. തുറന്നുപറച്ചിലുകളെ കുറ്റസമ്മതമായി വിലയിരുത്താൻ ഒപ്പമുള്ളവർ ശ്രമിക്കുന്നതാണ്. പണമെടപാടുകൾ ചെറുതോ വലുതോ ആയാലും ജാഗ്രത ആവശ്യമാണ്. കടം വീട്ടാനുള്ള ശ്രമം വൃഥാവിലാവും. ആരോഗ്യകാര്യത്തിൽ അലംഭാവം വരാനിടയുണ്ട്. അമിതമായ ആത്മവിശ്വാസം ഒഴിവാക്കപ്പെടണം.

Also Read: മിഥുന മാസത്തെ നക്ഷത്രഫലം, അശ്വതി മുതൽ രേവതിവരെ

മിഥുനക്കൂറിന് ( മകീര്യം 3,4 പാദങ്ങൾ, തിരുവാതിര, പുണർതം 1,2,3 പാദങ്ങൾ)

രണ്ടാം ഭാവത്തിൽ ഉച്ചനായ ഗുരു സഞ്ചരിക്കുന്നത് കാരണം മിഥുനക്കൂറുകാർക്ക് നല്ല ഫലങ്ങൾ ലഭിക്കുന്നതാണ്. എന്നാൽ വ്യാഴം മൗഢ്യാവസ്ഥയിലെത്തുമ്പോൾ ആ സ്ഥിതിക്ക് വ്യത്യാസം വരുന്നതാണ്. സദുദ്ദേശത്തോടെ പറഞ്ഞ വാക്കുകൾക്ക് ദുരുദ്ദേശം കല്പിക്കപ്പെടും. ശത്രുക്കൾ മറഞ്ഞു നിൽക്കും. മറ്റുള്ളവർ പരത്തുന്ന കിംവദന്തികളിൽ പെടരുത്. 

Also Read: രാഹുകാലം, കലണ്ടറിൽ കാണുന്ന സമയം ശരിയോ?

പണമെടപാടുകളിൽ കരുതൽ വേണം. വിദ്യാഭ്യാസത്തിൽ തടസ്സമോ ആലസ്യമോ ഉണ്ടായേക്കാം. പ്രതീക്ഷിച്ച കോഴ്സുകളിൽ അഡ്‌മിഷൻ വൈകാനിടയുണ്ട്. കുടുംബജീവിതത്തിൽ സ്വരക്കേടുകളുണ്ടാവും. വാഗ്ദാന ലംഘനങ്ങളാൽ അപഹസിക്കപ്പെടും. നവസംരംഭങ്ങൾ മെല്ലെയാവും. ക്ഷമ പരീക്ഷിക്കപ്പെടാം. ഭൂമി വാങ്ങുക, വിൽക്കുക ഇത്യാദികളിൽ കബളിപ്പിക്കപ്പെടാം. പതിവ് വൈദ്യപരിശോധനകൾ മുടക്കരുത്.

Read More: നക്ഷത്രങ്ങളിൽ തെളിയുന്ന സ്ത്രീ മനസ്സ്-അശ്വതി മുതൽ രേവതിവരെ

കേരളീയ ഭക്ഷണരീതികളിൽ നാടൻ വിഭവങ്ങൾക്ക് എന്നും ഒരു പ്രത്യേക സ്ഥാനമുണ്ട്. നമ്മുടെ തൊടിയിലും പറമ്പിലും സുലഭമായി ലഭിക്കുന്ന പല ഇലവർഗ്ഗങ്ങളും ആരോഗ്യഗുണങ്ങൾ ഏറെയുള്ളവയാണ്. അത്തരത്തിൽ വളരെ ലളിതവും എന്നാൽ അതീവ രുചികരവുമായ ഒന്നാണ് മത്തൻ ഇല കൊണ്ടുള്ള കറി. പലപ്പോഴും മത്തങ്ങ മാത്രം ഉപയോഗിച്ച് കറികൾ വെക്കാറുള്ളവർ മത്തൻ ഇലയെ പാടെ അവഗണിക്കാറാണ് പതിവ്. എന്നാൽ ഈ ഇലകൾ ഉപയോഗിച്ച് വളരെ പെട്ടെന്ന് തയ്യാറാക്കാവുന്ന ഒരു കറിയുണ്ടെങ്കിൽ ചോറുണ്ണാൻ മറ്റൊന്നും വേണ്ടിവരില്ല എന്നതാണ് സത്യം.

മത്തൻ ഇലകളിൽ വിറ്റാമിൻ എ, സി എന്നിവ ധാരാളമായി അടങ്ങിയിട്ടുണ്ട്. ഇത് കാഴ്ചശക്തി മെച്ചപ്പെടുത്താനും ശരീരത്തിന്റെ പ്രതിരോധശേഷി വർദ്ധിപ്പിക്കാനും സഹായിക്കുന്നു. ഹനപ്രക്രിയ സുഗമമാക്കാനും മലബന്ധം പോലുള്ള പ്രശ്നങ്ങൾ അകറ്റാനും ഇതിലെ ഉയർന്ന നാരുകൾ സഹായിക്കുന്നു. കുടലിന്റെ ആരോഗ്യത്തിന് ഇത് വളരെ മികച്ചതാണ്. ശരീരത്തിലെ ഫ്രീ റാഡിക്കലുകളെ ചെറുക്കാൻ സഹായിക്കുന്ന ആന്റിഓക്‌സിഡന്റുകൾ മത്തൻ ഇലകളിൽ അടങ്ങിയിട്ടുണ്ട്. ഇത് കോശങ്ങളുടെ നാശം തടയുകയും വാർദ്ധക്യത്തെ ചെറുക്കാൻ സഹായിക്കുകയും ചെയ്യുന്നു.

