Joan Allen

Joan Allen
L'actriz estausunidense Joan Allen, en una imachen de l'anyo 2000 mientres o Festival Internacional de Cine de Toronto.
Información personal
Calendata naiximiento:	20 d'agosto de 1956
Puesto naiximiento:	Rochelle (Illinois, Estaus Unius)
Ocupación:	Actriz
Alma Máter	Universidat de l'Este d'illinois Universidat d'o Norte d'Illinois
Pai	James Jefferson Allen
Mai	Dorothea Marie Wirth
Conchuche:	Peter Friedman ​(1990-2002, esvurcio)
Fillos:	1
Premios Oscar
Premio Oscar a la Millor Actriz: -2001: Nominada por The Contender Premio Oscar a la Millor Actriz Segundaria: -1996: Nominada por Nixon -1997: Nominada por The Crucible
Globos d'Oro
Premio Globo d'Oro a la Millor Actriz Segundaria: -1997: Nominada por The Crucible Premio Globo d'Oro a la Millor Actriz Dramatica: -2001: Nominada por The Contender Premio Globo d'Oro a la Millor Actriz en Miniserie de Televisión u Telefilm: -2010: Nominada por Georgia O'Keeffe
Premios BAFTA
Premio BAFTA a la Millor Actriz Segundaria: -1996: Nominada por Nixon

Joan Allen, naixida de Rochelle (Illinois, Estaus Unius) o 20 d'agosto de 1956, ye una actriz estausunidense, activa en o cine estausunidense dende meyaus d'os anyos 1970 y con cuantos premios y nominacions recibius mientres a suya carrera interpretativa.

D'entre la suya filmografía como actriz, pueden mencionar-se bellas cintas a on i ha treballau, como Peggy Sue Got Married (1986, Francis Ford Coppola), Ethan Frome (1993, John Madden), Nixon (1995, Oliver Stone), Face/Off (1997, John Woo), The Contender (2000, Rod Lurie), The Bourne Supremacy (2004, Paul Greengrass), The Bourne Ultimatum (2007, Paul Greengrass), u A Good Marriage (2014, Peter Askin).

Premios

Premios Oscar

En l'anyo 1996, mientres a 68^ena edición d'os Premios Oscar, Joan Allen fue nominada a lo Premio Oscar a la Millor Actriz Segundaria por o suyo papel de "Pat Nixon" en a cinta Nixon, dirichida por Oliver Stone. Tornó a estar nominada a ista mesma categoría d'os Oscar a l'anyo siguient, 1997, en a 69^ena edición por a suya interpretación d'"Elizabeth Proctor" en a cinta The Crucible, con dirección de Nicholas Hytner.

D'atra man, en 2001, mientres a 73^ena edición d'os Premios Oscar, tamién recibió una atra nominación, ista vegada a lo Premio Oscar a la Millor Actriz, por a suya actuación como "Laine Hanson" en a cinta The Contender, que heba dirichiu Rod Lurie.

Premios BAFTA

En 1996 tornó a recibir una atra nominación por o suyo papel en Nixon, ista vegada a lo Premio BAFTA a la Millor Actriz Segundaria, mientres a 49^ena edición d'os Premios BAFTA

Premios Globos d'Oro

En 1997, en a 54^ena edición d'os Premios Globos d'Oro, fue nominada a lo Premio Globo d'Oro a la Millor Actriz Segundaria por a cinta The Crucible, que heba dirichiu Nicholas Hytner.

En 2001, en a 58^ena edición d'istos premios, tornó a recibir una atra nominación, ista vegada en a categoría d'o Premio Globo d'Oro a la Millor Actriz Dramatica, por a cinta The Contender, con dirección de Rod Lurie.

Encara recibió una tercera nominación a los Globos d'Oro l'anyo 2010, en a suya 67^ena edición, en a categoría de Millor Actriz en Miniserie de Televisión u Telefilm, por o telefilm biografico Georgia O'Keeffe dirichiu por Bob Balaban y a on interpretaba a "Georgia O'Keeffe".

Filmografía

Cintas

Anyo	Títol d'a cinta	Director	Banda sonora	Elenco	Atros
[[]]	[[]]	[[]]	[[]]	[[]]

Series de televisión

Serie	Anyo	Episodio	Director	Elenco	Atros
[[]]	[[]]	[[]]	[[]]	[[]]

Se veiga tamién

• Cintas interpretadas por Joan Allen.

Vinclos externos

• Se veigan as imáchens de Commons sobre Joan Allen.
• (en) Joan Allen en Internet Movie Database.
• (en) Joan Allen en Internet Broadway Database.

• Datos: Q229305
• Multimedia: Joan Allen / Q229305