Lanark

Lanark Lannraig Lanrik
Eskozia
Irudi gehiago
Administrazioa
Estatu burujabe	Erresuma Batua
Herrialdea	Eskozia
Eskoziako kontseilu gunea	Hegoaldeko Lanarkshire
Posta kodea	ML11
Geografia
Koordenatuak	55°40′30″N 3°46′37″W
Demografia
Biztanleria	9.050 (2016)
Informazio gehigarria
Ordu eremua	UTC±00:00
Hiri senidetuak	Yvetot eta Hemmingen
lanark.co.uk

Lanark, Eskoziako gaeleraz: Lannraig eta eskozieraz: Lanrik, Eskozia hegoaldeko udalerria da, Hegoaldeko Lanarkshire eskualdean dagoena. 2011ko erroldaren arabera 8.253 biztanle ditu.

Etimologia

Kumbrierazko Lanerc hitzetik dator, honek "basoko soilgunea" esan nahi du.

Historia

Erromatarrek gotorleku bat eraiki zuten gaur egun Castle Hill deitzen den muinoan, izan ere Clyde ibaiaren gaineko puntu estrategikoa baitzen.

X mendean Lanarkeko gaztelua eraiki zen. Erdi Aroan merkatu herri garrantzitsua izan zen eta 1140an David I.a Eskoziakoak errege burgo izendatu zuen. Harresia ere eraiki zen merkataritza babesteko, eta herriak lau ate izan zituen. Bertatik kontrolatzen zen eremu zabala Lanarkshire zen. St Kentigern eliza ere garai hartakoa da.

1786an David Dale negoziogizonak kotoi lantegia ezarri zuen herritik 2 kilometrotara Clyde ibaiaren ertzean eta inguruan langileentzako auzoa sortu zen. New Lanark ("Lanark berria") izena hartu zuen. Richard Arkwright asmatzaileak asmaturiko makina bereziak erabili ziren, uraren indarra aprobetxatzen zutenak. 2001 urtean UNESCOk Gizateriaren Ondare izendatu zuen.

XIX mendean trenbidea iritsi zen eta 1930tik aurrera militarren kuartela ere egon izan da bertan.

Lanark Lanimer Jaialdia

Urtero ekainean ospatzen den jaialdia da. Eskolako haurrek Lanimer erregina eta gortea aukeratzen dute eta herriko negoziogizonek Lord Cornet. Astelehen gauean hiriko mugarrien erdiak ikuskaten dituzte Lord Cornet eta bere laguntzaileek, asteartean Lanimer erreginaren eta bere gortearen desfilea izaten da, eta asteazkenean Lord Cornet eta laguntzaileek falta diren mugarriak ikuskatzen dituzte. Ostegun eta ostiralean erreginak harrera egiten die herritarrei eta haurrek abestiak eta dantzak egiten dituzte.

Ondasun nabarmenak

• New Lanark (Gizateriaren Ondare)
• Corehouse
• Craignethan gaztelua (herritik 7 kilometrotara)

Iruditegia

• 
  Lanarken erdigunea.
• 
  New Lanark (Gizateriaren Ondarea).
• 
  Corehouse.
• 
  San Nikolas eliza.
• 
  William Smellie Memorial ospitalea.
• 
  Corra gazteluaren hondarrak.
• 
  Craignethan gaztelua.
• 
  Clyde ur-jauziak.
• 
  Clyde ibaia.
• 
  Lanark aintzira.
• 
  Lanark Lanimer Jaialdia.
• 
  Lanark Lanimer Jaialdia.
• 
  Lanark Lanimer Jaialdia.

Kanpo estekak

• Datuak: Q1002124
• Multimedia: Lanark / Q1002124