Also Read: പോഷകങ്ങളെല്ലാം ഒരു ഗ്ലാസിൽ, ഇത് കഴിക്കുന്നത് ശീലമാക്കൂ

പൊട്ടാസ്യം, മഗ്നീഷ്യം തുടങ്ങിയ ധാതുക്കൾ ഇതിൽ അടങ്ങിയിട്ടുള്ളതിനാൽ രക്തസമ്മർദ്ദം നിയന്ത്രണവിധേയമാക്കാൻ മത്തനില സഹായിക്കുന്നു. ഇതിലെ പോഷകങ്ങൾ ചർമ്മത്തിന്റെ തിളക്കം വർദ്ധിപ്പിക്കാനും ആരോഗ്യകരമായ ചർമ്മം നിലനിർത്താനും സഹായിക്കുന്നു. 

ചിക്കൻ, ബീഫ് തുടങ്ങിയ വിഭവങ്ങൾ പോലും പരാജയപ്പെടുന്ന അത്രയും സ്വാദാണ് ഇതിന്. അഞ്ച് മിനിറ്റ് കൊണ്ട് അടുക്കളയിൽ തയ്യാറാക്കാവുന്ന ഈ വിഭവം തിരക്കുള്ള ദിവസങ്ങളിൽ ഏറെ ഉപകാരപ്പെടും. പാരമ്പര്യമായി പൂർവ്വികർ ഉപയോഗിച്ചിരുന്ന ഇത്തരം നാടൻ ഭക്ഷണശീലങ്ങൾ ഇന്ന് പലരും മറന്നു തുടങ്ങിയിരിക്കുന്നു. നിമ്മി തന്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.

Also Read: ഊർജ്ജവും ഉന്മേഷവും വീണ്ടെടുക്കാം പ്രതിരോധശേഷി വർധിപ്പിക്കാം; ദിവസവും രാവിലെ ഇത് കുടിക്കൂ

ചേരുവകൾ

• മത്തൻ ഇല- 20
• കഞ്ഞിവെള്ളം- 2 കപ്പ്
• ഉപ്പ്- 1 ടീസ്പൂൺ
• പച്ചമുളക്- 3
• ചുവന്നുള്ളി- 4
• വെളിച്ചെണ്ണ- 1 ടേബിൾസ്പൂൺ

View this post on Instagram

A post shared by Nimmy (@wandoor_kitchen)

Also Read: ചെറുപയറിനേക്കാൾ ഇരട്ടി പ്രോട്ടീൻ! ചോറിനൊപ്പം കഴിക്കാൻ ഇതാ പോഷകസമൃദ്ധമായ തോരൻ

തയ്യാറാക്കുന്ന വിധം

• അടി കട്ടിയുള്ള ഒരു പാൻ അടുപ്പിൽ വച്ചു ചൂടാക്കാം. മൺചട്ടിയുണ്ടെങ്കിൽ അതാണ് ഉചിതം.
• അതിലേയ്ക്ക് വെളിച്ചെണ്ണ ഒഴിച്ച് നന്നായി ചൂടാക്കാം. ശേഷം ചുവന്നുള്ളി ചെറുതായി അരിഞ്ഞതു ചേർത്ത് വേവിക്കാം.ചുവന്നുള്ളിയുടെ നിറം മാറി വരുമ്പോൾ അതിലേയ്ക്ക് കഞ്ഞിവെള്ളം ഒഴിക്കാം.
• മൂന്ന് പച്ചമുളകും ഒരു ടീസ്പൂൺ ഉപ്പ് ചേർത്തു തിളപ്പിക്കാം.
• ഇതിലേയ്ക്ക് മത്തന്റെ ഇല തണ്ട് മാറ്റി കഷ്ണങ്ങളാക്കി ചേർക്കാം.
• ഇത് നന്നായി തിളച്ചതിനു ശേഷം അടുപ്പണയ്ക്കാം. ശേഷം ചൂട് ചോറിനൊപ്പം വിളമ്പി കഴിച്ചു നോക്കാം.

