Muras

Muras
	Instancia de concello de Galicia
	Parte de comarca da Terra Chá
	Nome oficial Muras (gl)
	Lista do elemento eleccións municipais en Muras
Implicados
	Xefe do goberno Cargo: alcalde de Muras ; Manuel Requeijo
Localización
	Situado en provincia de Lugo, Galicia, España
	Capital Muras
	Comparte fronteira con Vilalba; Ourol; O Valadouro; Mañón; Xermade; As Pontes de García Rodríguez; Abadín
OpenStreetMap
	Coordenadas 43°28′04″N 7°43′23″O / 43.4678344, -7.7231351
Cifras e dimensións
	Poboación 577 (2025); 723 (2013); 754 (2012); 784 (2011); 787 (2010); 830 (2009); 860 (2008); 891 (2007); 926 (2006); 941 (2005); 978 (2004); 1.067 (2002); 1.112 (2001); 696 (2014); 684 (2015); 668 (2016); 648 (2017); 636 (2018); 642 (2019); 619 (2020); 611 (2021); 606 (2022); 600 (2023); 600 (2024)
	Poboación feminina 326 (2019)
	Poboación masculina 316 (2019)
	Superficie 164 km²
	Fuso horario UTC+01:00
Código postal
Códigos e identificadores
Código postal
Código postal	27033
Código INE	27033
OpenStreetMap	344817
VIAF	316733893
Freebase	/m/0cjtc1
Fontes e ligazóns
	Páxina WEB muras.gal
	Wikidata G:Commons C:Commons

Para outras páxinas con títulos homónimos véxase: Muras.

Muras é un concello da provincia de Lugo, pertencente á comarca da Terra Chá. Segundo o IGE, en 2018 tiña 636 habitantes (926 no 2006, 941 no 2005, 978 no 2004, 1.020 no 2003).

Xeografía

O concello ten 164 km², e abrangue 8 parroquias. Limita ao norte con Ourol, ao sur con Vilalba e Xermade, ao leste co Valadouro e Abadín e ao oeste coas Pontes de García Rodríguez (provincia da Coruña). Atópase a menos dunha hora dos núcleos urbanos próximos como Ferrol, A Coruña ou Lugo.

Historia

Na zona consérvanse restos de asentamentos prehistóricos. A documentación máis antiga data do século XII, mencionando o castelo de Muras, propiedade dos condes de Lemos.

O municipio constituíuse como tal en 1835, e estivo integrado até 1965 no partido xudicial de Viveiro. Até 1988 pertenceu ao de Mondoñedo, e na actualidade está integrado no de Vilalba.

En Muras publicáronse os periódicos El Eco Murense (1914) e El Progreso Murés (1915).

Patrimonio

A igrexa de San Pedro de Muras ten tres naves con planta de cruz latina enmarcada nun rectángulo. A torre do campanario, de estilo barroco e construída en 1846, non forma parte no conxunto.

A torre de Silán e o pazo conservan portas e fiestras de estilo gótico. O recinto feiral de Viveiró atópase abandonado.

En 1983 atopouse en Muras un achado de moedas de prata de Pedro I de Castela (1350-1369), que foron depositadas no Museo Provincial de Lugo e no Museo Arqueolóxico e Histórico do Castelo de San Antón, da Coruña.^[1]^[2]

Poboación

Censo total	636 ⁽²⁰¹⁸⁾
Menores de 15 anos	32 (5.03 %)
Entre 15 e 64 anos	332 (52.20 %)
Maiores de 65 anos	272 (42.77 %)

Evolución da poboación de Muras Fontes: INE e IGE.

1900

1930

1950

1981

2004

2009

2011

2012

2013

2014

2015

2016

2017

2018

2019

2020

2021

2022

2023

2024

3.272

3.085

3.129

2.228

978

830

784

754

723

696

684

668

(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Economía

A economía do municipio depende en gran parte dos sectores agrícola e industrial, nos que destacan as empresas Plásticos Ferro SL, Hypor España G P SA, Técnica de Envases Pesqueros TEP SA, ER2 envasado con retorno y reutilización SA, e Trans Gra-Mur SL.

Un sector de recente implantación nesta zona é o da produción de enerxía eólica, con importantes investimentos das empresas Iberdrola, Acciona, Ecyr e Norvento, que supón o aproveitamento do potencial que ten Muras na actividade das enerxías renovables.

Tamén son importantes os ingresos económicos procedentes do emprego ofertado polos concellos limítrofes: a industria das Pontes, e os servizos de Vilalba e Viveiro.

Galería de imaxes

Artigo principal: Galería de imaxes de Muras.

Placa da Praza de Cándida Bello, no Viveiró
Placa altimétrica do concello.
Nacemento do río Landro na serra do Xistral.
Vistas do parque eólico de Muras.

Lugares de Muras

Para unha lista completa de todos os lugares do concello de Muras vexa: Lugares de Muras.

Parroquias

Galicia \| Provincia de Lugo \| Parroquias de Muras
Ambosores (Santa María) \| A Balsa (Santa María) \| O Burgo (Santa María) \| Irixoa (San Xillao) \| Muras (San Pedro) \| Silán (Santo Estevo) \| O Sisto (Santa María) \| O Viveiró (Santa María)

Notas

↑ "Tesouriño de Muras (Lugo)". En Balseiro García, A. (coord.) (2001). Percorridos pola colección numismática do Museo Provincial de Lugo. Páxina 53. Deputación de Lugo. ISBN 978-84-8192-573-9
↑ "B.5. Muras". Balseiro García, A. et al. (2021). "Tesoros monetarios del Museo Provincial de Lugo: estudio y difusión". En Actas. XVI Congreso Nacional de Numismática (Barcelona, 28, 29 y 30 de noviembre de 2018). Tomo II. RCM-FNMT, Madrid. Páxina 773. ISBN 978-84-89157-85-9

Véxase tamén

Outros artigos

Ligazóns externas

Web do Concello de Muras
Toponimia de Muras (en galego)

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.

[:0-1] "Tesouriño de Muras (Lugo)". En Balseiro García, A. (coord.) (2001). Percorridos pola colección numismática do Museo Provincial de Lugo. Páxina 53. Deputación de Lugo. ISBN 978-84-8192-573-9

[2] "B.5. Muras". Balseiro García, A. et al. (2021). "Tesoros monetarios del Museo Provincial de Lugo: estudio y difusión". En Actas. XVI Congreso Nacional de Numismática (Barcelona, 28, 29 y 30 de noviembre de 2018). Tomo II. RCM-FNMT, Madrid. Páxina 773. ISBN 978-84-89157-85-9

[1]

[2]