Podargoj
 | ||||||||||
|---|---|---|---|---|---|---|---|---|---|---|
 paro da podargoj
.jpg) kamuflaj podargoj | ||||||||||
| Biologia klasado | ||||||||||
| ||||||||||
genroj | ||||||||||
Aliaj Vikimediaj projektoj | ||||||||||
La Podargoj, ranbuŝuloj aŭ Podargedoj estas grupo de noktulaj birdoj parencaj de la kaprimulgoj. Ili troviĝas el Barato tra suda Azio al Aŭstralio.
Taksonomio
[redakti | redakti fonton]El la tri genroj, tiu nomita Batrachostomus, deprenas la nomon el la greka, kie batraĥo signifas ranon kaj stoma signifas buŝon, pro ties grandaj plataj hokoformaj bekoj kiuj similas al rano kun malferma buŝego, kaj samcele: por pli facile kapti insektojn.
La tri specioj de la genro Podargus estas grandaj podargoj limigitaj al Aŭstralio kaj Novgvineo, kaj havas grandajn platajn larĝajn bekojn. La dek specioj de la genro Batrachostomus troviĝas en tropika Azio. Ili havas pli malgrandajn kaj pli rondoformajn bekojn. En aprilo 2007 oni priskribis novan specion de podargoj el la Salomonoj kaj lokita en nove formita genro, nome Rigidipenna.
Ĵusa priserĉado sugestas, ke la du grupoj de podargoj ne estus tiom proksime parencaj kiel oni iam supozis kaj, ke la aziaj specioj estu apartigitaj kiel nova familio, nome Batraĥostomedoj. Kutime lokitaj en la ordo Kaprimulgoformaj, aliaj ĵusaj pristudoj dubas pri la lokigo de podargoj en tiu ordo,[1] kaj sugestas, ke ili estas sufiĉe distingaj por meriti propran ordon, Podargoformaj, kiel Gregory Mathews proponis en 1918.
Specioj
[redakti | redakti fonton]Genro Podargus
- Grizbruna podargo, Podargus strigoides
- Ocela podargo, Podargus ocellatus
- Papua podargo, Podargus papuensis
Genro Batrachostomus
- Orela podargo, Batrachostomus auritus
- Indonezia podargo aŭ Dulita podargo, Batrachostomus harterti [2]
- Filipina podargo, Batrachostomus septimus
- Stelpodargo, Batrachostomus stellatus
- Srilanka podargo, Batrachostomus moniliger
- Hodgsona podargo aŭ Longvosta podargo, Batrachostomus hodgsoni
- Mallongvosta podargo aŭ Sumatra podargo, Batrachostomus poliolophus
- Bornea podargo, Batrachostomus mixtus
- Java podargo, Batrachostomus javensis
- Malajzia podargo, Batrachostomus affinis
- Palavana podargo, Batrachostomus chaseni
- Kornopodargo aŭ Sunda podargo, Batrachostomus cornutus
Genro Rigidipenna
- Salomona podargo, Rigidipenna inexpectata
Ekologio
[redakti | redakti fonton]La flugo de podargo estas malforta.
Ili ripozas horizontale sur branĉoj dumtage, tre bone kamuflita per siaj kamufla plumaro, tre simila al la bruna arboŝelo.
La ino demetas ĝis tri blankajn ovojn sur branĉoforko, kaj tiuj estas kovataj de la ino nokte kaj de la masklo tage.
Notoj
[redakti | redakti fonton]- ↑ Mayr, G. (2002): Osteological evidence for paraphyly of the avian order Caprimulgiformes (nightjars and allies). Journal für Ornithologie 143(1): 82–97. COI:10.1046/j.1439-0361.2002.01030.x HTML resumo[rompita ligilo]
- ↑ Kinabalu-montaj alpaj herbejoj
Eksteraj ligiloj
[redakti | redakti fonton]
- Filmoj de podargoj Arkivigite je 2008-02-21 per la retarkivo Wayback Machine ĉe Interreta Birdokolekto
- Sciencistoj malkovras novan genron de podargoj en Salomonoj
| ||||||||||||||||||
