Pavio

Ĝemelurboj
	Bet-Leĥemo • Vilno • Hildesheim • Besançon • Hermel • Zakinto • Vuĥu • Balassagyarmat vd

	Pavio
komunumo de Italio vd
Ĝemelurboj
	Bet-Leĥemo • Vilno • Hildesheim • Besançon • Hermel • Zakinto • Vuĥu • Balassagyarmat vd
Ŝtato	Italio
Regiono	Lombardio
Provinco	PV Pavia
Geografia situo	45° 11′ N, 9° 9′ O (mapo)45.1833333333339.15Koordinatoj: 45° 11′ N, 9° 9′ O (mapo)
Supermara alteco	77 m
Areo	62 km²
Loĝantaro	70 636 (2023)
Loĝdenso	1117 loĝantoj/km²
Najbaraj komunumoj
Patrono	Siro de Pavia
Festa tago	9-a de decembro
Nomo de loĝantoj	pavesi
Poŝtkodo	27100
Imposta kodo	G388
Kodo laŭ ISTAT	018110
Telefona prefikso	0382
Estro
Retpaĝo	http://www.comune.pv.it Pavia/
	v • d • r

Pavio (itale Pavia [paVIa]) estas malnova universitata urbo (ĉ. 70 000 loĝantoj) en norda Italio, en la regiono Lombardio, ĉe la rivero Tiĉino proksime de ĝia konfluo en Padon, situante je 35km de Milano.

Fama pro la fekundeco de sia grundo, ĝi produktas agrikulturajn produktojn, inkluzive de vino, rizo, cerealoj kaj laktaĵoj. Ĝi estas la centro de romkatolika episkopujo. Loĝantaro: 71 297 (2024) .

Ĝi estas parto de la Via Francigena, pilgrimvojo en mezepoka Eŭropo^[1].

Pavio estas industria urbo (fakoj tekstilindustrio, meĥaniko, nutraĵa industrio).

Pavio havis grandegan politikan signifon en 572–774, kiam ĝi estis la ĉefurbo de la Regno de Langobardoj. En 1359 la Visconti konkeris ĝin. En 1525 imperiestro Karolo la 5-a (Sankta Romia Imperio) venkis kaj kaptis Franciskon la 1-an de Francio en la Batalo de Pavio (1525).

Vidindaĵoj

Estas fama universitato fondita en 1361. Aliaj vidindaĵoj estas la kastelo de la familio Visconti [visKONti] (15-a jc.), la romanika preĝejo San Michele [san miKEle] (Sankta Miĥaelo), la lombardstila preĝejo San Pietro [san PJEtro] (Sankta Petro), kie ripozas la korpo de Sankta Aŭgusteno, kaj, ekstere de la urbo, la renoma kartuzio.

Kulturo

La 11-an an de aprilo 2025 okazis en la Universitato de Pavio konferenco pri Esperanto en la kunteksto de Manĉurio dum la okupacio fare de la Japana Imperio (1931-1945) dum kiu la imperiisma propagando uzadis esperanton kiel ilon por penetri la intelektajn kaj progresemajn tavolojn de la socio, japanajn kaj eksterlandajn, celante prezenti la ĵus kreitan Manĉurian ŝtaton kiel paradizon de multkultureco, feliĉegan landon kaj fekundan grundon por homaranismo. La evento estas kunorganizata de “Tadaima!”, asocio pri japanaj studoj de la lombarda universitato kaj la Itala Interlingvistika Centro (IIC)^[2].

Transporto

Pavio ankaŭ estas konektita al Milano per la linio S13 de la antaŭurba fervojo de Milano, kun trajnoj forirantaj ĉiujn 30 minutojn. La stacio Pavia Porta Garibaldi estas malgranda fervoja stacio situanta sur la linio Pavio–Mantuo.