WikiReader
| Ենթակատեգորիա | information appliance  | |
|---|---|---|
| Երկիր | Վիետնամ | |
| Արտադրող | Օփենմոկո, Pandigital | |
| CPU | Epson S1C33 E07 | |
| Պաշտոնական կայք | www.thewikireader.com | |
| Էներգիայի աղբյուր | AAA | |
| Storage device | microSD | |
| Գին | 99 ԱՄՆ դոլար | |
WikiReader, նախագիծ, որը նախատեսված էր Վիքիպեդիայի անցանց, միայն տեքստային տարբերակը բջջային սարքերի վրա արտածելու համար[1]։ Նախագիծը հովանավորել է Օփենմոկոն, ստեղծել է Pandigital-ը, դրա սկզբնական կոդը թողարկվել է[2]։
Պատմություն
[խմբագրել | խմբագրել կոդը]2009 թվականի հոկտեմբերին նախագծի շրջանակներում ներկայացվել է Վիքիպեդիայի համար նախատեսված անցանց շարժական ընթերցիչ սարքը[1]։ Տարբեր լեզուներով թարմացումները հասանելի են եղել առցանց[3], ինչպես նաև տարեկան երկու անգամ Micro SD քարտի միջոցով հասանելի է եղել անցանց տարին 29 դոլար արժողությամբ թարմացումը: Անգլերեն Վիքիպեդիայի, Վիքիքաղվածքի, Վիքիբառարանի և Գուտենբերգ նախագծի WikiReader տարբերակները հնարավոր էր տեղադրել օգտատիրոջ տրամադրած 16 ԳԲ ծավալով Micro SDHC հիշողության քարտին։ Ի տարբերություն Վիքիպեդիայի, սարքն ուներ ծնողական վերահսկողության հնարավորություն[4]։
Սարքը կարող էր աշխատեցնել նաև Forth ծրագրավորման լեզվով գրված ծրագրեր։ Ներադրված էր պարզ հաշվիչ ծրագիր[5]։
Տեխնիկական բնութագրեր
[խմբագրել | խմբագրել կոդը]
- Էկրան՝ մոնոխրոմ հեղուկ բյուրեղային էկրան (LCD), 240 × 208 փիքսել[6]
- Ինտերֆեյս՝ ունակային սենսորային էկրան՝ էկրանային ստեղնաշարով։ Սարքային չորս կոճակ[7]
- Պրոցեսոր՝ Epson S1C33 E07 միկրոկառավարիչ՝ 8 ԿԲ + 2 ԿԲ ներքին հիշողությամբ
- Ներկառուցված ծրագիր՝ 64 ԿԲ ֆլեշ հիշողություն[6]
- Հիշողություն՝ 32 ՄԲ SDRAM[6]
- Հիշողություն՝ հանվող microSD քարտ (SD և SDHC քարտերի աջակցություն, 512 ՄԲ, 2 ԳԲ, 4 ԳԲ, 8 ԳԲ, 16 ԳԲ)[6]
- Աջակցվող ֆայլի ձևաչափեր՝ բնօրինակ ձևաչափ, հասանելի է MediaWiki-ի XML արտահանման ձևաչափի փոխարկիչ[8]
- Չափսեր՝ 100 × 100 × 20 մմ[6]
- Քաշը՝ 120 գրամ[6]
- Լեզուներ՝ անգլերեն
- Երաշխիք՝ 90 օր
- Սնուցում՝ երկու AAA մարտկոց[6]
- Մարտկոցի աշխատանքի տևողություն՝ 90 ժամ[9], համարժեք է նորմալ օգտագործման մեկ տարվան, որը սահմանել է արտադրողը[4][10]
Սահմանափակումներ
[խմբագրել | խմբագրել կոդը]- Միայն տեքստային ցուցադրում. WikiReader-ը խստորեն «միայն տեքստային» ցուցադրման սարք էր: Հետևաբար, սարքը չէր պահպանում կամ ցուցադրում Վիքիպեդիայի որևէ պատկեր[11]:
- Աղյուսակներ. WikiReader-ը չէր ցուցադրում հոդվածի տեքստը, որը հայտնվում էր Վիքիպեդիայի աղյուսակի ներսում։
- HTML «հատուկ նիշեր». HTML հատուկ նիշերով կոդավորված Վիքիպեդիայի որոշակի հոդվածների տեքստը հանվում էր WikiReader-ի արդյունքից։
- Մաթեմատիկական բանաձևեր. WikiReader-ի սկզբնական տարբերակները չէին ցուցադրում Վիքիպեդիայի հոդվածի տեղեկատվությունը, որը կոդավորված էր որպես բանաձև՝ օգտագործելով LaTeX նշագրումը: Սա լուծվել է լրացուցիչ ներկառուցված ծրագրային ապահովման թարմացմամբ, որը նախապես բեռնված էր ավելի նոր WikiReader-ների վրա:
