Pevelenberg

Pevelenberg Mons-en-Pévèle
Pevelenberg in't arroundissement Rysel
Geografie
Regio	Hauts-de-France
Departement	Noorderdepartement
Arroundissement	Rysel
Kanton	Templeuve
Coördinoatn	🌍 50°28′49″N 3°06′11″O
Ippervlak	12,37 km²
Inweuners
Inweuners	2125 (2016)
Bevolkiengsdichtheid	172 inw./km²
Andere
Burgemêester	Éric Momont
Postcode	59246
Webadres	Site van Pevelenberg

Pevelenberg (Frans: Mons-en-Pévèle) es e gemêente in Vrankryk in't Noorderdepartement. 't Ligt in Frans-Vloandern, hil o de zuudkantn van Rysels-Vloandern teegn de schreeve mè 't arroundissement Dowoai. Pevelenberg grenst an de gemêentn Tourmignies, Mérignies, Bersée, Faumont, Moncheaux, Thumeries, La Neuville en Attiches.

De gemêente Pevelenberg ligt an de voet van de gelynoamign getuugnheuvel van 107 mèiters ôoge. Ip de westelykn flank van dien'n euvel ligt de brounne van de riviere de Marke ip en ôogte van 55 mèiters.

Geschiedenisse

In tydde lag Pevelenberg an de belangrykste boane tusschn Rysel en Dowoai. In 673 goaf de Frankische keuniek Theuderik III 't dorpke an d'abdeye van Sint-Vaast in Atrecht die em zelve gesticht adde. Pevelenberg wierd loatr en ounderdêel van't Groafschap Vloandern.

Ip 18 ogustus 1304 wierd ier de gekend'n Slag by Pevelenberg uutgevochtn tusschn 't Vloamsche leeger en de Fransche ounder Filips de Schôonn. De Vloamiengn kreegn ier serieus ip ulder dooze en ezo koestn de Fransche ulder wreekn vo de Guldnspoornslag die ze twêe joar êerder verloorn ad'n.

Sport

De finoale van de koerseklassieker Parys-Roubei passeert traditionêel olangsn Pevelenberg. Ip't groundgebied van Pevelenberg ligter e kasseystrooke: de Secteur pavé de Mons-en-Pévèle, ôok wel de Pavé du Blocus enoemd (secteur 11, e vrêe moeilyke strooke van 5 ster'n die drie kilomèiters lank es).

• 
  't Begun van de kasseystroke van secteur 11
• 
  't Ende van de kasseystroke

De Sint-Jan-d'n-Doopr-kerke in Pevelenberg

Beziensweirdigeedn

• De Sint-Jan-d'n-Doopr-kerke
• Sedert 1 februoari 2014 es La salle des batailles ier g'oop'nd, e museum oover de Slag by Pevelenberg en de Slag by Boviengn

Ofbeeldiengn die ier by passn ku je vien in de categorie Mons-en-Pévèle van Wikimedia Commons.