ilo Ekusu
(tan nimi "ilo Tuwita")
ilo Ekusu anu ilo Ekasa (toki Inli la: X, toki Nijon la: エックス) li ilo pi toki lili. taso, tenpo pini la ona li ilo Tuwita (toki Inli la: Twitter, "mu waso"). jan kepeken li ken pana e toki li ken pana e pilin loje lon ona. jan li ken kepeken ona lon ilo sona suli anu ilo luka. tenpo pini la kulupu lawa pi ilo Ekusu li lon ma tomo Sanpansiko pi ma Kaliponja. tenpo ni la ona li lon ma tomo Pata pi ma Tesa. jan Sa Tosi (Jack Dorsey) en jan Nowa Ka (Noah Glass) en jan Pi Son (Biz Stone) en jan Ewan Wilijan (Evan Williams) li mama e ilo Ekusu lon tenpo sike 2006.
tenpo sike 2022 la, jan Ilan Ma li kama jo e ilo Tuwita. tenpo sike 2023 la, ona li toki e ni: nimi li ante tawa ilo Ekusu (X).
