AP-1

AP-1; Autovía do Norte
Tipoloxía	Autoestrada
Rede	Rede de estradas do Estado ; Rede de estradas de Álava ; Rede de estradas de Guipúscoa
Ruta europea
Lonxitude	175 km
Localización
Inicio	Castañares, Burgos
Fin	Éibar (Guipúscoa)

A Autoestrada do Norte ou AP-1 é unha autoestrada española que ten o seu inicio en Castañares, nas proximidades de Burgos e termina como autoestrada única en Éibar (Guipúscoa), pasando por toda a comarca de Debagoiena. A partir de alí únese coa AP-8 e continúa, en dirección leste cara a Irún e fronteira con Francia e en dirección oeste cara a Bilbao e Cantabria.

Historia

O proxecto orixinal, de 1974, abarcaba unha autoestrada que cubría o traxecto entre Burgos e Éibar (Guipúscoa) pero a empresa concesionaria só construíu o tramo de Burgos ata a localidade de Armiñón que cobre un itinerario de 84,3 km e contén tres túneles de 1.314m de lonxitude total, que sortean as maiores dificultades orográficas do traxecto. Este tramo entrou en servizo en 1984 e actualmente ten como horizonte final de concesión o ano 2018.^[1]

Nos anos 90, as deputacións forais de Guipúscoa e Áraba acordaron realizar a construción da parte que non levou a cabo orixinalmente, e que discorre polo País Vasco. Entre Éibar e Vitoria, o traxecto alcanza os 46,2 km e entrou en servizo totalmente o 22 de maio de 2009.

Antes de 2003, e de acordo coa normativa da época, o tramo entre Burgos e Armiñón denominábase A-1.

Desde novembro de 2006, o tramo Ameyugo-Miranda de Ebro-Armiñón está exento de peaxe para tránsitos internos.

Tramos

Tramo	Apertura	Lonxitude (km)
Burgos - Armiñón	1984	83
Armiñón - Vitoria (A-1)	Autovía libre de peaxe, desde principios dos anos 80	-
Vitoria - Luko	3 de xuño de 2008	6,2
Luko - Eskoriatza	3 de abril de 2009	18,8
Eskoriatza - Arrasate	22 de maio de 2009	6,4
Arrasate - Bergara-Sur	xullo de 2005	3
Bergara-Sur - Bergara-Norte	xullo de 2004	5
Bergara-Norte - Éibar (Malzaga)-AP-8	decembro de 2003	8
Éibar (Malzaga)-AP-8 - Irún (Comparte con AP-8)		69