Read More: ആരോഗ്യവും രുചിയും ഒരുപോലെ; ബ്രേക്ക്ഫാസ്റ്റിന് ഇനി ഇത് ശീലമാക്കാം

Spain vs France World Cup Semi Final 2026: ലോക ചാമ്പ്യന്മാരാകുക എന്ന സ്വപ്നം നെഞ്ചിലേറ്റിക്കൊണ്ട് ഇപ്പോൾ നാല് ടീമുകൾ മാത്രമാണ് ടൂർണമെന്റിൽ അവശേഷിക്കുന്നത്. ടൂർണമെന്റ് തുടങ്ങുന്നതിന് മുൻപ് തന്നെ കിരീടസാധ്യത കൽപ്പിക്കപ്പെട്ടിരുന്ന രണ്ട് മുൻനിര ടീമുകളായിരുന്നു ഫ്രാൻസും സ്പെയ്നും. ഇവർ തമ്മിലുള്ള പോരാട്ടം ആരാധകർ ഏറെ ആകാംഷയോടെ കാത്തിരിക്കുന്ന ഒന്നാണ്. ഫുട്ബോൾ ലോകത്തെ ഏറ്റവും പ്രതിഭാധനരായ രണ്ട് യുവതാരങ്ങളായ കിലിയൻ എംബാപ്പെയും ലമീൻ യമാലും നേർക്കുനേർ വരുന്നു എന്നതുകൊണ്ട് തന്നെ ഡാളസിൽ ബുധനാഴ്ത നടക്കുന്ന ഈ പോരാട്ടം ഫുട്ബോൾ പ്രേമികൾക്ക് കാണാതെ വിടാനാവില്ല.

ലാ ലിഗയിലെ പ്രശസ്തമായ 'എൽ ക്ലാസിക്കോ' പോരാട്ടങ്ങളിൽ എംബാപ്പെയും യമാലും ഇതിന് മുൻപ് പലതവണ നേർക്കുനേർ വന്നിട്ടുണ്ട്. എന്നാൽ ഇത്തവണ വേദി വളരെ വലുതാണ്. കാരണം ഇതിൽ വിജയിക്കുന്നവർക്ക് ഏതൊരു ഫുട്ബോൾ കളിക്കാരന്റെയും സ്വപ്നമായ ലോകകപ്പ് ഫൈനലിൽ കളിക്കുക എന്ന നേട്ടം സ്വന്തമാക്കാം.

ആതിഥേയ രാജ്യങ്ങളായ കാനഡ, മെക്സിക്കോ, അമേരിക്ക എന്നിവരും പരമ്പരാഗത ശക്തികളായ ബ്രസീലും ജർമ്മനിയും ഉൾപ്പെടെ 44 ടീമുകൾ കഴിഞ്ഞ ഒരു മാസത്തിനിടെ ടൂർണമെന്റിൽ നിന്ന് പുറത്തായിക്കഴിഞ്ഞു. ഫ്രാൻസും സ്പെയ്നും ഇന്ന് ഏറ്റുമുട്ടുമ്പോൾ ഇവർ എങ്ങനെയാണ് ഇവിടെ വരെയെത്തിയത്?

ഫ്രാൻസ്-സ്പെയ്ൻ മത്സരത്തിൽ വിജയ സാധ്യത ആർക്ക്? 

ഞായറാഴ്ച വരെയുള്ള കണക്കുകൾ പ്രകാരം നിശ്ചിത സമയത്തിനുള്ളിൽ ഫ്രാൻസ് വിജയിക്കാനുള്ള സാധ്യതയാണ് ഒപ്റ്റാ സൂപ്പർകമ്പ്യൂട്ടർ പ്രവചിക്കുന്നത്. 42.1 ശതമാനമാണ് ഇത്. അതേസമയം സ്പെയിനിന്റെ വിജയസാധ്യത 31.8 ശതമാനവുമാണ്. മത്സരം എക്സ്ട്രാ ടൈമിലേക്ക് നീങ്ങാനുള്ള സാധ്യത 26.1 ശതമാനമാണെന്നും ഈ മോഡൽ വിലയിരുത്തുന്നു.

Also Read: ഇനി ഞാൻ നോക്കിക്കോളം; ക്രിസ്റ്റ്യാനോയ്ക്കുവേണ്ടി കണക്കു ചോദിക്കാൻ എംബാപ്പെ; വീഡിയോ

ഫ്രാൻസിന്റെ വഴി

സെമി ഫൈനൽ വരെയുള്ള ഫ്രാൻസിന്റെ മുന്നേറ്റം താരതമ്യേന തടസ്സങ്ങളില്ലാത്തതായിരുന്നു. കളിച്ച ആറ് മത്സരങ്ങളും വിജയിച്ച അവർ 16 ഗോളുകൾ സ്കോർ ചെയ്തു. കിലിയൻ എംബാപ്പെ, ഒസ്മാൻ ഡെംബെലെ, മൈക്കൽ ഒലീസ് എന്നിവരുടെ ആക്രമണ ഫുട്ബോളിലൂടെ എതിരാളികളെ ഫ്രാൻസ് തകർത്തുവിട്ടു. ഗ്രൂപ്പ് ഘട്ടത്തിൽ സെനഗൽ (3-1), ഇറാഖ് (3-0), നോർവേ (4-1) എന്നീ ടീമുകളെ അവർ സുഖമായി പരാജയപ്പെടുത്തി. അതിനുശേഷം റൗണ്ട് ഓഫ് 32ൽ സ്വീഡനെ 3-0 ന് പുറത്താക്കി.

