Sanmenxia

Sanmenxia
byprefektur
Land	Folkerepublikken Kina
Areal	9 935,74 km²
Folketal	2 034 872 (2020)
Sanmenxia 34.77362°N 111.19497°E / 34.77362; 111.19497
Plasseringa av Sanmenxia-prefekturet i Henan. Plasseringa av Sanmenxia-prefekturet i Henan.
Wikimedia Commons: Sanmenxia

Sanmenxia er eit byprefektur lengst vest i provinsen Henan i det sentrale Kina. Byprefekturet har eit areal på 10 475 km² og hadde 2,23 millionar ibuarar i 2010. Sanmenxia ligg på sørsida av storelva Huang He.

Byprefekturet Sanmenxia omfattar eitt bydistrikt (区 qū), to byfylke (市 shì) og tre fylke (县 xiàn).

Næring

I prefekturet ligg Sanmenxia-demninga, den øvste demninga i Huang He, bygt på 1950-talet. Vasskraftverket på staden har ein effekt på 2 870 megawatt. Av langt nyare dato er Sanmenxia kolkraftverk på 1 800 MW.

Samferdsle

I Sanmenxia stansar toga på Longhaibanen, Kinas viktigaste jarnbanelinje i aust-vest-retning, som strekker seg frå Lianyungang til Lanzhou via mellom andre Xuzhou, Kaifeng, Zhengzhou, Weinan og Xi'an.

Kinas riksveg 209 går gjennom byprefekturet. Han byrjar i Hohhot i Indre Mongolia, kryssar gjennom provinsane Shanxi, Henan, Hubei, Hunan og endar opp i hamnebyen Beihai i Guangxi. Også Kinas riksveg 310 passerer gjennom området. Denne viktige trafikkåra tek til i Lianyungang i Jiangsu, fører så vestover og endar i Tianshui i provinsen Gansu. Ho er innom storbyar som Xuzhou, Shangqiu, Kaifeng, Zhengzhou, Luoyang og Xi'an.

Kjelder

• Denne artikkelen bygger på «Sanmenxia» frå Wikipedia på bokmål, den 8. januar 2013.

Bakgrunnsstoff

Commons har multimedium som gjeld: Sanmenxia

• Offisiell nettstad