Cassiopeia

Para outras páxinas con títulos homónimos véxase: Casiopea (homónimos).

Cassiopeia
Instancia de constelación
Epónimo Casiopea
Características físicas
Superficie	598 °²
Códigos e identificadores VIAF 836145857094422922207 Freebase /m/01dh6v
Fontes e ligazóns  Descrito pola fonte Enciclopedia Soviética Armenia Star Lore of All Ages (en) "Cassiopeia, the Lady in the Chair (en) " Encyclopædia Britannica "1911 Encyclopædia Britannica/Cassiopeia (en) " A field book of the stars (en) "Cassiopeia (en) " Dicionario Enciclopédico Brockhaus e Efron "Q24437653 " The Nuttall Encyclopædia The New Student's Reference Work "The New Student's Reference Work/Cassiopeia (en) "
Wikidata G:Commons C:Commons

Casiopea ou Cassiopeia é unha constelación do norte, que ten coma característica inconfundible a súa forma de M ou W. Ó ser tan doado o recoñecela é moi usada para busca-lo norte cando a Osa Maior non é visible.

Estrelas principais

• α Cassiopeiae (Schedar ou Schedir), estrela xigante laranxa, a máis brillante da constelación con magnitude aparente 2,24.
• β Cassiopeiae (Caph), segunda estrela máis brillante de magnitude 2,28, unha xigante amarela.
• γ Cassiopeiae (Tsih), localizada no centro da W da constelación, é unha estrela variable eruptiva, prototipo das variables Gamma Cassiopeiae. Na súa intensidade máxima supera en brillo a Schedar.
• δ Cassiopeiae (Ksora ou Ruchbah), estrela branca e binaria eclípsante de magnitude 2,66.
• η Cassiopeiae (Achird), estrela binaria formada por unha anana amarela e unha anana laranxa, a só 19 anos luz da Terra.
• θ Cassiopeiae, tamén coñecida como Marfak, estrela branca a 137 anos luz.
• ι Cassiopeiae, un sistema estelar triplo cando se observa cun pequeno telescopio.
• κ Cassiopeiae, superxigante azul ó nordeste de Caph a uns 4100 anos luz.
• λ Cassiopeiae, estrela binaria coas súas dúas compoñentes moi semellantes entre si.
• μ Cassiopeiae, estrela binaria subanana a só 24,6 anos luz da Terra. Comparte o nome de Marfak con θ Cassiopeiae.
• ο Cassiopeiae, dúas estrelas separadas 33,6 segundos de arco, unha das cales é unha binaria espectroscópica.
• ρ Cassiopeiae é V509 Cassiopeiae, estrelas hiperxigantes amarelas, das máis luminosas da nosa galaxia.
• σ Cassiopeiae, sistema dobre cunha separación de 3,1 segundos de arco.
• φ Cassiopeiae, estrela que aparece xunto ó cúmulo NGC 457 aínda que non forma parte del.
• 6 Cassiopeiae, estrela superxigante branca moi luminosa de magnitude 5,43.
• AO Cassiopeiae, binaria eclípsante de magnitude 6,10, cunhas compoñentes que están tan cerca que intercambian materia entre si.
• HD 17156, estrela subxigante amarela cun planeta.
• Gliese 22 (V547 Cassiopeiae), estrela múltiple a 33 anos luz composta por tres ananas vermellas, onde se descobreu a existencia dun planeta extrasolar orbitando ó redor da compoñente máis afastada do sistema.
• Gliese 892, anana laranxa de magnitude 5,57, a 21,25 anos luz da Terra.
• 3C 58, unha estrela de neutróns, candidata a ser estrela de quarks.
• 4U 0142+61, unha estrela magnetar cun disco circumestelar ó seu redor.

Obxectos notables do espazo profundo

• NGC 457, cúmulo aberto ó suroeste de Ksora (δ Cas) na M. AR: 01h 19m 06.0s Dec: +58°20′0″ (Época 2000).
• NGC 436, cerca do anterior, é mellor observalo con telescopios grandes. AR: 01h 15m 36.0s Dec: +58°49′0″ (Época 2000).
• M103 (NGC 581), cúmulo de magnitude 7 localizado ó nordeste de Ksora (δ Cas). AR: 01h 33m 12.0s Dec: +60°42′0″ (Época 2000).
• M52 (NGC 7654), cúmulo aberto a 5º ó noroeste de Caph (β Cas). AR: 23h 24m 12.0s Dec: +61°35′0″ (Época 2000).
• NGC 7635, nebulosa de emisión con forma de burbulla. AR: 23h 20m 42.0s Dec: +61°12′0″ (Época 2000).
• NGC 7789, cúmulo aberto. AR: 23h 57m 00.0s Dec: +56°44′0″ (Época 2000).
• NGC 147 e NGC 185, galaxias ananas que forman parte do Grupo Local. Ambas son satélites da galaxia de Andrómeda.
• Dwingeloo 1 e Dwingeloo 2, galaxias relativamente próximas pero descubertas só recentemente ó estar visualmente cerca do plano da Vía Láctea.
• IC 10 galaxia anana cun burato negro denominado IC 10 X-1 (desc. 2007)

A constelación de Cassiopeia

Mitoloxía

Casiopea é a nai de Andrómeda e muller de Cefeo, rei de Etiopía. A raíña Casiopea facía fachenda da beleza da súa filla e comparábaa coas Nereidas, fillas do deus do mar Nereo. Estas, indignadas por tal atrevemento, pedíronlle a Poseidón vinganza e el coma resposta enviou ó monstro mariño (Cetus) ás costas do país causando grandes males.

Para enfrontarse a esta situación, Cefeo consulta o oráculo de Amón, quen aconsellou sacrificar a Andrómeda colocándoa atada a unha rocha nun acantilado para que fose vítima do monstro.

Así, Andrómeda é ofrecida a Cetus. Perseo, que viña de regreso da súa viaxe despois de derrotar a Medusa, divisou á vítima e no acto namorouse dela. Propúxolle ó rei liberala, a cambio de que lle concedese a súa man; Perseo mata o monstro e posteriormente casa con Andrómeda.

Véxase tamén

Ligazóns externas

• The Deep Photographic Guide to the Constellations: Cassiopeia (en inglés)
• The clickable Cassiopeia (en inglés)
• Traditional astrological talisman of Cassiopeia (en inglés)
• Star Tales – Cassiopeia (en inglés)