റൗണ്ട് ഓഫ് 16ൽ പരാഗ്വെ തങ്ങളുടെ ശാരീരികമായ കളിശൈലിയിലൂടെ ഫ്രാൻസിനെ ചെറുത്തുതോൽപ്പിക്കാൻ ശ്രമിച്ചെങ്കിലും ഫലിച്ചില്ല.മൊറോക്കോയുമായുള്ള ക്വാർട്ടർ ഫൈനൽ കൂടുതൽ കടുത്തതായിരിക്കുമെന്ന് പ്രതീക്ഷിച്ചിരുന്നെങ്കിലും ആദ്യ പകുതിയിൽ എംബാപ്പെയുടെ പെനാൽറ്റി കിക്ക് മൊറോക്കൻ ഗോൾകീപ്പർ തടുത്തിട്ടിട്ടും ഫ്രാൻസ് അവരെ എളുപ്പത്തിൽ മറികടന്നു. രണ്ടാം പകുതിയിൽ മികച്ചൊരു സോളോ ഗോളിലൂടെ പിഴവ് തീർത്ത എംബാപ്പെ, പിന്നീട് ഡെംബെലെയുടെ ഗോളിന് അസിസ്റ്റ് ചെയ്യുകയും ചെയ്‌തതോടെ ഫ്രാൻസ് 2-0 ന് വിജയം സ്വന്തമാക്കി.

ഇതുവരെയുള്ള ഫ്രാൻസിന്റെ മികച്ച താരം: 

കിലിയൻ എംബാപ്പെ- 8 ഗോളുകൾ, 3 അസിസ്റ്റുകൾ. 5 ഗോളുകളും 2 അസിസ്റ്റുകളുമുള്ള ഡെംബെലെയെക്കാളും 5 അസിസ്റ്റുകളുള്ള ഒലീസിനേക്കാളും നേരിയ മുൻതൂക്കം എംബാപ്പെക്കുണ്ട്. റയൽ മാഡ്രിഡ് സ്‌ട്രൈക്കർ ഈ ടൂർണമെന്റിലുടനീളം മികച്ച പ്രകടനമാണ് കാഴ്ചവെച്ചത്. 

എംബാപ്പെയുടെ ആകെ ലോകകപ്പ് റെക്കോർഡ്

20 മത്സരങ്ങളിൽ നിന്ന് 20 ഗോളുകൾ. ഈ നേട്ടത്തിൽ ലയണൽ മെസി മാത്രമാണ് എംബാപ്പെയ്ക്ക് മുന്നിലുള്ളത്. മൊറോക്കോയ്‌ക്കെതിരായ ക്വാർട്ടർ ഫൈനൽ വ്യക്തമാക്കിയതുപോലെ എട്ട് വർഷം മുമ്പ് നേടിയതിന് ശേഷം തന്റെ രണ്ടാമത്തെയും ഫ്രാൻസിന്റെ മൂന്നാമത്തെയും ലോകകപ്പ് കിരീടത്തിനായുള്ള 'ലെസ് ബ്ലൂസിന്റെ' കുതിപ്പിനെ നയിക്കുന്ന പ്രധാന ശക്തി വീണ്ടും എംബാപ്പെ തന്നെയാണ്.

Also Read: " എന്നോട് മര്യാദയ്ക്ക് സംസാരിക്കണം!": പോർച്ചുഗീസ് റഫറിയോട് ക്ഷുഭിതനായി ലയണൽ മെസി; കാരണം

ഇതുവരെയുള്ള ഫ്രാൻസിന്റെ കളിയിലെ മികച്ച നിമിഷം 

ടൂർണമെന്റിൽ ഫ്രാൻസിന് മുന്നേറ്റം താരതമ്യേന എളുപ്പമായതിനാൽ ഒരു കടുത്ത പ്രതിസന്ധി ഘട്ടത്തിൽ നിന്ന് ടീമിനെ രക്ഷിച്ച വലിയൊരു നിമിഷം ഫ്രാൻസിന് ഉണ്ടായിട്ടില്ല. എങ്കിലും 2026 ഫിഫ ലോകകപ്പിൽ ഫ്രാൻസ് മനോഹരമായ ചില നിമിഷങ്ങൾ സമ്മാനിച്ചിട്ടുണ്ട്. സ്വീഡനെതിരെയുള്ള വിജയത്തിൽ എംബാപ്പെ നേടിയ ഗോളുകൾ അതിന് ഉദാഹരണമാണ്.

ഇത് എംബാപ്പെയുടെ ഗോൾ നേടാനുള്ള കഴിവിനെ മാത്രമല്ല, ഒലീസ്, ഡെംബെലെ എന്നിവരുമായുള്ള അദ്ദേഹത്തിന്റെ ഒത്തിണക്കത്തെയും കാണിച്ചുതരുന്നു. എന്നാൽ ഒരുപക്ഷേ ഏറ്റവും വലിയ ആശ്വാസം നൽകിയ നിമിഷം മൊറോക്കോയ്‌ക്കെതിരായ മത്സരത്തിലെ ആദ്യ ഗോളായിരുന്നു. ദിദിയർ ദെഷാംപ്സിന്റെ ടീം മത്സരത്തിൽ പൂർണ്ണ നിയന്ത്രണം പുലർത്തിയിരുന്നെങ്കിലും 60-ാം മിനിറ്റിൽ എംബാപ്പെ നേടിയ ആ മികച്ച ഗോൾ ടീമിന്റെ ആധിപത്യത്തിന് അർഹിച്ച ഫലം ഉറപ്പാക്കി.

സ്പെയിൻ സെമി വരെയെത്തിയത് എങ്ങനെ?

