The Rubric Foundation's support haes been instrumental in enablin Hands Up for Trad tae launch the Wee Grants for Creativity in the Scots Leid, a fundin initiative designed tae support new creative wark in Scotland's indigenous leid. The Foundation's early support shawed confidence in the programme an helped secure additional fundin frae the Scottish Government efter the passin o the Languages Bill in 2025.

The programme haes grown tae support 20 creative projects, wi further support frae the Rubric Foundation enablin its expansion tae 25 projects aw ower Scotland. The grants are supportin individual airtists, community groups an organisations frae Shetland tae the Scottish Borders, coverin a wide range o creative wark includin publishin, live performance, film, museum exhibitions, podcasts an music composition.

Hands Up for Trad haes deliberately kept the application process accessible, wi an application form designed tae tak aboot an hoor tae complete. This allous applicants tae spend mair time developin creative ideas than dealin wi complex bureaucracy. The programme is helpin tae mak siccar that Scots continues tae develop as a leevin leid through new creative wark that reaches audiences aw ower Scotland an beyond.

The Rubric Foundation is prood tae support Hands Up for Trad in encouragin creativity in the Scots leid. By helpin airtists an organisations bring new projects tae life, the Foundation is contributin tae the continued growth an visibility o ane o Scotland's maist important cultural assets.