A Francia de Vichy ou réxime de Vichy (en francés, Régime de Vichy) é o nome co que informalmente se coñece ao réxime político instaurado polo mariscal Philippe Pétain en parte do territorio e na totalidade das súas colonias, tras a firma do armisticio coa Alemaña nazi no marco da segunda guerra mundial, subsistindo até agosto de 1944.
O nome oficial con que se denominou o réxime foi Estado Francés (en francés: «État français»), porque formalmente constituíu unha interrupción da Terceira República —en tanto a denominación «república» desaparece das actas oficiais do réxime—, polos cambios constitucionais que liquidaron a democracia parlamentaria e estableceron un réxime autoritario. O sistema político encadrábase nos réximes autoritarios da época, e é debedor do corporativismo, mostrando simpatía visible cara á ideoloxía fascista.