സ്പെയിൻ അവരുടെ പൂർണ്ണ ഫോമിലേക്ക്  ഉയർന്നിട്ടില്ലെങ്കിലും ഈ യൂറോപ്യൻ ചാമ്പ്യന്മാർ എപ്പോഴെങ്കിലും അപകടത്തിലാണെന്ന തോന്നൽ ഒരിക്കലും ഉണ്ടാക്കിയിട്ടില്ല. തങ്ങളുടെ ആദ്യ മത്സരത്തിൽ കേപ്പ് വെർഡെയോട് അപ്രതീക്ഷിതമായി ഗോൾരഹിത സമനിലയിൽ പിരിഞ്ഞിട്ടും സൗദി അറേബ്യ (4-0), യുറുഗ്വേ (1-0) എന്നിവർക്കെതിരായ വിജയങ്ങളോടെ സ്പെയിൻ ഗ്രൂപ്പ് എച്ചിൽ നിന്ന് എളുപ്പത്തിൽ യോഗ്യത നേടുകയും തുടർന്ന് ഓസ്ട്രിയയെ 3-0 ന് തകർക്കുകയും ചെയ്തു.

റൗണ്ട് ഓഫ് 16ൽ പോർച്ചുഗലിനെതിരെ വിജയത്തിനായി അവർക്ക് കഠിനാധ്വാനം ചെയ്യേണ്ടി വന്നു. എന്നാൽ 90-ാം മിനിറ്റിൽ മിക്കൽ മെറിനോ നേടിയ ഗോൾ അവർക്ക് 1-0 ന്റെ വിജയം സമ്മാനിച്ചു. ക്വാർട്ടർ ഫൈനലിലും പകരക്കാരനായി ഇറങ്ങിയ മെറിനോ തന്നെയായിരുന്നു താരം. ഇത്തവണ 88-ാം മിനിറ്റിൽ ഗോൾ നേടിക്കൊണ്ട് ബെൽജിയത്തെ 2-1 ന് പരാജയപ്പെടുത്താൻ മെറിനോ സഹായിച്ചു. 

പതുക്കെയുള്ള മുന്നേറ്റം റോഡ്രി, ലമീൻ യമാൽ എന്നിവരെപ്പോലെ ഫിറ്റ്‌നസ് സംശയത്തിലായിരുന്ന കളിക്കാർക്ക് മത്സരത്തിന്റെ താളം വീണ്ടെടുക്കാൻ സമയം നൽകി. ഒപ്പം ഈ ടൂർണമെന്റിലെ ഏറ്റവും മികച്ച പ്രതിരോധ നിര കാര്യങ്ങൾ നാടകീയതകളൊന്നുമില്ലാതെ തിളങ്ങി. 

ഇതുവരെയുള്ള സ്പെയ്നിന്റെ മികച്ച താരം 

മിക്കൽ മെറിനോ ഈ ടൂർണമെന്റിൽ ആകെ 136 മിനിറ്റ് മാത്രമായിരിക്കാം കളിച്ചത്. എന്നാൽ സ്പെയിനായി ഇതിനേക്കാൾ വലിയ നിമിഷങ്ങൾ മറ്റാരും സമ്മാനിച്ചിട്ടില്ല. ആഴ്സണൽ മിഡ്‌ഫീൽഡറായ മെറിനോ റൗണ്ട് ഓഫ് 16ലും ക്വാർട്ടർ ഫൈനലിലും സഹതാരങ്ങൾ ഗോൾ നേടാൻ ബുദ്ധിമുട്ടിയ സമയത്താണ് വിജയഗോളുകൾ അടിച്ചുകൂട്ടിയത്. 

മിക്കൽ ഒയാർസബാലും മികച്ച പ്രകടനം നടത്തി 4 ഗോളുകൾ നേടിയിട്ടുണ്ടെങ്കിലും കഴിഞ്ഞ രണ്ട് മത്സരങ്ങളിൽ അദ്ദേഹത്തിന് ഗോൾ നേടാനായിട്ടില്ല. അതേസമയം, ഹാംസ്ട്രിങ് പരിക്കിന് ശേഷം കൗമാര വിസ്മയം യമാൽ തന്റെ പൂർണ്ണ ഫോമിലേക്ക് തിരിച്ചെത്തുന്നതിനായി സ്പെയിൻ കാത്തിരിക്കുമ്പോൾ റോഡ്രി കളിയിൽ കൂടുതൽ മെച്ചപ്പെടുന്നുണ്ട്.

Also Read: മെസിയുടെ നിഴലല്ല, വഴിവിളക്ക്! 2,500 പേരുള്ള കൊച്ചുഗ്രാമത്തിലെ 'ചിലന്തി'; അർജന്റീനയെ വീണ്ടും രക്ഷിച്ച അൽവാരസിന്റെ കഥ

സ്പെയ്നിന്റെ ഇതുവരെയുള്ള മികച്ച നിമിഷം

സ്പെയിനെ രക്ഷിക്കുന്നതിൽ മെറിനോയ്ക്ക് ഒരു പ്രത്യേക കഴിവ തന്നെയുണ്ട്. കഴിഞ്ഞ  യൂറോപ്യൻ ചാമ്പ്യൻഷിപ്പിന്റെ ക്വാർട്ടർ ഫൈനലിൽ ജർമ്മനിക്കെതിരെ മെറിനോ വിജയഗോൾ നേടിയിരുന്നു. ഇപ്പോൾ പോർച്ചുഗലിനെതിരെ വീണ്ടും പകരക്കാരുടെ ബെഞ്ചിൽ നിന്ന് വന്ന് മെറിനോ കളി മാറ്റിമറിച്ചു. എക്സ്ട്രാ ടൈമിലേക്ക് നീങ്ങാനിരുന്ന മത്സരത്തിൽ മെറിനോ നേടിയ ആ ഗോൾ സ്പെയിന്റെ ഇതുവരെയുള്ള ഏറ്റവും വലിയ നിമിഷമായിരുന്നു. 

