Code Geass

Code Geass: Lelouch of the Rebellion
	コードギアス反逆のルルーシュ (Kōdo Giasu: Hangyaku no Rurūshu)
Жанр	альтэрнатыўная гісторыя, меха, Military fiction
Стваральнік	Gorō Taniguchi, Ichirō Ōkouchi
Анімэ-серыял
	Code Geass: Lelouch of the Rebellion
Рэжысёр	Gorō Taniguchi
Прадзюсар	Hiroshi Morotomi; Yoshitaka Kawaguchi; Takuo Minegishi; Atsushi Yukawa; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
Сцэнарыст	Ichirō Ōkouchi
Кампазітар	Kōtarō Nakagawa; Hitomi Kuroishi; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ; ;
Студыя	Sunrise
Ліцэнзіят	Crunchyroll, Odex, Medialink
Арыгінальная сетка	JNN (MBS, TBS)
Англамоўная сетка	AU: ABC2, PH: TV5, Hero, US: Adult Swim, Crunchyroll Channel
Арыгінальны паказ	6 кастрычніка 2006 — 29 ліпеня 2007
Серыі	25 (спіс серый)

Code Geass: Lelouch of the Rebellion (яп.: コードギアス反逆のルルーシュ, Kōdo Giasu: Hangyaku no Rurūshu?) — японскае анімэ, створанае студыяй Sunrise. Звычайна называецца проста Code Geass. Рэжысёрам анімэ з’яўляецца Горо Танігуці (англ. Gorō Taniguchi), а сцэнарыстам Іціра Окуці (англ. Ichirō Ōkouchi). Дызайн герояў быў распрацаваны групай Clamp.

Упершыню паказ серыяла пачаўся ў Японіі на MBS у кастрычніку 2006 года. Першая частка серыяла, што налічвала 25 эпізодаў, была паказана з 5 кастрычніка 2006 па 28 ліпеня 2007 года. Працяг Code Geass: Lelouch of the Rebellion R2 (コードギアス反逆のルルーシュR2, Kōdo Giasu Hangyaku no Rurūshu Āru Tsū?) трансляваўся з 6 красавіка па 28 верасня 2008 года.

Абедзве часткі атрымалі некалькі ўзнагарод на Tokyo International Anime Fair, Animage Anime Grand Prix і Animation Kobe event.

Сюжэт

Усе падзеі адбываюцца ў свеце з альтэрнатыўнай гісторыяй.

У 2010 a.t.b. годзе войскі Святой Брытанскай Імперыі нападаюць на Японію і з лёгкасцю захопліваюць яе. Адной з прычын гэтага з’яўляецца выкарыстанне баявых робатаў Knightmare Frames.

Пасля акупацыі Японія губляе сваю незалежнасць, а таксама назву (цяпер яна становіцца Зонай 11). Жыхары краіны страчваюць свае грамадзянскія правы і свабоды. За некаторы час да гэтага, пасля сваркі з бацькам, у Японію быў выгнаны брытанскі прынц Лелуш і яго сястра Наналі. Абое пражываюць у Зоне 11 інкогніта, пад выглядам звычайных грамадзян Брытаніі (нават без шляхецкага тытулу), і вучацца ў Ашфордскай акадэміі. Асноўныя падзеі серыяла пачынаюцца ў 2017 годзе. У гэты час у Японіі дзейнічае некалькі падпольных і партызанскіх груповак, якія імкнуцца аднавіць незалежнасць краіны ад акупантаў і вярнуць правы яе грамадзянам. Аднак іх дзейнасць застаецца без поспеху. У адну з аперацый падпольшчыкаў выпадкова аказваецца ўцягнуты і Лелуш. Яму пагражае смерць ад рук арміі, аднак на дапамогу яму прыходзіць загадкавая дзяўчына C.C. Яна абяцае Лелушу сілу Гіаса ў абмен на нейкую паслугу. Лелуш згаджаецца. Ён не толькі выратоўваецца, але і збіраецца выкарыстаць атрыманыя здольнасці ў асабістых інтарэсах, якія часткова супадаюць з мэтамі і інтарэсамі японскіх паўстанцаў.

Свет дзеяння

Дзеянне серыяла развіваецца ў свеце з альтэрнатыўнай гісторыяй.

У пачатку першага сезона свет аказваецца падзеленым між трыма звышдзяржавамі: Святой Брытанскай Імперыяй, Кітайскай Федэрацыяй і Еўрапейскім Светам (Euro Universe). Выключэнне складае незалежная Аўстралія. Аднак яна не адыгрывае ніякай ролі на палітычнай арэне.

Святая Брытанская Імперыя (англ.: Holy Britannian Empire, яп.: 神聖ブリタニア帝国, Shinsei Buritania Teikoku) — найбольш магутная і тэхнічна развітая краіна. На пачатку серыяла кантралюе адну трэць усяго свету. У гэты час Святая Брытанская Імперыя ўключае ў сябе абедзве Амерыкі, Японію і Новую Зеландыю. З цягам часу яе тэрыторыі значна пашыраюцца. Нягледзячы на назву, самі Брытанскія астравы не ўваходзяць у склад гэтай дзяржавы. Сталіца імперыі — горад Пендрагон, знаходзіцца ў Паўночнай Амерыцы.

