Callet

Callet
Mahats-barietatea
Mahatsaren kolorea	black berry skin (en)
Espeziea	Vitis vinifera
VIVC mahats-barietatea	2001

Callet (edo calleu) ardogintzako mahats beltza bat da, indar gutxikoa baina oso emankorra, nahiz eta gorabeherarik izan dezakeen uzta batetik bestera. Jatorriz Felanitxekoa da eta Mallorcako Pla i Llevant eta Binissalem jatorri deituretan lantzen da. Callet mahats mordoa txikia da, ale oboide handi, gogor, lodi eta trinkoak ditu.

Gehienez 12,5º graduazioko ardoa ematen du, gorpuzkera gutxikoa eta kolore ahulekoa, oro har, baina ekoizpen txikia, lur eremu egokia eta mahasti zaharrak baldin badira, ardo bikainak ekoiztera iritsi daiteke. Edonola ere, oso usain berezia du, interes enologikoa pizteko adinakoa. Beste barietate batzuekin nahastuta, ondo jasaten ditu zurezko upela eta ontzea.

Callet mahatsaren indarguneak dira bere usain berezia, lehortea oso ondo jasatea eta mildiu onddoarekiko erresistentzia handia.

Aldiz, ahulezien artean aipatu behar dira kolore ahula (mahats bilketa handia behar du, landarea berde dagoenean) eta azidotasun ertain-apala. Alea trinkoa denez, botritis onddoaren eragina izan dezake.

Ikus, gainera

• Fogoneu
• Trepat
• Messeguera
• Picapoll
• Malvasia

Kanpo estekak

• (Katalanez) DO Binissalem
• (Katalanez) DO Pla i Llevant

• Datuak: Q8255592