ലോകകപ്പിൽ ഫ്രാൻസും സ്പെയ്നും ഏറ്റുമുട്ടിയപ്പോൾ

ഫിഫ ലോകകപ്പിൽ ഫ്രാൻസും സ്പെയിനും ഇതുവരെ ഒരൊറ്റ തവണ മാത്രമാണ് നേർക്കുനേർ വന്നിട്ടുള്ളത്. അത് 2006ലെ ലോകകപ്പിലായിരുന്നു. അന്ന് ഫ്രാങ്ക് റിബറി, പാട്രിക് വിയേര, ഇതിഹാസ താരം സിനദിൻ സിദാൻ എന്നിവർ നേടിയ ഗോളുകളുടെ കരുത്തിൽ റൗണ്ട് ഓഫ് 16 മത്സരത്തിൽ ഫ്രാൻസ് ഒന്നിനെതിരെ മൂന്ന് ഗോളുകൾക്ക് (3-1) സ്പെയിനെ പരാജയപ്പെടുത്തി.

സ്പെയിൻ-ഫ്രാൻസ് സെമി ഫൈനൽ എവിടെ വെച്ചാണ് നടക്കുക? 

ഈ ടൂർണമെന്റിൽ 70,649 പേരെ ഉൾക്കൊള്ളാൻ ശേഷിയുള്ള ടെക്സസിലെ ആർലിംഗ്ടണിലുള്ള ഡാളസ് സ്റ്റേഡിയത്തിലാണ് ഒന്നാം സെമിഫൈനൽ അരങ്ങേറുക. 16 നഗരങ്ങളിലായി നടക്കുന്ന ഈ വർഷത്തെ ലോകകപ്പിൽ, ഈ വേദിയിൽ നടക്കുന്ന ഒമ്പത് മത്സരങ്ങളിൽ.

സ്പെയിൻ-ഫ്രാൻസ് സെമി ഫൈനൽ മത്സരത്തിന്റെ ഇന്ത്യൻ സമയം?

സ്പെയ്ൻ-ഫ്രാൻസ് ലോകകപ്പ് സെമി ഫൈനൽ മത്സരം ഇന്ത്യൻ സമയം ബുധനാഴ്ച അർദ്ധരാത്രി 12.30ന് ആരംഭിക്കും. 

സ്പെയിന്-ഫ്രാൻസ് സെമി ഫൈനൽ മത്സരം ഇന്ത്യയിൽ ഏത് ടെലിവിഷൻ ചാനലിൽ ലൈവായി കാണാം? 

സെമിഫൈനൽ മത്സരം ഡിഡി സ്പോർട്സിൽ സൗജന്യമായി  ലഭ്യമാകും. അതിനാൽ ഡിഡി ഫ്രീ ഡിഷ് വഴിയും പ്രമുഖ ഡിടിഎച്ച് ഓപ്പറേറ്റർമാർ വഴിയും ഇത് കാണാൻ സാധിക്കും. യുനൈറ്റ് 8 സ്പോർട്സും ഈ മത്സരം ടെലിവിഷനിൽ തത്സമയം സംപ്രേഷണം ചെയ്യും.

സ്പെയിന്-ഫ്രാൻസ് സെമി ഫൈനൽ മത്സരത്തിന്റെ ഇന്ത്യയിലെ ലൈവ് സ്ട്രീം എവിടെ? 

ഇന്ത്യയിലെ ഫിഫ ലോകകപ്പ് 2026ന്റെ ഔദ്യോഗിക ഡിജിറ്റൽ അവകാശങ്ങളുള്ള സീ5 ആപ്പിലൂടെ ആരാധകർക്ക് മത്സരം തത്സമയം സ്ട്രീം ചെയ്യാൻ സാധിക്കും. തത്സമയ മത്സരങ്ങൾ കാണുന്നതിനായി പ്രത്യേകം ഫിഫ ലോകകപ്പ് സബ്‌സ്‌ക്രിപ്ഷൻ പാക്ക് എടുക്കേണ്ടതുണ്ട്.

ഫ്രാൻസ് വേഴ്സസ് സ്പെയിൻ: അവസാന 5 മത്സരങ്ങൾ

• സ്പെയിൻ 5-4 ഫ്രാൻസ് (യുഇഎഫ്എ നേഷൻസ് ലീഗ് 2025 സെമിഫൈനൽ)

• സ്പെയിൻ 2-1 ഫ്രാൻസ് (യുഇഎഫ്എ യൂറോ 2024 സെമിഫൈനൽ)

• സ്പെയിൻ 1-2 ഫ്രാൻസ് (യുഇഎഫ്എ നേഷൻസ് ലീഗ് 2021 ഫൈനൽ)

• ഫ്രാൻസ് 0-2 സ്പെയിൻ (അന്താരാഷ്ട്ര സൗഹൃദ മത്സരം, 2017)

