1604

Ár

1601 1602 1603 – 1604 – 1605 1606 1607

Áratugir

Aldir

Árið 1604 (MDCIV í rómverskum tölum) var hlaupár sem hófst á fimmtudegi samkvæmt gregoríska tímatalinu, eða sunnudegi samkvæmt júlíska tímatalinu.

Ísland

Til handalögmála kom milli bænda og verslunarþjóna á Eyrarbakka.
Þórður Guðmundsson lögmaður kærði kaupmenn einokunarverslunarinnar fyrir konungi.

Fædd

Dáin

Erlendis

14. janúar - Hampton Court-fundurinn milli fulltrúa púritana og ensku biskupakirkjunnar átti sér stað.
17. febrúar - Jakob 6. Skotakonungur, þáverandi Englandskonungur, skipaði jesúítum og kaþólskum prestum að yfirgefa konungdæmi sitt.
24. febrúar - Karl 9. Svíakonungur var formlega gerður konungur af sænska þinginu eftir að Sigmundur 3. hafði verið fjarverandi í 5 ár.
22. mars - Karl hertogi var hylltur sem konungur Svíþjóðar á stéttaþingi í Norrköping í kjölfar þess að Jóhann hertogi af Austur-Gautlandi afsalaði sér kröfu til krúnunnar.
19. maí:
- Áttatíu ára stríðið: Mórits af Nassá gerði umsátur við hafnarborgina Sluis í Spænsku Niðurlöndum með 11.000 hollenskum og enskum hermönnum. Það varði í 3 mánuði og endaði með sigri Hollendinga.
20. maí - Robert Catesby kallaði saman hóp sem skipulagði Púðursamsærið til að drepa Englandskonung.
Júní - Abbas mikli Persakonungur náði borginni Jerevan af Ottómanveldinu.
18. ágúst - Englendingar og Spánverjar gerðu með sér Lundúnasáttmálann sem batt enda á þátttöku Englendinga í Áttatíu ára stríðinu.
15. september - Svíar biðu ósigur fyrir Pólsk-litháíska samveldinu í orrustunni við Weissenstein.
20. september - Spánverjar, undir stjórn Ambrosio Spinola, lögðu Oostende undir sig eftir þriggja ára umsátur.
4. október - Za Dengel var drepinn í orrustu og Jakob 1. varð aftur keisari Eþíópíu.
9. október - Kepler-sprengistjarnan sást fyrst frá N-Ítalíu. Johannes Kepler fylgdist með henni í um ár.
1. nóvember - Leikrit William Shakespeare, Óþelló, var sýnt í fyrsta skipti í Whitehall-höll í Englandi.

Ódagsettir atburðir

Hollenski byggingameistarinn Cornelis Cornelisson var sendur til Hollands til að finna fólk til að byggja Gautaborg. Fyrstu íbúarnir komu til staðarins 21. ágúst.
Guru Ardjan samdi helga bók síka, Guru Granth Sahib.
Frakkar hófu að setjast að í fyrstu varanlegu nýlendu sinni í Nýja heiminum, l'Acadie.
Frakkar hófu að setjast að í Frönsku Gvæjana.

Fædd

16. janúar - Loreto Vittori, ítalskur söngvari (d. 1670).
17. júní - Jóhann Mórits, fursti af Nassá (d. 1679).
12. ágúst - Tokugawa Iemitsu, sjógun í Japan. (d. 1651)
16. ágúst - Bernharður af Sachsen-Weimar, hertogi og herforingi (d. 1639).
3. nóvember - Ósman 2. Tyrkjasoldán (d. 1622).

Dáin

11. júní - Isabella Andreini, ítölsk leikkona (f. 1562).
24. október - Za Dengel, Eþíópíukeisari.