Moringa

Ny Moringa dia antokon-javamaniry mamony roa ravin-tsimoka ao amin' ny fianakaviana Moringaceae, ao amin' ny filaharana Capparales, izay tsy manana afa-tsy io antoko tokana io. Ahitana karazana hazo 13 izay maniry amin' ny toetany trôpikaly sy sobtrôpikaly izy io. Ny karazana fantatra indrindra dia ny Moringa oleifera izay hazo maro fampiasana (anisan' izany ny maha zavamaniry fanafody azy), avy any India, ambolena any amin' ny tany trôpikaly. Ambolena betsaka ihany koa ny Moringa stenopetala, izay karazana afrikana, na dia ny Moringa oleifera aza no be mpamboly indrindra.

Lisitry ny karazana

Karazana Moringa 13 no misy.

Moringa arborea Verdc. (Kenià)
Moringa borziana Mattei (Sômalia)
Moringa concanensis Nimmo ex Dalzell & A.Gibson (India)
Moringa drouhardii Jum. (Madagasikara)
Moringa hildebrandtii Engl. (atsimo-atsinanan’ i Madagasikara)
Moringa longituba Engl. (Etiôpia sy Sômalia)
Moringa oleifera Lam. (= Moringa pterygosperma Gaertn.) (India)
Moringa ovalifolia Dinter & A.Berger (Namibia sy Angôla)
Moringa peregrina (Forssk.) Fiori (Saikinosy Arabo, Tandrok' i Afrika, Sinay atsimo, Ejipta)
Moringa pygmaea Verdc. (Sômalia)
Moringa rivae Chiov. (Kenià sy Etiôpia)
Moringa ruspoliana Engl. (Etiôpia)
Moringa stenopetala (Baker f.) Cufod. (= Moringa streptocarpa Chiov.) (Kenià sy Etiôpia)

Karazana misy eto Madagasikara

Telo ny karazana Moringa misy eto Madagasikara:

Moringa drouhardii — hazomalanga, maroseranana, marosirana (tsy fahita raha tsy eto Madagasikara)
Moringa hildebrandtii — felinimirongo, maroseranana (tsy fahita raha tsy eto Madagasikara)
Moringa oleifera — anambo, anamorongo, ananaboringa, ananambo, felikambo, felikamoranga, felinimorongovazaha, landihazo, moringa, morongo, morongy, soahazo (nampidirina avy any India)

Jereo koa

Ananambo (Moringa oleifera, Psophocarpus palustris)
Hazomalanga (Hazomalania voyronii, Mauloutchia humblotii, Moringa drouhardii)
Maroseranana (Casearia sp., Moringa drouhardii, Moringa hildebrandtii)