- Բացակայող տեղեկատվության մշակում. WikiReader-ը չէր տրամադրում այն բաժինները, որտեղից տեղեկությունը հեռացվել էր Վիքիպեդիայի հոդվածից: Պատկերները, աղյուսակները, մաթեմատիկական բանաձևերը և այլ տեղեկությունները, որոնք Վիքիպեդիայի սկզբնական հոդվածում չեն կոդավորվել որպես պարզ տեքստ, ջնջվում էին WikiReader-ի արդյունքից:
- Որոնում. WikiReader-ի որոնման հնարավորությունները բազային էին: Ամբողջական տեքստով որոնման հնարավորություն չկար: Կարելի էր որոնել միայն Վիքիպեդիայի հոդվածների վերնագրերը: WikiReader-ն աջակցում էր հոդվածների վերնագրերի աստիճանական որոնումը՝ սկսած յուրաքանչյուր վերնագրի առաջին նիշերից:
Դադարեցում
[խմբագրել | խմբագրել կոդը]2014 թվականի վերջին WikiReader կայքը և նախագիծը լքվել են, երբ Pandigital-ը դադարեցրել է իր գործունեությունը։ Այդ ժամանակից ի վեր այլ նախագծեր, տարբեր աստիճանի հաջողությամբ, ձեռնամուխ են եղել Վիքիպեդիայի բովանդակությունը ավելի հեշտ հասանելի ինտերֆեյսով ներկայացնելու գաղափարին։
Ծանոթագրություններ
[խմբագրել | խմբագրել կոդը]- 1 2 Möller, Erik (2009 թ․ հոկտեմբերի 13). «OpenMoko Launches WikiReader». Wikimedia Foundation. Արխիվացված օրիգինալից 2012 թ․ հունվարի 13-ին. Վերցված է 2011 թ․ դեկտեմբերի 11-ին.
- ↑ Hall, Christopher (2009 թ․ հոկտեմբերի 15). «WikiReader source uploaded to github». Openmoko. Արխիվացված օրիգինալից 2011 թ․ սեպտեմբերի 30-ին. Վերցված է 2011 թ․ դեկտեմբերի 11-ին.
- ↑ «WikiReader Development Site: Downloads». Արխիվացված է օրիգինալից 2013 թ․ մայիսի 31-ին. Վերցված է 2012 թ․ սեպտեմբերի 28-ին.
- 1 2 Engst, Adam C. (2009 թ․ հոկտեմբերի 15). «WikiReader Puts Wikipedia in Your Pocket». TidBITS. Արխիվացված օրիգինալից 2011 թ․ հոկտեմբերի 25-ին. Վերցված է 2011 թ․ դեկտեմբերի 11-ին.
- ↑ Hall, Christopher (2010 թ․ հոկտեմբերի 15). «Software Information». GitHub. Արխիվացված օրիգինալից 2019 թ․ դեկտեմբերի 12-ին. Վերցված է 2012 թ․ հունվարի 16-ին.
- 1 2 3 4 5 6 7 Hall, Christopher (2010 թ․ հոկտեմբերի 15). «The WikiReader contains the following major hardware components». GitHub. Արխիվացված օրիգինալից 2018 թ․ սեպտեմբերի 4-ին. Վերցված է 2011 թ․ դեկտեմբերի 11-ին.
- ↑ Gibbs, Mark (2010 թ․ հունիսի 18). «Wikipedia in your pocket». Network World. Արխիվացված օրիգինալից 2012 թ․ հոկտեմբերի 12-ին. Վերցված է 2011 թ․ դեկտեմբերի 11-ին.
- ↑ Jones, Doug (2009 թ․ հոկտեմբերի 21). «[reader] Wikireader received». Վերցված է 2022 թ․ հոկտեմբերի 2-ին.
- ↑ Segot, Christopher (2009 թ․ հոկտեմբերի 21). «Openmoko WikiReader: Portable Wikipedia in Your Pocket». OLPC News. Արխիվացված օրիգինալից 2012 թ․ փետրվարի 22-ին. Վերցված է 2012 թ․ հունվարի 16-ին.
- ↑ «Features». Openmoko. Արխիվացված է օրիգինալից 2012 թ․ հունվարի 19-ին. Վերցված է 2012 թ․ հունվարի 16-ին.
- ↑ «Source code». Openmoko. Վերցված է 2013 թ․ մայիսի 29-ին.
Արտաքին հղումներ
[խմբագրել | խմբագրել կոդը]- WikiReader-ի ելակետային կոդը
- Անցանց Վիքիպեդիայի ընթերցող Openmoko-ում
- WikiReader – Offline Wikipedia "The Internet without the Internet" ՅուԹյուբում՝ Techmoan-ի կողմից
|
