Bauen

Bauen
	Blazono de Bauen
	Blazono de Bauen
	Bauen vidita de Binzenegg ĉe la enirejo al la Valo de Riemenstalden
	Bauen vidita de Binzenegg ĉe la enirejo al la Valo de Riemenstalden
eksa komunumo de Svislando • komunumoparto en Germanio
Kantono	Urio
Distrikto	En Kantono Urio ne ekzistas distriktoj
Koordinatoj	46° 56′ 11″ N 8° 34′ 47″ O / 46.93639 °N, 8.57972 °O (mapo)Koordinatoj: 46° 56′ 11″ N 8° 34′ 47″ O / 46.93639 °N, 8.57972 °O (mapo)
Nombro de loĝantoj	186
Areo	3,77 km²
Alteco	436 m super marnivelo
Poŝtkodo	6466
Komunumkodo	1204
	Mapo de Bauen
	Situa mapo de Bauen
	v • d • r

Bauen estas komunumo en Kantono Urio, en Centra Svislando. Ĝi havis 186 loĝantojn je la 31-a de decembro 2008.

Geografio

Bauen situas ĉe la okcidenta bordo de la Lago de Urio, kiu estas la suda brako de la Kvarkantona Lago. Krom la ĉefvilaĝo Bauen al la komunumo apartenas ankaŭ la setlejo Isleten sudoriente de la vilaĝo sur la delto de la rojo Isletenbach.

Najbaraj komunumoj

Bauen limas en nordo al Seelisberg, aliflanke de la Lago de Urio en nordoriento al Sisikon kaj en sudoriento al Flüelen, kaj en sudo kaj okcidento al Isenthal.

Trafiko

Bauen situas komplete flanke de la gravaj trafikvojoj kaj stingebla per unu nura mallarĝa veturebla vojo laŭlonge de la lagobordo el suda direkto, kiu estis finkonstruita nur en la jaro 1956. Antaŭ 1956 Bauen atingeblis nur piede aŭ ŝipe. En la vilaĝocentro de Bauen aŭtomobila trafiko estas malpermesita.

La plej proksima alveturejo al la svisa aŭtovojo A2 situas 8 kilometrojn sude en Altdorf.

Bauen estas konektita al la publika transportreto per la liniŝipoj sur la Lago de Urio kaj la Kvarkantona Lago. De Isleten ankaŭ ekzistas poŝtaŭto al Altdorf.

Vidindaĵoj

En Bauen antaŭ la preĝejo situas memoraĵo por Alberich Zwyssig, la komponisto de la Svisa Psalmo, kiu estas la svisa nacia himno.

Historio

La unua dokumenta mencio pri Bauen datiĝas el la jaro 1334 kiel Bawen. Meze de la 12-a jarcento la Monaĥejo Muri posedis la rajton pri la duono de la ekleziaj interezoj. En la jaro 1799 sur la tereno de la komunumo okazis fortaj luktoj inter aŭstraj kaj francaj trupoj.^[1]

Notoj kaj referencoj

↑ Fonto: Paragrafo Wissenswertes über Bauen (Sciindaĵoj pri Bauen) en la retejo de la komunumo^{[rompita ligilo]}

Eksteraj ligiloj

Kategorio Bauen en la Vikimedia Komunejo (Multrimedaj datumoj)

Vidu ankaŭ en la Vikimedia Komunejo la kategorion Bauen – (Kolekto de bildoj kaj plurmediaj dosieroj)

Bildoj

Bauen vidita de la parkloto Tellsplatte

[1] Fonto: Paragrafo Wissenswertes über Bauen (Sciindaĵoj pri Bauen) en la retejo de la komunumo^{[rompita ligilo]}

[1]