Hər kəsin redaktə edə biləcəyi azad ensiklopediya olan

Vikipediyaya xoş gəlmisiniz!

Hal-hazırda Azərbaycanca Vikipediyada 215.750 məqalə mövcuddur.

Həftənin seçilmiş məqaləsi

Qara rəsmlər — Fransisko Qoyya tərəfindən həyatının son illərində, ehtimal ki, 1820–1823-cü illər arasında yaradılmış 14 rəsmdən ibarət silsiləyə verilən ad. Bu əsərlər güclü emosional gərginlik, qorxu və iztirab dolu mövzuları əks etdirir və rəssamın həm dəli olmaq qorxusunu, həm də insanlığa qarşı bədbin baxışını ifadə edir. 1819-cu ildə, 72 yaşında ikən, Qoyya, Madrid şəhərinin kənarında yerləşən və “Quinta del Sordo” (“Kar adamın evi”) adlanan iki mərtəbəli evə köçmüşdür. Hesab edilir ki, o, bu rəsmləri növbəti ildə çəkməyə başlamışdır. Evin adı əvvəlki sahibinin kar olması ilə bağlı olsa da, Qoyya özü də 46 yaşında keçirdiyi naməlum xəstəlik nəticəsində demək olar ki, eşitmə qabiliyyətini itirmişdi.

(Davamı...)

Həftənin yaxşı məqaləsi

Əli Yusif — azərbaycanlı şair, siyasətçi, Cümhuriyyət tələbəsi, Gizli Müsavatın Mərkəzi Komitəsinin üzvü, repressiya qurbanı.

11 yaşından etibarən mətbuatda tərcümələri və şeirləri ilə çıxış edib. Azərbaycan Cümhuriyyəti qurulduqdan sonra hökumətin İşlər İdarəsində draqoman kimi işləməyə başlayıb. "Yaşıl Qələm" cəmiyyətinin idarə heyətinin və Azərbaycan Cümhuriyyətinin rəsmi dövlət qəzeti olan "Azərbaycan" qəzetinin redaksiya heyətinin üzvü olub. Azərbaycan Cümhuriyyəti Parlamentinin xüsusi qərarına əsasən, dövlət hesabına ali təhsil almaq üçün xaricə göndərilib. Parisdə yerləşən Siyasi Elmlər Məktəbində ali təhsili alıb. (Davamı...)

Həftənin seçilmiş siyahısı

Fullmetal Alchemist fəsillərinin siyahısı — Hiromu Arakava tərəfindən yazılmış və hazırlanmışdır. Manqa seriyasının yayımlanması 2001-ci ilin avqustunda "Square Enix"-in "Monthly Shonen Gangan" jurnalında başlanılmış, 2010-cu ilin iyulundakı nəşri ilə (2010-cu ilin iyununda nəşr olunmuşdur) başa çatmışdır. Bu müddətdə manqa seriyasının 108 fəsli nəşr olunmuşdur. Manqa Edvard və Alfons Elrik adlı iki əlkimyagər qardaşın başına gələn hadisələrdən bəhs edir. Onlar ölmüş analarını geri qaytarmağa çalışarkən itirdikləri bədən üzvlərini geri qaytarmaq üçün fəlsəfə daşının axtarışına çıxırlar. Edvard orduya qatılır və ordunun tərkibində ikən ordunun da daşın axtarışında olduğunu öyrənir.

(Davamı...)

Günün seçilmiş şəkli

Xəbərlər

Venesuelada baş verən 7,2 və 7,5 maqnitudalı iki ardıcıl zəlzələ (şəkildə) nəticəsində 1700-dən artıq insan həlak olub, 5 mindən artıq insan yaralanıb, 46600 nəfər itkin düşüb.
Nikol Paşinyanın partiyası parlament seçkilərində qələbə qazanıb.
Azov dənizinin Taqanroq körfəzində "Natra" və "Zirkon" yük gəmilərinə dron hücumları edilib.

Aktual hadisələr: 2026 FİFA Dünya Kuboku • İran müharibəsi • Rusiya–Ukrayna müharibəsi • Sudanda vətəndaş müharibəsi

Son ölümlər: Nurlana Əliyeva, Hidayət Orucov, Sadıq Sadıqov, Jaba Dvali, Aqil Ağacanov, Almas Hacıyeva

Bilirsinizmi?

Ulduz sui-qəsdinin təşkilatçılarından olan Edvard Yoris (şəkildə) Osmanlı imperiyası tərəfindən ölüm hökmünə məhkum edilməsinə baxmayaraq, bu hökm icra olunmamışdır.
Nəsim Nəcəfi Ağdam "YouTube"un onun videolarını filterləməsi səbəbindən şirkətin baş qərargahına silahlı hücum etmişdir.
"Plants vs. Zombies" videooyun franşizasının yaradıcısı Corc Fenin "Electronic Arts" tərəfindən tətbiq olunan "freemium" modelinə qarşı çıxdığına görə işdən qovulduğu iddia olunmuşdur.
"Bekri" ləqəbi ilə tanınan Bekri Mustafa içkiyə olan düşkünlüyünə görə bu ləqəbi almışdır.
"Kitabi-Dədə Qorqud" dastanında salurlar və Salur Qazan vacib rol oynasa da, dastandakı hadisələrin baş verdiyi Anadolu və Azərbaycanda salurların tarixi rolu olmamışdır.