Este artigo amosa letras cirílicas. Sen o soporte axeitado, o texto pode mostrar símbolos sen sentido, coma caixas, marcas e outros.
Setomaa (en estoniano:Setumaa; en ruso:Сетумаа; en seto: Setomaa) é unha rexión de Estonia ao sur do lago Peipus e habitada tradicionalmente polo pobo seto. O dialecto seto é unha variedade do estoniano meridional. A área histórica de Setomaa atópase nos territorios da actual Estonia e Rusia. O Setomaa estoniano actualmente abrangue terras no condado de Võru, situado no sueste de Estonia e fronteiriza con Rusia. Petseri (en ruso: Pechory) foi o centro histórico e cultural dos setos.
A parte rusa consiste no Distrito de Pechorsky, parte do Óblast de Pskov. Entre 1918 e 1944, a área formou parte de Estonia, administrada como Condado de Petseri. Despois de que Estonia recuperase a súa independencia da Unión Soviética en 1991, houbo unha disputa entre Estonia e Rusia pola posesión deste territorio ata que Estonia abandonou as súas reclamacións territoriais sobre estas áreas en 1995.[1]
