Rob Moerbeek
| Rob Moerbeek | |
|---|---|
.jpg) | |
| Persona informo | |
| Naskiĝo | 1-an de majo 1936 |
| Morto | 27-an de novembro 2025 (89-jaraĝa) en Beverwijk |
| Lingvoj | Esperanto • nederlanda |
| Nacieco | nederlandano |
| Ŝtataneco | Reĝlando de Nederlando  |
| Familio | |
| Edz(in)o | Nora Moerbeek-Bartels |
| Okupo | |
| Okupo | esperantisto filologo tradukisto |
Rob (Robert) MOERBEEK [MURbejk] (naskiĝis la 1-an de majo 1936, forpasis la 27-an de novembro 2025[1][2]) estis nederlanda esperantisto kaj filologo. Li laboris 32 jarojn kiel oficisto en la Centra Oficejo de UEA zorgante pri la ekspedofako kaj pri la provlegado de Esperanto k.a. periodaĵoj kaj eldonaĵoj de UEA. Li prizorgis ankaŭ la Bibliotekon Hodler kaj la arkivon de la CO. Post emeritiĝo en 2001 li laboris volontule en la CO. Li korektis ankaŭ la revuojn Monato, Internacia Pedagogia Revuo, Scienca Revuo, Fen-x (revuo de Esperanto Nederland), Esperantista Vegetarano, La Kontakto (revuo de la nederlanda LIBE-sekcio), k.a. Agado por handikapuloj, precipe blinduloj, estis proksima al li.
Ekde 2001 li reprezentis Ligon Internacian de Blindaj Esperantistoj en la Komitato de UEA. Li agadis ankaŭ pri nefumismo en la UEA-fakasocio TADEN (Tutmonda Asocio de Esperantistaj Nefumantoj). Li estis privatdocento pri Esperanto ĉe la Universitato de Amsterdamo en la jaroj 1978–1998.
Tradukoj
[redakti | redakti fonton]- En Esperanton:
- La afero Jesuo kaj la judoj de Peter J. Tomson. Antverpeno, 2009.
- En la nederlandan:
- Esperanto via de directe methode de Stano Marček. Martin, 2007.
- Ontdek het Esperanto – Een fascinerende taal. 2010.
Honorigoj
[redakti | redakti fonton]- En 2000 Moerbeek ricevis la Premion Deguĉi pro la longtempa agado por triamondaj esperantistoj kaj handikapitoj, precipe blinduloj;
- En 2011 Moerbeek iĝis Honora Membro de UEA;
- En 2014 Moerbeek iĝis Honora Membro de ILEI;
- En 2018 Moerbeek iĝis Kavaliro de la Ordeno de Oranje Nassau pro sia aktiva agado por la Esperanto-movado, subteno al la blindula movado, sia redaktista, korektista kaj instrua agadoj.[3]
Referencoj
[redakti | redakti fonton]- ↑ https://sezonoj.ru/2025/11/moerbeek-3/
- ↑ https://edukado.net/novajhoj?id=931
- ↑ Rob Moerbeek fariĝis Kavaliro de la Ordeno de Oranje Nassau (esperante). Edukado.net (2018-04-29). Alirita 2018-04-29 .
Eksteraj ligiloj
[redakti | redakti fonton]- esperante Videa intervjuo kun Rob Moerbeek en UEAViva, la YouTube-kanalo de UEA (2017-12-24);
- nederlande + esperante Video pri la oficigo de Moerbeek kiel Kavaliro en la Ordeno de Oranje Nassau en la YouTube-kanalo de Esperanto Nederland (2018-04-29).
- esperante Pri Rob Moerbeek en la Panteono de Edukado.net
