ya

Brezhoneg

Adverb

ya

1. adverb kadarnaat
   • — « Tud zo aze ? »
     — « Ya, va den mat, » eme ur vouezhig tanav ha displed evel mouezh ur bugel, hag a zeue dre zindan an douar. — (Troude ha Milin, Labous ar Wirionez ha Marvailhoù all, Skridoù Breizh, 1950, p. 78.)
   • Ya, mabig, kred ar marvailh-se, ha sav da vragoù ! — (Jarl Priel, Amañ hag Ahont, Al Liamm, 1957, p. 90.)
   • Ya sur, laret em eus hen ober, ha bepred hen laran. — (Fañch an Uhel, Kontadennoù ar Bobl/3, Al Liamm, 1988, p. 116.)
   • Ya 'ta! — (Jules Gros, Le trésor du breton parlé Deuxième Partie, 1970, p. 558.)
2. ya 'velkent
   • Ya 'velkent! — (Jules Gros, Le trésor du breton parlé Deuxième Partie, 1970, p. 558.)
3. ya, ya!
   • Ya, ya, pardonet e vi, 'vel az poa c'hoant da bardoniñ din. — (Fañch an Uhel, Kontadennoù ar Bobl/2, Al Liamm, 1985, p. 94.)
   • Ya ! Ya ! va mamm, hen ober a-walc'h a rafen, marteze, met re, en holl, a c'hourc'hemennoù a ra din evel-se. — (Yann-Vari Perrot, E-tal ar poull, C'HOARIVA BREZHONEK, Pemp pezh-c'hoari berr, Skridoù Breizh, 1944, p. 42.)
4. (Da enebiñ, dirak un anv-kadarn pe anv-gwan:)
   • N'eo ket glav an hini a ra, ya dour! — (Jules Gros, Le trésor du breton parlé Deuxième Partie, 1970, p. 140.)
   • Ar re-se n'int ket tud, ya loened! — (Jules Gros, Le trésor du breton parlé Deuxième Partie, 1970, p. 558.)
   • C'hwi a zo martoloded? Ya brennikerien! — (Jules Gros, Le trésor du breton parlé Deuxième Partie, 1970, p. 558.)

Deveradoù

• yaek
• yael
• yaus

Troioù-lavar

• ya avat!
• ya 'vat!
• ya a-walc'h!
• ya da!
• ya gast!
• ya laouen!
• ya sur
• ya 'ta

Anv-kadarn

1. Ger asant
   • Keuz am eus d'am ya. — (Jules Gros, Le trésor du breton parlé Deuxième Partie, 1970, p. 254.)
2. lavarout ya (enebet ouzh lavarout nann)
3. Lavaret ya pe nann

Gerdarzh

Diwar ar bennrann-verb a, rakgeriet gant "y-" distaget [j].

Furm verb

1. Trede gour unan ar verb mont, en amzer vremañ, gwelout a.
   • a ya, e ya, ne ya ket.

Krennlavarioù

Niverus eo ar c'hrennlavaroù :

• An hini a ya da foar Vikael a lez e verenn e kêr. — (Jules Gros, Le trésor du breton parlé Troisième Partie, 1974, p. 323.)
• An hini a ya gant e votoù war an ed
  A ya diarc'hen da glask e voued. — (Jules Gros, Le trésor du breton parlé Troisième Partie, 1974, p. 304.)
• Ar paour pa binvidika
  Gant an diaoul e ya. — (Jules Gros, Le trésor du breton parlé Troisième Partie, 1974, p. 314.)
• Ar pesked
  A ya da heul o boued. — (Jules Gros, Le trésor du breton parlé Troisième Partie, 1974, p. 304.)
• Ar pezh a deu diwar-goust an diaoul a ya d'hen houarnañ. — (Jules Gros, Le trésor du breton parlé Troisième Partie, 1974, p. 318.)
• Ar vrud fall a ya dreist ar mor
  Hag ar vrud vat a chom e toull an nor. — (Jules Gros, Le trésor du breton parlé Troisième Partie, 1974, p. 315.)
• A van da van e ya merenn da goan. — (Jules Gros, Le trésor du breton parlé Troisième Partie, 1974, p. 309.)
• D'ar mor e ya ar pesked. — (Jules Gros, Le trésor du breton parlé Troisième Partie, 1974, p. 313.)
• Manac'h ruz an Enez C'hlas
  Ya da logodenn ha da razh — (Erwan Berthou, En bro Dreger a-dreuz parkoù, Mouladurioù Hor Yezh, 1985, p. 49.)
• Pa vez tomm an heol da Ouel ar Chandelour e ya al louz d'e doull en ur grial forzh. — (Jules Gros, Le trésor du breton parlé Troisième Partie, 1974, p. 326.)
• Bleud an diaoul a ya da vrenn.
• An hini 'a ya buan a ya pell, an hini a ya goustad a ya gwell.

Divinadelloù

• Petra a ya e kêr hag a lez e doull er gêr ? - An alc'hwez. — (Jules Gros, Le trésor du breton parlé Troisième Partie, 1974, p. 331.)

En amzeriou all

• yae
• yelo
• yafe
• yaje

Distagañ

• Breizh (Lokmikaelig, Bro-Gwened): "ya /ja/"
• Breizh (Pornizh, Bro-Naoned): "ya /jɑ/"