Imarkoain

Imarkoain
	Euskal Herria
Kokapena
Herrialdea	Nafarroa
Udalerria	Elortzibar
Geografia
Koordenatuak	42°44′12″N 1°36′52″W / 42.736666666667°N 1.6144444444444°W
Garaiera	469 m
Demografia
Biztanleria	408 (2020)

Imarkoain^[1]^[2] Noain Elortzibarko kontzejua da. 2007ko urtarrilaren 1eko erroldan, 181 biztanle zituen.

Inguru naturala eta kokapena

Imarkoain Noain Elortzibar udalerriaren erdigunetik hegoaldera dago, AP-15 autobidearen ondoan. Ekialdean Dorrerekin egiten du muga, kontzeju honen eta Imarkoainen artean San Sebastian kalea dago.

Historia

Iparraldean Burdin Aroko herri harresituaren hondarrak daude, Santo Domingo muinoan.^[3]

Santo Domingo izena Santo Domingo Guzmangoaren gurtzari dagokio, Aro Modernora arte Santo Domingo de Siloskoari erreferentzia egiten ziona. Elorz haraneko ermita garrantzitsua izan zen bertan, gupida-gune gisa inguruko haranetako erromeria kolektiboak erakarri baitzituen.^[3] 1799an Igual de Soria gotzain iruindarrak bisitatu zuen. 1857. urtean eraitsi zuten.^[4]

1990eko hamarkadaren amaieran, Iruñerriko hainbat herritan gertatu bezala, hainbat etxe berri eraiki ziren, guztiak dentsitate txikiko txalet adosatuak. Ondorengo urteetan, XXI. mendearen hasieran, etxe berriak eraiki ziren kontzejuaren ekialdean, Dorre kontzejurantz.

Demografia eta biztanleria

Imarkoaingo biztanleria
2000	2001	2002	2003	2004	2005	2006	2007
146	144	155	162	168	167	172	181

Garraioaren Hiria

Sakontzeko, irakurri: «Garraioaren Hiria»

Imarkoainen, kontzejuaren hego-mendebaldean Iruñerriko Garraioaren Hiria izeneko industrialdea dago. AP-15 autobidea ondoan duela, garraio eta merkataritzaren alorreko hainbat enpresa biltzen dira bertan. Gaur egun industrialdeak 600.000 metro koadro dituen arren, 2008an industrialdea handitzeko lanak hasi ziren, eta etorkizunean azpiegituraren azalera 1.600.000 metro koadrokoa izango da.

2009ko urrian, Garraioaren Hiriko handitzearen lehen fasea zabaldu zen, bertan Decathlon enpresa frantziarraren gune logistiko bat eraiki zelarik.

Erreferentziak

↑ Euskaltzaindia: «Noain Elortzibar», Euskal Onomastikaren Datutegia.
↑ Ofizialki Imárcoain.
1 2 (Gaztelaniaz) Armendáriz Martija, Javier. (2008). De aldeas a ciudades. El poblamiento durante el primer milenio a.C. en Navarra. (kontsulta data: 2025-10-25).
↑ (Gaztelaniaz) Urrutia, Javier. «Mendikat → Santo Domingo (574 m)» www.mendikat.net (kontsulta data: 2025-10-25).