Erling Sande

Sande er fødd i Bremanger. Han gjekk på Firda vidaregåande skule i 1994–1997, Nordhordland folkehøgskole 1997–1998 og er utdanna cand.mag. med mellomfag i historie og samfunnsgeografi og grunnfag i samanliknande politikk frå Universitetet i Bergen i 2004.

Sande var leiar av Senterungdommen i Sogn og Fjordane i 1997–1999, Bergen Senterstudenter i 1999–2001 og varamedlem i sentralstyret til Senterungdommen i 2002–2003. Han var representant for Senterpartiet i Bremanger kommunestyre i 1999–2003, medlem av fylkestinget i Sogn og Fjordane i 1999–2003 og 2005–2007 og medlem av fylkesutvalet i 2003–2005.

Han var politisk rådgivar for Senterpartiet si stortingsgruppe i 2003–2005. Som fast møtende vararepresentant 2005–2013 var han 2009–2013 parlamentarisk nestleiar for Senterpartiet. På Stortinget var han leder av Energi- og miljøkomiteen fra 2009 til 2013. Sande stilte ikke til attval i 2013 eller 2017, men kom tilbake på Stortinget i 2021. Frå 2025 er han igjen parlamentarisk nestleiar.

Sande var leiar av elevråda ved Firda vidaregåande skule i 1996–1997 og Nordhordland folkehøgskole i 1997–1998. Han var nestleiar i styret for Sogn og Fjordane teater i 2000–2004 og har hatt ei rekkje andre offentlege verv i heimfylket. Sande var styremedlem i Løvebakken mållag i 2009–2013, 2014–2016 var han styremedlem i Grønn Kontakt, og frå 2015 er han styremedlem i eSmart Systems. Frå 2013 til 2021 var han konserndirektør for strategi og utvikling i Sogn og Fjordane Energi (SFE).

• Noregs politiske system
• Senterpartiet
• Stortinget
• Stortingsrepresentantane 2021–2025
• Stortingsrepresentantene 2025–2029
• Regjeringen Støre

• Stortinget: Erling Sande