• ഫ്രാൻസ് 1-0 സ്പെയിൻ (അന്താരാഷ്ട്ര സൗഹൃദ മത്സരം, 2014)

Read More: ഫിഫ ലോകകപ്പ് 2026: ഫൈനൽ ടിക്കറ്റിനായുള്ള പോരാട്ടം; സെമി ഫൈനൽ ഷെഡ്യൂളും ഇന്ത്യൻ സമയവും

പ്രമേഹ ചികിത്സാ രംഗത്ത് ആഴ്ചയിലൊരിക്കൽ മാത്രം എടുക്കേണ്ട ഇൻസുലിൻ വലിയൊരു മുന്നേറ്റമാണ്. എന്നാൽ ഇത് എല്ലാവർക്കും ഒരുപോലെ അനുയോജ്യമാണോ? അടുത്തിടെ ഡാനിഷ് മരുന്ന് നിർമ്മാതാക്കളായ നോവോ നോർഡിസ്ക് അവരുടെ പ്രതിവാര ബേസൽ ഇൻസുലിൻ കുത്തിവയ്പ് ആയ 'അവിക്ലി' ഇന്ത്യയിൽ അവതരിപ്പിച്ച പശ്ചാത്തലത്തിൽ, വിദഗ്ധരോട് ഞങ്ങൾ ചോദിച്ച ചോദ്യമിതാണ്.

ദിവസേനയുള്ള ഇൻസുലിൻ ഡോസുകളോട് ആഴ്ചയിലൊരിക്കൽ എടുക്കുന്ന ഇൻസുലിൻ എങ്ങനെ മത്സരിക്കുന്നു?

''പ്രമേഹബാധിതരായ ടൈപ്പ് 2 രോഗികളെ സംബന്ധിച്ച് ആഴ്ചയിലൊരിക്കൽ മാത്രം എടുക്കേണ്ട ബേസൽ ഇൻസുലിന്റെ വരവ് ചികിത്സാ രംഗത്തെ ഏറ്റവും വലിയ നാഴികക്കല്ലുകളിൽ ഒന്നാണ്. ഇത് വർഷത്തിൽ 365 കുത്തിവെയ്പ്പുകൾ എന്നതിൽ നിന്ന് വെറും 52 ആയി കുറയ്ക്കുക മാത്രമല്ല ചെയ്യുന്നത്. പകരം, ചികിത്സ കൂടുതൽ ലളിതവും ഭയരഹിതവുമാക്കാനും ദീർഘകാലത്തേക്ക് ഇത് കൃത്യമായി പിന്തുടരാനും രോഗികളെ സഹായിക്കുന്നു,'' സാൻഡ്ര ഹെൽത്ത് കെയറിലെ ഡോ.രാജീവ് കോവിൽ പറഞ്ഞു.

Also Read: വൈകിട്ട് ഒരു നേരം മാത്രം ഭക്ഷണം; പകലിൽ പഴങ്ങളും കരിക്കിൻ വെള്ളവും; 41 കാരനായ ജയ്‌യുടെ ഭക്ഷണ ശീലം

''സൗകര്യമാണ് ഇതിന്റെ ഏറ്റവും വലിയ പ്രത്യേകത. 'ദിവസവും കുത്തിവെയ്പ്പ് എടുക്കാൻ ഓർമ്മിച്ചുവെക്കുന്നതിന് പകരം, ആഴ്ചയിൽ ഒരിക്കൽ മാത്രം എടുത്താൽ മതിയാകും. ഇൻസുലിൻ എടുക്കാൻ മറന്നുപോകുന്നവർക്ക് ഇത് ഏറെ സഹായകരമാകും,'' താനെ കിംസ് ഹോസ്പിറ്റലിലെ ഡയബറ്റോളജി വിഭാഗം മേധാവി ഡോ.വിജയ് നെഗലൂർ വ്യക്തമാക്കി.

നോവോ നോർഡിസ്ക് നടത്തിയ ആഗോള ഓൺവേർഡ്സ് ക്ലിനിക്കൽ പരീക്ഷണങ്ങളിൽ (ടൈപ്പ് 1, ടൈപ്പ് 2 പ്രമേഹമുള്ള നാലായിരത്തിലധികം മുതിർന്നവരിൽ നടത്തിയ പരീക്ഷണങ്ങൾ) ആഴ്ചയിലൊരിക്കൽ എടുക്കുന്ന ഇൻസുലിൻ ഐകോഡെക് (അവിക്ലി), ദിവസേനയുള്ള ഇൻസുലിന് സമാനമായതോ അല്ലെങ്കിൽ ചില ഘട്ടങ്ങളിൽ അതിനേക്കാൾ മികച്ചതോ ആയ രീതിയിൽ എച്ച്ബിഎ1സി അളവ് കുറയ്ക്കുന്നതായി കണ്ടെത്തിയിട്ടുണ്ട്. സുരക്ഷിതത്വത്തിന്റെ കാര്യത്തിലും ഇത് ഒട്ടും പിന്നിലല്ല. അതായത്, രോഗികൾക്ക് തങ്ങളുടെ സൗകര്യത്തിനായി പ്രമേഹ നിയന്ത്രണത്തിൽ വിട്ടുവീഴ്ച ചെയ്യേണ്ടി വരുന്നില്ലെന്ന് ഡോ.കോവിൽ വിശദീകരിച്ചു.