Святой Брытанскай Імперыяй кіруе манарх — імператар. У пачатку анімэ гэтую пасаду займае Чарльз зі Брытанія, які з’яўляецца 98-м імператарам. Пасаду, верагодна, могуць займаць як мужчыны, так і жанчыны. Грамадзяне імперыі размеркаваныя на іерархічнай лесвіцы, на версе якой знаходзіцца імператарская сям’я і непасрэдна брытанцы, а на ніжнім узроўні — жыхары захопленых краін, якія не маюць грамадскіх правоў і свабод. Звычайна яны называюцца Лічбы, альбо па нумару зоны, у якой пражываюць (напрыклад, Японія — Зона 11, а японцы — адзінаццаткі).

Кітайская федэрацыя (англ.: Chinese Federation, яп.: 中華連邦, Chūka Renpō) — самая густанаселеная, але і самая эканамічна слабаразвітая краіна. У Кітайскую Федэрацыю ўваходзіць большая частка Азіі, уключаючы Індыю, Карэю, Пакістан і іншыя краіны. Кітайская Федэрацыя з’яўляецца абсалютнай манархіяй і фармальна кіруецца імператарам, які пражывае ў Забароненым Горадзе, у сталіцы краіны — Лаяне. Аднак пад час дзеяння анімэ імператарам з’яўляецца маленькая дзяўчынка, а ўся ўлада знаходзіцца ў руках Вялікіх Еўнухаў.

Для гэтай краіны характэрны моцныя сепаратысцкія тэндэнцыі. Так, імкненне Індыі да незалежнасці гуляе на руку галоўным героям анімэ.

Еўрапейскі Свет (англ.: Euro Universe, яп.: ユーロ・ユニバース, Yūro Yunibāsu) — краіна, пра якую даецца найменш інфармацыі. Нягледзячы на назву, акрамя ўсёй Еўропы (разам з Брытанскімі астравамі), тэрыторыя дзяржавы ўключае ўсю Афрыку і Расію. Аднак з цягам часу яе тэрыторыя рэзка змяншаецца.

Аб’яднаныя Штаты Японіі — дзяржава, створаная галоўным героем у другім сезоне. Спачатку яе тэрыторыя займала некалькі пакояў у пасольстве Кітайскай Федэрацыі. Пасля — востраў ля берагоў Кітая.

Аб’яднаная Федэрацыя Нацый (англ.: United Federation of Nations) — дзяржава, створаная галоўным героем у другім сезоне анімэ. Уключае ў сябе краіны былой Кітайскай Федэрацыі, вялікую частку Еўрапейскага Свету і Аб’яднаныя Штаты Японіі.

Героі

Цікавыя факты

У 16-м эпізодзе другой часткі серыяла Судзаку Куруругі пры сустрэчы з Лучана Брэдлі кажа, што не бачыў яго «з часоў беларускага фронту». Іх знаходжанне на «Беларускім фронце» паказана ў OVA «Code Geass: Akito the Exiled», таксама адна з бітваў адбываецца ў Слуцку.

Зноскі

↑ Ming Cha, Kai. Code Geass Manga Expands at Bandai (нявызн.). Publishers Weekly (1 сакавіка 2010). Архівавана з першакрыніцы February 4, 2019. Праверана February 4, 2019.
↑ Osmond, Andrew. Netflix Adds Code Geass (нявызн.). Anime News Network (24 лютага 2006). Архівавана з першакрыніцы May 21, 2019. Праверана July 22, 2018.
↑ Code Geass to Air on America's Adult Swim in Spring (Updated) (нявызн.). Anime News Network (8 снежня 2007). Архівавана з першакрыніцы December 9, 2007. Праверана November 2, 2019.
↑ Crunchyroll Launches 24/7 Anime Channel in the US (нявызн.). Crunchyroll (11 кастрычніка 2023). Архівавана з першакрыніцы October 11, 2023. Праверана October 11, 2023.

Спасылкі

Афіцыйны сайт (яп.).
Афіцыйная старонка (яп.) на сайце тэлекампаніі MBS.
Афіцыйная старонка Архівавана 11 студзеня 2007. (яп.) на сайце Animax.

[1] Ming Cha, Kai. Code Geass Manga Expands at Bandai (нявызн.). Publishers Weekly (1 сакавіка 2010). Архівавана з першакрыніцы February 4, 2019. Праверана February 4, 2019.

[2] Osmond, Andrew. Netflix Adds Code Geass (нявызн.). Anime News Network (24 лютага 2006). Архівавана з першакрыніцы May 21, 2019. Праверана July 22, 2018.

[3] Code Geass to Air on America's Adult Swim in Spring (Updated) (нявызн.). Anime News Network (8 снежня 2007). Архівавана з першакрыніцы December 9, 2007. Праверана November 2, 2019.

[4] Crunchyroll Launches 24/7 Anime Channel in the US (нявызн.). Crunchyroll (11 кастрычніка 2023). Архівавана з першакрыніцы October 11, 2023. Праверана October 11, 2023.

[1]

[2]

[3]

[4]