Barilla
| Barilla | |
|---|---|
 | |
| Datuak | |
| Izen ofiziala | Barilla G. e R. Fratelli S.p.A |
| Mota | negozioa, enpresa, nekazaritzako elikagaien enpresa eta erakundea |
| Jarduera sektorea | Elikagaien industria eta food and tobacco industry (en)  |
| Herrialdea | Italia |
| Jarduera | |
| Ekoizpena | |
| Agintea | |
| Egoitza nagusi | |
| Legezko forma | akzio bidezko sozietate |
| Zeren jabe | Voiello (en) , Pavesi (en) , Mulino Bianco (en) , Wasabröd (en) , Pan di Stelle (en) , Harrys (en) , MISKO (en) eta Filiz |
| Historia | |
| Sorrera | 1877 |
| Sortzailea | |
| Sorlekua | Parma |
webgune ofiziala      | |
Barilla Parman egoitza duen elikadura-enpresa da, 1877an Pietro Barillak sortua. Konpainiak munduko lidergoa du pasta-merkatuan, eta presentzia nagusia Italiako merkatuan eta % 25ekoa Estatu Batuetan du.[1] Gainera, beste produktu batzuk ere egiten ditu, hala nola saltsak, galletak eta gozogintza.[1]
Historia
[aldatu | aldatu iturburu kodea]Barilla 1877ko irailaren 28an sortu zuen Pietro Barillak, Parmatik etorritako okin-familia baten ondorengoak. Negozioa ez zen handitu 1910era arte, Pietrok pasta egiteko labe bat eta makina berriak estreinatu zituen arte, galletak eta beste gozoki batzuk egiteko aukera ematen ziona.[2]
Pietro Barilla 1912an hil zenean, Gualtiero eta Riccardo semeek heredatu zuten negozioa, eta aitaren negozioa handitu zuten. 1919an Gualtiero hil zenean, Ricardo Barillak hartu zuen Barillaren zuzendaritza-kontrol osoa. Une horretan, enpresariak bere produktuen ekoizpena eta banaketa handitu zituen, eta 1920ko hamarkadaren amaieran bere eskualdeko elikadura-enpresa garrantzitsuenetako bat bihurtu zen.
1947an, Ricardo Barilla hil egin zen, eta kudeaketa Pietro eta Gianni semeen esku geratu zen. Azken horiek arduradun komertzialak eta ekoizpenekoak ziren, eta kudeaketa profesionalizatu egin zen. 1952an, Barillak iragarri zuen ogia egiteari uko egiten ziola pastaren merkatuan kontzentratzeko, eta, horri esker, bere presentzia handitu ahal izan zuen nazio mailan. 1955ean inauguratu zen lantegi berri batekin, bere ekoizpena handitu zuen eta Italiak Bigarren Mundu Gerraren ondoren izan zuen hazkunde ekonomikoa aprobetxatu zuen pastaren merkatu nazionalean lider izateko. Enpresa sozietate anonimo bihurtu zen 1960an, eta bere posizioa sendotu zuen ontziak berriz diseinatuz, erosiko zen pastaren egoera ikusteko.[3]
Nahiz eta tradizioz Barilla familia negozioa izan, 1970ean jabeek kudeaketa multinazional estatubatuar bati laga zioten, 1973an Voiello pasta fabrikatzaileari erosi eta 1975ean Mulino Bianco gozokiak eta opilak egiteko beste sail bat ezarri zuena.[3] Pietro Barilla Jr. 1979an itzuli zen enpresaren kontrolera, eta ordutik Barilla familiaren esku egon da.
1993an Pietro Barilla hil ondoren, enpresaren kontrola Guido, Luca eta Paolo semeek hartu zuten. Orduan, taldea nazioarteko merkatuetara hedatu zen, Estatu Batuetan lehorreratu eta atzerriko beste pasta fabrikatzaile batzuk erosi ondoren.[1] Lehena Misko konpainia greziarra izan zen 1991n, Filiz turkiarra (1994), Wasa suediarra (1999), Yemina eta Vesta mexikarrak (2001), Harrys frantziarra (2002), Catelli kanadarra eta Pasta Evangelists britainiarra (2021). Italian ere presentzia indartu zuen 1992an okintzan eta gozogintzan espezializatutako Pavesi erosita. 2004an taldeak fundazio bat sortu zuen, Barilla Akademia, munduan italiar sukaldaritza sustatzeko.
Erreferentziak
[aldatu | aldatu iturburu kodea]- 1 2 3 (Ingelesez) «Barilla: Big portions» The Economist.
- ↑ (Italieraz) «Barilla: La storia siamo noi» RAI.
- 1 2 (Italieraz) «Evoluzione del Marchio Barilla» ITIS Siella.
Kanpo estekak
[aldatu | aldatu iturburu kodea]
 |
Artikulu hau ekonomiari buruzko zirriborroa da. Wikipedia lagun dezakezu edukia osatuz. |
