Rolf Hammer

Rolf Hammer gjekk på Kunstskolen i Trondheim mellom 1976 og 1979, under den norske målaren John Anton Risan og den svenske målaren Georg Suttner. Etterpå drog han til Oslo, der han var elev av målaren Ludvig Eikaas ved Statens Kunstakademi (1979–1980).

Hammer døydde berre 22 år gammal, men let etter seg ein stor produksjon av arbeid frå periodar prega av forskjellige uttrykksformer. Dei tidlegaste bilda hans var figurative; her viste Hammer blant anna at han var ein habil aktteiknar og portrettmålar.

Då han var elev av Risan og Suttner i Trondheim, konsentrerte han seg om det abstrakte formspråket, med sidestilte bildeelement, stort sett haldne i strenge gråtonar, men seinare òg i ein lysare og varmare fargeskala. Det siste intense arbeidsåret på kunstakademiet i Oslo måla han meir figurativt igjen, ofte med eit ekspressivt uttrykk og med enkelte innslag av surrealisme.

• Høstutstillingen, Oslo, 1979
• sommarutstilling, Trondheim Kunstforening, 1979 (kollektivutstilling)
• minneutstilling, Galleri Horneman, Trondheim, 1980 (separatutstilling)

• bildekunst

• Glenny Alfsen, «Rolf Hammer» i Norsk kunstnerleksikon, bind 2 (1983), Universitetsforlaget