Hiriberri

Hiriberri

Villanueva de Aézcoa (es) Hiriberri (eu)
Localización
42°56′43″N 1°13′52″O
Estado	España
Comunidade foral	Navarra
Poboación
Poboación	96 (2025) (4,44 hab./km²)
Lingua oficial	lingua éuscara (zona lingüística) lingua castelá
Xeografía
Parte de	Mancomunidade de Residuos Sólidos «Bidausi» Mancomunidade de Servizos Sociais «Auñamendi» Zona euscalduna de Navarra
Superficie	21,64 km²
Altitude	930 m
Comparte fronteira con	Abaurrepea Aria Aribe Orbara Otsagabia Orbaizeta Garaioa
Organización política
• Alcalde	César Del Río Bayonés (en)
Identificador descritivo
Código postal	31671
Código INE	31256
Sitio web	hiriberri-villanuevadeaezkoa.es

Hiriberri (en castelán: Villanueva de Aézcoa, e oficialmente Hiriberri/Villanueva de Aezkoa) é un concello de Navarra, situado no meiriñado de Sangüesa, na bisbarra de Auñamendi e a 54 km da capital da comunidade, Pamplona. A súa poboación en 2014 foi de 113 habitantes (INE), o seu termo municipal ten unha superficie de 21,64 km² e a súa densidade de poboación é de 5,22 hab/km².

Topónimo

A primeira mención escrita desta poboación é de 1366. Aparece no Libro de Fuegos de Navarra co nome Ireberri. En 1427 aparece co seu nome romance, Villanueva. Ámbolos nomes teñen un significado equivalente en éuscaro e castelán. Os nomes do tipo Villanueva, ou o seu equivalente Hiriberri adoitan designar vilas novas creadas por mor de repoboacións ou reagrupamentos de poboación. Curiosamente, a Villanueva situada no Val de Aezkoa, malia o seu nome, é unha das localidades máis antigas deste val. Historicamente recibiu o nome oficial de Villanueva, recibindo o apelativo de Aezcoa só de forma coloquial para distinguilo doutras localidades homónimas.

O 31 de xaneiro de 1989 aprobouse a denominación oficial bilingüe de Hiriberri / Villanueva de Aezkoa. Hiriberri é a forma en éuscaro normativo do dialectal ireberri.

Xeografía

Forma parte do Val de Aezkoa e atópase na ladeira suroccidental da Serra de Abodi, ó pé do monte Berrendi. O termo municipal descende nunha liña NO-SE, dende a devandita seerra, cara ó val formado polo río Irati, un dos máis caudalosos de Navarra. As extensións de fragas son considerables, sendo faias e carballos as especies máis abondosas e destacadas.

Demografía

Evolución demográfica
1996	1998	1999	2000	2001	2002	2003	2004	2005	2006	2007
156	155	154	152	145	145	144	144	135	137	129
67	62	59	58	59	59	57	57	56	54	50
Fontes: Hiriberri e instituto de estatística de Navarra