Nesodden

Nesodden

(2006)
Localización
59°48′31″N 10°39′20″L
Estado	Noruega
Condados	Akershus (pt)
Capital	Nesoddtangen (pt)
Poboación
Poboación	21.005 (2026) (341,77 hab./km²)
Número de fogares	7.709 (2018)
Lingua usada	bokmål (målform)
Xeografía
Superficie	61,46 km²
Comparte fronteira con	Frogn Oslo Bærum Asker (–2019) Asker (pt) (2020–)
Datos históricos
Creación	1838
Evento clave 1 de xullo de 1915 cambio de fronteira
Organización política
• Alcaldesa	Cathrine Kjenner Forsland (2021–)
Membro de	Rede Internacional de Cidades de Refuxio
Identificador descritivo
Fuso horario	UTC+01:00
Outro
Irmandado con	Seltjarnarnes (pt) Höganäs (municipio)
Sitio web	nesodden.kommune.no

Igrexa de Nesodden

Nesodden é un concello do condado de Akershus, o seu territorio está na península que separa o propio fiorde de Oslo dun dos seus brazos, o Bunnefjorde. No sur limita co concello de Frogn.

Aproximadamente tres cuartas partes do seu territorio está constituído por bosques e pastos, o 86% da poboación habita nas áreas urbanas, o resto distribúese en pequenas aldeas e casaríos.

Tangen está no norte do concello, Bjørnemyr, Fjellstrand, Spro e Fagerstrand están na parte oeste mirando cara ao fiorde de Oslo. No leste están as localidades de Oksval, Ursvik, Hellvik, Berger, Jaer e Blylaget.

Xunto cos concellos de Enebakk, Frogn, Oppegård, Ski, Vestby e Ås Nesodden constitúe o distrito de Follo dentro de Akershus.

Nesodden e Oppegård formaron no pasado parte do mesmo concello ata que en 1915 Oppegård se independizou de Nesodden.

Nesodden é o límite norte en Europa da extensión do carballo, este fenómeno reflíctese nos topónimos locais de Eklund e Ekelund (eik é o noruegués para carballo)

Comunicacións

Nesodden está aproximadamente a 45 km de Oslo por estrada pero só a 7 km por mar, o transbordador operado pola Nesodden–Bundefjord Dampskipsselskap tarda quince minutos en facer o traxecto desde Nesoddtangen transportando 2.400.000 pasaxeiros ó ano. A liña ata Lysaker (Bærum) transporta 200.000 viaxeiros ó ano.

Economía

As actividades tradicionais da xente de Nesodden eran a agricultura, a silvicultura e a pesca, ademais da extracción e comercio do sal , calcúlase que a produción anual no período 1895-1905 foi de 45.000 toneladas. Hoxe só o 0.6% da poboación activa traballa no sector primario, o 87% faino no sector terciario.

Oksval

Personalidades

• Merete Morken Andersen, escritora
• Rune Johan Andersson, escritora e ilustradora
• Lars Fredrik Beckstrøm, músico de deLillos
• Finn Bjørnseth (1924-1973), escritor
• Sigurd Wongraven, músico de Satyricon
• Hanne Ørstavik, escritor
• Arnulf Øverland (1889-1968), escritor
• Frans Widerberg, pintor