Baseball

An baseball sarong kawat na may pangbangkol-asin-bola na pigkakawat sa pag-ultanan kan duwang grupo na may siyam na parakawat kada saro, na nagsusurusalida sa pagrapado asin pagdepensa. An kawat nangyayari sa laog nin nagkapirang kawat, na an lambang pag-kawat nagpopoon kun an sarong parakawat sa grupong nag gagapo, na inaapod na pitsel, nag-aapon nin bola na an sarong parakawat sa grupong naggagapo, na inaapod na parabangkol, naghihingoang tamaan gamit an sarong pamangkol. An obheto kan opensibong koponan (grupo na mabangkol) iyo an pag-igo kan bola sa larangan nin pagkawat, harayo sa mga parakawat kan ibang koponan, na tinotogotan an mga parakawat kaini na magdalagan sa mga pwesto, na sinda nag-aabante kontra-relo sa palibot nin apat na base tanganing makapuntos kan inaapod na " mga dalagan ". An obheto kan depensang grupo (na inaapod na grupong madepensa) iyo na olangon an mga parabakol na magin mga paradalagan, asin olangon an mga paradalagan na mag-abante sa palibot kan mga pwesto . An sarong dalagan naiskor kun an sarong paradalagan legal na nag-aabante sa palibot kan mga base sa pagkasunod-sunod asin nakakaduta sa harong na pwesto (an lugar kun saen an parakawat nagpoon bilang sarong parabangkol).

An enot na obheto kan grupo nin mga parabangkol iyo na an sarong parakawat makaabot nin ligtas sa enot na base; ini nangyayari kun an parabakol minatama sa bola asin nakaabot sa enot na base bago an kalaban magkua kan bola asin makaduta sa base, o kun an pitsel nagpapadagos sa pag-apon kan bola sa luwas kan abot kan parabakol . An mga parakawat sa grupo na mabangkol na nakaabot sa enot na base na dai inaapod na " luwas" pwedeng magprobar na mag-abante sa mga masunod na base bilang sarong paradalagan, tulos-tulos o sa panahon kan mga turno kan mga kasurog sa pagbangkol. An nag desepensang grupo naghihingoang olangon an mga pagdalagan sa paagi nin paggamit kan bola tanganing "maluwas" an mga parabakol o paradalagan, na nagpipirit sainda na magluwas sa larangan nin pagkawat An pitsel pwedeng makaluwas kan batter sa paagi nin pag-apon nin tolong pitch na nagreresulta sa mga gapo na dae na iigo I legal na gapo, mantang an mga para salo pwedeng makakua kan batter sa paagi nin pagdakop nin sarong bola na pig ballon bago ini makaduot sa daga, asin pwedeng makakua nin sarong paradalagan na matanggal sa paagi nin pag duta kang hapin sakamot o ka mismong bola sa kalaban mantang an paradalagan dai nakakaduot sa sarong base.

An magkalaban na mga koponan nagbabalyo-balyo sa pag-ulta an kan pagbangkol asin pagdepensa ; an turno kan grupong nagbabatik na mag-bat tapos na kun an grupong nag-iiwal makarekord nin tolong tanggal. An sarong pag ribay ning mabangkol para sa lambang grupo minakompuesto nin sarong pagamit. An sarong kawat parati kompuesto nin siyam na pagamit, asin an koponan na may mas dakol na dalagan sa katapusan kan kawat iyo an nanggana. Kadaklan sa mga kawat natatapos pagkatapos kan ikasiyam na pagamit, alagad kun an mga marka magkapareho sa puntong iyan, an mga dagdag na pagamit parateng pigkakawat. An baseball mayo nin orasan na pigsusunod, dawa ngani an nagkapirang kompetisyon igwa nin mga regulasyon sa rikas nin pag-kawat arog kan orasan nin pagkawattanganing mapahalipot an oras nin pagkawat.

An baseball nadiskobre gikan sa mga lumang pamankol-asin-bola na pig-uuyag na sa England kan kabangaan kan ika-18 siglo. An kawat na ini dinara kan mga imigrante sa Amerika del Norte, kun saen namundag an modernong bersyon . An ginikanan kan baseball sa Amerika, siring man an reputasyon kaini bilang sarong gikanan nin pagrayo sa mga panahon nin problema sa kasaysayan kan Amerika arog kan Gera Sibil kan Amerika asin an Dakulang Depresyon, iyo an nagdara sa kawat na mag-ako kan pangaran na "America's Pastime"; poon kan huring parte kan ika-19 siglo, ini bakong opisyal na pigmidbid bilang an nasyonal na kawat kan Estados Unidos, dawa ngani sa modernong panahon pigkokonsiderar na bakong gayong popular kisa sa ibang mga ikawat. arog kan American football . Dugang pa sa Amerika del Norte, an baseball naglakop sa bilog na Amerika asin sa Asya-Pasipiko kan ika-19 asin ika-20 siglo, asin ngonyan pigkokonsiderar na pinakapopular na isports sa mga parte kan Sentral asin Sur na Amerika, an Caribbean, asin Sirangan na Asya, partikularmente sa Hapon, Sur na Korea, asin Taiwan .

Sa Major League Baseball (MLB), an pinakahalangkaw na lebel nin propesyonal na baseball sa Estados Unidos asin Canada, an mga koponan nababanga sa National League (NL) asin American League (AL), na an lambang saro igwa nin tolong dibisyon: Sirangan, Solnopan, asin Sentral. An kampeon kan MLB nadedeterminaran kan mga kawat kung sain nag rarataan ang kada grupo na minatapos sa World Series . An pinakahalangkaw na lebel nin pag-kawat parehong nababanga sa Hapon sa pag-ultanan kan Liga Sentral asin Pasipiko asin sa Cuba sa pag-ultanan kan Liga Sulnupan asin Liga Sirangan . An World Baseball Classic, na inorganisar kan World Baseball Softball Confederation, iyo an mayor na internasyonal na kompetisyon kan isports asin nakakaakit kan mga pangenot na nasyonal na koponan gikan sa bilog na kinaban. An baseball pigkawat sa Olympic Games poon 1992 sagkod 2008, asin ibinalik sa sarong beses sana kan 2020.