എന്നാൽ സൗകര്യം എന്നത് ഒരു വശം മാത്രമാണ്. രക്തത്തിലെ പഞ്ചസാരയുടെ അളവ് കൃത്യമായി നിലനിർത്തുക എന്നതാണ് ഇൻസുലിൻ ചികിത്സയുടെ പ്രധാന ലക്ഷ്യം. രോഗിയുടെ രക്തത്തിലെ പഞ്ചസാരയുടെ അളവ്, കഴിക്കുന്ന ഭക്ഷണം, ശാരീരിക അധ്വാനം, അല്ലെങ്കിൽ രോഗാവസ്ഥ എന്നിവയ്ക്ക് അനുസൃതമായി ഇടയ്ക്കിടെ ഡോസ് ക്രമീകരിക്കേണ്ടി വരുന്ന ചില രോഗികൾക്ക് ദിവസേനയുള്ള ഇൻസുലിനാണ് കൂടുതൽ അനുയോജ്യമെന്ന് ഡോ.നെഗലൂർ ചൂണ്ടിക്കാട്ടി.

Also Read: പ്രോട്ടീൻ പൗഡർ വാങ്ങി പണം കളയുന്നതിന് മുൻപ് ഈ 5 കാര്യങ്ങൾ നിർബന്ധമായും അറിഞ്ഞിരിക്കുക!

പല ടൈപ്പ് 2 പ്രമേഹ രോഗികളും ദിവസേനയുള്ള കുത്തിവയ്പുകളോടുള്ള ഭയം കാരണമാണ് ഇൻസുലിൻ ചികിത്സ വൈകിപ്പിക്കുന്നത്. ചികിത്സാ രീതികൾ ലളിതമാക്കുമ്പോൾ അത് കൂടുതൽ ആളുകൾ സ്വീകരിക്കുകയും കൃത്യമായി പിന്തുടരുകയും ചെയ്യും. ഇത് ദീർഘകാലാടിസ്ഥാനത്തിൽ മികച്ച ഫലം നൽകുമെന്ന് ഡോ.കോവിൽ അഭിപ്രായപ്പെട്ടു.

ആഴ്ചയിലൊരിക്കൽ എടുക്കുന്ന ഇൻസുലിൻ സാവധാനത്തിൽ ശരീരത്തിൽ പ്രവർത്തിക്കാൻ രൂപകൽപ്പന ചെയ്തിട്ടുള്ളതാണ്. പ്രായം, വൃക്കകളുടെ പ്രവർത്തനം, രക്തത്തിലെ പഞ്ചസാര അമിതമായി കുറയാനുള്ള സാധ്യത, ഉപയോഗിക്കുന്ന മറ്റ് മരുന്നുകൾ, പ്രമേഹത്തിന്റെ തീവ്രത എന്നിവയെല്ലാം വിലയിരുത്തിയ ശേഷമേ ഡോക്ടർമാർ ഏത് ഇൻസുലിൻ വേണമെന്ന് തീരുമാനിക്കുകയുള്ളൂവെന്ന് ഡോ.നെഗലൂർ ഓർമ്മിപ്പിച്ചു. നിലവിൽ ദിവസേന ബേസൽ ഇൻസുലിൻ എടുക്കുന്ന അനുയോജ്യരായ രോഗികൾക്ക്, കൃത്യമായ വൈദ്യപരിശോധനയോടെ പ്രതിവാര ഇൻസുലിനിലേക്ക് മാറാവുന്നതാണ്. ഇതിന് അധികച്ചെലവുകൾ ഒന്നും തന്നെ ഉണ്ടാകില്ലെന്നതും ശ്രദ്ധേയമാണ്.

Also Read: ദിവസവും മാമ്പഴം കഴിച്ചാൽ ശരീരഭാരം കൂടുമോ?

''എന്നാൽ ഓർക്കേണ്ട പ്രധാന കാര്യം, ആഴ്ചയിലൊരിക്കൽ എടുക്കുന്ന ഇൻസുലിൻ ഒരിക്കലും ആരോഗ്യകരമായ ശീലങ്ങൾക്ക് പകരമാകില്ല എന്നതാണ്. കൃത്യമായ വ്യായാമം, സമീകൃതാഹാരം, ശരീരഭാരം നിയന്ത്രിക്കൽ, രക്തത്തിലെ പഞ്ചസാരയുടെ അളവ് പരിശോധിക്കൽ എന്നിവ ഇപ്പോഴും അത്യാവശ്യമാണ്. അതുകൊണ്ട് തന്നെ, എല്ലാവർക്കും അനുയോജ്യമായ ഒറ്റയൊരു വഴിയല്ല ഇതിലുള്ളത്. രോഗിയുടെ ജീവിതശൈലിയും ശരീരപ്രകൃതിയും മനസിലാക്കി ഡോക്ടറുമായി സംസാരിച്ച് വേണം ശരിയായ ഇൻസുലിൻ രീതി തിരഞ്ഞെടുക്കാൻ," ഡോ.നെഗലൂർ പറഞ്ഞു.

DISCLAIMER: മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: ഒരു മാസം രാത്രി മുഴുവൻ കുതിർത്ത ഓട്സ് പ്രഭാതഭക്ഷണമായി കഴിച്ചാൽ എന്ത് സംഭവിക്കും?